富臨酒家 (已結業)

任飲任食火鍋都食得多, 未試過一間咁唔掂既!我地一行人星期三去, 唔算多人, 但係想搵個人serve都好難囉!湯底叫左清湯+沙嗲, 一上黎d清湯都無一半, 叫佢加d湯(未問始落野食), 佢竟已經係加清水.....原本都唔係濃味, 再溝就愈黎愈淡......野食方面, 豆腐係酸既. 至於金菇, 係乾晒既, 一睇就知攞左好耐......我地一見到就叫佢拎走, 連擺都費事擺! 生菜一上就半個, 要你自己慢慢分開. 油墨菜呢, 就見到黑色一撻撻, 真係見到都唔開胃. 飲完遮汁叫佢refill, 佢就拎左個樽走, 但係無拎返黎. 要催幾次先有下文. 都未夠2個鐘就叫你埋單, 明明無人等位都要趕你走. $105呢價錢唔算貴, 但係質素同服務好過佢既有好多囉.

8月7日跟朋友到富臨打邊爐,真氣人的所謂任飲任食。當晚很多人，等了45分鐘後有位了，九點後105元全包。點了食物后,想要竹蔗水,但没有連酸梅湯都沒有,只有啤酒。但我們不飲酒,真激氣,問部長是否會減價，他没說話就走開。早知道就去其他火煱。食物又遲遲唔來,又限時两小時,追了幾次食物都話人多做緊,此間餐廳巳列進我的黑名單。幫唔幫親,你地自己想吧！

見任食火鍋 $105(全包).. 好似幾好.但考慮我們是7位女仕, 眼濶肚窄.此外, 散叫.. 大部分火鍋料半價..仲抵結果還是選擇了散叫.莞西皮蛋湯底..幾好.火鍋料...牛肉 ..很好 .魚片, 炸魚皮, 雲吞等, 一般其實火鍋料.. 最重要新鮮..火鍋後, 來個甜品..紅豆沙, 桂花糕.. sweet. sweet. 服務 .. 還可以.今晚,聚餐.. o.k. la.

見到報紙上又有免費送魚的COUPON, 就叫朋友一齊去試下上到去, 開左茶位, 就有部長走來SELL我地食乜"燉湯正喎" 反正我地都係想飲湯的, 就來一個啦"金蠔鵝掌, 剛推出的" OK, 我地又試下其實我手上都有COUPON的, 但特登扮無帶, 試下佢地點反映"吓, 無帶COUPON呀, 我地好難做的", 部長開頭係唔肯俾的但之後, 左望右望, 然後抄晒好鬼鼠甘拎左張出來, 仲要搵餐牌遮遮掩掩甘俾我地"老闆見到會鬧架, 通常埋單個時先送俾客架"<<<車, 你地係報紙登晒上來啦, 又點會鬧呀>>>終於, 玩完一輪之後, 都係有條免費魚食旺角場始終比長沙灣多人, 所以環境比較嘈, 傾計唔方便燉湯 $88, 今晚飲的係響螺雞燉冬瓜, 每人飲左三碗仲有淨, 但實在飲唔落了金蠔鵝掌, 各有4件, 夠熱辣又好味蒸魚, 約一斤, 蒸得剛好, 師傅的功夫真係抵讚連茶芥白飯連加一, $209, 絕對合理而係食飯期間, 有個女部長又每台都走來派免費魚卷, 我地兩個人, 就每人俾左一張, 甘先係做生意的嘛

任飲任食火鍋 $105創興有好多間打邊爐，格完價之後就黎左呢間。呢間野講明只可以任飲任食2個小時，超時每小時每人$30蚊，好驚囉﹗我地入座果陣問知客小姐係咪一夠鐘就要走，知客小姐就話可以埋單先，然後繼續食未食晒o既野。我地食左接近2個小時果陣，聽到阿姐提附近枱果d 人：「你地夠鐘啦﹗」呢句說話都幾恐佈，心情唔好的話都想講句「你夠鐘我都未夠鐘啦﹗」講反d 野食，因為我地都好餓，所以一口氣就order 左勁多野食，全部都份量多，同埋黎足我地叫o既野。當中最好食係肥牛：夠新鮮夠大碟，食完再encore。鮮牛肉：非常滑，但係唔係太牛肉味。芋頭：都差唔多過晒當造o既時間，但係仲夠粉，好味。粟米：非常甜同埋新鮮。魚腐：冇骨，彈牙，魚肉份量多。我地足足食左4個小時，飽到頂，亦好滿足。估唔到105蚊可以食得咁暢快。不過services真係一般，尤其是久唔久會有人黎數下你枱仲有幾碟野未食，同埋叫得太多佢會同你講食唔晒5蚊一兩，有d似「大」下你咁o既感覺。另外環境係勁迫，我坐近路口都仲可以方便上菜，坐入面果d 要人幫手傳黎傳去至得。

:趁近日天氣較冷，周末前約了幾個朋友到這裹吃火鍋，其實在創興廣場內有很多間有做任飲任食邊爐的酒家，只因上次在上環分店試過都幾滿意，所以便預早來此訂枱。 訂了七時枱，七時多巳落柯打開爐及第一輪食物，其它人七時半已到齊，只有最遲的羅渣八時才現身，這裹跟旺角區很多間任飲任食邊爐的酒家一般，是有兩小時還枱的规定，因為有人遲到，為免麻煩部長開爐時巳提出先寫兩位，那麽遲來的人入座後再加。 在夠鐘前十五分鐘伙計已催促先埋單，如果以後來的一半人計算，事實上還有時間剩，差不多夠鐘時，伙記更意圖熄爐及取走火鍋，但當時鍋中仍有食物，這種服務是否服務業應有的待客態度呢？ 而當時鄰近兩枱客人巳走，店方根本無逼切需要如此待客。除了服務之外，食物及環境方面水準都不及上環分店，不過如此服務，各佢下次考慮幫襯前都要三思。

環境唔得，檯櫈都頗為殘（未試過去飲見到咁殘嘅嘢），叫佢地唔好俾啲歌停就次次都停，之後仲聽到『新聞報導』食物好一般，最好食係條魚，好彈！又唔幫人分埋，啲人又唔用公筷，唉不過我坐COUNTER時啲STAFF都成日問駛唔駛加水嘅一分錢一分貨啦

難得朋友請食飯，本來大家都好開心，就俾呢度搞到好嬲！限時兩個鐘唔緊要，但係野食係唔會黎架，叫親人跟都叫你寫過張！有個白衫侍應更過份，行埋黎咩都唔做唔講聽完就走開了，令人感到不被尊重！＼張紙寫有生蠔的，事實無出現過，蝦同肥牛都俾好少或者唔俾！竹生、豆腐、金菇等等好快便來，令人感到是刻意安排的！成餐好似食素咁，仲要係等半個鐘先食一次，每次樣樣都唔足，菜都無多條呀！咁既做法一定有欺騙顧客的成分，去大家樂食一哥火鍋好過佢！

表哥o係度擺滿月酒, 佢個仔仔好得意, 成日笑 ga~~哩度裝修好靚, 好 grand~~晏晝去到打麻雀, 唱 K, 仲有梗係同 BB 玩 la~~我地開左好多臺麻雀, 玩到唔願開席.有紅雞蛋(紅玻璃紙包雞蛋), 仲可以夾埋 d 子薑一齊食~~個龍蝦伊麵好正, d 龍蝦肉好甜, 好彈牙, d 芝士汁好濃好香芝士味~~帶子珊瑚蚌西蘭花, 唔錯, d 帶子都幾大粒.個翅好足料, 成碗都係翅, 表妹唔食, 我食埋, 正!!鮑片扣鵝掌, 鮑片同生菜好味, 至於鵝掌, 我唔食既, 所以唔知味道如何, 不過見佢地清晒, 應該唔會差得去邊既.條魚好滑, 蒸得岩岩好~脆皮雞, 好脆, 點唔點汁都咁好味~其他食左乜就唔係好記得 la...今次氣氛唔錯, 玩得好開心~~d 侍應招呼得好周到~~實質幾多錢就唔知, 人情就俾左 $300...

前晚約左上年YC d同學仔落mk打邊爐!!!我地total有14個同學仔!!!!我地揀左好耐都5知揀去邊間打好!!最後知道e間包埋酒....$105埋單價!!!就入左e間但....有時間限制!!!!!2hrs~~~我地埋位就即刻畫野食la~~~畫左好勁多丸...肉..蝦..菜..等等!!!但黎既野好少lo~~咁就好快要畫第2 round~第2 round仲衰...隔左成大半個鐘都未黎!!!搞到我地係度催佢地~~~好醋啊2個鐘既任食打邊爐都係食得好少野!!!!因為佢黎得慢...我地人多...畫左好多!!!但黎既份量又少....2個鐘...者係黎左3 round....!!!唉..感覺上似呃時間lo~~~~~

拿著特價燒雞贈券黎幫襯下, 試試同總店水準有何分別燒雞的皮尚算脆, 咸味亦足, 但雞胸肉部分就較鞋口另叫了燒豆腐, d雜菌煎過再炒幾香口而炒通菜就加了xo醬及辣椒, 都幾惹味味道不錯, 有coupon價錢好抵, 服務及環境亦ok啦, 唔算太差

二人行去左呢間野邊爐~食任食..因為太肚餓la~同埋睇落每碟叫既料都唔係差好遠......海底要左個莞西皮蛋個鍋好闊!!!!好正湯底又有味,落左好多皮蛋唔似出面果d得幾粒....叫幾多料真係黎足幾多~真係唔錯推介生海蝦!!!!少有地比我發現d蝦係有蝦膏既!!!任食既打邊爐好難得架啦!!坐得又夠舒服....比多少少都抵^^

這晚十時出現旺角,上創興求其找一間火鍋醫肚。來到富臨,知客說火鍋碟碟十蚊,十二蚊,廿六蚊,非常抵食,我們問有沒有任食,答:總之好抵食啦!都好啦,坐到六人枱,等了良久,沒人招呼,原來經理正安排四人枱給我們,並指令我們上前調位。算吧....最緊要有野食....食物質素算不錯,這個價錢算係咁...不過當我們叫侍應給我們新的一張點菜紙時,她問我們是任食還是自助,這才知道原來是可以選擇任食火鍋的,怎麼入來時卻隊一張自助點菜紙過來,完全沒有徵求我們的意願呢....都算....接著,一連串百無的情況,真係挑戰我們的忍耐力....直至食物來到時,仍是沒茶沒醬油,當我們透明....生蠔無唔出聲....難道是不奉上就要自己想想為甚麼?「油麥菜未嚟喎?」侍應:「我同你睇下有無...」：一去無回頭。加水...把我的湯匙倒到鍋裏去....應承馬上給我新的：一去無回頭。不過,每次提出不滿,這些侍應總是笑容滿面,懂難為情的...所以未衰到盡。最叫人不快的,反是隔鄰座位的人,到深夜時份抽煙。我的極限是每人一支....抽過一支不要再抽了吧...唯有叫部長幫幫忙,部長今次做得不錯,隨即勸喻對方勿在此處抽煙....對方雖然

上菜上得快 大家快起筷呢間野....食打邊邊....每人百二蚊...都算係咁....食過任食的打邊邊都知....呢d 野一定唔會話正得過去邊嫁喇大家都係志在大家眾埋一齊....食過飯....傾下計jei....所以....呢d 打邊邊誰好誰差好大程度上取決於佢d 野上得夠唔夠快又或者有冇漏單佢呢度係呢方面就做得幾好每次落完單...三分鐘內都會送齊過尼~~~不錯!!唯一衰係佢的服務.....一開始我地坐低左....食到一半...因為有十幾人入尼.....想將兩張台夾埋尼坐....咁所以就想我地移一移....講真....其實移係冇所謂的.....但係佢的態度就非常之不友善....大佬呀!!!我地係有權唔移的~~!!!!

這裡的環境幾好坐得幾舒服...有電視睇但係這裡的食物就普通14/7 7點幾一大斑人黎7/F食火鍋有一個鍋佢俾左勁大個鍋黎...好難滾食物方面1.) 肥牛都幾好~唔係肥多過瘦個隻=]2.) 羊肉無味....都唔知個d原來係羊肉3.) 鮮蝦雲吞...都無蝦既= =4.) 手打肉丸+肉丸幾好...包心丸幾得意5.) 個湯底好無味= = 沙爹湯底好似清湯底咁6.) 竹庶水得糖水味=[...我唔鍾意竹庶味都飲到XD7.) 佢無炸蒜頭俾我們落落D豉油到......無咁好服務方面:服務都幾好...會主動幫我們加水但係有d食物無哂唔會話番俾我們聽...唔黎就算這間野都價錢合理計哂$105...包竹庶水/酸梅湯/啤酒