富臨皇宮

营业中

休息中

最近各忙各的， 一家人難得共聚晚餐， 當然選擇去我們一家的飯堂富臨啦， 最喜歡富臨坐得舒適又可以安安靜靜聚一聚！四人加小孩， 點套餐吃不下， 還是點小菜最划算~ 優惠小菜選擇不少呢！點了姬松茸炖響螺湯補一補， 茶色湯汁清澈， 油分不多入口甘香微咸， 湯料多多沒有偷功減料。薑蔥焗桶蠔一煲5件， 珍寶尺寸的桶蠔剛剛熟透， 蠔身飽滿滑嫩， 一隻都夠吃半碗飯了XD蔥爆頂級牛仔骨香口惹味， 加入彩椒、洋蔥一起剛好中和一下。熱騰騰的海參花菇玉掌煲， 海參非常滑溜， 花菇吸滿湯汁， 還有蔬菜墊底， 非常豐富。妹妹最愛的龍蝦伊麵上桌啦， 龍蝦肉較少和結實略嫌可惜， 不過上湯伊麵清新不膩也不錯。每次來都會點的生煎菜肉包， 家中小屁孩喜歡煎得香香軟軟的包子， 裡面的菜肉內餡趁熱吃最好， 吃飽了也要吃一個~~一家人只要齊聚一堂， 吃什麼都是次要的， 能坐得舒舒服服聊一晚才是重點XD

今晚媽媽冇煮飯所以去咗富臨食晚飯，估唔到呢間酒樓嘅晚飯都幾高質，唔會好味精，而且性價比好高姬松茸燉響螺 $128好足料既湯， 除咗瘦肉雞腳等等材料，原來有半隻雞係入面味道夠曬濃郁，仲有八碗湯份量頭抽豉油雞 & 蒜蓉蒸帶子 $138一個餐兩味餸都唔使$140豉油雞好入味，又唔會太咸雞肉嫩滑，有一隻雞咁多，送飯一流本身個餐係跟蟶子，不過賣曬，但係轉咗依款帶子都唔錯落生熟蒜蓉去蒸既帶子好香，加上落埋粉絲，吸咗帶子嘅鮮味+ 蒜蓉嘅香味，必叫~兩個人食加埋打包都唔使$300 下次要約多啲人再黎，因為份量真係又多又抵食 ~

今日同朋友去咗天水圍富臨皇宮食晚飯，富臨嘅晚飯真係平靚正有好多特別嘅套餐優惠之餘，散叫小菜亦都唔會好貴，每人百零蚊食到頂住個肚走 呢度嘅侍應招呼亦非常好滿滿嘅一大煲海參花菇玉掌煲，有四粒手掌咁大嘅花菇，幾片爽口海參，西蘭花及鴨掌，個汁都幾濃味但唔會太咸魚肚肉碎浸勝瓜 $78魚肚嘅份量都幾多，勝瓜唔會浸到林曬，仲有少少咬口，仲落咗少少肉碎，所以味道清淡得黎亦都會有肉嘅香味酸酸甜甜嘅菠蘿生炒骨 $68 好開胃 賣相都唔錯生煎菜肉包 $38大大個包，裏面好鬆軟，餡料份量正常唔會太少都唔算多，整體味道唔錯

一家人慶祝父親節，小菜晚飯是爸爸首選。富臨皇宮裝潢華麗，坐位間隔寬敞，空間感夠，讓人輕鬆吃飯，沒有了香港地少人多的壓迫感。晩市的優品推介好抵食，上湯焗加拿大龍蝦才$128，滲滿龍蝦鮮味的伊麵底一向是個人至愛。慰勞爸爸點少得極品靚湯-姫松茸燉響螺，濃郁的湯品，湯料超足，滿滿的一盆瘦肉雞腳！一家四口點了三個小菜，海參花菇肉掌煲，花菇炆得很到位，腍軟入味，材料新鮮夠份量！驚喜的薑蔥焗桶蠔，蠔肉有半個掌心的大小，肉質鮮嫩，以薑蔥去腥，每一口都是舌上滋味！蔥爆頂級牛仔骨，黑椒汁的牛仔骨很惹味，配上香烤焗薯，沒理由錯過。男士一向不愛甜，父親節就以非一般的菜式- 即叫即煎的生煎包作為晚餐的總結吧

早前在富臨酒樓飲下午茶時見到餐牌推出六月份晚飯優惠，頗為吸引，今晚約了朋友試試先-上湯焗加拿大龍蝦伊面上湯焗加拿大龍蝦伊面128元，就是衝著這價錢上富臨的，果然這個沒有失望，吃著爽囗--彈牙的龍蝦配上伊麵，雖然吃開的芝士焗龍蝦比較濃味，但這個吃到是龍蝦的真鮮味。-爆炒海參花生苗真是大鄉里，第一次聽到有花生苗菜式，即時叫左碟試試，花生苗個樣真的是一粒花生樣加一条尾巴，有手指尾咁長，比大荳芽粗一倍度，相當脆囗，用上迷你海參仔，九菜花，有少少辣味配搭，很是惹味，令人停不住口 。--荷香鼓味蒸白鱔在街市買白鱔的價錢也不便宜，這裡百元多些便有半条白膳的份量，用荷葉墊底蒸，火喉剛剛好，鱔片爽口好味，如果遇著腍身的白膳，那就掃興了，好彩不是那回事。--鐵板黑椒豬手因座上有個食肉怪獸，所以点了原隻豬手給他，淋上黑椒汁，也很惹味非常，豬手頗大隻，可以滿足怪獸的食慾了。--姬松茸炖響螺湯是晚還点了一個湯是在姬松茸炖響螺湯或冬瓜盅作出選擇，結果少數服從多數点姬松茸炖響螺湯，內有響螺，姬松茸，雞及瘦肉等豐富材料，炖湯濃郁清澈，雖是夏天，也不覺油膩，而姬松茸味道也是我挺喜愛的

富臨酒樓或富臨皇宮好似711咁樣樣梗有一間響左右今次同長輩晚飯，當然是中式酒樓才啱佢地胃囗喇，是晚因平日關係，以為晚飯人數會較少，出乎意料，是起碼坐滿了三份二枱了，可能是推出晚飯優惠關係是晚菜單有:姬松茸響螺湯，內裡湯料豐富，除有姬松茸，響螺，還有雞，瘦肉，燉出來湯底濃郁芳香，每人有三碗份量，真材實料,長者頗喜歡的呢。-----上湯焗加拿大龍蝦伊面龍蝦新鮮，爽甜彈牙，而也頗大隻，配上上湯伊麵優惠價才128元，超值扺食👍🏻（這個肯定可以食過番尋味）----荷香鼓味蒸白鱔白鱔肥美，用荷葉墊底蒸，爽口入味，不錯選擇。---鐵板黑椒豬手用鐵板原隻豬手上檯，淋上黑椒汁，腍腍滑滑，惹味非常，因豬手大隻原因，故有得打包拎走。----生煎包一客六個，當然沒有祥X記的好味，但都是可以的。-這晚陪著三位長輩，開開心心過了一個晚上。

放假得閒當然要陪下屋企人飲茶啦，假日LUNCHTIME富臨全場爆滿，仲要等台添。富臨既點心其實同一般茶樓既都大同小異，個人認為無乜特別，但都評價下我當日食既點心！我個人比較推介就係點心拼盤。因為次次想食燒賣蝦餃，但叫成籠既話又太多，所以呢個拼盤我反而幾鐘意，樣樣都有Ｄ。 首先燒賣蝦餃各有一粒，係正既！有兩款包，分別係芝麻同菜肉，但包就無乜特別啦，而且唔一般好嘅包；仲有一粒粉果同菜苗餃，呢兩粒都幾精緻好味既。最開心既係，有我最愛既紅棗糕，平時己經唔常見，難得可以食到，而且一粒就夠晒數！ 另外食左個炸饅頭，本身好期待架，點知凍既！即刻覺得好似擺左好耐咁，好味度大大下降，點幾多鍊奶都無用！屋企人叫左咸菜豬肚，唔夠辣，又唔夠咸，好淡。另外仲有左叉燒，缺點係唔夠肥，DRY左Ｄ，但蜜汁都算幾好味。而薄罉都算唔錯喎，厚度岩岩好，蔥花蝦米都幾多，食落口幾香幾脆。

今朝9 點落單。等左差不多半個鐘，仲有兩個排骨飯未黎，原來漏左單，於是補返單，點知個呀姐只係補左一個， 又話等十至十五分鐘，點知等左半個鐘先黎。第二個補單既排骨飯，仲過份，等左45分鐘都仲未黎，同個紅衫呀姐講，佢語氣超差，話催緊，叫我等等，但我等左45分鐘喇，同埋請問我剛剛先同你講，你點催緊？ 我知你地忙，但如果態度好d 會令客人冇咁嬲。本來呢間既食物質素都ok, 但咁既服務態度令人唔想再黎幫襯。寧願比貴d 去天耀個間酒樓，至少人地既服務態度好好多。

見到早茶優惠吾算貴，所以就過來呢度食！個早晨孖寶配搭係幾優惠所以就試下個棉花雞同炒米粉，點知原來鴛鴦炒米粉=粉絲炒米粉其實係完全吾夾！如果個名叫鴛鴦炒米粉，其實望落+食落，真係以為吾夠米粉用，先迫住用粉絲我就真的不懂欣賞了味道都係麻麻，如果一心想食家鄉炒米粉既朋友真係吾洗試好彩棉花雞搭夠平伏一下憤怒既心情係好食既見個菜肉生包只係$7.8所以試試，又估佢吾到有三個wo雖然味道真係好普通，肉又乾，不過如果為左填飽肚又吾想高消費都可以叫既咁試左平時去茶樓都會食既牛肉球、燒賣、腸粉其實都無乜特別普普通通，得過且過啦牛肉球係幾好食又夠飽肚，都係$11.8

服務態度差，十三人安排八人枱，每碟分量少，乳豬肥糕多過肉，同部長投訴，佢話我哋唔好彩。叫飯要等十分鐘，仲要分兩次上，先來5碗，過兩分鐘補2碗。咕嚕肉變成咕嚕骨，冇乜肉。 下次應該冇回頭。

今日星期六早上去了天水圍飲茶，本來無咩特別期望！但竟然質素唔差！有好幾樣有驚喜Tim ! 鳳爪好夠味，唔似X香咁，完全唔好食，另外炒米粉都幾好，有菜有粉絲等等，無咁單調，好多酒樓都係淨炒米粉😂叉燒腸粉料都好足！另外，最好係1130 前下單，仲可以有優惠點心價，呢樣真係大賣點！大家可以訓多番先落街飲茶🤣🤣

昨晚跟家人往食父親生日慶祝晚飯，並揀了在天水圍富臨酒樓。爸爸想食酒樓於是去了富臨酒家，點了一碟甜酸咕嚕肉，菜式甜酸醬汁吃落真開胃。瑤柱蛋白炒飯亦炒得夠鑊氣，瑤柱絲也很香，蛋白及飯粒香滑爽口，不用再另叫白飯。

位於天水圍天盛商場1樓的富臨皇宮，面積相當於普通酒家的2陪地方，如提前訂座更可安排靠邊位可以近距離看到電視📺！本人一直都是覺得預先訂座是最好，可以免去等位輪候的時間😉這裡的菜份量都是比較偏大，比想像中多！因為是廣東酒家，所以這裡不時會做海鮮孖寶、晚飯三寶或推出特價小菜優惠⋯這裡的服務人員也比較足夠，所以招呼都到位！唯一的缺點是這麼大間酒家，竟然店舖內沒有客用的洗手間😧，實在令人意想不到！客人需要走出店外去商場的洗手間🚻

今晚約了家人一起到富臨皇宮進行聚餐，我們一行五人約7:30左右到達酒樓。今晚可能是平日，我們等了一陣就已被安排入坐。我們點了非常多之菜式，如古法羊腩煲﹑鮮茄魚茸蒸蛋白﹑西蘭花帶子珊瑚蚌﹑金銀菜燉白肺老火湯。金銀菜燉白肺老火湯，最先上桌的是老火湯，材料非常充足，各人分發後還有剩湯。我諗可以供給5-6人飲用都沒有問題。老火湯所燉的時間應非常足夠，湯汁非常濃郁鮮甜，不會過咸。飲多兩碗都不會想找清水解渴。湯料味道都尚可，不會因煲得太耐而沒有味道。古法羊腩煲，羊腩煲內有肉﹑支竹及其他菜蔬，各款比例剛剛好，肉質多汁嫩滑﹑湯汁濃味，很適合用作伴飯或是烚菜淨食。吃多幾件不會太膩，好味!西蘭花帶子珊瑚蚌，西蘭花咬落爽口脆綠。帶子很大隻，食落爽口彈牙，肉質鮮嫩，很快地被大家夾清。珊瑚蚌與帶子味道同樣很新鮮，肉質爽脆及味道不會太咸。好味!鮮茄魚茸蒸蛋白，沒想過這麼大碟，未食前諗會否可吃得曬。魚茸細細粒容易入口，配上蕃茄的鮮甜真是配搭得很出色。蛋白嫩滑，蒸的時間剛好不會太實。蛋白的簡單味道配上鮮甜的鮮茄魚茸，真的很好味。其他好味嘅食物仲有生煎包同埋拼盤！ 坐得舒服，傾計都特別舒服。

今晩晚餐選了去附近的富臨皇宮。可能我們太早到達，毋須等太久就能入席。餐牌上顯示了各式各樣時令的食材,有湯丶頭盤丶小炒等。叫菜後不久已送來老火靚湯，金銀花燉豬肺。材料很足，飲落清潤，好好味道！我們點了拼盤（頭盤）作為前菜，這個頭盤內有木耳、燒肉丶鹵水鴨胸及酥炸豆腐等食材。 燒肉皮不會太厚，食落還有少許微熱，皮薄之餘還脆卜卜，肥肉不會太多剛剛好，不會過咸。木耳用了黑醋調味，酸甜味剛好，爽脆，是一個開胃之菜。鹵水鴨胸肉之鹵水汁不會太濃及太咸味，肉質剛剛，食多數件都不會太膩。 而炸豆腐就外脆內軟，上桌時還有少許微熱，沒有番炸的感覺。全碟頭盤都非常惹味，還能帶開胃口吃其他主食。主食不可不提的是羊腩煲，冬天就快完結前還能吃到美味的羊腩煲真令人期待。腩肉肉質鮮嫩滑，煲內之配菜及羊腩都非常足料，上桌時滿滿一大煲。湯汁濃郁及味道剛好，腩肉不蘇。食多數件都沒有問題，不油不膩。今次沒叫到生菜配搭，只用作伴飯都正。 最後我們還要了一客上海生煎包，生煎包皮薄餡靚，肉質鮮嫩幼滑，仲有好多汁， 非常好味。還吃落不油不膩及帶有小小脆感。結帳時，酒樓還送上鮮南瓜西米露，令整晚都非常滿足。