富臨漁港囍臨門 (已結業)

媽咪姨媽突然想相約飲茶南海1號冇訂位尖沙咀媽咪最鍾意去富臨原因只得一個一定有位而我對飲茶要求好簡單老人家鍾意就得啦富臨梗係食燒鵝瀨啦但可能燒鵝㓎了湯冇晒味貪方便叫咗個點心拼盆可惜蒸唔夠熱D包濕嘅失敗蝦餃燒賣太細粒炸雲吞最正常雖然係凍但起碼皮脆這個不只是什麼湯餃沒味道的點心賣相一啲都唔吸引我仲叫咗個20幾蚊嘅涼粉芒果布甸呢個反而幾好味但全場都係好多大陸客侍應又十問九唔應服務態度奇差

這酒樓猶如只是做遊客生意，看來根本沒什麼本地人訂座。中秋前一週都坐不滿，大堂只見幾桌開口普通話的華麗人士，名貴包包放桌面，沒格調。又黑又暗，像只開了一半燈光一般。其實回想一下跟團去旅行，都是去這種格調的中低檔次酒樓。龍蝦伊麵，竟來了碟意粉，不吸汁之餘，意粉又林又爛又碎；龍蝦看似很多件，但碎碎的根本沒甚麼肉。問問侍應，她卻說『 呢度啲伊麵係咁架』。親友即戲言可能寫住桂花糕，端來一碗紅豆沙然後又說『這兒是咁的』。炸鮮奶，看像四方磚，其實外皮都挺厚，親友認為不錯，我想不起曾在哪家懷舊食肆如泉章居吃過，美味薄皮得多。雞，皮脆但內裏肥膩，而且皮層上有顯然而見的雞毛，好不吸引！侍應個個都求求其其，大碟轉小碟後，隨隨便便放回某客人旁邊就算。電視不能開，就等於一幅全黑色掛畫。套餐價三千多，恒生咭特價五四折二千左右。現今世代，甚麼都有可能發生：如cafe奉上茶包茶，放入杯，賣$33；所以這個餐，放滿整桌子，賣三千幾，也不怎麼新奇？

相約友人到此酒家吃晚飯，招呼不錯，但菜式真系不知所謂，我地點了東瓜盅、芝士龍蝦伊麵、生炒骨、羅漢豆腐及粉絲蝦米。最奇怪系芝士龍蝦伊麵變左芝士龍蝦河粉，無錯系炒牛河的河粉，成碟好似醬糊咁，生炒骨勁咸，粉絲蝦米簡直系油浸，真系想不到如此一間大集團質素可以差到咁。

大閘蟹季節又來了，這次買了團購吃8道菜大閘蟹皇宴，其實味道和質素也不錯的，茶芥連加一每人HKD281.5，抵吃。******************************這次只有3個人，所以份量也是來3份。竹笙海皇燕窩，其實燕窩份量是很少的，味道也不錯。冰鎮南非鮑魚。南非鮑魚爽口，不錯。碧綠鮮菌炒花膠。每人都有一片花膠，味道也不錯，好吃。蟹粉小籠包，其實這個質素一般，但都吃到蟹粉的味道。腊味糯米飯，看來炒的不夠乾身，因為我沒吃，所以不知味道如何。大家都吃不下這飯，最後也要打包。甜品，益力多桂花糕。其實吃不到益力多味道，只吃到桂花糕的甜味。最後便是每人2隻的清蒸大閘蟹。看上去這大閘蟹約3.5-4兩重的，第1隻沒什麼膏，味道也不錯。第2隻終於多一點點膏了，哈哈，好味。

以前經常到的一個位置，這日與一舊朋友重來，正是位置不變，招牌已換，質素全非。這裏以前叫"北海漁村"時，常來晚飯，地方寬敞，招呼一流，食物美味，今次重來，地方依然寬敞(因為食客不多)，不知是否招呼慣了我們的國內同胞，而招呼不敢苟同(那位新移民講話完全聽不懂，只知她一直指著餐牌叫我們兩個人點一大盅湯，再加幾個菜，最搞笑的是另一男侍應在我們剛坐低就問是否叫埋單)，食物水準就應驗了一分錢一分貨的理論，賣相尚可，但味道參差，不知是好是壞，幸好碟頭也細，四餸一湯，雖然有吃剩，但也不算浪費太多。冬瓜盅，與平時的做型大有出入，只是用一器皿，放入一段連皮的冬瓜連湯帶料上檯，，冬瓜肉算夠淋身，配料就只是蟹柳、肉片和草菇片等極平價料，味道就非常十足濃，因為有極重'師父'，失去了冬瓜冬的清甜味。花膠豆腐，只是將紅燒豆腐和花膠放在一齊，但味道尚算可接受，花膠夠淋，但數量就只有三、四片，豆腐外皮算香口而內部也夠滑，茨汁不太咸，所以可接受。燒鵝例牌，燒鵝據說是這裏的皇牌菜式之一，但這晚嚐到的就真是一般吧，皮不算脆口，肉質也略鞋，肉汁也略嫌不足，香味也不濃郁，味道就一般可接受。蝦籽柚皮，全晚算是最佳的菜餚，柚皮夠香淋

我爸早前係報紙見到富臨有張coupon,可以用$288食到原價$480嘅濃湯雞煲翅,佢覺得好抵好想去試, 於是我媽係平安夜當日就話一齊去尖東富臨食我最憎大時大節喺街度同人逼, 更何況係平安夜去尖東?不過要陪屋企人, 冇法子啦我媽book左8點, 但我地7點8未夠已經去到, 個知客話我地咁早去到未有位, 俾左張4號籌叫我地等下先,我同我爸就上去附近睇野, 我媽係酒樓等住位先差唔多8點, 我同我爸仲未收到我媽通知, 落返去酒樓時剛好見到個知客帶緊我媽去張檯度,問返我媽, 佢話等左好耐都冇位, 知客叫號碼已經叫到10幾號,佢原本以為因為人數唔同, 所以自己未有檯,後尾見8點於是問返個知客, 個知客先話: "哎呀! 我唔記得左你!"真係唔明點解咁都可以唔記得/搞亂晒....入座後, 知客同我地mark左我地預先book左個雞煲翅,我媽見龍蝦伊麵特價$78幾抵, 問左"侍應A" (中年大叔), 佢話食雞煲翅都可以叫龍蝦伊麵, 於是我地就叫左呢兩樣過左無耐, "侍應A"走返嚟話雞煲翅賣晒, 我地話我地一早訂左, 張卡都mark左架wor!後尾有個經理過嚟, 話會整俾我地可見呢間野真係好混亂...再

先講食嘢一向都係富臨下午茶的常客，覺得他的點心不俗:蘿蔔糕，風味一流，吃完一碟，未感夠喉，再叫來一碟，以實際行動支持，精彩處自不需言語。煎釀茄子，港式風味，逢到必叫，不吃不快。炸春卷，濃而不膩，金黃香脆，我的至愛。還有精選低食的碟頭炒嘢，碟碟36，真係大家樂都唔止哩個價錢。二話不說就叫了碟豉椒肉片河，雖然肉片稍稍嫌少，但份量十足，不失為能填飽肚子之窮人恩物。好了，說完了食經，現在來點正經的。話說吾等正把美點斯殺得七七八八，忽聞背後人聲嘈雜，似有人發生爭執。於是回頭一看，嘩！你真係估佢唔到，眼見一位四眼肥姐姐的員工，似乎情緒失控。在cashier位內，把應贖給人客的贖錢，在客人面前，遂張遂張由cashier內飛出場外，一一散落地上，令客人自己躬腰屈膝去拾回。在場茶客無一不目定口呆。唉？此等的服務態度，莫非富臨真係諗做埋過年唔做呀?此等惡劣之服務，難叫吾斯等復再光顧！回家無意中打開open rice一看，原來其之前的服務已是劣評如潮，特撰此文，希望香港飲食業能正身自省，否則經營港式茶樓只令人更憂心。

樓上有間K房, 係度晚餐完上去唱歌岩岩好....晚餐時段唔駛等位, 因為都坐唔滿...呢間富臨的魚缸入面魚品種不是太多, 如有指定想要的大魚品種, 似乎要預定.....揀左條2斤重的海星斑,$600 好過食沙巴躉 !!呢度揀魚有價講. 真係海鮮價, 問多幾條,再問佢邊條可以計平D,睇下執唔執到平魚..但呢度蒸功一般,下次食大魚唔會黎呢度蒸 ..........條魚食到咁上下, 有個女經理過左黎吹水, 問我們覺得佢地蒸得好唔好味, 然後派咭片, 叫我們下次搵佢訂位同訂魚...------------------------------扇貝都幾大粒, 又幾好味 乳鴿, 燒得幾好, 味道都幾好!!50蚊隻, 都算合理......呢個雞就一般, 應該唔會再食....個場都幾好坐, 幾靚 , 感覺舒服.好多Waiter , 招呼好好.......而且會見到個女經理周圍吹水,哈哈.

十一個人想訂位,係都想比房您,原來有最低消費,知道都唔多人,都係訂廳,來到收起特價食品牌,係咁叫您食佢地D套餐.  想叫特價$78東瓜盎,7點幾話賣呔,係都要我地要個$438砂窩雞煲翅啦!叫沙巴龍躉仔唔肯寫,話唔夠食想您叫大龍躉,其實已點了十個菜張,不過張單來到發現好多特價菜沒寫,您追佢寫佢又追您要唔要大龍躉呀,重有一條尾係度呀)))片皮鴨如果一食真係得皮,絕對吾會有肉,乜都冇跟,叫侍應一次先有麵粉皮,再追先有涼瓜,跟住都唔敢追其他了. 果D飯菜放係間隔椅算,您吾自己取過來就會凍食,沖茶更加唔使講了,人手真係唔夠.原來都有些大陸客,可能主力是招呼他們吧.

本來仲有好多食評還未有時間寫，但不得不快快先寫這一篇，唔好以為好到唔寫唔得喎！而且差到唔寫唔得囉就喺知道母親節一定好多人，所以已經預早BOOK定位啦！因為我們一家都是揸車一族，飲茶的地點都會選擇有車場的，最好當然會有埋FEE PARKING啦！BOOK位時已經問定會唔會有FEE PARKING，服務員回應是有的，泊安逹中心消費滿$300就有BOOK左1點鐘，準時到逹唔洗等就即刻有位喇！第一次黎LEE度飲茶，如果唔係媽咪話試下LEE間真係唔知LEE度有間酒樓呀枱與枱之間都算好寛，樓底都算幾高，噪音唔會回彈，所以都唔算好噪先講講點心先，我們前後都叫了三轉的等我續樣講下啦芝麻流沙包~~~好香的黑芝麻香，而且流心都做得不錯牛肚~~~味道好味的，但牛肚應該好UN呀鮮竹卷~~~唔好味，入面D肉唔好食鮮蝦菜苗餃~~~餃的餡料全部都係菠菜碎，真係唔多覺有鮮蝦囉！我們前後叫了三碟，頭兩碟都是可以的，但第三碟一口咬落去有陣"酸"味的，即時叫侍應，就有以下對話喇！M：本人 W：侍應、主管、經理M：跟一位樓面的侍應說這個餃有酸味呀！可能壞了W：侍應回應，好等等我叫主管來M：同樣的對話跟這位主管講一次

我為人一向厚道，如果唔係差得好緊要，寧願唔出聲都唔會寫負面食評，免得影響人家生計。但呢間食肆真係唔鬧唔得！話說嗰日唱完K，見到呢間嘢做緊多款特價，好似幾抵，於是同個friend幫襯。我哋叫咗半隻片皮鴨、芝士大蝦伊麵同上湯浸豆苗。碟片皮鴨先到，一望，有冇搞錯？得八小片，隻碟已經唔係大，但嗰八小片疏疏落落排喺上面，單薄得離譜，何來"半隻"。攞筷子一挾，火都嚟埋，全塊係黃膏！八片中只有三四片有肉。我立刻放下筷子向侍應反映。佢態度好惡劣，話半隻鴨係咁多。我話咁嘅質量唔收貨，寧願取消。佢堅持話菜到咗冇得取消，於是我要求見經理。個經理態度同樣惡劣，堅持話半隻鴨係咁少。我話就算隻鴨細，都冇理由只片肥膏唔連一啲肉。佢竟然話"片皮鴨啲肉係未熟架，熟咗嗰啲就唔係片皮鴨，叫做燒鴨啦！"我真係畀佢嘅歪理激到O嘴！佢仲話佢做咗廿幾年酒樓，片皮鴨係咁。我話我都食咗廿幾年片皮鴨，未見過係咁。結果，我堅持退貨，佢哋唯有收番。另外嘅芝士大蝦伊麵，糊到一"劈"漿，好難食；碟上湯豆苗，煮到過晒火，又黃又"鞋"。我同個friend食到超冇癮，急急埋單走人。呢篇食評原本應該幾個月前寫，但係佢好彩，我食完𠴱餐第二朝早機，返港後太

星期六夜晚一班人黎左富臨飯聚,訂左位星期六都差唔多全場爆滿 呢度既侍應既態度真係麻麻地,漠不關心咁點左好多個小菜魚香茄子:味道一般,醬汁有啲過濃生炒排骨:好食啊,甜酸醬調較得唔錯,很開胃真係有做到炸得脆脆地既一蚊雞:$1一大隻雞,抵就一定抵,但真係好一般,有啲唔熟添椒鹽魷魚:入面哥舊魷魚一舊野咁,冇味,但炸得OK既苦瓜煎蛋:我唔食煎蛋既,但友人話苦瓜煎蛋既苦瓜係唔苦,又好似係啊食落唔覺有苦味呢,但唔會覺得特別好食紅燒豆腐:屬一般水平 安格斯肥牛煲:好食! 用既肥牛唔係劣質, 淨係得肥肉哥隻食落覺得牛肉食落幾香加埋最佳既芽菜同金菇有加分蝦球伊麵:賣相好得,食落唔得,伊麵極淋,似一舊野蝦球尚算合格,係爽口既送既水果:算很甜,但唔係好夠凍

同班fd 識左咁耐, 一行5個女仔去飲茶都係第一次....細個會寧願去唱k, 而家.... 真係變左!! 反而相約去飲下午茶!!由於習慣左朋友們都係"慢世魔王"....我就預早去ok 便利店買件捲蛋, 一面排隊等位, 一面醫下肚....大約1:55分酒樓開始劃位!!拎左位之後, 開始whatsapp 朋友們所在位置....3個人一開始已經狂點12碟下午茶平價點心, 朋友們0黎齊, 第一輪點既點心都相繼送到.... 約等左10-20分鐘!!第一碟0黎既點心竟然係杞子桂花糕, 杞子同桂花都落得幾重手下... 所以唔會無味, 桂花香濃, 而且甜度適中!!朋友們大讚煎花枝餅好味, 彈牙, 結果遲0黎既朋友一口氣再點7-8個點心, 當然當中包括encore 花枝餅 !!!富臨既蝦餃皇雖然唔可以話好薄皮, 不過都勝在有原隻爽口鮮蝦, 以$11.8一碟4隻來講實在可以話幾抵食!!朋友指名要既馬拉糕, 一睇就覺顏色特別 - 深啡色, 同平時見既黃色馬拉糕唔同....食入口, 點解咁得意, 咸咸地又甜甜地.... 我只係小嚐一口, 不至於唔鐘意, 只可以話同一向食既太唔同, 大我適應唔0黎.... 不過

晚飯之餐牌價錢與實際收費不符,因為碌卡關係,個侍應比番錢我地,唔比我影餐牌及收據蛋白炒飯75,收80;而茄子56,收62;燒腩仔38,佢居然夠膽收48;比例最多°其他用大中小點,無列明價錢,佢仲要話餐牌之價錢唔係,只是睇相,但是燒鵝價貼上lable,其他的以電腦為準,即係任佢收啦!但值得一讚是脆炸豆腐

同朋友食飯,想打邊爐,本來諗住去德興但冇位,咁就是但搵間啦,點知......激死 擺低個鍋就走左,唔叫都冇人幫我地開爐! (當時唔係好多人) 豬骨湯底完全貨不對版,配料唔只小,仲要冇左粟米 & 紅棗,好不願意才補回! 咁大間酒樓連一碟唔辣既鼓油都冇,叫左幾個人,一個話冇就走左去,一個應完冇回頭, 一個拎走粒辣椒就話唔辣,最後比左碟腸粉用甜鼓油我!咁大間樓酒,服務態度連街邊檔都不如,超級離譜各位以後唔好去呢間!