容記小菜王

营业中

休息中

- 看似普普通通嘅酒樓其實大有來頭～ 容記小菜王喺2018年獲得米芝連車胎人美食推介，最出名係燒腩仔同埋燒鵝🍖網上見到唔少人介紹佢嘅晚市鑊氣小炒，所以我哋今次反其道而行，幫大家試吓佢嘅午市點心/菜式！·優惠孖寶 💰148↳🍖脆皮燒腩仔話明係招牌菜當然唔可以錯過！燒腩仔外皮超脆 (真心每一件都係)，睇相都見到肥瘦均勻，就算瘦嘅地方都唔乾柴，連埋少少肥膏食好滋味😋 另上嘅有甜醬同埋芥末，點嚟食會一舊接一舊咁食，真係比外面嘅出色，值得一試😆↳🍝銀芽肉絲脆麵 肉絲脆麵嘅配料有肉絲、蘿蔔絲、芽菜、韭黃同菇片，款款份量唔少，調味適中～ 但係麵偏淋，得返小部分脆，所以鍾意脆麵嘅我哋就冇咁鍾意，希望佢可以做脆啲🙇🏻‍♀️·🥟金瑤灌湯包(大)💰20.8 灌湯餃聽過，灌湯包就真係未聽過😹 兩者幾唔一樣，灌湯包裏面有豬肉、蟹柳&菇片，然後有啲湯浸住佢，唔係一般食開有魚翅、湯汁鎖喺入面嘅灌湯餃～ 不過佢幾大隻，兩個人share啱啱好👌🏻·🥛大良炸鮮奶(中)💰16.8超好食🤤🤤🤤 炸鮮奶上到嚟熱辣辣，肯定係即叫即炸🔥 外層唔係脆咁簡單，而係鬆脆；裏面嘅鮮奶有少少流心嘅感覺，欣賞佢甜度啱啱好，唔會太甜，所以都係以奶

今日來到太子食晚飯，之前已經經過好多次，佢嘅招牌真係好顯眼，一直都想試，終於有機會啦！我哋兩個人嗌左一隻紅燒乳鴿$48，皮脆肉嫩，有肉汁，食到好滋味！然後食咗容記第一咀，佢嘅墨魚咀係炸到岩岩好，炸粉好脆，真係整得唔錯，果然係米芝蓮 $98大大粒食得好開心然後我哋又嗌咗海皇撈粉絲 $88，勁大兜，同埋好足料，最重要係啲粉絲炒得好乾身，味道啱啱好最後我哋食咗招牌沙拉骨，有好多沙律醬，食落好開胃另外佢啲啤酒好抵飲 $19.8 有兩大支，我哋兩個人都飲咗兩支，好盡興下次有機會想再來食佢啲海鮮🦞

此店以小菜聞名，於2018年曾獲米芝蓮推介，不少人會來食它的燒肉。 不過今之次小弟是來品嘗它的傳統點心。 說實在，這兒點心的做工和賣相並不精緻，一睇相片就會知道。不過老一輩的傳統點心賣點是味道。燒賣王和乾蒸牛肉是個人認為最值得推介和出色的點心。燒賣王是這裏重點推介的點心，燒賣用上了一定份量的肥豬肉，咬了一口,燒賣軟而淋身，但有很香濃的肉味，很久已沒有食過這傳統的味道！而乾蒸牛肉在出面的酒樓已經買少見少，質感同樣是軟而淋身，雖然不及燒賣有很香濃的肉味，但點上喼汁，配上酸酸甜甜的味道後，亦是十分美味。至於其他的點心，味道也頗佳，燒鴨河粉的燒鴨亦皮嫩肉厚，不過乾炒牛河的鑊氣略嫌不足，但整體而言味道亦算唔錯。不過以下午茶計，10款食物收三百餘元就唔算抵食，但亦不算抵性價比。

夜晚屋企人話去呢到試下，我地叫咗個龍蝦孖寶。龍蝦都幾新鮮，肉質幾彈牙。個醬汁都唔會太咸，唔錯唔錯。仲有個金蒜銀絲蒸蟶子，蟶子幾新鮮唔會好腥好細隻，而且蒜香十足，都幾好食。我地再叫咗個海鮮濃湯雜菜煲，份量最多嘅係粉絲，雜菜有西蘭花、娃娃菜、生菜，不過略厭煮得耐咗少少，啲菜有少少淋得制。而且都有幾嚿蝦仁、珊瑚蚌同帶子粒，個煲唔會太咸都幾好食。題外話一黎到有碟小菜擺低，原來要收15蚊嫁，各位朋友要留意下喇👍🏻

夜晚約咗屋企人去呢到試下，叫咗個龍蝦孖寶。有上湯加拿大龍蝦伊麵，龍蝦都可以話啖啖肉幾大嚿，肉質都唔會好妹，都幾新鮮彈牙。伊麵都唔會煮得太淋👍🏻龍蝦加伊麵都係酒樓嘅經典配搭，唔會輸！Menu寫扇貝但黎到係蟶子，不過都幾新鮮唔會太細隻，上面都好多粉絲同蒜蓉，蒜香十足。我地再叫咗個海鮮濃湯雜菜煲，有爆多粉絲🤣其餘仲有啲西蘭花、娃娃菜、生菜、蝦仁、珊瑚蚌、帶子粒，都幾豐富見到好多一家大細一齊黎，夜晚都幾full 下，建議book定檯去啊！

容記小菜王成日經過，但食就真係第一次食😆今次嚟到覺得環境都幾舒適，我哋坐卡位座位都非常闊落☺️店員會放低一碟小菜 ($15)，係撈咗花椒油嘅雲耳😆好開胃好食！知道佢哋嘅燒肉好出名，所以就叫咗揚名國際燒肉 (細)($98)，外皮非常香脆，肉都唔會太鹹，肥瘦適中，相當好食😆👍🏻不愧為米芝蓮推介！叫得燒肉，就唔爭在叫埋蜜汁叉燒皇 (例牌)($68)😋蜜汁夠甜夠濃，而且肉質算軟淋，有燶邊☺️令我呢個叉燒控好滿足☺️容記第一嘴 ($88)呢個名咁把炮，都係要試試佢嘅🤣佢係炸咗嘅墨魚嘴，仲有啲避風塘粒粒喺上面添😋我覺得佢炸粉厚薄適中，墨魚嘴都爽，成個都好惹味😋食咁多肉，一定要食返啲菜😆海鮮濃湯雜菜煲 ($108)有五六款蔬菜，仲有珊瑚蚌、蝦、魷魚、帶子等海鮮，個湯都好鮮味😋呢間小菜王嘅小菜的確係有啲保證👍🏻值得一試！

今日黎到太子食小菜呢間平時經過一直想食今日難得有位就入去試下！餐牌有好多選擇，全部經典小菜，圖文並茂好吸引有套餐適合一班人叫，好經濟實惠天下第一嘴呢道菜睇個名就知犀利所以我好有期望結果食落滿足到我預期炸到外脆內軟，火喉剛好墨魚咀好新鮮，好有咬口唔需要調味已經夠味一口一粒，好爽快洗衣機蒜香骨蒜香味好出，骨上佈滿炸蒜好香口，肉質軟淋有2種口感，感覺好滿足蜜椒薯角牛柳粒呢道菜係我既至愛牛柳粒牛味好重，係高質既表現我俾好高分！

👍🏻 上湯加拿大龍蝦🦞龍蝦都算啖啖肉 特別係兩隻鉗 新鮮爽口彈牙 鮮甜味美💕醬汁偏稠同濃味 蒜香十足 可以好容易掛在伊麵上 黃金配搭 真係無得輸👍🏻 金蒜銀絲蒸扇貝扇貝超級大隻 拎上手有啲吃力😂😂扇貝厚肉 廚師仲幫你起埋裙邊 方便食用 上面既蒜蓉/蔥花比例剛好 調味正好帶出扇貝嘅鮮味 一定要將啲湯汁撈埋粉絲一齊食！💁🏻‍♀️👍🏻 容記第一嘴🦑見到好多人都推介呢一款炸物 作為炸物愛好者嘅我哋一定要會一會佢🔥炸皮酥脆超薄身 感覺只係輕輕包裹住入面嘅墨魚咀👍🏻墨魚咀爽口彈牙 可以點少少喼汁 更突顯鮮味！👍🏻 容記小炒皇第一次食落咁重本嘅小炒皇 入面有蝦乾、蝦肉、魷魚、銀魚仔、腰果 同埋最重要嘅韭菜💋各樣食材不吝嗇咁比左好多 超級抵食而且超級好味 必點💡注意事項⚠️- 餐館位於一樓 需乘搭電梯🛗- 茶介及餐前小食需另外收費 記得留意返喇☺️

今日返工特別忙 放左工要好好獎勵自己🤗🤗 去左間米芝蓮餐廳食飯 去得中式酒樓就一定要點小炒皇 呢個容記小炒皇超多料 有鮮蝦肉 大大蝦乾 魷魚等等 每一啖都有海鮮😁😁跟住試左招牌菜 - 容記第一嘴🦑 墨魚嘴比薄薄嘅脆皮包住 咬落口有脆皮嘅感覺而唔會膩 加上裏面嘅墨魚嘴爽口彈牙😉果然係招牌菜最後我地見到酒樓有個優惠套餐 -上湯加拿大龍蝦🦞（伊麵）配上金蒜銀絲蒸帶子 見到呢個組合諗都無諗咁多就叫左😂上湯加拿大龍蝦🦞（伊麵）表面佈滿了龍蝦肉 非常吸引😘 食落口有新鮮嘅龍蝦肉味 配埋上湯伊麵真係一流而金蒜銀絲蒸帶子有4大隻帶子😯帶子非常厚肉😙 加埋蒜蓉粉絲 見到都流曬口水🤣🤣呢個組合真係值得推介

約朋友在太子附近覓食，發現了這間食小菜嘅酒樓，又有小菜又有海鮮食，又係米芝蓮餐廳，就上去食下！餐廳的位子在2/f，都幾多位，但防疫措施做得足，除抬與抬之間有距離外，還有大塊落地隔板隔住👍🏼👍🏼👍🏼餐廳上菜超快，點了一陣就來齊所有食物。先說當晚最喜歡的$188上湯焗波士頓龍蝦伊麵！🦞上湯焗波士頓龍蝦伊麵- 以為$188的龍蝦唔方多肉，點知都幾多肉，而且新鮮彈口，幾有水準。特別是蝦鉗位置，格外鮮甜。另外好值得讚的是伊麵不是一般餐廳的淋口感，而是非常彈口的，真係食到好滋味😋✨揚名國際燒肉- 奪得米芝蓮推介的燒肉肥瘦均勻 ，是一層肥配一層瘦，肉質幾嫩而且有肉汁，外皮薄脆香，口感幾好🐟濃湯手打魚腐浸勝瓜的魚湯底魚味濃得來幾清香，配上份量都多嘅勝瓜同魚腐，水準不錯。呢到真係食海鮮x小菜嘅好地方，有機會再來！

這間小菜王已經歷史悠久, 主打鑊氣十足小炒、燒味及其他廣東菜式, 另外海鮮種類繁多, 中菜館的一個好選擇我們點了蜜汁叉燒皇我喜歡食半肥瘦、略嫌叉燒比較瘦, 但蜜汁味濃揚名國際燒肉外皮脆卜卜很香口, 燒腩咬落肉汁豐富、味道不錯七味脆皮豆腐港式風味, 外表金黄、入口香脆、內裏又夠嫩滑, 一口接一口椒鹽脆鮮魷鑊氣十足, 外皮炸得很金黃酥脆、椒鹽味剛剛好不會太鹹, 鮮魷新鮮夠咬口, 有驚喜豉椒炒花甲大排檔風味, 香噴噴之餘鮮甜惹味、花甲啖啖肉, 醬汁濃郁入味、香氣十足豉油皇炒麵炒得非常乾身不油膩, 麵夠熱、韭黃及銀芽夠香、炒得很均勻, 令每條麵條上色環境整潔企理, 設有多個卡座, 上菜速度快、服務態度不錯

講起米芝蓮推薦小菜，容記小菜王一直都bookmarked 。諗住去試吓懷舊港式小菜，而且喺大子站C2出口一出，行幾分鐘就到。一班朋友仔食飯，可以一次過叫多啲野食試揚明國際燒腩仔（細）$98容記最出名就係佢嘅燒腩仔，水準非常高。燒腩仔嘅皮非常脆香，肥瘦均勻，唔會好似普通燒味鋪咁成到成口油。自家製芥末醬係綠色色，點落同燒肉非常匹配，純非坊間所用嘅黃芥末可以比擬。水煮牛肉煲$98水煮牛肉煲最緊要就係個湯底，要做到惹味香口而唔係一味死辣，需要用到相當多份量嘅香料先做到，而今次容記就做得好好！牛肉軟腍入味，而豆卜更加索晒湯汁，係成個小菜嘅MVP！容記第一咀$88所謂嘅第一咀指嘅就係墨魚咀，配合大量椒鹽同炸蒜，香口惹味。食炸野最驚遇到淋晒唔脆，仲要入面炸到又硬又老，但容記就佢到外脆內有咬口，保持到墨魚咀嘅口感，同時亦保留到海鮮原有嘅鮮味，彈牙爽口，唔怪得要叫佢做第一咀！洗衣機蒜香骨$98香口野又點會嫌多，洗衣機蒜香骨傳說係將排骨放入洗衣機攪肉，咁先做到肉質香口彈牙，肉汁鎖起，咁先做到香口多汁唔柴。食蒜香骨記得要啜埋個骨邊，咁先係識食～濃湯海鮮雜菜煲$108食咗咁多香口野，梗係要有個菜煲嚟中和下！呢

容記之所以叫容記，正正係當年佢老細叫容哥屹立深水埗20多年，當年質素真係好高之後轉營太子店後，一開始都還好可能容哥仲喺度，但呢幾年佢推出後真係差咗好多😵招牌燒腩仔，叫咗碟細嘅試試，質素仲差過平時啲茶樓，個脆皮唔脆已經係死罪，最少平時飲茶食嘅燒腩仔係脆先😡

今晚同爸爸媽媽食飯諗住揀平日晚冇咁多人點知都咁多人好彩一早book定枱4個人食叫咗5個餸+2罐黑啤食到飽飽媽咪都好滿意燒腩仔皮夠脆，腩肉肥瘦適中有青芥醬同叉燒醬點小炒王聽聞小炒王煮得好唔好代表嗰間餐館廚師功架呢道菜炒得都幾好食材料有韮菜、蝦乾、白飯魚、腰果、三色椒第一咀聽講人人必食，的確係唔錯墨魚咀夠大粒彈牙，如果索咁啲油會更加好食焗魚腸爸爸睇完menu話要叫呢個菜，話已經好少地方有得食蛋蒸得夠滑，魚腸亦有咬口我自己就鍾意落胡椒粉，感覺好食啲九肚魚最尾九肚魚都炸得幾靚，夠大條。我哋叫得太多炸嘢，食到尾有少少濟，不過係好食嘅呢度冇缽仔飯，部長話有西施煲絲苗白飯，講得好好笑😆啱晒父母嘴形

我幾中意去中菜館食飯，覺得質素同環境都好似好啲，今次同屋企人去左太子容記食晚飯，啲小菜真係唔錯喎，又多選擇，樣樣都想試下😋揚名國際燒肉(細) ($98)燒肉外皮炸到金黃色、好脆口，食落索索聲😋肉就肥瘦均勻，睇到一層肥膏一層肉，食落都幾嫩，份量都幾多👍🏼小炒王 ($98)好大份，料又足，有蝦乾、魷魚仔、魚乾、腰果、韮菜花等等，絕不馬虎，雖然有少少咸，但送飯真係一流！容記第一咀 ($88)粒粒原隻墨魚咀，炸到好酥脆，炸粉唔厚，食落卜卜脆👍🏼砵仔焗魚腸 ($98)呢碟係順德菜，唔係到到有得食，畢竟準備功夫繁複，見呢到有就叫左一份。焗出黎金黃色好似crème brûlée 咁🤣表面係食蛋餅咁比較結實，但入面既蛋係蒸得好滑，加上魚腸，有嚼口，如果灑上少少胡椒粉食，更加好食😋八味酥炸九肚魚 ($138)九肚魚好大條，炸粉唔厚，炸得好酥脆，啖啖肉，幾好食👍🏼黑啤做緊優惠$25兩罐，一路飲啤一路食香口野，絕配🤣呢到既環境比較似酒樓，但有梳化卡位，坐得比較舒服😌服務都幾好，啲菜都上得快既。平日黎都坐無虛席😮，因為啲小菜真係幾好，下次再黎就試下啲海鮮先😋.味道 ★ ★ ★ ★ ☆環境 ★ ★