家賀屋刺身寿司專門店

朋友在灣仔上班，當她提起「家賀屋」的店名時，我便覺得有點耳熟，好似在哪裡曾見過；但在我記憶中，該店是在街上，而非樓上店，那時我便以為自己記錯了。後來在開飯網看看，發現原來是店舖搬了。算是細舖搬大舖，不知道出品是否依然有水準。其實，我從未到過這店，但它一直都在我收藏的餐廳名單內。灣仔區，食肆多是小店，這是我喜歡在這區覓食的原因。「家賀屋」三個字，不知為什麼，一聽就會知道是吃日本菜。店舖跟原舖有數條街之隔，乃因是樓上舖，首次到訪的話，要找到著實有少許難度。幸好，店家在大廈入口處放了易拉架，讓人看到了，就能找上門來。這店從街舖轉為樓上舖，空間大了，整個感覺比舊店也寬敞了（雖然未曾到訪舊店，但從網上圖片也能看出來）。店內主要以木色裝水潢陳設為主，墻上掛了不少畫作，有沙發背椅，中間有個仿火爐的設計，營造出「家」的感覺，很溫馨，甚有親切感。我們被安排在沙發座位，甫坐下，侍應便端上熱茶。朋友想是太興奮的關係，突然說：「你快跟一下茶，這些茶跟平常跟的不一樣喔！」我心想，有這樣誇張嗎？我懷著半信半疑的心，喝起茶來。咦，確實有驚喜。這茶不是普通的綠茶，該是混入了玄米茶？不但有綠茶的甘香，還嚐到烘炒的米香…

今日收工行過灣仔188，諗住睇下啲PS4 game，一字記之曰:貴，之後join埋阿保去開餐，過左759向左望，見到呢間餐廳好大個的招牌，又係大家喜歡的日本菜，就上左去試下。點左一客鰻魚丼，西京燒三文魚鮫同一客特選鮪盛。鰻魚丼鰻魚魚肉腍滑，醬汁味道剛好，飯，魚同埋青瓜夾埋一齊食，味道一流。鰻魚亦燒得好香，好燶。鰻魚邊有啲燶燶地，我就認為這樣的鰻魚最好味！飯的份量也足夠，一個人食剛剛好。三文魚魚鮫西京燒之前去東京旅行食過，好好味，始終魚鮫位係我的首選，油份，肉質我都覺得魚鮫好過魚頭。魚鮫燒完都唔會太乾，亦都無燒得Over左，燶的感覺，唔加日式沙律醬都好好食。最後係鮪盛，鮪即係吞拿魚，呢度賣的唔係平時自助餐或放題食到既吞拿魚，而係較高級既藍鰭吞拿，自然好味好多，仲有三款不同選擇，大吞拿，中吞拿同吞拿魚，三款魚魚質鮮味，最靚的大吞拿不是血紅色，而是淺紅色，望落仲以為唔新鮮，原來最好食係呢件，肉質鬆化，入口即融，一咬就感受到吞拿魚的嫩滑，真係一款食物，滿足的享受！經常係灣仔出沒的我，下次要食定食，飲清酒！

fd 係呢頭番工, 聽佢講開左呢間新sushi 店, 望過張menu 又唔貴, 所以就去左挑機呢間新店吹吹水...唔算好餓既我地叫左一個定食同一堆小食試下燒鯖魚同一般食到既好唔同,佢加左自家製醬料入去, 雖然無甘脆口,但勝在更入味明太子雞翼,脆口既外皮包住明太子雞肉, 塞到脹卜卜,岩唒食肉獸既我😍😍😍 香濃明太子,食落少少辣味,脆口又惹味,正焦糖玉子燒,呢個配搭基本無死😎😎😎果然上到枱,風卷殘雲咁轉瞬間清哂,脆脆既焦糖配上嫩蛋,絕對值得encore, 今次叫左熱既,下次可以試凍先呢個牛舌燒得香口, 好香濃牛肉味。不過$75得5片左右, 相比其他小食較遜色睇到 open rice d 人推介, 咁我地又來試試啦 呢個特選鮪盛有唔同既tuna sushi... 食落真係好新鮮肥美 我地仲叫左個大關定食, 三文魚 油甘魚 tuna 帆立貝刺身都好新鮮, steamed egg 香滑, 三文魚頭湯除左味噌仲加左魚去煮, 飲落更有鮮味仲有成舊魚可以食, 好Udon 原來係幼身呢款, 湯底偏淡. 加埋wasabi 同刺身一齊食就好食好多啦一set 定食咁多款都係$155 真係好抵食整體呢度環境都o

今晚收工去左灣仔等埋老公大人，佢未收工我去左駱克道圖書館睇書，咁上下佢話係大有，行到過去肚餓啦！周圍搵食~行入灣仔道離遠見到好大個牌寫住"家賀屋"，見到易拉架啲Set都唔貴，於是上1樓搵食啦！去到見到門口有張藍鰭准許證，即係呢間既吞拿魚應該OK喎！坐低唔使諗即刻叫左客"特選鮪盛"。特選鮪盛有大吞拿腩2件，中吞魚腩2件，吞拿魚2件。當然試左靚野先，大吞拿魚腩絕對係厚切，呈少少粉紅色，魚肉好香，油脂分佈平均，入口即融，一咬就甩，吞拿魚肉十分柔軟。中吞拿魚腩呈暗紅色，肉質都好嫩，但唔夠大吞拿魚腩咁滑。最後係普通吞拿魚腩，呈血紅色，質感似一般放題吞拿魚，肉質唔太滑，需要時間咀嚼，有咬感，味道有dd苦，唔夠大同中吞拿魚腩咁鮮味。火灸鰻魚玉子: 其實係燒玉子入面包住少少鰻魚，火灸既感覺就無乜，可能因為個面唔燶，玉子幾結實，唔鬆散，而且幾甜，同鰻魚少少咸既味道幾夾，$35就有三件啦！雞軟骨餃子: 賣相唔似餃子，因為係長條型，望落去似炸腐皮卷XD，雞軟骨唔係好食到，咬落都係似一般餃子餡，但係都幾油，一人兩隻夠晒了。什錦魚生丼: 價錢一d都唔貴，碗飯都幾大碗，刺身有𩶘魚，三文魚，吞拿魚，蟹籽。蟹籽份量中

由於這天要來灣仔上堂，所以下課後，決定躲懶，不回家做飯，一於約埋老公在附近吃頓晚飯才回家。沿著皇后大道東往電車路方向走，途經灣仔道路口，見一幢商業大廈門外放了好幾間食肆的易拉架，見其中一間叫《家賀屋》的店子，晚市有刺身、壽司和定食等供應，而且定價合理，幾十蚊已經有交易，反正還沒想到吃甚麼，提議不如一試。餐廳位於大廈 1 樓，甫踏進店，呈長方形設計的用餐區隨即映入眼簾。細心觀察，座位以一字形排開，地方雖然不大，但裝潢簡約平實，布置舒適企理，配上一室柔和的燈光、牆身上的掛畫和一排長長的梳化座，感覺 Casual 自在。原來再往內進，餐廳入面另設有數張四人卡座，這裡不僅私隱度較大，而且座位亦更加寬敞。安坐後，先細閱檯面上的餐簿，基本上一般的小食、手握壽司、刺身、定食和烏冬等，都可以在餐牌上找到，服務員推介我倆試試店裡的主打、藍鰭吞拿，據說水準極高，所以非常搶手。既然講到咁吸引，就先點一客特選鮪盛 ($180) 試試，成品以木板盛上，分別有大吞拿魚腩壽司、中吞拿魚腩壽司和吞拿魚壽司各兩件。先由吞拿魚開始，入口肉質細緻，油花雖少，但勝在甘甜鮮嫩。接著是中吞拿魚腩，吃起來既有油香，又能啖出魚的鮮甜

在灣仔行街，無意之中看到這間家賀屋，之前也未試過，就上去一試。地點算是就腳，在大有商場對面。我們叫了 極上 Toro，這也是他們的重點推介招牌菜；有魚香以及新鮮，入口即溶化。 這個套餐也很抵食，款式很多，而且用料高級，有海膽，牡丹蝦，我都很喜歡；可以看到牡丹蝦大大隻。也可以散叫他們的特價壽司，只是 HKD10.00 一件，你叫足十件也只是 HKD100.00，已經可以吃個飽飽，而且選擇甚多；我心水是帶子，赤蝦，赤貝。魚生飯其實是可以吃得很滿足的，份量也多，一個人夠吃有餘，舖排甚好。如加 HKD20.00 就可以轉定食，有湯，沙律，我建議必轉。這裏可以叫壽司定食，魚生飯，散叫也可以。壽司定食也只是百多元一位，定價合理。散叫的特價壽司有飛魚子沙律，很合口味。環境比一般迴轉壽司店闊落，也坐得舒服，我很滿意。

喜歡日本生活同樣喜歡吃刺身及壽司，在灣仔有間質素很好的專門店，餐廳好寬敞，坐位不算太多，坐得很舒適。餐牌設計也十分美麗，已可見到餐廳的用心。特選鮪盛 (マゲロセット)有大吞拿魚腩 (大とろ)，中吞拿魚腩 (中とろ)及吞拿魚 (まぐろ), 藍鰭吞拿魚最肥美就是魚腩部份，多脂肪的位置，吞拿魚的紋路清晰分明，味道鮮甜，肉厚嫩滑，由紅色普通吞拿魚的部位開始吃起到魚腩最肥美的部位，口感不錯，不會感到很油膩。海膽刺身 (うに刺身)一板整塊板放滿海膽，質感柔滑，肉質豐厚，顏色鮮豔，入口即溶，腥味不太重。原絛海鰻壽司一整條海鰻蓋過壽司飯，外觀相當吸引，燒海鰻的火候恰到好處，肉質柔滑，再配上鰻魚汁，令海鰻更美味可口。明太子雞翼 (明王子の手羽先)這隻雞翼也算特別，看到餐牌的圖片就被吸引著，雞翼有半邊骨去走了，將內裏放滿明太子，雞翼外皮脆口，有些小辣的明太子，令雞翼十分惹味，加些少檸檬汁，雞翼就會變更加鮮甜。都會想再食多次。辛辣吞拿魚軍艦 (辛いまくろ軍艦)將吞拿魚切成粒狀，已混了醬汁，令吞拿魚有微辣的口感。安格斯牛肉軍艦（ローストアンガスビーフ軍艦）牛肉鬆軟，保留了些小肉汁，高質牛肉，加了些葱花一起吃，

家賀屋搬咗上樓後地方更大更寬敞，坐位舒適，比起舊舖更富麗堂皇。首先是這裡的招牌「特選鮪盛」，有三款吞拿魚的不同部位，分別吞拿魚、中吞拿魚腩、大吞拿魚腩，由不太多油脂的吞拿魚吃起，再吃油脂豐富的中、大吞拿魚腩，滿滿的油脂入口即化。薄燒牛舌就較為有點韌，肉質不太軟腍，但都具有香香的牛肉鮮味。刺身選了特選刺身盛，再另外加海膽及大吞拿魚腩刺身。刺身全都非常新鮮又有厚度，咬下啖啖肉，一啲雪味都沒有，海膽更是鮮甜味美，完全沒有腥味。蟹膏軍艦是限定的，因季節而出，蟹膏超多味道超濃郁，很有香濃的蟹膏味道，配上壽司飯及紫菜中和蟹膏的膩。蒲燒鰻魚丼舖滿滿滿的鰻魚，吃得出它是正宗的日本鰻魚，不是用鱔代替，醬汁不會太鹹，而且廚師落汁相當好，每粒飯都足夠沾有醬汁，不會令飯乾爭爭般難以入口。

位於灣仔大有商場對面既家賀屋係1/f~~環境相當光猛~屬長方型設計！ 樓底夠哂高！毫無局促感叫左份大吞拿魚腩刺身~可選擇3切或5切！當然要5切啦肥美吞拿魚腩色澤光鮮！眼都感受到幾咁鮮樕！果然入咁魚脂油份充足！完全無渣無筋！非常樕滑~果份甘香係口腔內遊走！多麼想一直停頓在這時刻呢餐廳用既吞拿魚仲要證明書~信心保證呢跟住叫左幾份壽司~~赤蝦爽口Q彈！蝦膠味夠哂濃！黏黏的！！無雪氣味~好鮮甜！燒左口魚入口溶化~厚身帆立貝份量巨形！入口唔會死實實~入口軟淋淋！夠哂soft叫左份家賀壽司！有拖羅蓉，赤蝦，海膽！為創作壽司！海膽無腥味！3樣海鮮既配合最後食左份軟殼蟹卷物~炸到好香脆！脆卜卜夠哂香口！但唔會話好有油溢味咁！內有青瓜絲沙津醬！十分開胃

Hanged out with my buddy tonight. We dined at a Japanese restaurant tonight because he loves Japanese food and the most important thing is it's on him. 🤓🤓🤓It wasn't too many dinners at 6pm. HK people often have the dinner late probably. 🤔 This restaurant is a peaceful oasis of delicious Japanese food and art. It's all around with many of Japanese paintings.We ordered some soft drinks, fried squid's lips, sushi and hand rolls as appetizers. The waitress highly recommended us to try the sashimi se

食厭左放題既可以一戰家賀屋，質素比普通放題既高，食日本野對我黎講就係重質不重量。今日既主角特選拖羅 set，好似叉燒咁分開全肥,半肥瘦同全瘦，食拖羅最緊要係冇根同埋肥美，呢間餐廳做到之餘仲入口即溶，拖羅控可以一試。饅魚飯幾香口，，燒汁調配恰好；特大帆立貝好大塊食到好滿足，都係$45雞翼餃子好掂，一次可以食哂兩樣我最喜歡既食物，味道出奇地夾得到；饅魚蛋即叫即煎，饅魚甘香可口，必叫之選海膽生蝦、蟹膏甘蝦，油甘魚幾新鮮，而且厚身，放題無幾可有d咁新鮮既食物，除左生野，熟既壽司都唔錯，唔會話整得老；再正係$10蚊舊，非常抵食。千層蛋糕比較普通，唔夠軟熟，始終係壽司鋪，主力唔係做西式甜品。

灣仔道一向都幾多唔錯既餐廳，最近又俾我發現左間食刺身飯幾好味既地方！呢間餐廳主打刺身同壽司，亦都有唔同既熟食！特選鮪盛（$180）藍鰭吞拿魚一向都比普通吞拿魚高質素，而呢個更加係有埋最靚既部分—中腩同大腩😍，由吞拿魚最普通既部份食起，最普通已經好好味好新鮮，而去到中腩大腩，佢地既油脂會愈來愈多，所以食到大腩已經痛種入口即溶既感覺，油香充滿左口腔，好幸福呀！特選海鮮丼（$195）正所謂要食就食最好，有選擇困難症既我梗係揀個最多野食既一個啦，咩都試下嘛！傻的嘛，有12種魚生😳又鮑魚、海膽、大腩等既貴價食材，其他既刺身都好新鮮，一啲都唔腥/有雪味！而我最愛就係左口魚裙邊😍爽口但油脂好夠，第一次食就愛上了！炸軟殼蟹（$55）明太子雞翼（$35）除外刺身，呢度既熟食都做得幾好！軟殼蟹炸得好香脆但完全唔油膩，有啲做得唔好會一咬落去成口油但呢個唔會，肉既部分仍然保持多汁，好味。而明太子雞翼 入面釀入左滿滿既明太子，煎得金黃色，少少辣而且唔會話好乾，幾juicy，都幾唔錯！總括黎講，呢間餐廳性價比都幾好，因為刺身飯既價錢合理而且新鮮，熟食做到都唔錯。而且侍應無不時都斟水又收下野咁，都幾值得推介！

呢晚接女友放工後就去灣仔食飯，慶祝佢摘星!我地黎到灣仔道既家賀屋食日本野!日式食品一向係我地favourite，尤其壽司刺身!青龍卷上檯賣相唔錯~炸蝦夠酥脆，配上粒粒魚子，好味!關恊刺身定食 $135刺身 + salad + 湯 + 烏冬 + 蒸蛋，abundant !刺身大大件好肥美，望落係有光澤架，果然新鮮!三文魚 & 吞拿魚入口鮮甜，正! 食完好滿足!元貝咬落都鮮甜， 份量唔夠喉丫!蒸蛋熱騰騰，又滑又軟熟 !烏冬正常，冇乜特別~明太子雞翼 $35去骨雞翼入面係明太子，食落有DD辣但好惹味! 要encore !Overall食物&服務都好OK!座位坐得舒服，刺身選料上乘，家賀屋值得我地再黎

今晚喺灣仔搵食 嚟到一間樓上日本料理店食dinner梳化位好寬闊 返完一日工 可以舒舒服服咁坐 冷氣又唔太凍... 小妹旁邊有個可愛的假火爐～～～呢度嘅茶有別於其他日本餐廳嘅綠茶 用咗由玄米同日式煎茶拼配而成嘅玄米茶 除咗有綠茶嘅芳香 亦有烘炒嘅米香... 總之正過綠茶啦 XD呢度嘅wasabi都好正 超級嗆鼻 很多地方嘅wasabi只係得個辣字小妹和友人首先點咗比較飽肚嘅特選海鮮丼 比普通海鮮丼貴超過$100 但係用料明顯「特選」！除咗肥美嘅 大吞拿魚腩、油甘魚、左口魚群邊、吞拿魚、三文魚腩... 還有 切成四粒 多汁嘅磯煮小鮑魚、飽滿嘅特上三文魚籽、壓成一pat好適合撈飯嘅蔥吞拿魚腩、韓國海膽、特大赤海蝦兩隻（！）、帆立貝、赤貝... 微酸嘅珍珠米裡面夾雜咗白芝麻同紫菜碎 令個飯更加可口！另外 所有丼物加$20就可upgrade成定食 有一個海帶麵豉湯、胡麻田園沙律 同 日式燉蛋... 湯有濃濃的豆腐味... 燉蛋好滑漏 裡面一個氣泡都無 仲落咗魚肉和冬菇小妹點咗朋友極力推介嘅特選鮪盛 大吞拿魚腩、中吞拿魚腩 和 吞拿魚壽司 各兩件 魚腩比普通魚肥少少油少少 啲筋絡比較清晰...

地方大了、環境好了、坐位寬敞了、竟然價錢沒多大變化、確係消費者的佳音。近日天氣炎熱、清淡食物比較適合。首選滑溜溜豆腐、淋上芝麻醬、清新又開胃。今天推介特選鮪盛、大拖羅、中拖羅和吞拿魚各二件。眼前肥美的大拖羅、油脂分佈均勻、入口即溶、油份還停留口腔久久不散。中拖羅油脂當然遜色於大拖羅、反而我本人較喜歡肥瘦差半的口感。至於吞拿魚肉質相對實在、依然滋味。海膽軍艦看似平平無奇、入口卻爆發那濃郁海水味道。期間限定超平系列不可放過、只十元價錢去邊度揾呢？水準亦無因為平宜而差了。炙過的海鰻多了份焦香、燒汁增添滋味感覺。晶瑩剔透的赤海蝦、彈牙有漿口感、不錯。魚的各部份我最喜歡魚鮫位、因肉質嫩滑。柔軟的魚肉和滑溜溜的魚脂、再加上灑了少許鹽來燒、提升了味道、讚！整體水準不錯、價錢又實惠、值得再來。