富臨皇宮

营业中

休息中

(1)炒飯要等一個鐘,(2)唔使追,它會來.(3)今天唔比落抄飯,我好心幫你落.這番話都是富臨員工所講.服務極差,趕客走,喜歡與客爭拗,理橫折曲,不肯認錯.

為免星期日太多人，難搵位之餘又要被迫食貴夾唔飽的套餐，所以提早吃了媽媽節飯。由於上次食過覺得唔錯，今次再來富臨，不過今次是到另一間分店。點菜就由我來發版。上次試過珍珠蠔炒涼瓜，挺好的，今次番炒。另外再點燒味拼盤、黃金雞件和生炒骨。拼盤不錯，燒肉皮脆肉嫩，叉燒也燒得蠻好的；黃金雞件炸得脆口，粉不會太厚，雞肉亦大件，口感非常；生炒骨差了一點，始終沒有權發的水準；珍珠蠔炒涼瓜仍是可口，涼瓜夠味，珍珠蠔鮮味十分，實是最好的一味。在美孚這缺乏競爭的地區，富臨應是中菜的一哥。

餓了這裡的燒鵝很久,今次三個人也斗胆叫半隻,後來望見,柜內的燒鵝的晒士都像小孩那般才知驚,不過落了柯打了便算.打算吃不完便包走;還有其他的餸:龍躉兩味(炒西芹和蒸頭腩),粟米斑塊,生炒骨．落單的部長和上菜都很勤快，不過吃完良久也未見至愛的粟米斑塊,追了幾次才有得吃．龍躉很好味，份量ｏｋ，皮是最精彩的部份，夠膠質和淋滑，味道夠鮮，是生劏的．炒與蒸頭腩都好．生炒骨的份量很多，很咬茨(即是茨汁包住每件排骨),吃完碟底一滴汁也沒有,水平甚高.酸甜度剛好.大家都驚吃不完的燒鵝來了,郤是反高潮;份量比半隻燒鴨還少,可幸味道還不錯.粟米斑塊還未到,想取消,但燒鵝那麼少,還未飽之下,惟有追單,要追幾次才到.可幸味道不錯,又香又脆,加上粟米茨,實在好吃.值得一讚的還有是今晚的油下得少,一反一貫的油浸.

今晚個客話去富臨食飯,一班人就一齊去食.本來我一家人去食開都幾好0既,點知今晚食到我胃痛.我食0既好多都硬.個湯都ok,後來我至知係深海鱔,(因為我去到冇發言權,只係可以食0野)好在個湯唔係太補.但食食0下飯,我見到湯"手查"有深海魚sink比我睇到就真係幾反胃.菜又硬,魚湯節瓜,個湯又唔惦.飯又硬.本來我見有咕嚕肉仲以為有d似樣0既0野比我食,點知又係好惡頂,用瘦肉去炸,真係痴嘜線.一入口即刻出返口.今晚成班老人家0既朋友係度,叫埋晒我唔食0既0野."木登"又差,多舊"木登".依加我黑仔,真係唔知張"木登"幾時會...........杯又洗得好差,我隔離位果個人搞到似去大排檔咁,成set食具都要洗過.杯仲勁,"jump"0左熱水,仲有油上面.(好在仲未飲)又要換過.食完我就有d胃痛,到依加半夜5點仲係未好返得晒.明知自己今年時運低,至少今年我都唔會再去富臨食.

很少食店會食完無得彈的,但是今晚郤想不出要彈的地方.年初四的晚上六時半,客人未多.因為一早訂了枱,也不担心無位.即時入座之後,只因是九個人,又先兩晚已經吃過它的標準菜單,不想重複,想自己在餐牌上找,部長已自告奮勇幫我們寫菜，經過一改再改，決定了：白灼蝦一斤干貝豆苗例湯(沙參玉竹海王湯)燒鵝一隻清蒸海老虎斑鮮菇炆海參...因掛住傾謁,忘記了餘下的菜色.還有單尾的生炒糯米飯...因為一開始已經識造,給了利是,所以侍應都勤快.食物的份量甚大,味道好.主角的燒鵝和清蒸海老虎斑十分精彩,火候正好,值回票價.

尋日七個女仔去左呢度食晚飯, 叫左油墨菜, 豆苗, 燒味拼盆, 豆腐...等等家常小菜, 每樣都中規中矩, 食飽飽, 埋單每人一百塊有找, 算係幾扺. 值得一讚的係佢的蒜蓉油墨菜, 好好味, 我地重encore左一碟

次次去富臨飲下午茶門口都有一大班人在等，其實呢度個下午茶都真係幾抵食，好多時我都會同屋企人或親戚去飲茶，因有親戚在附近住，所以都幾方便。而我最喜歡佢嗰個灌湯包，非常好味，而且我個人就覺得比起其他酒樓嘅灌湯餃，呢度就真係好足料，我d屋企人個個都好鍾意食。另外，佢個魚雲都唔錯，完全冇腥味，而且仲較大碟。

週日早上，被爸媽拉來飲茶。點了兩個特價點心和五個正價點心，埋單唔使$78。迷你排骨飯、迷你皮蛋瘦肉粥，呢兩款特價點心，份量細味道差用料少係意料中事，可以忘記。糯米花卷：係創意之作。南乳豬手好香濃正。奶黃包：餡料係好企身，有人喜歡但有人覺得唔夠流質。馬拉糕、菜餃：係普通野。

今次到我請客，年青的部長熱誠的幫手寫菜，經仔細研究之下，決定把原來提供的例牌菜單一改再改，價錢一改又改，也無不快，服務精神可嘉.卒之點了:乳豬拼盤，白灼蝦斤半，帶子花枝炒西芹，燒鵝一隻，貴妃鷄一隻，粟米魚肚羮，清蒸大海杉斑，鹹肉白菜仔．全晚最滿意的是那海斑，火侯剛好，汁液好味，不是用養魚，因肉質爽滑，有魚味．燒鵝是一往的滿意，有熱度，件頭大，皮脆肉滑，我認為比鏞記還好．貴妃鷄水準保持，入味和香滑，有肉汁．當晚最搶手的，一掃而空的反為是鹹肉白菜仔，用上海鹹肉的湯來煮，十分淋滑入味.其他的菜色也交足貨，並無欺場，服務也勤快，主客皆悅.值得一提的是禁煙令行將推出之際，煙味的確大大減少，否則這裡的環境可以甚差.也可算政府的德政.

親戚請食晚飯，叫了部長寫菜，九男女寫出了１８８８元，大致上計有；乳豬拼盤，蚧粉豆苗，西芹炒桂花蚌，海皇湯，蒜蓉粉絲蒸扇貝，燒鵝一隻，上湯龍蝦二斤伊麵底，清蒸海青斑，糯米飯，加上水果盤及紅豆沙等．其中燒鵝是當晚最好的，原隻新鮮熱騰騰上枱，己經把肥羔修去，不會吃到一口油，皮脆肉味佳，有大量汁水，件數十足，不會像某些店子偷走一部份．乳豬拼盤只是一般，是拉雜之作，味道無特出．龍蝦是海南島貨，味道稍差，稍堅韌，但份量不少．蚧粉豆苗吃不出蚧粉味，可能不是正貨，很油．但豆苗的處理頗佳，沒有標水的情況．青斑顯然是養魚，可幸是新鮮魚，火候與汁液俱佳，補救魚味不足和肉質欠佳的缺點．蒜蓉粉絲蒸扇貝是一敗筆，肉身太小，油太多，太鹹，致不能下箸．其他餸菜也只是一般．要求不高也ｏｋ．當晚雖然是爆棚，服務亦算佳，向部長投訴餸菜的缺點也獲接受和承認．

一心諗住同屋企人食餐家常便飯, 點知呢間"富臨"差得咁交關!!!!!!!!!!!!那碟所謂鵝掌扣飽魚, 不知所謂. $128, 以為好野, 一上檯就知係喳野, 黑mun mun; 切開裏面仲有小洞, 正飽魚有咩可能係咁? 味道有如塑膠, 口感則似嚼豆腐, 你話係假野我一D都唔會懷疑.講起服務態度我仲慶! 成晚D伙記十問九唔應, 差D以為自己隱形, 人地睇我唔到. 叫點菜足足等了半個鐘, 叫碗飯也等了3個字. 但未食完就埋黎執碗, 10點未到, 駛唔駛趕客呀? 又唔係有人等檯, 又大把空檯剩, 明顯趕收工.無他. 佢恃住自己獨市生意. 在美孚, 有幾多選擇呀? 住美孚的朋友, 爭氣啦. 咪再忍勒!!!!!!!!

年初一晚揾食也預了有些不尋常的狀況，早幾日已訂了位，準時６時４５分到，也做到即時給枱，全場滿座是必然的了．當下點了＄２３ｘｘ的套餐，吩咐可以即上，誰不知問題就是即上兩個字，十分鐘後，所有套餐上的菜色都一齊到了，我們十人都給嚇一跳，枱上真是擺無可擺，不知從何吃起，卒之找部長叫停，把部份餸菜退回，這才舒了一口氣，繼續晚餐，可幸食物的味道和份量都十分ｏｋ，可以說是比平時還好．其中有炆龍躉一味最正，是要翻熱的項目，但上枱時也香噴噴，又入味，份量不少，有幾塊大肉，魚頭和划水翅的部份，又有燒腩，支竹和生筋在底，十分足料，就算吃得很飽也要捧場，魚皮的部份尤其好味，足有半寸厚，軟滑入味，至為上品，平時不吃魚皮的我也要特別揀選來吃．十二人套餐我們十個成年人真的吃不完，可見件頭斤兩之大．當晚顧客甚多，但服務也可接受，不見員工黑口黑面，甚至遇上如上食物過快上枱，打回頭，或要再加熱，也沒有埋怨．食店想人客快吃完，快埋單，做多些生意，是無可厚非的，但六味至八味餸一齊擺開，是令人難以接受的，好在部長也肯道歉及叫停．卒之和氣收場．幸好食物比平時好，可以補救．

$68一斤龍蝦, 菜單說是本地龍蝦, 未肯定蝦味如何, 穩陣計選用芝士焗。結果…足秤好大碟但如題蝦味好淡, 廚師企圖用糖去吊出鮮味, 結果成碟伊麵好甜。我不懂選購龍蝦, 朋友說眼仔碌碌就等如生猛, 不過, 這裡的龍蝦瞉是墨綠色帶黑斑, 眼珠像兩顆橡皮黑膠, 部長端生蝦上來時, 我根本分辨不出牠是生是死。另外要了蟹肉豆苗, 不是用蟹柳是用真的蟹爪肉做。豆苗不像苗, 大棵了點也韌了點。真的好多人叫龍蝦。菜單寫明, 特價龍蝦同燒鵝拼海蝦之間, 只可選一樣。大閘蟹$28一隻足五兩, 還有清蒸大鮑魚, 都見有好多人食。估唔到屋苑酒樓咁旺場。

今晚同Ｄfd食晚飯,富中有老人家,當然食中菜較好。見美孚交通方便,就呢間。今晚幾旺埸,有人擺酒席,晚飯都滿坐,現正做龙虾大平賣,68元一斤,抵食,點了龙虾兩味,上湯焗,芝士焗加伊面底<加30>,蒸老虎班一条＄98,另幾個小菜。上湯龙虾上枱,味道較淡,而芝士嗰個味道濃郁,都幾好味,魚呢約有一斤重,諗住一般酒樓,蒸魚都係一般,出乎意料又蒸得幾好,剛剛離骨仲幾滑,好味。要講唔好嘅就係佢哋招牌燒鵝,要咗半隻,冇油香.鵝胸乾又鞋,冇物鵝味,同响尖沙咀嗰間差天共地,招牌菜點鮮會甘，其它菜式就一般,冇乜好講,但專登去,食龍虾都抵,都幾足秤。當然甘嘅價錢唔會係澳洲龍虾或本地龍虾,應該係南非。

超肥似乎是這間店的特色，次次都一樣，味道雖然ｏｋ但同枱的親友每次都有人肚疴或嘔，似乎不是意外，撿討一下，油應該是元凶，魚香茄子煲有二寸油浸著，燒鵝也很肥，生炒骨有一部份是粉包肥膏，羊腩煲似乎沒有那麼多油，份量和味道ｏｋ，粟米斑塊是炸的，又是油膩，不過外出用膳，也很難避免．但這麼多的油，就算幾好味也要暫時歇一歇了．在點菜時，員工們努力推銷一些較貴的菜色和飲品，不過如遭打回票時也沒有不快．埋單時就算有生果送也要推銷糖水，落了柯打後，生果才奉上．似乎想做多啲生意．坐位是超擠迫，少不免給人碰撞，汁水與碗碟齊飛，但這一區內，有水準又價廉物美的店子可惜不多．如要合意的，唯有向區外找了．