富臨酒家 (已結業)

每逢11月中，因好友生日，我們必會出來飯聚慶祝，這個時間最好就是有大閘蟹食，之前沒想到去那裡用餐，剛好同事俾左張大閘蟹買一送一優惠劵給我，$38的大閘蟹，買一送一，眼睛馬上一亮，就這間好了。去到有兩位朋友未到，但待應告訢我們，如果吃火鍋是不能用大閘蟹優惠劵，只可以吃小菜才可以用，因為火鍋癮咬，想過放棄用優惠，但待應姐姐真的好好人，她教我們兩人先叫一個小菜，計我們兩人茶錢，再用大閘蟹劵，吃飽了，埋單後再吃火鍋吧！既然佢教路，那我們就依她的好了，叫了一個燒腩仔，落左6隻蟹，即係有12隻，後來兩位友人到齊，4個人吃飽飽蟹就埋單，抵而且蟹細細都好多膏架。接著就來個任吃火鍋，有4款雞煲送擇，我地簡左胡椒豬肚雞煲，真係好好味，個煲好味，雞又滑食材大至都幾好，如果唔係劃野有甩單，食物劃十樣來一半，會更加好囉。再埋單是四百幾蚊，啤酒汽水任飲，好抵呀

又一個要上學的星期日....原本青蛙與豬大人計劃了要到My Melody cafe食個lunch,誰不知人太多, 即使已取籌, 但又要上學的原固, 被迫轉場開餐 >.<由於時間尚早, 我倆決定慢慢嘆個茶、吃吃點心。來到距離朗豪坊不遠處的創興廣場,選擇了不用搭檯坐的富臨酒家。頻撲了一個早上, 鋪坐下青蛙就即時點食!!等了約10分鐘左右,豬大人說必點的南瓜煎堆仔終於來喇 ^^ 傳菜員非常幫忙地, 把每個煎堆都剪開兩邊, 方便食用~ 而這個煎堆, 豬大人果然沒有介紹錯。既炸得香口, 又有濃濃的南瓜味,外脆內軟, 又不太甜 ^^煎釀虎皮椒完全不辣, 魚肉雖然滿滿的,可惜味道一般又帶點腥味....失望。這裡的黑椒蒸大腸不合青蛙胃口,主要是清潔不乾淨.....醬皇金錢肚反而比較好吃~醬汁調味剛好, 大大塊的金錢肚亦夠腍入味。最後的四寶滑雞札則好壞參半,雞肉夠滑、棉花入味;但是芋頭不夠粉, 不好吃。

今日同事去蝦餃得三粒蝦就普通啦不過幾好食海鮮薄罉好香好味 煎鯪魚餅好鬆軟欲食吾到魚味豬腳薑豬腳夠腍，個汁酸酸甜甜 不過隻蛋太老太實 紅油炒手有豬肉同蝦粒在內 個汁吾太辣叫起來也鮮味 海鮮炒丐見到得幾隻蝦同 少許蟹柳同洋蔥絲 丐炒得爽身，味道一般工作關係每星期都來呢度一次環境同服務都幾好

假日一家飲茶多數來這裡，交通方便，飲完茶仲可以行街四位坐一張檯，隨即叫了點心，我地等了成二十分鐘先來一個星洲炒米粉，份量普通，味道遍淡，亦冇乜咖喱味之後再來燒賣同綿花雞，燒賣都好爽口，有肉香，而綿花雞啲綿花全部都是豬皮囉，都吾係魚肚，鯪魚球夠淋又好味，所以我地仲叫多碟潻，仲有兩碗燒鵝瀨粉大家一齊食，燒鵝肉香而實，瀨粉爽滑，湯味道都可以，仲有水餃，亦係普通野呢度地方雖然大，平日早午市至下午茶，成日都排隊入座，經常二三人都要搭檯，証明呢度水準都吾錯

同事收工話一齊去食飯，見收工冇嘢做，就跟埋去，去到旺角，想食嗰間冇開，次選嗰間又多人，最後去了富臨打邊爐。通常任飲任食的火煱，湯底、食物質素都比較差。所以今次都沒有要求，湯底不會好鮮味，食物亦是普通，肥牛超肥，環景衛生亦不是好，枱面火煱爐仍然見到上幾手留下的餸菜。唯一好的地方是不漏單，食物份量很足，同埋好平，平均$130一個人，可以食到好飽!

端午節打算吃餐勁,點知質素很差,除了點菜紙款式很少....很多點了也不來.羊肉沒有,滑牛肉沒有,大部份都沒有..這裡打邊爐實在完全不值,不怪得公假都沒有人來吃飯,成間酒樓都很靜...吉桌很多,食物質素又差,不新鮮,以後也不會再來.失望.湯底沒味道.....調味料也很淡口..汽水款式少.要自己去拿....

新一年, 特登去沙頭角走一轉, 當行大運丫出番來旺角, 都唔知食乜好, 太多選擇啦~最後去左呢間食!上到去先知, 原來打邊爐是 7/F, 如果食小菜要落番 6/F; 不過有職員陪你搭落一層, 又幾好服務喎屋企3個人, 一睇緊是芝士龍蝦伊麵最抵食啦 - $98, 一分錢一分貨仲想點~龍蝦ok, 伊麵差少少!再來金銀蛋菜苗, 原來是波菜~ 又幾好食喎, 我連湯都飲埋最後法式元貝, 叫的時候都唔知它是乜東東, 茶樓未見過丫~原來是架喱薯蓉焗元貝粒同魷魚蝦,幾特別~ 但都是清蒸元貝好食D 服務可以啦, 客人唔算多, 環境都幾好....埋單三百元左右, 唔貴啦~

有團購食平填鴨餐，$38食一隻百零蚊填鴨真係邊度搵雖然係平，但冇將貨就價，份量足食到食唔晒，鴨夠香油唔會太少又唔會太多，足料，塊數多，唔係皮搭肉 (好多填鴨係少皮多肉，好細隻就可以片成大碟) 呢度唔會，真材實料，就算正價都收貨菜就有砂啦，不過菜有菜味 富臨真係一間間水準，呢間叫OK啦

星期六出街食飯都預咗多人要等位,由其是旺角,但出奇地嗰日24/3又唔係好多人喎嗰日9:30PM我哋一行十人,喺門口已經講得好清楚,我哋總共有十五位,我哋問駛唔駛分開兩張枱,個呀姐大大聲答我哋唔駛,到時幫你哋加幾張圓櫈仲立即搬開4張有(I...PAN)嘅櫈,攞咗4張圓櫈嚟,話嚟晒先再加,點知我哋嘅朋友11:00PM已經逐漸到晒,我哋由10:30PM開始嗌佢哋加櫈,嗌到11:30PM,我哋四五個人企咗喺度,但係佢哋睇到當睇唔到,完全無理會我哋,直至有個侍應經過,PS因為前面張枱要ORDER嘢食,佢焗住要經過我哋張枱,我問佢幾時加番張圓櫈俾我哋,佢竟然夠膽死答我,咪俾咗你哋囉,無咖喇,我哋得4張圓櫈,唔夠坐都無辦法,我當場O咀加扯火,我問番佢,你咁大間酒樓得4張圓櫈係咪我問題呀,係咪要我哋企喺度食,如果你哋唔能夠招呼我哋咁多人係咪應該一早講聲,你而家先嚟同我講無辦法,有無攪錯跟住佢好吋咁話:儘量同你安排啦!轉頭隊咗張(I...PAN)櫈過嚟就行咗去,潇灑到呢.結果我哋嗰日就喺度玩移形換影打邊爐大法......免費請我都唔會再去總括嚟講,除咗佢哋嘅服務態度差之外,佢哋上棻時間都好快美國肥牛OK

朋友個仔出世喇, 飲呢餐真係好高興~地方夠晒旺喇...朋友都係安排好標準的套餐;燒味拼盆, 小炒, 翅, 蒸魚, 炸雞, 炒飯/麵等. 燒味係ok 既. 係乳豬略肥, 預左.好快掃晒~ 小炒都係略油, 但好熱, 夠鑊氣, 材料如魷魚等, 也新鮮, 食得出.翅略遜, 冇翅, 獻油咁. 可以更好吧. 蒸魚好好食, 剛離骨, 應係剛才睇住師傅在魚缸內撈出o黎那幾條.炸雞唔油多肉汁, 讚. 其他都正常, 服務也ok. 好o羅好o羅快高長大~~~~ 大個仔喇, 要生生性性喇....

o係創興廣場度搵打邊爐酒家, 原本想去德興, 但排晒隊, 轉去呢間, 唔使等位。order 左以下食物:莞茜皮蛋湯底: 湯底奶白色, 夠濃味, 唔錯。肥牛肉: 唔ok, 好"un"!!!栗米: 質感怪怪地, 唔係應有既質感...羊肉: ok, 大陣羊肉膻味...包心丸: 除左中間多油d之外, 都ok...潮州魚丸: 彈牙金菇: 大大份, 正!牛肉丸: 超細粒, 直徑只有約1.5cm... 我冇食, 朋友order 完一碟又一碟, 應該ok, 不過size 太迷你la...生根: 一般貨色, 冇野comment...汽水: 任飲, 呢方面好...P.S.: 火鍋料選擇少, 冇芝心丸, 又冇蝦, 冇芋絲... 呢度人手唔夠, 加湯都要等好耐!食物質素麻麻, 埋單$128一位, 又唔特別平... 寧願加多少少錢食好D!

同班friend第一次試呢間野任食火鍋, 新年流流, 激多人排隊, 場面非常混亂, 我地去到差唔多9點, 等得黎都9點幾, 見佢寫住每位埋單$138, 但9點後火鍋半價, 之後問左樓面小姐兩次"9點後食火鍋係咪半價", 佢都答係, 咪試下囉, 等左45分鐘, 我地都入得喇, 樓面仲俾埋張"任飲任食"既紙俾我地,野食就唔講喇, 都係中規中矩, 地方都唔多乾淨, 不過最大問題係埋單竟然每位$138! 又話9點後半價!之後個職員話一定要食"自選"火鍋先有半價, 但由頭到尾都冇人話原來有兩種火鍋,而正如頭先所講, 樓面小姐只係俾左"任飲任食火鍋"張紙, 俾冇俾到"自選火鍋"張紙俾我地, 試問我地點會知有分別當初我地問9點後食火鍋係咪半價, 點解唔解釋話有兩種, 一黎就話有半價如果你一早講定, 我地都仲有得選擇, 最後我地揀食$138, 俾都俾得心甘命抵埋單果個人數完錢岩數就算, 仲話岩岩上黎幫手, 咩都唔知我同班friend就以後都唔會再去呢間野ga喇, 如果大家去既話就好自為知

原本今日相約朋友到樓上的十八宴會吃火鍋的，不料十八宴會已經結業 ，所以便在同一座大廈找到了富臨漁港和德興火鍋，由於我地係walk in, 所以兩間都要等，在比較了價錢後，德興埋單要$135 ，而富臨則需要$125，我們最終選了便宜一點的富臨漁港。由於開頭我們不齊人的關係，所以我們等齊人才進去，因為接待的小姐清楚說明每枱只可坐2小時，而且入座起計算。也沒甚麼啦，說清楚比沒說的還好。人齊後，我們便坐下，一行四人，人數不算太多呢。這裡的東西都是任食的，我們先叫了個清湯底。因為朋友在台灣買了麻辣醬，還帶了過來呢。要個清湯底加了三分一樽麻辣醬，自製湯底完成，這個湯底由於是私家的，當然很讚啦。所以我也不會就富臨漁港湯底品評了。任食火鍋來說，富臨都算是不錯了，我們點的東西基本上都很小漏單，漏了一兩樣東西沒有來，但不是牛肉那些貴東西，所以任食火鍋來說我覺得不算嚴重，而且每樣東西的份量都不會很小，你點一份的，他就真的來一份呢。不像某些店家，你點１０份跟點２份都是一樣(特別是點牛肉時)，所以我們也吃很很滿意，這個價錢配這個質數，算是很抵食了。　最後離開前，我點了漏了的牛柏葉，沒想到他們用價錢比較貴的黑柏葉

開姊妹大會, 新娘約响呢度, 因為酒樓可以坐得耐啲我哋响6樓坐低, 大家介紹吓, 傾吓偈兩個阿姐侍應15分鐘催3次, 問我哋食乜, 最奇係個場唔爆問佢哋有無套餐, 唸住唔使煩食乜, 我哋5個女仔比個6人餐, 點食得晒?最後散叫:黃金蝦---啲蝦我食4隻, 肉都係"梅"嘅芝麻雞半隻---凍, 好多芝麻, 但唔香脆, 一般鼎湖上素---好多款蔬菜, 味道一般辣炒尖椒四季豆---好辣, 我都食到, 但其他姊妹食到係咁咳, 頗油, 味道好味後來嚟多個人, 再叫涼瓜牛肉----我無食到, 但其他人話ok雜菜煲---都好多款蔬菜, 味道一般服務真係唔得, 侍應好求其, 十問九唔知仲駁咀, 食物水準一般到極, 無下次埋單$514

一早book定7位，去到仲要等35分鐘先有台。最抵打係無book位的6人行仲要入得快過我地，催多幾催，等左35分鐘後，知客先識做安排我地坐6人台呢位知客真係再培訓啦...入到去，台都未清潔好...呢樣都唔緊要...最慘我地order ge野等左半小時先出現...仲有黎得三分一...肥牛order左5碟, 一碟都無出現過...第2次order又係咁...要咩無咩..明明無叫的食物就同我送過黎...同樣的情況係其他台都有出現...大家都係食任食打邊爐望下自選打邊爐個d,order左唔夠15分鍾,食物就全部上齊哂,要咩有咩...呢個就係分別啦..食自選係客,食任食就唔係價錢又貴,食物又上唔齊又上得慢,真係貼錢買難受!!! 唔會再去!!!