富臨酒家 (已結業)

1.話係任食，其實唔似係..因為你叫咩佢都唔想黎.e.g.上星期10個人叫8碟肥牛，佢淨係黎左2碟之後當自己黎哂8碟，仲要每碟得3塊，叫四寶丸每粒得鼻屎咁大，反而無叫又唔抵又唔好食既腐皮佢黎左超多......叫碟蝦又得2隻2.無咩好飲，得茅根同cheap cheap啤酒，呀!!仲有滾水比你揀既- -3.環境好嘈，完全傾唔到計架因為咩都聽唔到4.員工態度一般啦，做又36唔做又36咁既樣5.仲要限住哂你幾點食完，好彩係佢完之後埋單姐，佢會好唔聲唔聲就話你過哂時6.埋單速度可以話係全餐最有效率既一次，完全係趕客走=v=總結:完全唔飽

1. 所謂任飲, 任飲飲品竟然無汽水, 得獅威同茅根水2. 所謂任食, 肥牛無論你落幾多張單, 兩個鍾任食時間內只會黎兩轉肥牛, 一人成晚只係食得三塊肥牛, 慘個比錢逐碟叫.3. 服務一流, 問佢(部長)點解落左咁多單都係得咁少野食, 佢答: 係咁嫁喇, 跟住即刻走左去.4. 時刻準確, 任飲任食限時兩個鍾, 準時一夠鍾, 即刻有人拎張單埋黎請你走, 當日只係星期三, 不是甚麼peak time, 也不見有人等位.總結, 4個人食4佰幾蚊, 去稻香正價逐碟叫仲有SO.其實任食食得幾多, 限住d 野唔黎, 不如唔好攪任食, side 氣

我唔知呢間野點做生意架law... 打邊爐打到個人真係興哂!!!我地有9個人, 本身book table book o個陣問過, 話有68蚊任食先book既, 點知入到去, 坐低哂, 見到張點菜紙有哂價錢, 咪問下究竟咩事啦。點知個黑衫經理仲要好臭串咁講, 呢度冇任食架, 唔食就走啦。嘩...我心諗, 呢d咩人黎架?! 而家我地黎食野仲要受你氣?! 由於坐低哂, 咁又費事出去再等位, 就照叫野食啦! 入左三張紙, 叫左廿幾碟野, 點知最後竟然黎左10碟野... 由9點半開始打, 打到10點3已經開始冇野食, 10點3開始已經狂吹啦, 吹左佢地3、4次, 最後都係乜都冇黎到。真係嬲得滯埋單走人啦, 跟住先有個似經理既小姐過黎, 佢地電腦d單就真係有二幾三十碟野, 點知我地張蓋印紙得十碟野, 佢問點解啦, 我地咪慶到爆咁同佢講, 唔吹又冇野黎, 吹左都冇野黎, 想點?! 佢即刻話1分鐘內出哂d野食俾我地。講真, 搞到人地咁慶, 你變到成張table都係野食都冇用啦......!!!!!!!!服務態度又勁差, 吹佢地好似十萬個唔願意咁。最差就真係o個位經理, 問下你有冇任食姐, 唔使咁呀?!

食晚飯比食午餐好味好多...果日一落機即時同家人去食, 叫左條魚兩斤重, 清蒸不知幾得...其他既雜菜煲等都唔錯, 可以去試下.

上星期五一行四人到旺角富臨打邊爐，一早己經訂了八點鐘四位。當晚七點五十分上到去，reception 小姐看了一陣book list... 乜野都無講，之後就同個黑衫經理密密傾，過了五分鐘，我再追問她。點知佢話："今晚好旺，無位了"。我向她重申己訂了位，她竟然回答："訂咗位都唔一定有位比到你，你可以係度等"。大佬，訂了位都唔一定有位，咁我做乜一早要訂位。我又無遲到，你有乜權取消我張枱。仲有連一句道歉都無，宜家係我錯呀。我明白星期五晚旺角的食肆係好旺，訂了位都可能要等。但做前線的reception 姐姐，講嘢可唔可以有番ｄ質素，有番ｄ禮貌。愛理不理的態度係服務性項業的大忌呀，大姐。我們決定以後都唔會去幫襯依間咁不知所謂的酒樓。日後如果我ｄ朋友同事有甚麼聚會提議去富臨，我絕對會係第一個反對的人。

我地上次十幾人去食晚飯食物質素差!!!椒鹽鮮魷係椒同鹽同鮮魷分開既而且鮮魷唔熟，呈啫喱狀，換過第二碟都係咁部長話有生有熟正常既，叫我地自己’簡’咕嚕肉d菠蘿‘叔’既服務差!!!做飲食行業，基本禮貌都無人地夾緊野轉左人地個轉盤食食下野無啦啦伸隻手拎開你個碗換你隻碟，搞到你成身都係好搞笑佢換碟既次數同你隻碟污唔污槽無關有半張枱既人換左五六次碟有半張枱既人成晚都無人幫佢地換過一隻碟唔好叫d套餐貴唔係問題，但絕對唔抵個部長寫張單俾我地話叫套餐先有南瓜露做甜品我地想要南瓜露所以要個套餐啦除左芝士焗龍蝦其他全部都係菜呀o個d cheap野二千幾蚊到最尾甜品竟然係紅豆沙問個部長點解唔係南瓜露，佢突登寫張單俾我地加嘛部長話南瓜露今朝一早賣哂啦我地一致決定唔會再o係o個度食晚飯

昨晚同D朋友連埋我4個！吃火煱由6:50PM去到9:50PM！好好味，雖然價錢貴D但D料唔錯例如：水蛟、雲吞不錯！不過唔好只係冇廚師腸！得芝士個節！服務態度：很好！只是欠缺冇的食物但又冇提醒我們！不過其他方面都好好！總括，我都覺得這間好味D野！不妨大家去試下

今日成班同事同退o左休o既同事飲茶兼做冬.呢度冇以前咁多人.我地叫o左成檯點心同小菜,味道同以前差唔多,不過流沙奶黃飽唔流沙啦!燒鵝燒得過火D.不過比起皇上皇,點心款式多D又平D.以後都會繼續來飲茶!

訂檯過陣又問我係唔係非吸煙, 去到原來無分>.<周圍幾檯都係咁煲煙, 無分早d講丫嘛, 我地去第二家啦. 有個大肚婆響樹架嘛>.<叫左既野又唔來, 點左三四張紙. 都無來, 但又唔係無個隻野食喎. 人地個幾檯都有喎. >.<問佢點解佢又話, 係咁架啦, 任食, 廚房亂呀, 你地點過啦..>.< 一來就幾盤一樣既野一齊來>.< 個煲凹凸不平滾唔氣一直叫佢換佢又唔換, 成日話好快滾, 等下啦>.<結果換左真係好好多...>.<非常唔掂!!

食任點火鍋．．首先，湯滾到好勁．．但係ｄ野一樣都未黎～好多野由頭漏單漏到尾．．．湯底一ｄ味都冇．．ｄ沙爹湯都淡到好似水咁．．ｄ木台好迫．．坐得好唔舒服．．一ｄ都唔覺得乾淨．．埋單仲要每人$107。其他好多地方任食絕對唔洗呢個價．．而且食物質素更加唔值呢個價．．＞＜

湯滾到好緊要,食物都未黎,就算黎都只黎左1/3食物,大家就填第二張,又等左成30分鐘,重未到,又吹佢地拎食物出黎,個經理話電腦冇紀錄我地6個人又填第三,四,五,六張菜單又係黎得1/3,我地又吹過經理,佢無理我地,只照顧點小菜的客人,真係當我地透明,如果個場好full都可以理解但係個場有好多吉台,呢個就係問題在任點限食的情況下,大家只有4成飽就離開,完全失望食物味道又普通到唔好食

雖然這裏環境比較嘈什,但食物水準質數同價錢都一樣好穩定同大眾化.尤其消夜打邊爐同飲酒.至於打邊爐推介牛柳粒.肥瘦適中入口無渣.黑柏頁有咬口同清爽.加上定期特價啤酒.簡直係平價消夜飲酒好去處

昨晚同5個朋友去任食火鍋.果晚好多人,我地叫左食物要等好耐先來,而且仲有唔少冇送到來.不過好多間任食火鍋係咁,都見怪不怪.但d野食好難食,同荃灣的$4X任食d質數差唔多.最大問題係d庶水,第一樽d味好濃,好飲.但之後果d越來越淡,最後果樽冇咩甜味.過$100但咁既質數,好唔ok.

環境太擠迫,想行下出去都幾辛苦,食物好耐先到,等到媽媽聲,不過味道就OK,都幾新鮮。4人加一些另叫的及糖水共$530埋單。

上星期五晚約左班同學仔黎呢度打邊爐，我地一行十二人，大約１０點咁上下黎到，等左大約１０分鐘就有枱，比左最入面既大枱我地，爽！一心諗住係比人頭費，點知已經過左嗰個時限，碟碟都只係$10.9，個侍應就同我地講比我地做埋人頭費，１人＄１０５，但我地計返條數１人都未必食到十碟野，都係覺得計碟數抵Ｄ，Ｄ野食黎得就遲左少少，不過質數都ＯＫ，嘉士伯都只係１０蚊３鑵，抵飲抵飲！飲飽食醉既時候都已經點幾鐘，埋單除返每位都只係７０蚊，下次打邊爐都會選擇呢間！