富臨皇宮

营业中

休息中

原本想襯呢幾日天氣凍，食下羊腩煲，但受到疫情的影響，晚市堂食無左，唯有叫個外賣番屋企食。見富臨有個四人套餐，睇落都好似幾抵，決定試下。上網都有得訂，https://fulumcuisine.mshop-app.com/index.php?route=common/home。古法羊腩煲羊腩煲份量十分足夠，同時酒樓亦細心地將醬汁分開。羊腩肉質軟腍，味道香濃，其醬汁亦能中和羊羶，每一口都是甘甜油香，惹味非常，同時亦配有枝竹、蘿蔔等，吸滿羊腩汁精華，送飯更加一流。但如果能夠附上一個煲應該仲正。金銀蒜蒸龍躉件龍躉魚肉嫩滑，上面鋪上金銀蒜同薑葱，味道好有層次，好惹味。沙薑豬手呢個豬手最有驚喜，個沙薑汁鹹香開胃，豬手好爽口，絕對要再食！！上湯野菌泡菜苗味道正常，份量都唔少，食飯梗係要配下菜。臘味糯米飯糯米飯，乾身爽口，都唔油膩，飯粒都吸收左餡料味道，好滋味。

話說諗住去黃大仙廟行一轉啦，拜下神，點知摸門釘😒咁當然要去醫下肚，我一諗就諗起富臨。疫情之下🈲️晚市堂食，不過我望吓個錶16:30，即係話我可以六點前離開啦，早啲食飯當keep fit減下肥啦😆咁早食晚飯我當然可以放縱下去食啲肥膩嘢啦☃️ 明爐燒鵝皇 (例牌)皮脆多汁肉質鮮嫩，肥瘦適中，仲係燒鵝髀添。酸菜豬手煲 豬手爽脆，味道酸酸辣辣，湯汁撈飯一流👍🏻韓式炸雞 🍗新鮮熱辣炸雞，非常爽脆嘢味又滋味，配埋佢特別醬料，醬料甜甜酸酸又有少少辣，真係忍唔住口食完一舊又一舊。

疫情關係晚上六時後無堂食，朋友約我食黃昏晚飯，原來此時段食晚餐的食客頗多，酒樓面積頗大，坐得舒適。我們選左古法羊腩煲$28，羊腩軟又腍，沒有羊羶味，配枝竹、冬菇、馬蹄、十分足料，很好味😋現冬天天氣冷，食羊腩煲補一補身至正。👍👍👍酸菜豬手煲，豬手炆得夠腍夠入味，口感好有膠質，咸菜味適中，只是辣味重左些。燒鵝皇（例牌）大大隻鵝脾肉好厚、外皮燒得香噴噴，味道美極。韓式炸雞，薄粉漿的雞件炸得鬆脆，雞肉嫩滑，香脆可口。

喺黃大仙探親後，佢話近近地落樓下食黃昏飯🌇（晚飯）😂， 睇睇時間4:30 ， 好啦…….. 😮‍💨估唔到酒樓而家都有韓式炸雞🍗 $48 雞翼斬開一半，再炸香後上面沾上芝士醬，都幾特別的，起碼盡量跟上潮流 😜 極品燒鵝皇 例$118 🦆好大隻脾，皮香肉嫩，唔會死喊例牌都有1/4隻都不失禮💗酸菜豬手煲 $98 呢個有驚喜，第一時間是啖湯，夠酸夠濃，入面酸菜、泡椒及好多豬手，味道有D似食酸菜魚湯底，大家不妨一試😊

禁晚市堂食又唔知要禁到幾時😫屋企人喺呢間訂咗個外賣套餐👇🏻又幾好食喎！上網訂完揀去邊間分店拎就可以，勁方便🤗《外賣套餐》6️⃣位用 $6686人外賣套餐$668真係好抵食，仲要好好味😋👉🏻古法羊腩煲湯汁同羊腩分開上，返到屋企整熱就食得羊腩都有好多舊，好軟腍一啲都唔韌，重點係唔’蘇‘👍🏻正😋👉🏻清蒸大海班Wow..估唔到咁大條，啖啖肉好嫩滑呀！個個搶住食🤤🤤👉🏻花膠上湯扒豆苗花膠份量都幾多，豆苗索晒湯汁好鮮甜👉🏻沙薑豬手豬手有8件，好入味，皮爽肉彈，滿滿骨膠原👉🏻菠蘿生炒骨呢味平時去開酒樓食飯都必叫嘅，酸酸甜甜，好脆口👉🏻臘味糯米飯爆香臘味，粒粒分明嘅糯米飯仲帶有油份食落唔會太黏身,唔會黏到糊狀質地👍🏻連我唔多會食飯都食多兩啖😋咁方便又好食，屋企人話下次可以再食過

1蚊雞,百業收皮,酒樓再推早場晚市,1蚊雞2個人起可以叫1蚊份油雞或切雞,非常抵食油雞皮爽肉滑,係味道濃DDDDDDDD雞肉唔算太多,但係夠2個人食,個汁加埋油蔥撈飯係唔錯啦另外早市晚餐有個好處,可以夾埋下午茶食叫個點心,炒飯,食剩打包返屋企做宵夜又得先黎個野米炒飯,味道偏淡,好處係可以自己調返個平衡,唔怕太濃味夾埋油雞食岩岩好,蘿蔔絲酥口感酥鬆,蘿蔔絲太多,有D濕身奶皇包,爆餡噴汁,好食,又香又滑點心拼盤 有七件,2隻包,一件糕,一隻蝦餃燒賣,另外2隻餃份量十足都係賣28.8!

晚市要外賣到不知什麼時候，lunch食好DD啦飲番個靚茶食番隻脆雞髀先呢個午市孖寶可以話最抵食～手抓跳舞雞+6選1=$148手抓跳舞雞 一撕開雞髀肉汁即時噴出！晚市圍菜嘅炸子雞迷你版，皮脆肉嫩熱辣辣！ 海鮮喇沙米粉睇圖片低估了佢嘅份量！3個人食都絕對無問題。滿滿蝦仁、帆立貝、青口、雞蛋、豆卜，用上粗粗較硬身嘅米粉，浸左一段時間都無糊掉～蘿蔔千絲酥 滿滿蘿蔔絲、胡椒味十足，而且好夠酥脆奶皇包 最傳統果種一籠大大個，share就岩岩好！

今日去完黃大仙廟拜完神順道到隔離富臨皇宮酒家飲茶🫖這裏環境寬敞空間感大。入座後店員推介午市抵食孖寶👍跳舞雞孖寶（一隻燒雞及一鍋海鮮喇沙米線）燒雞上枱時熱辣辣插在鐵柱，店員會安排手套用手食，雞皮燒至金黃色，香脆可口，雞肉好嫩滑，啖啖肉又多汁！海鮮喇沙米線材料豐富有青口、帶子、豆腐卜、鮮蝦及雞蛋，鮮味十足，調味適中。點心拼盤有菜肉包、芝麻包、燒賣、菜苗餃、蝦餃、紅棗糕和粉果，即叫即蒸，一籠有七款點心可以每樣試少少😋奶黃流沙包一籠得一件大大個，麵包軟綿綿，一啖咬落去香噴噴的奶黃即時流出，好好食😋蘿蔔千絲酥蘿蔔外皮微脆，每一啖都食到蘿蔔的味道，好清甜，加入少量辣椒醬一齊食，味道更加提升！

其實提起富臨集團，唔使我多講，都知一定好食😋呢，因為酒樓來講佢哋都算出咗名。晏晝去酒樓通常都係會食點心多，不過聽聞佢哋新推出左一度菜式，叫跳舞雞，聽個名係咪好特別呢。加上裏面嘅夥計服務都非常之好，環境舒服衛生。蘿蔔絲酥蘿蔔絲大大條，外皮酥皮鬆脆，加上即整，所以新鮮滾熱辣上枱，食完又回味嘅感覺，值得推介👍🏻跳舞雞上枱已經好特別，皮脆肉滑，多汁，非常嘢味。流心奶黃包熱辣辣鬆軟饅頭，流心奶黃唔太甜。有機野米炒飯主要菇菌類為主，飯粒彈牙。保利茶非常細心，會用蠟燭keep住個茶熱。#富臨皇宮

同兩老去到黃大仙食晚飯，老人家最鐘意去富臨，又平又啱食，呢排仲做緊$28 羊腩煲好抵食！仲有好多晚市孖寶選擇，難怪晚晚都咁多人黎食晚市有4選1推廣，好抵食！包括1）$28 古法羊腩煲2）$1 明爐蜜汁叉燒3）$1 蔥油走地雞4）$10 紅燒乳鴿富臨皇宮地方都幾大，老人家就最鐘意 古法羊腩煲 $28推廣價$28羊腩煲真係好抵食！最啱冬天暖暖身。羊腩煲汁香濃，羊肉同支竹燜得腍之餘又入味，煲仔細細但都好足料，有冬菇、馬蹄、支竹、羊腩，細細煲兩三人食啱晒清蒸沙巴班條新鮮魚蒸得啱啱好生炒排骨生炒排骨酸甜適中，上碟時皮仍然脆口，炒出都有水準酸菜豬手豬手炆得好淋，特別豬手好有膠質感覺，湯入口麻、酸、鮮、甜平衡，唔會好辣，當湯飲都無問題

老媽子聽聞朋友講富臨羊腩煲做緊$28，超抵食，所以就跟左媽媽黎品嘗。來到餐廳，原來尼間酒樓好大。前菜花生酥脆，食停唔到口，難得少鹽菠蘿生炒骨菠蘿肉片多，外皮酥脆,肉質軟嫩，微酸。羊腩煲 有齊羊腩、枝竹、冬菇、粉葛、馬蹄等。羊腩煮得軟淋入味,配上粉嫩粉葛同爽脆既馬蹄,好豐富。酸菜豬手有驚喜，無唸過酸菜同豬手夾到。正如拍拖甘，有時要架過先知合適，對吧？咬落去，口感佳，骨膠原美顏。清蒸富貴斑-媽媽最愛，大大條,魚肉鮮而唔鮮唔腥,配上葱同豉油味道更添滋味。整體而言，性價比不錯，4樣餸唔曬$500。

朋友之前在富臨集團工作的時候，就經常幫襯，不過自從他離職之後，已經很少來到，今晚便選擇了黃大仙的分店。羊腩煲$28，以這個價錢來說，雖然唔包蔬菜，不過羊肉份量都算豐富，肉質軟腍可口，還有馬蹄、粉葛、冬菇和枝竹，味道亦很正宗。優惠游水海鮮$198，海鮮係富貴班，肉質爽滑，魚肉味道十足，生熟程度適中，加上鮮味的醬油，味道無可匹敵。酸菜豬手$98，豬手炆煮得很軟淋，加上酸菜的味道，減少了油膩感，太太非常之喜歡。菠蘿生炒骨$85，味道酸酸甜甜，如果生炒骨的尺寸大一點，口感更加豐富。

嘩！唔係呀！羊肉煲$28一煲，八點後入座，重1蚊1煲添。其他酒樓食肆都百幾，二百幾，甚至三百幾蚊一煲。坐低等咗之後一陣，羊腩煲送到，放在一個石油氣爐上滾滾下。個煲仔雖然唔係大都有成7，8舊羊肉，重有馬蹄，粉葛，枝竹及其他配料。羊肉唔算10分稔，但滾佢一陣，就啱啱好。如果加埋生菜就十分之very good喇。想食咗人隻車咩，$28一煲，仲要加埋生菜，生菜都要成$10一斤啦。煲內所有配料10分入味，值得一讚。跟住再上一條大約一斤重的沙巴龍躉，師傅蒸工10分到家，條魚啱啱好10分之滑。價錢中規中矩，多謝$198。酸甜生炒排骨，碟口夠份量，味道也不差，是外藉人士，喜歡食廣東菜之一。跟住叫返支冰凍啤酒，啤啤佢。咁先至對得住嗰啲排骨。（$85）酸菜豬手，豬手夠晒淋，酸菜夠晒辣。我唔係一個食得辣嘅人，豬手我還可以食，但係酸菜對於我就覺得太辣了。盛惠$98。

今晚同屋企人聚會想食下中菜，發現酒樓做緊羊腩煲同海鮮優惠，緊係黎試下😋天氣凍凍地食羊腩煲暖下最好👍🏻酒樓嘅坐位都幾闊落😆睇下餐牌，除左羊腩煲都有其他小菜都幾吸引。羊腩煲有爐煲住，羊腩份量都多，肉質嫩嫩，煮得好入味同腍，有香味又唔會羶。仲有支竹，冬菇等配料好入味😎酸菜豬手，酸菜嘅味道同豬手好夾，豬手食落唔膩👍🏻食完覺得補充左好多骨膠原😋菠蘿生炒骨，香甜菠蘿配埋香脆又酸甜生炒骨🤤味道更上一層😍清蒸富貴斑，熱辣辣咁上枱肉質嫩滑，豉油及蔥絲令魚肉更鮮味😋

今日放假同家人去黃大仙食飯！"富臨"我們點了跳舞雞孖寶一隻跳舞雞加一個炒飯$148我們點了有機野米炒飯點心蘿蔔千絲苏奶黃飽點心拼盤一隻跳舞雞雞肉幼滑，外皮炸得香香脆脆，原隻雞上枱，原汁原味，可以用手撕開來食，好有風味！👍🏻👍🏻😋😋😋😋有機野米炒飯內面有炸過的菇，飯炒得好香軟！👍🏻👍🏻👍🏻蘿蔔千絲苏外脆內軟，入面的蘿蔔絲好清甜爽口奶黃飽滿滿的奶黃，流心奶香四溢！點心拼盤有好多不同的款點，蝦餃，燒賣，豆苗餃，棗紅糕，肉飽，流心芝麻飽。點心真不錯！好好味👍🏻👍🏻👍🏻👍🏻