影片
更多
2017-06-02
357 浏览
大家唔好介意，內文比較長，實在不吐不快話說媽咪生日諗住近近地就老人家係屋企附近食就訂天盛苑呢間富臨啦，之前已經訂左枱諗住早一日行過就訂埋壽包啦，入去門口見到應該係負責訂座既灰色帳女人，問佢訂壽包，佢問我訂幾多隻，我話9個人訂10隻啦無單數咁叫架嘛，跟住佢就答我無架，一係半打一係一打，一打$98，心諗又係你問我幾多隻，大部分酒樓都有得逐隻買，最小半打起咁解姐ok算咁我訂一打，跟住我問有咩要訂想留定個燉湯，問佢一個燉湯for幾多個人，因為我9個人，諗住一個唔夠會唔會有份半定加多個啦，點知佢答我😑😑😑唔知架，要問廚房，我而家唔得閒行去廚房問架咁即係點呀？佢再話叫我一係早啲來坐叫囉，我再好好禮貌同佢講，麻煩你盡量安排邊位坐，人多唔想老人家坐中間凍，佢話我訂左7:30第二輪無架喎，你一係6點幾落來等，我話我訂左7:30你叫我6點幾落來，得我就book早啲啦，我都係話盡量唔得唔緊要，重點係個態度囉，跟住佢話照幫我寫住先話係咩螺片湯，唉，算啦我都費事勞氣，態度衰都唔係第一次，忍，諗住媽咪生日就算啦。到今晚來食飯啦，一來坐低同我講你訂個湯無呀無？咁點解唔打比我通知我既？咁我訂來做咩呀？跟住就話湯得餐牌
到今晚來食飯啦，一來坐低同我講你訂個湯無呀無？咁點解唔打比我通知我既？咁我訂來做咩呀？跟住就話湯得餐牌上四款，咁無計諗住等埋家人來先決定啦，期間不停問左幾次燉湯要留吖一陣無架啦，咁如果我叫套餐而你套餐上寫明包括燉湯兩個for 12位用，咁你話唔留無哂，咁食套餐飲咩吖？不停追我落湯
好啦，都照留左兩個湯先，再點菜啦，最後落單有位黑衫男士負責，咁我問佢之前我地訂左壽包架，咁我問佢係咪一定要12隻？佢話唔係，可以段隻叫半打起，咁我咪叫10隻囉。
先唔好講呢度啲野好唔好食，其間一路食一路叫人係無黑衫會理你既，講緊係黑衫既長工，反而有個四眼妹妹就非常好禮貌，得佢一對手做得幾多吖但服務態度一流
尾聲食完壽包埋單啦⋯⋯講多次重點唔係講呢餐好唔好食，係一餐好普通既菜式，講唔出一樣特別好食既，食左條星班$488一啲都唔好食，唔新鮮
埋單啦見到張單壽包寫住10隻$120唔係$98一打咩？我要左10隻仲貴左既？跟住埋單個男人就來料啦，佢話落單個時同我講過，唔好意思，我同我老公完全聽唔到你有講過，我話我訂枱時你門口著灰色褸個女人話一係半打一係一打，一打就$98吖嘛，跟住佢就講啦唔係唔改得咁我咪幫你改番囉我都開始嬲嬲地，訂枱個日就受你門口灰色褸既女人既氣，今晚又要來受你氣呀？跟手佢拎番張單來，話將啲差額比返現金我地，仲專登拎個餐牌來同我講，佢話～嗱我唔係同你嘈不過就講聲你知餐牌咁咁咁寫，嘩啲態度衰到呢，我即刻話得啦，你唔洗同我講，我都費事嘈，態度語氣作為一個服務性行業無咁架咩？好啦一個兩個態度咁以為完呀？未呀叫佢要番張手寫單，又到第二個黑衫女人埋來，好啦張手單寫錯左咪叫佢改返囉，其中一位家你好好禮貌問佢小姐呢度係咪有泊車優惠，呢位黑衫女人即答～頭先咪比左張單你囉我好想講埋單張單我地點會知點去搞泊車優惠呢？咩叫做咪比左張單你囉？簡直火都來，我都唔想打咁大段字，但係真係好嬲好嬲，富臨話哂大集團吖，點解服務質素咁差，係超級差吖，茶餐廳員工服務態度仲好過你呢間既員工，記住唔係得你一間酒樓架
张贴
