容記小菜王

营业中

休息中

星期五同屋企一行7人到容記，人未到齊，呀姐已經勁sell個中秋節套餐，啲套餐一係六人餐/12人餐，但明明我哋7個人，都不斷sell仲話六人餐夠7個人食，又好抵又好味，但我周圍睇都冇人食套餐，全部都係食小炒的😏最後點樣九個餸，阿姐行埋你落單就話：做乜唔食海鮮？你哋咁多人都唔食海鮮？」煩到嘔，最後我哋都係冇，叫佢就黑面離去！ 食物質素真係好一般，燒我唔差但係又唔係好好味，沙拉骨真係麻麻地，乳豬一般，西蘭花帶子都好味嘅，全部野都係一般，上碟速度好快，九碟差唔多一齊你咁滯，叫阿姐可唔可以你慢啲佢好似聽唔到咁🙄唯一一樣好就係樓底高囉，環境，幾好，但服務質素真係麻麻，俾我啲感覺阿姐好似要跑數😕比客人感覺麻麻，我第一次去食，我唔會有第二次了

家庭飯聚。生日飯。朋友介紹本想去試一下。米芝蓮餐廳喎。😑首先蟶子4條。但又細又韌。😥細看似係魚目混珠。根本只放大殼在碟旁邊。換上細條蟶子肉有欺騙食客之疑。另外like page送粉絲蒸扇貝。又係殼肉分離。算吧。送的沒有期望。叉燒太瘦。醬汁似用佐燒鴨既梅醬。其他不值一提。只有乳豬是最好的一道菜。🎂壽包又入一肚氣。本想細家人驚喜。偷偷地order待用膳後上的。點鬼知服務員輪住問。係咪上壽包。✖共三次。無趣!

老友飯聚，為求方便實際，上次光顧覺得價錢合理，環境算ok，所以再黎。（但深水埗大排檔年代我沒幫襯過。）其實都係叫招牌菜：鹵水掌翼，入味，軟硬適中。蝦餅：彈牙，好味。天下第一咀：香脆鬆化，好乾爽，唔油唯一有少少遺憾係上湯焗龍蝦，肉爽鮮味，但竟然只有四舊肉，五個人唔夠分，女士只能食腳同頭... $398一份唔划算。另外還點咗燒腩，魚腐雜菌浸勝瓜，都不俗。下次再黎唔會點海鮮。後話：坐隔離張檯有一家人，點咗海蝦發現唔新鮮退番入廚房... 所以再係叫大排檔小炒類比較穩陣。

說明晚上九時入席有8折優惠，但單來時發覺根本沒有打折。一問經理，經理馬上裝傻，再問收銀亦如是。最後在我發覺之下才把差價退還。當然，他們從頭到尾都不覺得是一回事或做錯，連一句道謙也欠奉。$10位所謂夜茶錢和$15一碟不能不要的垃圾花心，價值不知所謂。絕對沒有再會的機會了。

星期日在太子附近搭車,順便同老公試下傳說中的容記因為就兩個人,點了幾個比較經典的菜.1.蒜香排骨2.揚名國際燒肉3.容記小炒皇4.面醬茄子四季豆1.蒜香排骨: 熱辣辣的吃十分香脆可口,肉很有嚼勁,炸的火候也剛剛好.2.揚名國際燒肉: 據說是很出名的菜色,於是點了半份試試味道.燒肉師傅將外層的皮削薄了,所以吃起來入口即化的香脆,豬肉的部分鮮,嫩,汁多.兩層薄肥肉加兩層瘦肉,吃起來不油膩.燒肉配有介末醬和燒烤醬兩種.分別試了幾種吃法: 單獨介末醬,單獨燒烤醬,和兩中醬混起來. 發覺兩中混合比較和我的口味. 因為單獨燒烤醬,味道太重,掩蓋了燒肉本來的味道.單獨介末醬又太辣了壹些,和燒肉感覺不太搭.所以我個人推薦兩種醬混起來吃.3.容記小炒皇: 放了好多料,有蝦幹,小香魚,腰果,韭菜. 我只能說非常好入口,這時候來壹瓶冰啤酒,間直就是完美.4.面醬茄子四季豆:四道菜裏唯壹壹個覺得比較失望的.四季豆過了火侯沒有爽脆的感覺.茄子變了顏色 面醬味道比較奇怪,沒有和兩種菜融合在壹起,很突兀.不推薦. 所以連圖片也不拍了. 上菜平均15分鐘,菜的分量是很足夠的.所以這洋的相對價格,我覺得性價比挺高的,兩

入选米芝莲，环境变好着本来是好事，菜品却缺少着以前的wok气，只能说不过不失了。今晚点着肉蟹煲，粉丝干身，蟹肉缺失着少少啲鲜甜味。烧腩仔缺少肉香，比旧时都退步着少少。

好耐冇食過容記原來搬咗去呢度，今日朋友生日飯就黎試吓啦炒蜆味道好龍啲顯肉都好多唔會全部都係嗰啲殼冬瓜盅味道好清好抵食，飲咗四碗蒸魚正正常常不過不失芥辣牛柳粒呢個普普通通不過甜左少少瑤柱蛋白炒飯冇咩味道有少少淡口明蝦球呢個正到爆炸丶超級勁爽招牌燒肉冇得輸脆到核爆粉絲蟹煲肉蟹好鮮甜，味道好正總括來講佢啲小菜真係好出色嘅，希望下次嚟到嘅時候冇水準下降啦由於今次遲到所以啲食物已經全部食過晒冇影相，下次食嘅時候再影相分享俾大家

看到某雜誌評選香港食肆的乾炒牛河，容記小菜王的排名頗高，曽慕名前往吃午市套餐，其中一款是乾炒牛河，的確不錯。清明期間，掃完墓便與親友再去那裡吃午飯，我們五個人，其中三個年青人都能吃，故點了七個小菜： 天下第一雞半隻，肉滑油香不肥膩，好味。招牌沙拉骨，用招牌兩字是因為醬汁是自家調製，混合煉奶及沙拉醬，甜甜酸酸，醒神惹味，可惜豬扒木木乾乾實實，平白浪費了靚醬汁。家鄕秘製扣肉，扣肉甘香豐腴，入口溶化，梅菜吸取了肉汁精華，簡直是人間美味。豉椒味菜炒鵝腸，鵝腸痩而乏鮮味，醬汁又太鹹。容記小炒王，蝦米太硬，腰果少而不脆，稍鹹，不過此餸較適合送飯，我們卻沒吃白飯。鮮尤炒通菜，大大碟菜，鮮尤得數塊，幸好有鮮味。乾炒牛河，粉乾爽有咬感，牛肉有鮮味，份量也可接受，醤汁濃香，值得推薦。平心而論，搬遷後的容記，地方環境裝璜都美觀了，惜食物水準比以前大牌檔式的舊店卻差多了，但價錢平宜，食物地道，仍然值得一來再來的。

商業社會，經常會發生這些事，就是成名了，但是有爭吵，然後其中一方就會出來，自立門戶，另起爐灶。上次看到網台的節目，都看到，簡單如中式點心盅頭飯，也竟然出現兩家一樣名字的😏，其中一方不肯說，另一方就說出箇中因由。🤔之前，據聞這間容記也有類似的過去，本身有間容記。老闆結業賣舖後，在另一地點重開容記。孰是孰非，也不理誰正誰邪，只管內進一試。上次到個過深水埗那間新容記，這次剛好運動之後，就來吃吃這間容記。進內拿票，才發現原來截然不同，這間就像酒樓，那間深水埗的新容記像大排檔一樣。這兒的座位比較舒適，還設有大卡位😯，那兒就是坐小圓櫈，感覺比較地道。在樓下的大堂看了一會兒電視,等了一會兒位，竟然，我們五六人的大桌先進去😀，坐在門口等了很久的二人，卻未有座位，真是小確幸。坐在比較近門口的位置，可能因為有升降機，感覺冷氣也不太充足，不太覺得涼爽。風格絕不相同，這兒所主打的都好像是燒鵝、叉燒、燒肉等等。餐牌有些較為複雜，除了單價之外，上面又有另外的孖寶價，還以為，是不是「老友你又中孖寶」那個孖寶。原來，所謂孖寶價，指的是你點了上面其中一項，可以加錢選配的價錢，但是研究過後，發現都只是平了少許😕，於是所有

成班老友早一個月約定出嚟聚餐，已經早半個月已經打去book 8:30 12位，大家已準時到，過咗半個鐘 問問接待阿姐，佢竟然話我地要等多二張大枱先到我哋，足足企喺條街呆等咗一個鐘先有位，Book位時又唔講明要齊人再等，全場得嗰兩張大枱點做生意呀，真係火都嚟埋🤬🤬🤬🤬🤬，食物有幾好食都無 引，都唔知點解接受book 位，不如先到先攞飛仲好過啦。食物唔算出衆，不過不失啦，真係無下次，還有啲阿姐不停叫人食套餐，好煩！

難食！永不會再來慕名而來，結果難吃到哭。完全不會再來這家吃。冬瓜盅味道太酸，醋明顯放多；小炒皇全是油炸的不知名東西。環境一般，桌布骯臟，服務態度需要改進。不會再有下次來吃！不知道為什麼這裏還有食評說好吃推薦。。真的難以置信兩三個菜，吃了人均200。小食這些是捆綁銷售，沒有吃也要收錢！真是霸王條款！

晚飯等位半小時，安排張超細枱加係收銀隔離都算，上菜慢，一個餸食完先上下一個餸，其中一個粉絲蟹煲等左勁耐先話冇蟹，要cancel。好啦，轉叫燒鵝，隻鵝食哂全部餸都未黎，算啦今次我cancel你。講返d餸，燒肉口感令人感覺放左好耐，皮已經由脆變硬， 蒜蓉粉絲蒸元貝，上台一啲蒸氣都冇， 唔知蒸咗幾耐，完全唔夠熱，豉椒炒蜆簡直冇炒過，完全係將啲汁同蜆撈埋一齊就上碟。 上菜慢，樓面又趕催收碟， 啲嘢未食曬就想收，態度又差，叫佢上個生日蛋糕，又無啦啦攞張單比你埋單。 成餐飯簡直兩個字，垃圾。 唯一可取之處係朝日啤酒唔使15蚊一支算平， 唔會有下次。

叫咗幾個小炒，都尚算OK，但係見到有呢個蠔皇扣鮑魚鵝掌，就嗌咗一份......一上咗枱咬咗一細啖，覺得有少少酸，跟住再食多一啖就覺得好酸，即刻吐咗出來！同個部長阿姐講聲話我食咗只鮑魚的邊邊好酸，阿姐話.....哦😰。。擰轉頭就走，我等...等最後隔左15分鐘左右，我再搵返個阿姐，我話我唔係唔俾錢，我照俾錢，不過話聲俾你聽隻鮑魚好酸有點問題，阿姐同我講佢話今日出咗好多份啦！啲鮑魚係罐頭鮑魚嚟㗎點會酸呢？🈚️奈。我唯有話：咁好啦唔該晒，麻煩你買單！😂😂唯一只可以走人😂😂

是日跟尖子看電影, 晚上來到容記小菜王開餐. 週日晚上八時正到達, 差不多等了三十分鐘才可入座, 真的很旺場, 幸好尖子沒有黑面. 點選了兩道小菜: 黑毛豬陳醋骨(HK$138), 彈牙鮮蝦餅(HK$98). 黑毛豬陳醋骨, 分量不多, 只有八塊左右, 感覺有點貴. 試一口, 肉排口感稔軟, 醬汁味道酸酸甜甜, 挺開胃的. 肉也很入味, 整體感覺不錯. 彈牙鮮蝦餅, 分量也是不多, 大概有五塊左右, 感覺也是偏貴的. 試一口, 蝦膠口感挺彈牙的, 的確打得不錯. 蝦味也有的, 但外層炸得過分油膩, 有點美中不足. 飯後尖子帶著筆者吃糖水, Yeah! 

是日family探望BB, 晚上來到容記小菜王開餐. 週末晚上六時多到達, 時間尚早, 沒有訂枱也可立即入座.筆者發辦, 點選了招牌沙拉骨(HK$86), 芝士焗加拿大龍蝦(伊麵底)(HK$208). 招牌沙拉骨, 賣相吸引. 試一口, 沙拉骨水準依舊, 肉排夠淋軟, 醬汁酸甜開胃, 是必點的!  芝士焗加拿大龍蝦(伊麵底), 這個頗為失望. 芝士汁味道不夠濃厚, 質感水汪汪, 完全不能掛在伊麵上, 伊麵立即變得淡而無味. 龍蝦肉肉質尚算不錯, 不會過鞋, 但芝士味道始終稍弱, 不算入味.吃飽飽, 回家去了.