富臨酒家 (已結業)

上星期五一行四人到旺角富臨打邊爐，一早己經訂了八點鐘四位。當晚七點五十分上到去，reception 小姐看了一陣book list... 乜野都無講，之後就同個黑衫經理密密傾，過了五分鐘，我再追問她。點知佢話："今晚好旺，無位了"。我向她重申己訂了位，她竟然回答："訂咗位都唔一定有位比到你，你可以係度等"。大佬，訂了位都唔一定有位，咁我做乜一早要訂位。我又無遲到，你有乜權取消我張枱。仲有連一句道歉都無，宜家係我錯呀。我明白星期五晚旺角的食肆係好旺，訂了位都可能要等。但做前線的reception 姐姐，講嘢可唔可以有番ｄ質素，有番ｄ禮貌。愛理不理的態度係服務性項業的大忌呀，大姐。我們決定以後都唔會去幫襯依間咁不知所謂的酒樓。日後如果我ｄ朋友同事有甚麼聚會提議去富臨，我絕對會係第一個反對的人。