富臨皇宮

营业中

休息中

同老豆食飯叫做慶祝生日，唔能夠食茶記咁失禮，梗係搵間酒樓，坐得舒舒服服，呢次揀左富臨，咁有名氣，信得過，原來天水圍都有分店，更方便！本來諗住都要破費，但估唔到富臨比想像中平，除返每人百零蚊，餸菜夠份量大大碟，超抵食，而且有質素，店員招呼又唔錯，絕對唔會失禮，老豆都讚揀得好，下次唔駛等生日都可以再食啦！蠔仔肉碎煮涼瓜$78: 幾夾嘅配搭，涼瓜甘而不苦，有清熱解毒之效，蠔仔未有全熟，保留滑溜口感，蠔味濃，肉碎都好入味，最讚係成碟餸唔會過咸，一般茶記調味會比較重手，反而酒樓會恰到好處。龍躉兩味$228 超抵食推介- 清蒸龍躉頭腩 味道較清較少油，食到龍躉原味，口感實淨彈牙，魚皮厚身富膠質。- 西蘭花炒龍躉球 龍躉走過油，更能鎖住水份，所以感覺更滑同細緻，西蘭花嫩綠爽脆。

富臨-天盛店見到推出特價長腳蟹，價錢不算太平，想試下！在魚缸内揀選了一隻,（當時只有兩隻), 送過來的時候，發現中伏了！長腳蟹肉質霉碎，顯然不新鮮貨色，此集團也曾被投訴過多次，我也在場，海鮮調包，扣起食客的蟹鉗及膏的部份，而家成隻蒸，只見各部份有齊，並派侍應剪開，肉質霉碎！對這集團的海鮮產品信心蕩然無存，上一次亦曾試過，經投訴經理，解釋為不知道該蟹肉質霉碎，堅持是新鲜貨！後來補蒸一隻，感覺完全不同！今次又是同一案件，綜合而論！食客唔出聲，冇投訴，就過骨！富臨集團的經營手法有問題！

星期日，家庭聚會最好就係揀中餐。今次我哋選址富臨皇宮集團， 聽屋企人講佢哋來飲早茶見到晚飯有好多特價優惠，我哋就嚟試吓。一入到去就見到個魚缸，小朋友好開心。果然晚飯有好多特價嘢食。除咗主菜之外，餐前小食同甜品都好平，唔使食完晚飯再諗甜品去邊度食好，一站式搞掂曬！我哋要咗燉湯加琵琶豆腐套餐，燉湯係老黃瓜魚湯， 呢啲天氣飲啱晒， 去濕又養顏。魚嘅鮮味混和喺湯中。又唔油！琵琶豆腐滑，豆腐上面有用金菇扒嘅獻汁， 鹹鹹香香味都唔錯。薑蔥肉蟹每隻只售＄68，我哋叫咗兩隻， 蟹肉好鮮甜，薑蔥炒得好香， 用嚟送飯食一流！另外仲有個套餐係龍蝦伊面，芝士焗龍蝦伊面係無得輸！而且份量好多，龍蝦啖啖肉！龍蝦伊面配乳鴿只係 $238！乳鴿肉質嫩， 有啲滷水味，經紅燒後皮脆！真係超值！甜品我哋叫咗兩款share食！紅豆沙只係$8.8!啲豆好淋唔會過甜。不過如果多啲沙就好啦！芒果糯米卷都只係$12.8！糯米皮好軟綿綿，中間有少量芒果肉好似芒果布甸。幾特別！$12.8來說我已經收貨！呢度食物質素同埋職員服務都唔錯， 正如屋企人所講，呢度晚飯嘅特價小菜真係好多！下次再嚟食其他野！

今日同媽咪去天水圍買嘢，行到差唔多食晚飯嘅時候，媽咪提議去富臨食晚飯，好耐都冇去酒樓食飯啦行到去門口拎位，好彩唔係太多人排隊，但見到入邊都幾爆場叫咗個波士頓龍蝦孖寶，可以配四樣餸菜其中一樣，我哋就揀咗金裝拼盤，尼2份加埋都係$238，好抵食。個芝士龍蝦伊麵非常之足料，龍蝦食得出勁新鮮，伊麵同龍蝦焗到啱啱好，龍蝦肉好爽口彈牙，伊面份量亦都多。拼盤方面，豬腩仔個皮燒到脆卜卜，中間係椒鹽豆腐同埋素菜春卷，鴨肉亦都好好食我哋仲叫咗果皮蒸鮑魚，$108有六隻鮑魚仔，其實都唔算好細隻，呢個份量一定夠食，鮑魚蒸到好有火喉，咬上去亦都好爽口食飯一定要有菜啦，所以叫咗碟泰皇蝦腰炒通菜，有少少辣，但係炒得好有鑊氣，啲蝦食落去好爽口，呢碟菜撈埋啲飯食簡直一流仲要呢間酒樓就算咁多人啲服務員態度都一流係值得讚許

我哋去到天水圍探朋友，因為老人家比較多所以我哋去咗酒樓食飯，一家大小都啱食！初頭見到食評咁差都有卻步，但因為想坐得舒服啲嘅關係就試吓啦！唔知係好彩定係咩，食完之後我整體嘅感覺都非常之好，決定寫一篇幫佢大平反一下！酒樓就係商場嘅一角。晚飯時間已經坐滿左人，唔少人都係預訂枱來。初頭以為集團式都好貴，點知原來勁多燉蛋小菜燒味等，全部都一百幾十好抵食！其實仲有好多好抵食嘅選擇，影唔晒要咗個晚飯孖寶，燉湯加琵琶豆腐只係148。原本係配魚湯，我哋加左＄40，要咗螺頭燉湯。材料十足！而且一啲都唔油膩！入邊有大量嘅姫蟲茸同埋螺頭豬展等材料。啖湯真係好甜，飲完唔口渴。我哋四個人，每人分到兩至三碗。呢個就係燉湯孖寶，職員將湯分好之後將材料放上碟。勁大碟！下方就係琵琶豆腐，熱辣辣，豆腐混上魚肉碎好鮮甜。另一個晚飯孖寶就係龍蝦伊面配燒味。我哋揀咗用芝士焗伊麵。芝士份量好多而且芝士味好濃郁，每一條伊面都掛上芝士。龍蝦肉都好多！彈牙！絕冇將價就貨。龍蝦伊面孖寶嘅燒味我哋揀咗配乳鴿。兩樣夾埋只係＄238！乳鴿唔係太大隻所以肉好嫩！乳鴿唔需要額外再點淮鹽或者係喼汁已經好入味。不錯！另外仲叫咗片皮鴨，只售＄148！職員

年初4同屋企人去飲茶，除咗點心拼盤（因為係蒸點），全部都係凍嘅。燒腩仔更係冰嘅，如同雪櫃“新鮮”攞出黎一樣。啲亞姐整係掛住“恭喜發財”等收利是。行咗埋位10分鐘，上手用完張枱都未執過。叫人加水加到水壺都唔知去咗邊。。。唉！富臨...係咁架咩？...

朋友個女滿月, 係到擺左幾圍。乳豬皮好脆, 又唔肥, 又有肉, 好味道!碟龍蝦好多, 肉質鮮甜, 個芝士汁好香濃, 不過伊麵就好小, 一圍人食唔係幾夠喉。份量好大碟, 帶子軟腍鮮味, 貴妃蚌夠爽口。個翅比較淡味, 魚翅較硬身。味道一般。鮑魚夠大隻, 好彈口, 冬菇大粒同炆得好入味, 生菜份量好多。蟹蚶好大隻, 好彈口同鮮味, 一D都唔粉。

間中都黎飲下下午茶，真心平，不過無服務，乜叉都係自助，沖茶又好，拎辣椒醬又好，完全唔夠伙計。鮑汁鳳爪，一碟五隻，下午茶22蚊幾平，煮得入味，花生好味。茄子大大件，唔算油。煎蓮藕餅，無乜特別，鯪魚肉加粉加少許蓮藕，勝在煎得香口。仲叫左幾個點心，無影相就食左lu。

今日親戚飯局，因為有老人家關係，所以選擇較近的天盛商場酒樓，訂位6:30pm來到算多人，不過枱與枱之間都較擠迫，坐下經理就好好禮貌介紹有什麼套餐，散點的餐牌選擇很少，我們10人都不想麻煩所以點套餐，星期三關係有特價$1980 10款菜式，就呢款不到10分鐘經理送上燒鵝一碟，幾大碟喎燒鵝皮都烤的幾脆，汁剛剛好，唔老之後d餸菜每隔5分鐘就上，我們食唔切可能佢見我地肚餓，哈哈張枱真係細左少少，每碟都好足料好大碟，正我最喜歡這款西蘭花珊瑚蚝炒蝦球，蝦球都好大隻，唔係冰鮮個種，點埋蝦膏一起吃正帶子和鮑魚就不過不失，都係足料 好大碟 呢個套餐係跟大龍蝦焗芝士伊麵的，不過經理姐姐話臨時賣哂轉大蝦給我們，唯有將就下，來到就有點失望，變了中蝦 蝦味不足，不過意外地芝士伊麵做得幾好，唔漏! 味道剛好。小魔女都幾鐘意食酒樓的蒸魚，因為特別香滑，但今次真係over cook 條魚老哂... 我地都食剩😭上湯時菜就較淡味，適合老人家這個鮑魚仔褔建炒飯值得讚足料，每啖飯都掛汁最後甜點有凍桂花糕冰凍涼涼的，唔太甜，食左咁多野用呢款做飯後甜品超Good..總括一家人叫這個套餐真的超值樣樣餸都好大碟 另外仲有限定優惠

屋企樓下商場終於裝修完成，已經開始開回部份店鋪，這間酒樓是其中之一，我為了方便約下朋友或屋企人來飲茶。上星期同兒女來了這裡，我先去揾位等兒女，這間是新開,附近只有天耀才有酒樓，這裡有好多人等位 ,我等了10分鍾有位了 ,兒女先後來到，開始點野食,地方尚算適中,牛肉腸粉味道都可以，豉油不是太咸,炒菜心都好味,我十分愛吃菜，它是少油幾健康，這間分店出品整體一般,勝在方便，我有時來這裡飲茶。純粹只是懶得去太遠

見酒樓新開,又係集團式,所以去飲個早茶。叫左 鹹水角炒米粉 燒賣, 食物質素同以往係其他富臨集團食既唔同, 鹹水角外層金香脆,但內層非常厚,肉餡份量正常。而炒米粉比較乾身,有d煎焦粉絲,但略微有d涷。燒賣正正常常,有d鬆散。食物質素尚可。但服務真係差,漏單,加水慢。可能因為此酒樓分店仍算新開。

屋企樓下個商場唯一的食店，所以無得選擇之下都會同老公去飲茶食⋯⋯2個人飲茶"搭台"等唔算太奈，叫做好快D有位雞扎，芋頭大大舊又入味南瓜煎堆仔，即炸好味又夠脆，唔會太甜包汁雞腳，腳還腳，汁還汁，D雞腳無味，D 汁凍左無"膠"，到唔會再叫叉燒腸，D外皮唔算厚，叉燒唔太乾馬拉糕，幾鬆軟，無梳打味，食得出係黑糖，唔太甜炸乳鴿，水準之選，不過太細隻，唔會炸得太老，帶鴿味又唔咸無得選擇之中叫可接受，係D 知客待應成日比D 位"熟客"攪到等中櫃要等好奈，D 杯碟記得要自已洗下，"領錢"商場係甘上下嫁LA～～～

團年晚飯年廿九，去過多家餐廳都沒有座位。今晚試一試富臨。新年時節，待應hard sell 新年套餐，説散點需時良久。我們大家都感冒，故捨新年套餐，點了清淡菜式作團年飯。花膠豆腐：有色無味，花膠硬得像膠，沒有調味，非常淡；豆腐亦非常淡，既無豆味亦無其他調味。 清炒西蘭花：西蘭花非常硬，只剛剛熟。 西妃雞：雞好瘦，有少許雞的味道但肉質有D韌，只是淡味鹽水雞。 粉絲煲：清淡得有少許調味，是雞湯的味道，但只有二粒蝦乾，粉絲同白菜，好削下。 總結：非常麻麻，若有其他選擇，應該不會再來。