富臨漁港囍臨門 (已結業)

二零一零年十一月十五,親戚飯,圍枱十七人八時入席見全酒樓只有三、四枱人,我們還是唯一的大枱,我就有了心理準備.不嚕唆,是夜;食物是好吃的,當然說不上是什麼精巧菜式,但在連鎖式酒樓來說已經很ok!除了魚翅羹太像生粉水外,其他食物都不過不失.環境非常好....我們幾乎像包場了,怎會不好? 桌子夠大,走廊夠位,ok!失敗,主要有三點,1.菜上得太慢,八時第一味,十時五十分最後一味,等得我呆滯又眼瞓.2.太過hard sell晚餐券,我們之中有人開酒樓的拒絕了,姐姐竟然露出了"你昆我"的"冇你咁好氣樣".其實他是不是開酒樓也好,我們也不是事必要幫你買,擺這種嘴臉,在款客不是很聰明.3.十七人三輛車,電話訂位時說有免費泊車,埋單時卻云"我地gei泊車飛已經派哂",oh so kai! 有車之人發火,走出一個葉部長,蹺著手抬著下巴"老實講我地gei泊車飛三十幾四十蚊買番黎,唔可以隨便派".奇,難道是留來自用?總的來說,員工給我一種要錢唔要面,勢利之極的氣息.雖然說香港就是勢利的社會,但你做生意,這種勢利就寧比人知莫比人見.不是要你真心待客,你可以在背後鬧到我們上天花板,但奉勸員工們表面上也要做做樣

九十月的生日飯局再次幫趁富臨，原因係包房平，房間算大，麻雀檯都可以容納兩三檯。是晚一行13大人1BB，菜式如下：鴻運乳豬拼盆：有乳豬、油雞、燒鴨、叉燒、海蜇及分蹄，味道唔差，但就凍咗啲。碧綠蝦球蚌片：蝦就冇見到，反而珊瑚蚌就大大件。好爽口玉環瑤柱甫：大大粒，應該不錯，因為席中只得十二件，我棄權了。但配菜的小唐菜及草菇亦都唔差。金磚龍皇卷：有兩款，海鮮卷及椰奶卷，海鮮卷中的海鮮只得一隻蝦，反之椰奶卷仲好味。紅燒花膠雞絲翅：OK啦！蠔皇鮑片玉掌：玉掌大大隻，鮑片都唔差，仲有大量生菜墊底，我覺得是晚最好的一道菜。清蒸大海斑：火喉拿捏得不錯，冇蒸過火。當紅脆皮雞：脆皮，但唔夠熱。生炒糯米飯：賣相靚過伊麵 野菌炆伊麵：手腳慢食唔到飯嘅我，發覺伊麵都不錯，入味。美點：像泰式糕點迷你腰果酥，腰果酥唔夠鬆脆。紅豆沙：很甜很甜合時生果：西瓜拼哈蜜瓜服務方面，樓面的阿姐都很落力，不錯。唯一要投訴是的上菜真的很慢......很慢......很慢..........

本來參與朋友的喜宴應是開心而感動的, 但係富臨囍臨門郤一肚不快, 我地一班2圍朋友不得不吐,好使其他找尋酒樓擺酒的人士不要有我們的不快,請在九時後在上一層的Karaoke停留半小時留意他人擺酒的情況. 你地就知我地為何不快. 沒有職員先測試音響, 引致全晚的microphone時大聲時細聲, 又尖聲, 當新郎和新娘講到眼淚水都出時, 坐中間以後的人全都不知佢地讀咩, 我也是第一次去飲是感受唔到氣氛的. 像沒有職員standy 控制燈光和音響. 可能埸內有2個婚宴, 人手不足, 我地自己潻茶汽水等, 人手不足, 我地可以體諒, 但少見的服務員黑面對著我們, 直至找來兄弟在她面前間接投訴, 要新郎不要比貼士佢地, 她才見笑容對我地. 每碟上菜時等到肚餓得很. 所以特感佢的乳豬好味, 其他的送ok.不知朋友是否因budget問題或是其他酒樓沒有檔期? 其他朋友問為何選出名搞婚宴搞得差的富臨集團的囍臨門?唉~ 希望新郎新娘沒有睇到我地的投訴, 因我知佢地超級不滿意呢次飲宴.

已經不是第一次於此酒家食飯， 竟然兩次既服務都俾左我深刻印象。兩次都係訂左兩張大檯食飯第一次係有服務員倒潟野後連對唔住都無講聲就走左去...又唔俾番倒潟左既飲料我地，個上級仲要扮睇唔到。今次.服務員竟然於客人面前嘈交，我屋企人個個都O哂咀。

雖然中學畢業都好十幾年，難得一班中學同學仍然有不斷聯絡，實在可貴！適逢六月份有壽星仔，大家又可以有一個很好的借口去飲飲食食聚一聚。大家唔想淨係可以食飯，所以其中一人提意包間房有麻雀打，有K唱，而在搵到價錢只係$2688，難在勁抵，一於舉手贊成。下午4:30酒樓已經可以比到間房我，房間很大，我們一入都嘩嘩聲，很滿意呢，大家早早已約定去打牌了。唔打牌，可以唱K，唔好期望好似NEWAY咁啲歌勁新，但都OK，可以是晚唱時「輕」機了三次之多....約九時大家開始用膳了，我們點了一圍菜喜灼海生蝦：很好很好，肉質很爽。鴻運乳豬拼盤：各款燒味都很有水準，特別叉燒，肥瘦適中，好味。碧綠鴛鴦蚌仁：西芹炒珊瑚蚌，珊瑚蚌爽脆。金磚黃金卷：是海鮮卷及炸奶卷，海鮮卷內有大蝦，炸奶卷有淡淡椰味，只是略嫌炸得硬身。紅燒雞絲翅：很水，翅...很難找著。蠔皇金錢鮑片：冬菇勁厚身，鮑片亦不錯，配上西生菜，很好吃。清蒸大海斑：夠滑，不錯。脆皮炸子雞：炸得剛好，皮很脆，雞亦都夠滑，只是雞味不夠濃。錦繡炒飯：熱辣辣，炒得很好吃，材料都豐富。鮑汁炆伊麵：望著應是炒得不錯吧，只可惜太飽了，吃不下。桃飽：蛋黃白蓮蓉餡，好大隻，白蓮蓉夠

逢星期日多數都係家庭飲茶日，但個日都幾大雨，咁當然想找一個地方有得泊車又唔諗雨地方，大家提議去尖沙咀富臨，可以直接由停車場去到酒樓，而且仲有免費泊車。黎到富臨下午茶時間唔洗等位好快坐低，叫了特價乾炒牛河，燒鵝瀨同埋一大堆點心食，個牛河幾好食，唔係太油。而各點心都不俗，全部即點即蒸。到埋單個陣，叫個侍應比埋張單用黎泊車，點知佢先至講而家咩時間都要消費夠三百蚊先至有，咁個侍應唔話得事，叫我地自己去問收銀，個收銀唔多睬人，剩係話唔得，咁我地有個朋友向另一枱食，兩枱張單加埋夠勒，個收銀望都望問左幾次先至答你唔得。無禮貌到爆，但反而個度d侍應阿姐仲叫我地買個炒粉外賣加埋咪夠數，呢d先至係服務態度。我地唔係為左個幾十蚊泊車而勞氣，係個收銀好好好差既態度，令到你好好食完一餐都要激鬼氣。不過，最好笑係成班伙記教路找店長投訴，睇黎佢地都受左收銀唔少氣

点了三大優品 (烤鴨$38,鹅掌$78,龙虾$188)+ 什菜煲 + 石斑(贈券)等了大半小时, 只來了石斑 + 什菜煲又過了十多分鐘, 來了龙虾催了兩三次, 最後发现侍應只落单了龙虾, 召了部長來問,答是不是要'加'单我們說不是'加'单,是補单, 她扮聽不見,又問是不是要'加'单, 又說要多等二十分鐘我們要求補单,她又說没有烤鴨了, 一聲对不起没有.這樣的服務質素....差矣!!!

尋晚一大班中學同學大約22人,訂咗兩圍,環境唔錯,有屏風圍住唔怕嘈親其他人,食咗白灼蝦, 同燒味併盤...D燒味唔錯,燒鵝幾好味.....跟住食西芹鈔山湖蚌,山湖蚌好新鮮好爽口。節瓜瑤柱,OK 唔太特別......蒸東星,唔腥蒸到剛剛好。炸子雞,咸咗D.....炸蝦球,唔特別炸蝦丸加炸鮮奶,幾好味炒飯同炆伊麵,只係試咗炆伊麵,但係有燶味!!最後係大家期待嘅壽包,我見大家都話好食應該唔差啦….點知人算不如天算,籠壽包蒸過左龍,個皮有D梗,兩圍人大概食淨十幾個。不過要讚下嘅係呢度D服務幾好!

朋友從美國來港，相約了中午在這兒小聚 ~ 叫了八人餐，款式不少，又有點心又有小菜又有魚 ~~~ 真係好多野食下.. 份量都幾多。可惜的是，點心是凍的 ; 燒鵝不太新鮮，而且多油得好離譜，一定比深井陳記的燒鵝多油﹗(之前寫過果度既食評，已經嫌佢多油了，怎料「一山還有一山高」) ~ 條魚整得過老，d 肉好鞋 ; d 四季豆又係好多油，荷葉飯也是，甚至可以說大部分都是 ~~~~ 而佢既青瓜海蜇芫茜味太重，同埋海蜇唔夠彈牙最好食的只是甜品南瓜西米露 ~ 帶有南瓜的香味但卻不會太甜。

公司訂了貴賓房, 兩圍菜價錢相宜。聽說兩圍只需5xxx, 餸菜大碟頭, 大家都可以捧腹而回。雖然不是什麼名貴菜式, 但味道都不錯, 中規中矩。有同事話只是條魚不太新鮮。但要講有哪樣餸是最好我又講不出。不過, 大廳的客人太噪吵, 聲音傳到房間內。

致尊貴的食客，先感謝閣下對尖東富臨店寶貴意見的反映，有關員工態度問題，本集團已即時作出跟進，並將閣下的寶貴意見轉交到有關部門跟進及徹查。如事件屬實，將會安排有關同事進行專題培訓及教育，務求提供更優質的服務水準。如日後對本集團有任何疑問，歡迎於辦公時間致電到本集團顧客服務熱線:2353 5866(辦公時間:星期一至五早上十時至下午五時)富臨集團敬上

致尊貴的食客，先感謝閣下對本集團服務水準的意見反映，對於員工態度方面，本集團亦會聯同有關部門商討跟進及改善措施，如有須要，亦會提供適當的培訓課程，教育員工。如日後對本集團有任何疑問或補充，歡迎於辦公時間致電到本集團顧客服務熱線:2353 5866(辦公時間:星期一至五早上十時至下午五時)富臨集團敬上

一般中式酒樓侍應的服務態度都很好，唯獨呢間真把鬼火。上次飲茶時首先有個肥矮女部长，叫佢埋黎寫野，黑口黑面。加單時我同d friend諗住叫另一名紫色西裝女侍應會好d啦，點知重衰，扮睇唔倒，對眼重望向另一面。最衰係哥個叫乜乜紅哥個粉紅色shirt女侍應，叫佢時又係扮睇唔倒，（個個扮睇唔倒咁邊個先睇倒呀?）再叫佢時佢好無禮貌及黑面對我個friend大嗌"乜話”，要我個friend repeat。最後埋單時又係佢，（勁黑！）佢仲衰到飛枝筆埋我個friend 度，都唔知乜態度。雖然d野幾好味，但我同d friend以後都唔會再幫襯！

19th 星期六同家人和姑媽飲早茶。第一次去，不錯不錯。環境不錯，食了很多~ 味道不錯。又不是太嘈。食到很飽，四人都是百幾元。當佢$200，每人都是$50大元。實在十分之抵食。不過美中不足是沒有我的至愛- 奶黃包呢~會再去~ 下次去食dinner都好!

尋晚去食壽宴,已經第二次去食晚飯,依然KEEP得住。食左乳豬:正,夠大件,唔太肥、又唔太瘦。上湯龍蝦伊麵,睇落好似好細但係十二個人都夠食。龍蝦夠味,爽口。伊麵啲汁入哂味。西芹帶子象BUT蚌:只係帶子OKAY,夠大隻。海皇龍蝦魚翅:有啲腥,不過啲龍蝦好味。豆苗扒雙菇:啲豆苗太老,雙菇都OKAY。炸蟹拑:都唔知點解會有肥豬肉響入面。蒸東星:夠滑,唔腥。奉送紅豆沙同生果。重有糯米飯、炆伊麵。最特別係壽包:記得、記得食壽包....因為係超大個。係成隻去飲茶隻茶杯咁大。好好味,好滿足。