富臨酒家 (已結業)

任食火鍋，都幾抵食，竹蔗水酸梅湯任飲。雖然有些食物要點幾次先有，但總算價錢與食物質素相符！

原本去樓下德興訂左位,但俾個面壁位我地坐,於是我地選上唻富臨,反正價錢差唔多~每位$105,d位都唔太迫.食物款式都幾多,任飲庶汁同酸梅湯,每位送蠔同蝦~野食都唔錯,食物都算唻足,無咩漏單,值得一讚d肥牛幾新鮮同幾正,肥瘦適中~不過限打兩個半鐘就好似短左d!整體唻講都不過不失啦,我地叫左兩枝啤酒,埋單每位百二,旺角唻講都差唔多,服務亦都ok呀!下次都會再考慮呢間~

呢度食過好多次,每次。黎都係同一大班同事飲茶,因為可以訂位嘛!另外又有午市特價飯同小菜.呢度d點心同小菜都ok,不過燒味水準唔多穩定.時好時壞,甜品一般.由於太少侍應,所以好多時要追單,埋單又好耐.同埋呢度雖然有分吸煙區,但係一樣見隔鄰檯非吸煙區照食而侍應唔理,我地都試過投訴,但個侍應重好似覺得我地麻煩,所以依家都好少去,寧願去第二度飲茶!

星期六一行六人食任食火鍋，每位標價$55，連其他什麼醬油呀，酸菜呀，實收購$85未計加一。食品選擇幾多，有30種以上，食物都幾新鮮。另外加左一份生蠔($28)，一共有5隻，都好大隻，有食扯咁長，但係無食到，因為好飽。庶水同酸梅湯任飲。

肥牛新鮮，雞滑，豬頸肉爽。魚皮餃唔似批發返黎，因為外表好肉酸，唔太似機整，但係好鬼鮮好好味好大粒~!脆肉鯇魚好爽! 正呀豬紅唔得冇味湯底一般ok啦_ 埋一，俾埋tips, 大約95蚊一位啦!不過會漏單... 美中不足v_v服務唔算一流但係ok抵食!

雖然就話55蚊一位任食, 不過加埋其他野花生呀湯底呀每人90幾蚊落樓啦.諗過散叫, 不過預唔到要叫幾多, 亦唔識計點樣平d.唔想煩就揀左任食, 大家都一定可以食飽先.其實最緊係野食好食, 唔係十蚊俾佢都嫌多.但所有野食質數都唔錯, 特別係肥牛, 我唔識食, 朋友話係靚肥牛, 我食落都覺得幾好味, 唔蘇, 而且唔係好肥, 唔會成片有一大半都係肥膏.另外貢丸亦都係好受歡迎, 好爽, 有肉汁.仲有芝士腸, 味道係金妹果隻唔似cheap野.呢到仲有庶水酸莓湯任飲, 庶水好明顯係加左糖好甜, 不過都幾解到渴. 但就好受歡迎, 每一次落完order都要吹多次先黎到, 有陣時仲話煲緊, 食左一晚都話煲左三次食完呢餐之後都唔覺話好想飲水好口渴, 唔知係咪即係味精唔多呢

個日去飲茶, 由於我係下午茶之前到, 食唔到佢的超平下午茶, 但係見到隔壁個個$8燒鵝瀨, 真係好大碗, 鵝又多燒得都算合格, 嘩, 好鬼抵, 唔怪之得咁多人排隊食下午茶我個日都食左好多野, 個煎腸粉係幾正, 卜卜脆, 其實佢炸了少許, 好味!! 煎薄餅都好新鮮好腍, good! 雞扎就無倫敦個d咁靚咁多料, 麻麻, 奶皇飽好味, 好滑好大個, 食完要encore多個, 燒腩仔就正啦($25), 皮脆又唔肥, 肥膏同肉的比例好正, 食落一d都唔會覺得啖啖油, 好好味啊~~~~但係我地正價時間入坐, 三個人食都唔係好平....都係下午茶抵d,坐得又迫同好嘈,倫敦個環境好d

十蚊五支啤酒,簡直可以飲到你嘔!