富臨皇宮

营业中

休息中

屋企人都幾鍾意到富臨皇宮飲茶， 位於黃大仙龍翔道120號新光中心3樓， 有停車場揸車過去都方便。 店內樓底比較低， 幸好坐位闊落， 枱與枱之間都有一段距離。平日晚上茶位兩位$24、酸菜$10， 🔹🔸晚餐有古法羊腩煲$28、 清蒸富貴斑$198、 湛江沙薑豬手$58、 菠蘿生炒骨$85。🔸🔹 🔹古法羊腩煲 ～ 開頭以為睇錯， 羊腩煲只需$28😮， 真是好抵吃✌🏻！！ 份量都唔少，啖啖肉又 軟腍的羊腩配枝竹、馬蹄和冬菇， 我見到每枱都有一煲。🔸清蒸富貴斑 ～ 清得剛剛好😋，肉質又新鮮又滑。 🔸菠蘿生炒骨 ～ 酸酸甜甜特別開胃， 配上青椒🫑、紅椒🌶️和菠蘿🍍， 賣相更繽紛吸引。 🔹湛江沙薑豬手 ～ 豬手有豐富的骨膠原， 加上沙薑獨特的香味， 豬手爽口好味🤤，我特別喜歡吃。富臨皇宮的午市和晚市價錢都很優惠， 今次最驚喜是古法羊腩煲， 抵食又好味🤗。

近日見富臨晚飯時段推出特價羊腩煲只售$28蚊，於是就搵朋友去食。我地已揀閑日去食，但基本上坐無虛席，大部分枱面都有羊腩煲，睇黎都幾吸引。古法羊腩煲 @28雖然細細煲，但材料都好豐富，有馬蹄、冬菇、枝竹，羊腩肉份量都唔少，廿八蚊黎講真系超值，唔知系咪加咗塊香葉去煮，羊腩煲滾起時特別香，而且整體味道都好好，最中意啲枝竹煮到好淋並且索曬啲羊腩汁，超正，誠意推薦。酸菜豬手煲 $98材料有蠔豉、泡椒、酸菜、豬手，個湯酸酸辣辣，天氣凍凍地食真系超級正，可能有蠔豉，湯底又甜又好味，豬手煮到好淋，入口即溶，清曬成煲都覺唔夠喉，中意食酸辣既朋友一定要試。菠蘿生炒骨 $85食得出即叫即煮，上枱熱辣辣，外面脆脆地，裡面啲肉都夠淋，唔錯。清蒸虎斑仔 $198朋友話想食魚但又唔想浪費，就點咗細細條既虎斑仔，條魚蒸到啱啱熟，魚肉滑又甜口，好正。茶位每人$10，加一服務費，食物價錢及味道都滿意。

天氣凍，少不了羊腩煲，出街食三位數字點一個羊腩煲在所難免，但竟然發現呢度有28蚊羊腩煲！好似8:30pm後只係$1 㖭食羊腩煲連埋個爐用明火滾下滾下係指定動作，羊腩切小件，都至少有十多件，沒有羊騷味，唔算超級淋，但入口肉質尙算柔軟，連不少的爽口馬蹄和入味枝竹， 呢個價錢$28真係抵到傻酸菜豬手煲($98)估唔到原來係辣嘅，應該好似酸菜魚的做法，加入大量的酸菜和泡椒，豬手屬於多膠質少肉，非常入味夜晚食酒樓少不了點海鮮，清蒸富貴班，大約一斤左右($198)， 師傅蒸煮工夫非常了得，富貴斑蒸得剛剛好，魚肉嫩滑，美味可口菠蘿生炒骨($85)比較一般，分量是多，味道不過不失

今次與男友去富臨酒樓晚飯，好少去酒樓，但因為有張報紙coupon，加上今個周末因工作將不能跟男友相見，就來個平日飯聚。 是次點了：羊腩煲送糯米飯2碗$28（報紙coupon優惠）中華沙律伴燻蹄$68 零服務加態度差：1. 去到酒樓，可能接待員有事行開了，呆等了5分鐘也沒有人帶位，最後只好自己找位坐。 2. 雖然平日，但都接近坐無虛席，侍應又少，想叫人落單都困難，向其中一侍應招手竟然黑面加無視我，再找到另一個侍應，她卻叫我找經理落單，但眼見好似得1個經理! 落單時我說想用報紙coupon，她竟然很悔氣地說：仲有無其他？我再點了一個小菜，她拿了menu看看號碼再將menu丟回枱上😡。 3.我叫羊腩煲，照計跟爐上，但送菜的服務員放低了就走了，沒有打算拿gas爐給我們，周圍又沒有侍應有空招呼，我們唯有自己去剛走了人的隔離枱取gas爐。 食物方面：用煲仔飯煲上，煲唔算太，但看起來材料也很多，男友說比8點半後的$1羊腩煲多點份量，都有最少8塊羊腩仔，但炆得唔夠淋，味道偏咸了少少，配料都多，有馬蹄、冬菇、枝竹，枝竹份量很多，整體味道都叫合格，$28仲送糯米飯來說很抵食。 糯米飯2碗，用布甸碗裝，份量

天文台預測正確，11月8日果然天氣轉寒，隨即引起我食羊肉煲念頭，但衹得我和靚媽兩個食，買得多就.食吾晒，買得少就嘥功夫整，好彩此店近日推出，特價羊肉煲晚飯時段衹售廿八元一煲，當日就同靚媽整番煲來暖暖身，老實講呢煲羊肉嘅份量同味道，確實不能和市面一般食店，收費過二，三佰元的羊腩煲比較，但以廿八元一煲羊肉，仲俾埋個火煱爐你滚滚吓，又有乜得彈呀，加上當晚我們另加一碟唐生菜和一款小菜，又飲咗四両土炮，成個人都暖晒，在回家路段都毫無寒意。

10月23日同靚媽在此酒楼，訂了同學會敍餐的酒席，適逢午膳時間又即時有枱，就順便在此食埋午膳，點心紙上見到有一味，傳统老牌名菜，錦滷雲吞，起碼有三拾多年未食過呢樣，一於叫番碟來懷舊吓先，此店做呢味懷舊菜，都有不錯水準，加上無得輸嘅金黄炸煎堆，和幾樣味道都算0K嘅點心，呢餐勝在方便，就腳，又吾駛等位的午餐都可以收貨，近日此店推出大閘蟹蛇宴，呢類時令食品，望落菜色及價錢都幾吸引，一於試吓吹鷄揾埋D好此道的為食友，來擦番餐

雅虎網友茶聚在「富臨皇宮」，特價乳鴿皮脆肉滑且肉汁豐富，吃得很滿意。其實兩個月前我們都有吃特價乳鴿，但上次乳鴿沒有今次的美味，好吃與否有時候撞彩數，好吃當然很開心了！熱騰騰又冒煙的乳鴿，遇上室內空調強勁，很快便可以大快朶頤。蠔皇炆鳳爪味道也好，鳳爪入味夠腍。鹹魚粒雞粒炒飯吃不到鹹魚味道，像濕炒飯，不是我喜歡的口感與味道，大家對這碟炒飯反應也很冷淡，不過為免浪費食物，最終都消化了！大良雙皮奶買一送一，我吃不到雙皮，但口感非常滑溜香甜。

今時今日真係無諗過會食到咁低質既打邊爐每位$188先講野飲道地既全部都無… 得返啤酒，7喜，橙味既無牌汽水，百事可樂…完！ 俾左紙 催左2 次…45 分鐘後終於有野食…肥牛 真係得個肥字 … 完全無牛味 …好核突既魚皮…100%漏氣…放左入口都吐返出黎 …有酸叔味既豆腐！ 好在落前聞一聞… So horrible …煲蓋又唔岩…個服務員： 好過無啦…臨尾個服務員叫我地埋左單先… 最衰係加句： 出去埋😰 洗唔洗咁…

今日與絲襪花老師、師姊在交通方便的「富臨皇宮」茶聚，老師退休了，她將很多作品贈予師姊，其中這座枱魚兒很漂亮，師姊也承傳老師手藝，在社區教學，服務大眾社區人士，回饋社會。老師也是我的書畫同學，她贈予的國畫文具，我暫收藏，他日習國畫可使用。我們的美食：山竹牛肉、鮮蝦腸粉、綿花雞，水準不過不失。潮式煎麵~賣相不美，口感却不錯，外脆內軟，提供白糖與浙醋，自己調味。豬腳薑~好好味道的醋，很喜歡。豬腳夠腍，薑則太老多渣。多謝師姊請飲茶又送湯券。

中秋做節，櫈非常污糟，用手摸都有灰，非常唔衛生。要汽水，汽水係暖嘅，要求換，仲要比面色你睇。上菜非常慢，2個鐘都未上到”原隻龍蝦伊麵”，黎到變左龍蝦烏冬，仲要唔係原隻龍蝦，有3條尾，4個頭。向部長要求重新做，一男一女部長態度非常差，唔換之餘仲要話冇哂伊麵，話我地只可以要烏冬。但轉個頭我地又見到一碟又一碟伊麵出爐，反問部長，呢個係佢原話：人地一枱食8千蚊，你地食得1千蚊。貨不對版，態度極度惡劣，狗眼看人低，非常唔尊重冇禮貌，基本尊重都冇，貼錢買難受。

同屋企人經過黃大仙，去咗呢間富臨皇宮飲茶，點左1籠4件嘅蝦餃，上菜時見到啲蝦餃只有1隻完整，3件破破爛爛開哂口咁，開頭無為意，只係覺得整蝦餃嘅人水平未免太參差。食完整嗰1隻時，味道尚算正常。到後來開始食其餘3隻爛爛哋嘅蝦餃，就連續食到兩隻係酸味嘅，食第1隻爛蝦餃時以為自己味蕾有問題，試第2集就完全無法忍受了，都幾肯定係有問題。嚴重懷疑自己唔係食緊一手蝦餃，感覺好嘔心。🤢🤮以後見到明顯外形不一嘅蝦餃，都係直接退好啲。

我平日一向不寫食評，但今次忍唔住一定要舉佈：食蝦米腸粉時發現有碗碟碎片，係尖㗎，有相為証還加上水草一條，真的令我非常驚訝。夥計叫極都唔應，最後有人過來我告訴他問題之後回我說換過比你啦，急忙收起所有証物，完全沒有歉意，似是家常便飯，這是令人更驚訝的事！我家人都不敢再試另一碟所以寧願取消了。夥計是幫我們取消了但態度非常惡劣。另外一個女侍應生我們叫了一隻用手撕的雞，因為有老人家，所以叫她取多一份刀义過嚟，她的態度很差説呢啲雞係用手撕咪比咗手套你囉，要我們叫幾次才給刀义，從來未試過做食客這様受氣！

今晚食母親節飯 有大半圍人已經到場 但佢唔俾落單 同阿姐就話可以留住乳鴿 一齊人就搵佢上得 15分鐘後人齊 搵返個阿姐就叫賣哂無留到乳鴿 又話規定一定要食套餐 結果係同場好多圍都散點到其他餸 規矩係佢定 任佢揀人食套餐定單點 6個人迫住揀6人餐得半隻雞 唔係唔肯俾錢食多啲食好啲 ，係阿姐唔俾你食，死都唔俾人加餸，叫餐有佣分？ 嬲到，搞到個老人家唔開心 😫事大囉 ！ 個啊姐，仲要唔係低級 ，但就走去同個老人家講話留又唔留 ！ 搞到佢空歡喜 ！ 老實講真句！你冇唔好同佢講 ，佢唔會知。咁驚人放你上網就唔好亂噏當秘笈

以前黃大仙富臨D點心都幾好食，現在不但野食難食員工質素還很差十叫九不采，舉手扮睇唔到！👎👎👎👎👎👎👎👎咨客超沒禮貌。本來今天心情不錯，誰知飲茶飲到一肚氣😂😂

以前嚟食 覺得嘅好食 依家完全唔掂 個炒糯米飯黐黐笠笠 買88蚊 但係一d料都冇 個蘿蔔糕夾都夾唔起 得脆皮腸粉同叉燒餐包好食 我去嘅時候唔係好多人 但係服務態度好差 叫人幫手斟水 叫極都冇人應 d服務員明明已經睇到都扮睇唔到 有個幫手落單嘅遮遮仲好冇禮貌 叫佢幫手落餐牌上嘅野食（即點心紙冇嘅餐點）黑口黑面 係咁話你落係點心紙都米得囉 環境好差 間酒樓明明係商場入面 但係都有蚊 地下好污糟 好多垃圾 我以後都唔會再返嚟食 各位如果想嚟食真係要諗真d 畢竟價錢唔平 但係服務同食物都唔值li個價