影片
更多
2007-12-17
11 浏览
屋企人提早做冬, 四圍都訂唔到位, 唯有去呢間。訂12位比張8人枱, 人多無枱唯有超坐, 但前後左右都根本無空位, 隔離枱D櫈都已經背撞背, 插針都插唔入。還好部長見我哋好似大人坐細路枱咁, 就換張大些少嘅, 名義上叫12人枱, 實際坐10人啱D, 因為坐落都依然上菜都無位了。問題係周圍都係人, 根本再大嘅枱都無用, 總有幾個位比隔離枱椅背霸咗。好不容易坐好, 叫咗個3千幾嘅團圓餐, 都係例牌菜龍蝦伊麵、乳豬、翅、燒鵝、鮑魚冬菇、東星斑之類。起菜搞到亂哂籠, 因為轉過枱伙計都唔知我哋隻乳豬送去邊, 兜兜轉轉結果有另一個伙計先上翅。吓!唔係啩, 乜菜都未有得食先上翅? 拿拿臨叫部長來問個明白, 個伙計至解釋因為無位所以先幫我哋分咗D翅。喂, 無位唔識叫廚房遲D上嘅咩? 又唔係第一日開張, 明知出面人頭擁擁架啦, 咁就可以叫D客食咗翅先架。食翅先都唔緊要, 最擔心佢轉頭話前面D嘢已經上咗, 你都食緊翅啦, 就真係口同鼻坳, 最終部長確認唔會, 所以就算啦! 乳豬同翅都叫做OK啦, 之後上嘅龍蝦伊麵就大鑊, 隻蝦D肉梅到有陣味, 芝士已經好濃味都蓋唔過D蝦嘅梅"翕"味, 可想而知隻蝦魂歸天國
好不容易坐好, 叫咗個3千幾嘅團圓餐, 都係例牌菜龍蝦伊麵、乳豬、翅、燒鵝、鮑魚冬菇、東星斑之類。起菜搞到亂哂籠, 因為轉過枱伙計都唔知我哋隻乳豬送去邊, 兜兜轉轉結果有另一個伙計先上翅。吓!唔係啩, 乜菜都未有得食先上翅? 拿拿臨叫部長來問個明白, 個伙計至解釋因為無位所以先幫我哋分咗D翅。喂, 無位唔識叫廚房遲D上嘅咩? 又唔係第一日開張, 明知出面人頭擁擁架啦, 咁就可以叫D客食咗翅先架。食翅先都唔緊要, 最擔心佢轉頭話前面D嘢已經上咗, 你都食緊翅啦, 就真係口同鼻坳, 最終部長確認唔會, 所以就算啦! 乳豬同翅都叫做OK啦, 之後上嘅龍蝦伊麵就大鑊, 隻蝦D肉梅到有陣味, 芝士已經好濃味都蓋唔過D蝦嘅梅"翕"味, 可想而知隻蝦魂歸天國咗一段唔短嘅時間, 套餐都唔係比D咁嘅貨式吓話?
之後嘅海鮮卷叫做可以啦, 就係D油有D益味, 魚蒸得啱啱好, 豉油幾甜, 糯米飯就乾咗D, 無乜色。最後個紅豆沙湯丸可能係成晚至正嘅, 我無食但屋企人成窩好快清哂, 湯丸係豆沙餡, 我估都應幾好食啩!
整體食品有好有唔好, 但環境就真係麻麻, 太逼另到人坐耐D都辛苦, D伙計就係椅背同椅背之間穿插, 經常會撞到你張櫈但係就SORRY都無句, 唔知平日會唔會好D!!
张贴