富臨皇宮

营业中

休息中

為了慶祝新一年的開始，走到朋友家附近一家酒樓品嘗晚餐再進行倒數活動。酒樓座無虚席，幸好我們預先訂了枱，很快便可以入座。我們向服務員點了鮑魚仔，燒腩仔和涼瓜炒肉片。可能人客太多，上菜也变得很慢。等了十多分鐘，我既至爱鮑魚终於来了。鮑魚味鲜肉厚，一口一口咁咬，簡直"正"到爆。再来燒腩仔，皮脆肉爽，但略為有D肥同有D"蘇"味。至於涼瓜炒肉片，涼瓜甘甘地不太苦，肉片唔嚡口，配上白飯，直情好味到唔停得口。雖然人客多，但食物份量和質素都咁好，抵讚

火鍋配料無咩食物選擇！食物質素欠佳！無下次！肥牛佔了70%係肥肉，係街市我都買唔到質量咁肥嘅肥牛！肥牛還有黑邊,有點不新鮮！服務態度一般⋯⋯應該是沒有服務，火鍋渇底乾了、加水也要自己操刀！所以全場應該都無30%入座率、中伏了！真的無下次！飲料比較少選擇,只有4款選擇! 雪糕更是最便宜的一款！入場時聲明有熟食，但原來只有春卷，饅頭，沙律卷和煎堆、可能是早上點心部賣剩下來的食物（因為全部是凍的，除了饅頭）！沒有最差，只有更差！

今晚心血來潮想試下屋企附近果間富臨皇宮，於是即刻相約家人和通知媽媽今晚不用煮飯門口已經放了多個大魚缸，可以睇到各式各款既新鮮海鮮，隻隻都好生猛喔環境光猛，空間寬敞，令人坐得好舒服一坐下，就叫左個湯先 ~~~ 野山參燉水鴨 ($98)爸爸話而家好少地方有水鴨湯飲，所以點都要揀呢個湯這湯好大煲，我們4人，每人都起碼可以飲到3碗丫。湯料足，味道清，爸爸話好滋潤的波士頓龍蝦 (上湯焗，伊麵底) ($168)麵條軟硬度適中，上湯味道清淡，而且龍蝦份量多，啖啖肉，肉質厚實有咬口爸媽都愛的  ~~~ 火腩大鱔煲 ($108)雖然我就唔食鱔，但都食左幾舊火腩，醬汁入味，好惹味而且唔咸，火腩肉質軟淋，好好味到我中意既餸喇 ~~~ 黑椒頂級牛仔骨 ($88)黑椒味唔太濃，薯仔入晒黑椒味，而且唔硬，我食左好多舊，好味牛仔骨軟淋，而且細細塊一件，方便進食大澳香蝦骨 ($72)份量都唔少架，而且好香蝦膏味，肉質軟淋，好味道生煎菜肉包(6隻) ($38)好抵丫，我見差唔多每台都有叫。這個一定要趁熱食，個包好鬆軟，而且餡料足 ， 肉汁多，不太油膩，媽媽一口氣食左2個甜品 : 桂花糕我其實唔太中意食甜品，但都試食了一

星期六晚我們四個人叫咗一個四人套餐，入面有紅燒乳鴿兩隻，濃湯雞煲翅，菠蘿生炒骨，金銀蒜粉絲蒸帶子， 清蒸沙巴龍躉仔 ，高山耳鮮茄浸菜苗 ，羅漢齋炒麵。我們等咗20分鐘先有嘢食，個紅燒乳鴿兩隻，就比較乾身左少少，但都脆口嘅，個龍湯雞煲翅就好濃味，有個煲煲住，可一路食一路煲，個菠蘿生炒骨，好好食，個味道較得好，個生炒骨都脆，但好多骨，這個餸好開胃，個金銀蒜蒸帶子都好食，係個蒜同粉絲同鼓油好食，清蒸龍躉仔就好細條，但係啲肉都嫩口，個高新鮮茄浸菜苗 ，都不是菜苗，是什菜但，都可以的，個羅漢齋炒麵就都幾好食，不過就啲麵好少，啲冬姑就好多。我們四個人食，食咗1100蚊連埋加一，因為個翅貴，覺得食這些東西要食1000蚊都覺得有些不值。服務就幾好。

因為想要讓每日為買餸而苦惱的媽媽放假一天...所以我們全家決定去酒樓食飯！富臨其實已經開業一斷時間了，但一直沒機會試。只因飲茶時間太多人了，沒想到連晚飯時間也同樣熱鬧！看來食物質素一定不錯我們叫了個 野山參燉水鴨湯 好大煲都是$98而已，每人至少可以飲2碗！仲好足料好好味，果然是老火湯然後叫了我爸最愛的 火腩大鱔煲 $108配白飯真的很棒，而且愈食愈開胃！說到配飯食一流的又點少得...黑椒頂級牛仔骨 $88配菜有薯仔真的比較少見～而且薯仔還煮到軟硬適中，食落口感好正！由於媽媽不吃牛肉，所以特別叫了一個香口又惹味的大澳香蝦骨 $72當然還有必食的啖啖肉 波士頓龍蝦伊麵 $168不管是龍蝦還是伊麵 份量都剛剛好！而且龍蝦仲啖啖肉，可以自選上湯或芝士龍蝦喔我仲留意到基本每枱客人都有點這個喔！最後見到生煎菜肉包（6隻）都是只要$38見咁抵喎⋯⋯所以就追加了一碟！除了好香之外，賣相仲好得～而且真係好新鮮...因為真係熱辣辣架個包仲好鬆軟添！然後，甜品是晶瑩剔透的桂花糕好滿足的一餐、而且分店又多所以好方便！

今年中秋節 又要揾地方同屋企人做節 今年揾到天水圍富臨 中秋食得豐富啲 五餸一湯🤤湯方面 上枱熱辣辣 成隻雞見到哂 絕對足料 唔算好咸 但都幾夠味 都有成8碗 多人一齊飲都得乳鴿燒得好靚，肉唔乾，咬落去仲係好有肉汁。嚟中式酒樓，唔叫乳鴿，總係差咁啲野咁。而呢度嘅乳鴿絕對唔會令你失望💁🏻。蒜蓉蒸扇貝唔知點解酒樓蒸嘅特別好食，可能係佢哋啲豉油同火喉掌握得好啲。扇貝食落一啲都唔靭，肉質鮮甜再加埋啲蒜蓉食🤤。龍蝦烏冬做節食好啲，叫埋龍蝦烏冬食。雖然龍蝦比較細細細隻咁，但係啲肉量中上，肉質新鮮，彈牙。廚師煮嘅汁都唔錯，唔會太咸，掛落烏冬度啱啱好。

閒日下午茶時間諗住同阿媽同埋個囡去飲茶，等左半個鐘都未有位，有個岩岩拎飛5分鐘都未有既熟客就已經有人帶佢地入😡😡😡即時問個知客竟然完全唔應我地，連唔好意思都無句😡😡😡再繼續等多15分鐘都重未有位個囡都等到肚餓最後走左去食其他野富臨可以係門口痴張紙寫熟客優先啦😡😡😡

家人提早慶祝中秋佳節，中式菜通常喺首選，因為喺元朗行山後，揀左位於天盛商埸-富臨皇宮洒樓燈光充足，枱唔會太密，唔喺好嘈，給人一種簡㓗感覺准山燉響螺材料豐富，有准山，螺肉，半隻雞⋯⋯等湯清甜美味，滋陰又生津金銀蒜蒸日本元貝，元貝大隻，厚肉，十分鮮甜，粉絲爽滑，吸哂蒜味，好惹味果皮蒸南非鮑魚南非鮑魚size 適中，蒸時間啱啱好，新鮮，好腍，配夾果皮香蔥一齊食，更加好味紅燒孔鴿乳鴿皮炸得好香，肉質唔駭，依然幼嫰多汁凊蒸沙巴龍躉班魚喺節日必須有既菜式，取其大魚大肉，好兆頭

父母快回加國，臨別秋波黎酒樓食個便飯，到了天盛的富臨，好彩有訂枱，原來全晚滿座呢。枱與枱間空間還可以，不算太迫，店內冷氣十足，感覺舒服。先開壺鐵觀音茶，茶很香，茶位（$10/ea）。脆皮燒乳鴿（$76）先來兩隻乳鴿share食，炸得很香脆，皮下脂肪不多，肉嫩鹹香，雖然係炸但依然多汁，好味喎。淮杞燉響螺（$128）點了一個老火湯飲下，是淮山杞子響螺煲雞，一開蓋就聞到好香喔。湯料不少，很軟腍，點一下辣椒豉油也不錯吃。湯不少，喝著喝著也有十碗左右呢。而且湯好清甜，雖然係雞湯，但無乜雞油，看來店家上枱前已預先隔了油。好濃郁的老火湯，一家人都大讚不絕。花膠北菇鵝掌煲（$98）嘩，花膠不少喎，花膠同鵝掌吸滿了芡汁好好味。花膠下有大大隻冬菇，生菜等，滿滿一盤好正。芝士焗波士頓龍蝦烏冬底（$168）龍蝦爽口鮮味，芝士汁雖然不太芝士，但鹹鹹地富牛油香，烏冬用的扁身烏冬，很彈牙，原來不用伊麵而用烏冬別有一番風味。金銀蒜蒸日本元貝（$118）扇貝好鮮甜呀，蒜蓉香口，粉絲吸了海鮮味同蒜蓉味勁正。清蒸沙巴龍躉班（$168）火候剛好，魚熟了但肉十分嫩滑，一點點的蒸魚豉油同蔥就已經足夠，不需過份調味。果皮蒸南非鮑魚

慰勞一直辛苦當「隔代父母」的媽媽爸爸大人照顧我的化骨龍，我們一家人來到家附近的富臨皇宮吃一餐。老人家喜歡傳統粵菜，酒樓最啱，目測當晚座無虛席，多是三代同堂浩浩盪盪，中國人重孝道，多年不變，看到這個場面，不知未來波仔長大後會否一樣對我呢（哈哈…）富臨的乳鴿一向有名，晚飯時段的乳鴿好像比下午茶時段的燒得更脆，更入味。（順帶一提，下午茶超抵食！）（其實我真是富臨的常客～）淮山杞子燉響螺雞湯，必點之選！湯毫不油膩，感覺是沒有味精（喝罷覺得是舒服的）自從媽媽幫手照顧波仔，就很少再有空做飯，不消說煲湯。（說到這裡覺得自己真是太沒用了…）真材實料，湯渣撈起後，可分到十碗，單是喝過湯後（和吃了點湯渣）已經覺得有飽意，胃暖暖的，湯水實在是廣東人的文化，做了人媽真的要學習煲湯了嘛…（嗚）花膠北菇鵝掌煲，這些超花功夫的菜式，在外吃就最好啦～滿滿的花膠，好讓媽媽（和我自己）補充一下骨膠原！花膠不算很厚身，少許散，不過量多取勝，汁略甜，用來送白飯剛剛好，我覺得是不錯，依然是抵食的。金銀蒜蒸日本元貝，這個必食，超香，元貝夠大隻，還帶裙邊，美味程度不下於大排檔！元貝當然是主角，不過配角粉絲亦同樣是重點！吸收蒜蓉香葱

食物味道好唔好是見人見智，但服務質素就絕對有客觀標準。真人真事，我早前到天盛苑富臨食晚飯，離開時留低了兩把雨傘。隔天早上致電酒樓查詢，接電話的職員表示好忙，沒空幫我，叫我自己去酒樓找。中午來到酒樓，當晚招呼我們的女職員還認得我，表示有拾獲雨傘，已幫我保存好。但當她想交還兩把雨傘時，卻發現雨傘不翼而飛，在酒樓內閉門失竊。由於雨傘很有紀念價值，我請求她嘗試幫我找，但過了一星期都找不到。去信富臨集團反映，即晚收到天盛富臨的經理來電，承諾會盡力查找，無論結果如何都會第一時間通知後，就再無回覆。再去信總公司反映，結果是零回覆，不了了之！在不足48小時內遺失客人的財物已經夠差，事後還要敷衍了事，完全是不負責任的行為。所以奉勸大家以後幫襯天盛苑富臨一定要妥善保管好個人財物，否則喊到無謂！

大家唔好介意，內文比較長，實在不吐不快話說媽咪生日諗住近近地就老人家係屋企附近食就訂天盛苑呢間富臨啦，之前已經訂左枱諗住早一日行過就訂埋壽包啦，入去門口見到應該係負責訂座既灰色帳女人，問佢訂壽包，佢問我訂幾多隻，我話9個人訂10隻啦無單數咁叫架嘛，跟住佢就答我無架，一係半打一係一打，一打$98，心諗又係你問我幾多隻，大部分酒樓都有得逐隻買，最小半打起咁解姐ok算咁我訂一打，跟住我問有咩要訂想留定個燉湯，問佢一個燉湯for幾多個人，因為我9個人，諗住一個唔夠會唔會有份半定加多個啦，點知佢答我😑😑😑唔知架，要問廚房，我而家唔得閒行去廚房問架咁即係點呀？佢再話叫我一係早啲來坐叫囉，我再好好禮貌同佢講，麻煩你盡量安排邊位坐，人多唔想老人家坐中間凍，佢話我訂左7:30第二輪無架喎，你一係6點幾落來等，我話我訂左7:30你叫我6點幾落來，得我就book早啲啦，我都係話盡量唔得唔緊要，重點係個態度囉，跟住佢話照幫我寫住先話係咩螺片湯，唉，算啦我都費事勞氣，態度衰都唔係第一次，忍，諗住媽咪生日就算啦。到今晚來食飯啦，一來坐低同我講你訂個湯無呀無？咁點解唔打比我通知我既？咁我訂來做咩呀？跟住就話湯得餐牌

好耐無o係天水圍度食飯, 多數放工係旺角食完飯先反。今日落雨, 唯有一千零一次同阿媽o係樓下食餐便飯。因為落雨既關係, 今晚都幾多人, 睇黎好多人同我地一樣, 落雨廢事煩XD我地點左唔係好多野, 因為怕食唔哂~~點左波士頓龍蝦 配紅燒乳鴿, $248~呢個SET 都算抵食, 龍蝦有伊麵底既, 份量都幾大~足夠2個人食, 仲要配埋乳鴿, 1人1隻, 幾抵食ge龍蝦幾有咬口, D肉幾彈牙, 個汁夠味, 但可以結反少少~~乳鴿皮脆脆的, 醃得好入味~ 雖然唔係好食得哂, 但一餐飯又點可以會菜呢都係叫左碟炒通菜~估唔到都幾辣~好耐無食, 都OK丫其實.

同老豆食飯叫做慶祝生日，唔能夠食茶記咁失禮，梗係搵間酒樓，坐得舒舒服服，呢次揀左富臨，咁有名氣，信得過，原來天水圍都有分店，更方便！本來諗住都要破費，但估唔到富臨比想像中平，除返每人百零蚊，餸菜夠份量大大碟，超抵食，而且有質素，店員招呼又唔錯，絕對唔會失禮，老豆都讚揀得好，下次唔駛等生日都可以再食啦！蠔仔肉碎煮涼瓜$78: 幾夾嘅配搭，涼瓜甘而不苦，有清熱解毒之效，蠔仔未有全熟，保留滑溜口感，蠔味濃，肉碎都好入味，最讚係成碟餸唔會過咸，一般茶記調味會比較重手，反而酒樓會恰到好處。龍躉兩味$228 超抵食推介- 清蒸龍躉頭腩 味道較清較少油，食到龍躉原味，口感實淨彈牙，魚皮厚身富膠質。- 西蘭花炒龍躉球 龍躉走過油，更能鎖住水份，所以感覺更滑同細緻，西蘭花嫩綠爽脆。

富臨-天盛店見到推出特價長腳蟹，價錢不算太平，想試下！在魚缸内揀選了一隻,（當時只有兩隻), 送過來的時候，發現中伏了！長腳蟹肉質霉碎，顯然不新鮮貨色，此集團也曾被投訴過多次，我也在場，海鮮調包，扣起食客的蟹鉗及膏的部份，而家成隻蒸，只見各部份有齊，並派侍應剪開，肉質霉碎！對這集團的海鮮產品信心蕩然無存，上一次亦曾試過，經投訴經理，解釋為不知道該蟹肉質霉碎，堅持是新鲜貨！後來補蒸一隻，感覺完全不同！今次又是同一案件，綜合而論！食客唔出聲，冇投訴，就過骨！富臨集團的經營手法有問題！