富臨酒家 (已結業)

上星期五,婆婆生日,在這訂了兩圍食飯,比左間房我地,服務都OK的,之後看過食評都有D擔心唔好食,但家人都一早訂了枱,無法,但吃過後又覺得OK喎!第一碟: 乳豬全體,D皮好脆,雖然有少少肥,但好好味!第二碟: 芝士龍蝦伊麵,芝士味好濃,我最鐘意呢味餸,好好好味!第三碟: 炸蟹夾,ok!第四碟: 帶子炒西芹,味道和出面的差不多,無特別!第五碟: 花膠鵝掌,我沒有吃,但家人說味道ok第六碟: 雞絲花膠魚刺,好味!第七碟: 東星斑,d肉有少許"銀"可能蒸過龍第八碟: 炸子雞,肉有少少"銀"第九,十碟:炒飯,伊麵,大家都飽晒了,打包回家,但都吃了少許,炒飯我可能不太喜歡太乾身,所以覺得味道差點,但家人說炒飯乾身才好味喎!!!伊麵不錯!最後還有壽包同紅豆沙,水果呢!!兩圍約$6,600元,共23人

Went for hot pot dinner with a friend randomly last week... Very BAD services Very slow response... in fact there was no response 枱好迫, 叫4碟肥牛先來1 碟, 服務超差仲差d倒寫野。。。以後唔會再去。。。今時今日咁既服務太度真係唔要得。。。

今天是母親節,六大一小共七個人去了富臨晚飯,我們沒叫所謂最平的1680元六人套餐,只是散叫小菜,叫了半隻燒鵝,金銀旦莧菜,花膠鵝掌煲,奇妙蝦球,栗米石班塊,一個湯,五餸一湯五個白飯,一支藍妹啤酒,埋單810元~又貴又不好食~老實說句,母親節出去晚飯一定比平日貴少少的,這可以理解,但~即使我廚藝不精的人,除了那個燒鵝不會整之外,其它菜式都一定會整得比他好吃~十分失望,難怪節日當前,都不爆場,仍有空檯剩~燒鵝-太肥又不太脆金銀旦莧菜-菜太老花膠鵝掌煲-花膠有腥味~沒有認真的用薑蔥出水,鵝掌夠淋身,但~不入味~奇妙蝦球-奇妙醬炒老蝦球-相信是"潛水蝦"栗米石班塊-粉漿太厚比肉更多~湯一般味精湯,但~叫做最好的那一個了個人而言,晚飯一定沒下次.

昨晚一行五個人到創興富臨六樓食飯。同行有兩位漂亮女士，她們說非常肚餓。故當最早湯渣放上時，她們經已急不及待和不顧儀態地要白飯兩碗狂吃湯渣。在當時我看到她們的餓樣，誤導了我點10個菜之多：1. 鮮椰皇燉響螺湯----湯好味，可能湯料充足，湯 渣都好好食。2. 涼伴青瓜海蜇----好味，女士嫌甜味重。3. 回味果醋骨----好味。4. 馬來醬爆鮮魷----鮮魷太韌。5. 珍珠蠔肉碎煮涼瓜----齊聲都話正呀！6. 野菌燒豆腐----豆腐太多，唔抵。7. 鬼馬崧子炒帶子----隔夜油炸鬼，但帶子好食喎。8. 燒乳鴿兩隻----炸得透及好食。9. 有營燕麥飽----樣就唔靚，但非常軟滑及新鮮同 有好好味餡料。10. 燒脯仔----皮脆，但稍為肥。可想而知五人怎可能清晒十個菜呢！咁就打包了五盒尾給美女們明天做食糧。是晚埋單連酒水、白飯和其他雜項共陸佰壹拾陸元。在旺角是很抵食的。

等我都評下間酒樓, 原來晚飯是6 樓, 7 樓只食火鍋, 老人家因朋友在外國返港, 一早來左一小時, 所以已經被部長們的游說了, 想要套餐, 我唔理其他, 一來先望張台, 11人俾張8人台, 即是要求換台, 好彩都好快搞店, 一坐低, 奶奶已經話套餐抵食, 我一望, 6 個送+ 糖水,湯,飯等$1280, 哈! 我2 話不說唔打算叫套餐, 我知道D侍應的來意, 不過我唔鐘意飲燉湯, 他就話, 龍蝦, 燉湯, 雞+ 3-5 個送, 寫張單俾我看, 大概千幾元, 好抵食又大體, 我們11人到, 我話唔洗了, 自己點, 跟手他話, 那我上個燉湯先喇! 我即時話, 唔洗湯喇! 咁先唔見哂人, 老實講, 我估5 成入座率, 但就好耐先有人來落單, 不過最後, D菜的味道都OK, 大家都滿意, 其中有個部長, 都算有他的風範ga, 埋單連酒水, 唔洗1000元,

１１個人去食－坐低起計兩個鐘，三個字個鍋先黎，半個鐘先黎得幾碟野，又漏哂ｄ野，都算，食住先之後又好耐都吾黎，等仲多個食，跟住吹佢，ｄ黑衣人又得個哦字，到你發爛渣，佢先令野出黎，叫我地食住先，唉，仲都吾係我地叫果ｄ野之後叫左兩渣無味既蔗水，個亞姐扮哂去羅，另外有個黑衣人話兩個鐘’自動’黎收錢，之後問個亞姐蔗水佢話　〔你埋左單拿喎〕　XYZ@#@$ 甘都得？？？？？？？？？今餐野吾見得好食，亦都吾多食，氣就受夠，佢地係全心呃鐘，尼ｄ甘既謀人寺，睇下你幾時摺埋，本來出得黎任食都預左吾會太好，一分錢一分貨，但俾左１１５蚊得到ｄ甘野，簡直係垃圾１００個bad

致尊貴的食客，先感謝閣下對本集團服務水準和出品速度的意見反映，本司亦已將閣下的寶貴意見上傳至有關部門及管理層，務求作出改善及跟進。對於閣下不愉快的經歷，本司深感抱歉，在此，先致萬二分的歉意。如閣下日後對本集團有任何疑問，歡迎於辦公時間致電到本集團顧客服務熱線:23535866(辦公時間:星期一至五早上十時至下午五時)富臨集團敬上

reception個姐姐仔話$105任食,9pm後就散叫每碟$9.8起,我地一行七人就剛剛9pm入去(散叫),張枱有2個電子爐,咁就唯有叫左2個湯底,因為叫一個湯底坐另一邊既人就要企起身先夾到d野食,等左半個鐘d野食黎左湯底都未到,催完先黎,食左大約半個鐘,一邊既湯底己經滾晒,依另一邊既就毫無反應,問下著住黑色衫果d,唔知係部長/侍應,點解個爐無反應既?佢望一望,話'哦.個爐壞架,換返比你',果時己經十點,即係入左黎成個鐘問你,你先話個爐係壞既...我地個個都呆左望住佢,佢轉頭拎左個gas爐黎,我地話咁唔要依個湯底啦,因為我地又無食過,同埋佢咁既態度,一句sorry都無,係一句都無,一副換左比你仲想點既態度,跟住佢話咁樣唔得架喎,你地即係夾硬黎啫..o.shit,,依家係邊個夾硬黎呀..我問佢'你第一日係度做呀?個爐壞左都唔知?', 佢話'咁我真係唔知ar ma'..但係我地問佢個爐點解無反應時佢望左一眼就話個爐係壞既..咁即係點?!..跟住佢仲叫我地幫佢拎起個窩,擺個gas爐落黎,我個friend大聲話'我依家叫你拎開你拎唔拎ar'佢先唔出聲拎走..另外,野食又漏單,我地係續碟計..

屋企人提早做冬, 四圍都訂唔到位, 唯有去呢間。訂12位比張8人枱, 人多無枱唯有超坐, 但前後左右都根本無空位, 隔離枱D櫈都已經背撞背, 插針都插唔入。還好部長見我哋好似大人坐細路枱咁, 就換張大些少嘅, 名義上叫12人枱, 實際坐10人啱D, 因為坐落都依然上菜都無位了。問題係周圍都係人, 根本再大嘅枱都無用, 總有幾個位比隔離枱椅背霸咗。好不容易坐好, 叫咗個3千幾嘅團圓餐, 都係例牌菜龍蝦伊麵、乳豬、翅、燒鵝、鮑魚冬菇、東星斑之類。起菜搞到亂哂籠, 因為轉過枱伙計都唔知我哋隻乳豬送去邊, 兜兜轉轉結果有另一個伙計先上翅。吓!唔係啩, 乜菜都未有得食先上翅? 拿拿臨叫部長來問個明白, 個伙計至解釋因為無位所以先幫我哋分咗D翅。喂, 無位唔識叫廚房遲D上嘅咩? 又唔係第一日開張, 明知出面人頭擁擁架啦, 咁就可以叫D客食咗翅先架。食翅先都唔緊要, 最擔心佢轉頭話前面D嘢已經上咗, 你都食緊翅啦, 就真係口同鼻坳, 最終部長確認唔會, 所以就算啦! 乳豬同翅都叫做OK啦, 之後上嘅龍蝦伊麵就大鑊, 隻蝦D肉梅到有陣味, 芝士已經好濃味都蓋唔過D蝦嘅梅"翕"味, 可想而知隻蝦魂歸天國

一行五人八點半開始食，食呀食，食呀食，真係食唔停咁濟，叫乜有乜，效率好高喎。食到個個飽死呀，仲一定肥三磅添！份量都唔係樣樣細，碟肥牛好多喎，係d丸就六粒碟，都比人頭多呀！不過滑牛都只塊，但勝在新鮮同靚喎。其餘既菜呀，笙竹呀，花枝片等等等等都係正常分量，無呃人喎。不過人太多無哂兩款湯底既煲，一係等，一係單湯底。咁我地就叫左個芫茜皮旦，勁多芫茜都唔夠芫茜味，怪怪的。價錢又真係佢講既每人105連湯底，茶芥等等。係我地散叫左先貴幾蚊啫。我真係覺得唔係太差ja wor，咁當然唔可以同譚魚頭個d比啦，最差都係台太多太密啫。so我覺得唔差，或者佢地改善左卦, 雖然只係比前幾篇留言者遲少少去，希望大家都可以享受到我所享受既。

呢次要怪就怪自己去時冇上呢個open rice 睇睇, 今晚一行四個人去百老會睇神探, 諗住近近地去創興食但呢間野真係俾到我對酒樓有新觀點….入到去小貓三兩隻, 諗住可能佢叫富臨..嚇走d人…原來唔係囉, 係下面呢幾樣野..笑爆咀1)果日, 炸子雞38元有半隻..唔知佢撞聾定博蒙…佢落單變左半隻燒鵝, 九唔答八2)之後又係咁迫我地飲湯，我都話我唔愛飲湯..係咁迫迫迫, 好似灌你飲咁3)我地叫一支啤酒, 佢就畫左個”T”字, 好彩我地睇清楚,真係當我地傻…4)之後我地叫4個白飯, 佢又寫個”正”字,你下下咁博蒙, 好楊law..唔該=.=5)之後.我地8點3下單..9點都未來,即係咁我地套film 開9:10 pm 點食得切呀..我咪諗住同個經理cancel law, 點知佢拎左我張單.哩埋係廚房唔出來..矛到佢呀, 之後就一野堆0西d野食出來.點食得切呀大佬…玩咩..>.< 好在佢地都有樣野快..埋單快…>.<呢間咁既黑店，我一定唔會再去。簡直食完火鬼滾。埋單4百幾，好似冇食過野咁, 仲一路食一路要小心俾人扼…=.=,真係唔明點解佢仲做得住…

創興7樓富臨-- 真係未試過咁差既任食火鍋, 忍唔住要即刻返到屋企就上黎打篇評語比佢\. 稻香超多人, 譚魚頭無特價, 就是但搵左創興7樓e間富臨. 佢\所謂既任食火鍋, 事實上係\"限食火鍋\". 你打開門口做生意話2小時任食每位$105(未加一), 就唔該你唔好用埋d\"那吒\\"取巧手段去搵我笨啦. 一. 經驗所得, 通常廚房都係睇人頭計份量的, 所以d野份量少d都預左, 但你都唔好少到比幾個細路仔既份量我地5個大人啊! 二. 又成日漏單, d野又出得超慢, 要成半個幾鐘(有多無少), 三催四請先到. 最低死係個部長自己都好老實咁話任食d野係要等耐d, 又有個侍應阿姐問返我地落左單有無半個鐘, 再唔係就寫過張喎! ^?>$%^!~(/* 我覺得佢\地跟本就係就住就住比野你食, 等佢\送野食黎既時間仲多過我有得食既時間.三. 環境差, 見到有蚊滋飛飛下, 天花板又滴水, 同個唔知經理定店長講, 跟住佢\就咁企上張茶机度用塊抹枱布去抹個天花d水滴, 之後又用個塊布抹返\"乾淨\"張茶机就算, 非常唔衛生.....

昨晚同朋友一行六人(全部女仔)到此店吃火鍋, 原本是開開心心的吃飯, 最後換來是一肚氣, 真的第一次吃2個鐘頭的火鍋全部六人可以吃不飽的回家, 由落單到食品到的時間要45分鐘, 當第2次落單又是40多分鐘(中途不停的追waiter 和部長). 話就話2個鐘任食, 其實係無時間比你食, 真的不明白這是否他們的經營手法. 如果有興趣去此店的朋友, 最好在未入席時已點好全晚的食物. 那就不會發生我的情況.

１5．１０．２００７　晚上去食飯，個部長勁推介６人套餐，＄６８８加一，有普通菜，魚及湯，不是很吸引，不打算叫套餐。於是個部長勁推介套餐個湯係甚麼靚雞燉湯，最後我們叫了套餐。到飲湯的時候，發覺不是雞燉湯，問個部長，佢話係楊桃湯，真係離譜！佢話係廚房random派湯，佢真係當我地係白痴！先前係佢自己話係雞燉湯，分明係想呃我地，最後都換翻雞燉湯。不過，咁樣做生意真係差！大家記得唔好去呢間富臨呀！

今次真係慘!未試過打邊爐打到咁慶嫁!原本想去創興4樓既德興,點知超多人等位,唯有試下呢間富臨啦,點知就瀨野喇平時d任食火鍋叫10樣野,通常會有一兩樣野miss左呢間野係相反,但係你唔好誤會,佢唔係黎齊,佢係10樣野裡面只會黎一兩樣野,其餘miss左既,你係點追都追唔番兩個鐘頭裡面,我同個fd叫左人幫我地跟不下20次,d伙計無跟進不特只,仲會睥番你轉頭兩個鐘頭限時都未到,就有人自動跑埋尼幫你埋單......最後我同個fd只係食左幾塊超唔新鮮既肥牛,幾粒細過波子既丸,幾條爛鬼菜,計番個rate,仲貴過去grand hyatt食buffet呀陰公衣家邊有人咁樣做生意ga大佬,希望大家下次去創興打邊爐,唔好貪快,寧願等多陣,好過比人老屈d$$,如果唔係就會搞到好似我咁,係到怒寫都發洩不盡我心中既怒火!!