家賀屋刺身寿司專門店

前排腸胃炎，忍口忍左成個月。見身體好返穩定返，可以放肆下✌🏻-🔹日本真蠔($298/半打)🔹活赤貝刺身($105)🔹象拔蚌刺身($75)一見到啲蠔已經兩眼發光🤩啲蠔好大隻，好肥美，光澤好好。急不及待試一隻，又真係高質喎！每隻上面有少少醬油同明太子去調味，好正，極速食哂三隻。赤貝切得有啲太大，食落爽口，不錯。象拔蚌比較下就無咁出色啦。-🔹特選海鮮丼($288)貪心既揀呢款就岩啦！有成12款海鮮，最正係鮑魚😍食落新鮮彈牙，仲將鮑魚預先一開二，方便share👍🏻另外仲有海膽、左口魚邊、大拖、拖羅蓉、甜蝦，我喜歡既都有係呢碗入面👍🏻👍🏻-🔺餐廳有兩個廁所，方便客人

考完試梗係獎勵下自己，同男朋友去咗食日本野😍 聽朋友講依間啲魚生好新鮮，所以就去打個卡先。店員介紹咗佢地好受歡迎既築地鮮魚，我地係見到個賣相幾靚，加上我地都好鐘意食魚生，所以就叫咗嚟食。一嚟到既賣相真係嚇親，無諗過叫刺身係成條魚上，我地以為都係得幾塊，所以真係好足料。而且，佢無魚腥味，好新鮮，加埋佢提供咗啲汁比我地點，係柚子芝麻醬油，成個感覺都好fresh😍三文魚腩😋每舊都好厚切，而且佢既油脂都好高，所以口感好好，最重要係新鮮，肉質鮮嫩。火炙鰻魚玉子😋係我最鐘意食既野混合版，但都真係幾有創意，將鰻魚放喺玉子係中間，而且兩者一齊放入口都真係好夾。特大帆立貝 北寄貝壽司😋兩粒帶子都真係好大，完全遮蓋左飯嘅部份，而北寄貝都好爽口同新鮮。青龍😋係紫菜蝦卷，仲要有好多蟹子係上面，啲蝦都炸得好脆。三得利生啤😋夏天飲真係好解渴，夠晒大杯。

特選刺身丼 ($288)，內含超多不同的刺身種類，由平日常吃到三文魚，到較到矜貴的拖羅、鮑魚、海膽都有。這次的拖羅也分別有大拖羅和中拖羅。一碗滿足多個願望，最適合有選擇困難症的人。唐揚平目魚 ($85)，原條平目魚起肉，再將魚柳炸脆。平目魚雖然肉嫩，但味道較為清淡；現將魚肉炸香，加上少少鹽花，令整條魚變得令惹味香口。起肉後，連魚骨也會炸，最後將魚骨墊底託起魚塊，完完整整的一條魚再呈現桌上。芥辣八爪魚沙律 ($48)，八爪魚刺身加上芥辣，芥辣味不算濃，沒有嗆鼻的感覺，比較易入口。鰻魚手卷 ($32)，軟殼蟹手卷 ($32)。加了少少青瓜絲的鰻魚手卷，口感格外清脆。Suntory draft beer生啤，這裡也有居酒屋常見的Suntory。

lunch 成日係灣仔道買面包，水果，經過家賀屋都想試下，不過感覺價錢吾平。今日同事話lunch去食日本野，我即刻提議去家賀屋。呢度坐位好寬敞，吾會好嘈吵。套餐由百幾到二百幾近三百，主力係刺身壽司。我點左大關刺身定食，同事叫松壽司定食。三文魚魚腩油花均勻，郁魚腩個顏色超粉嫩，仲有油甘魚，大蝦，帆立背，全部刺身都好新鮮。松壽司定食有7粒壽司，同事話質數真係好好，仲有燉蛋，沙律，烏冬，湯，百幾蚊黎講算係抵食。

From the outside (signboard and building style), Harvest House Sushi presents to be an aged Izakaya which would be easily missed. In fact, the place is more modern than the signboard. Food is with high quality at that price range. iPad menu is available for viewing daily recommendation.Supreme tuna sushi set $238Supreme fatty tunaSemi-fatty tunaTunaSalmon $50/ 4pcsScallop $65/ 4pcsHokkaido sea urchin $198/ 50gWhat a blissful moment when your mouth is filled with unami sea urchin.Overall, the sas

最近很常來灣仔覓食今晚來朋友推薦的家賀屋試試日式料理叮叮車下車走約1分鐘便可以看到餐廳招牌平成22年就開店了呢來看看今天的菜色特選海鮮丼定食登登登登哇！超大一碗 看起來好厲害居然總共有13種配料 樣樣鮮甜可口特別鍾意鮭魚鮪魚跟甜蝦非常新鮮美味蒲燒鰻魚丼定食白飯上鋪著滿滿的鰻魚 超大方的鰻魚入口即化 相當新鮮可口定食另有附上味增湯、燉蛋及沙律🥗明太子機翼外皮炸的金黃酥脆內陷包裹著滿滿明太子帶有一點點辣吃起來好下飯吉列海蝦炸蝦吃起來酥酥脆脆 皮稍稍厚了一些最後居酒屋怎能不來一杯啤酒🍻Cheers!為今天的晚餐畫了美好的句點總體而言食材新鮮美味 擺盤別有用心餐廳環境也很舒適推薦給大家

一直都有好多朋友講過家賀屋既dinner好新鮮😎，尤其係拖羅三食好正，今次我地就趁lunch去試下，睇下午市套餐抵唔抵同有無晚餐一樣咁新鮮。💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣特選海鮮丼💲298💭一上臺都哇左聲😳💭個賣相好靚，超適合打卡，見到都流口水😍💭一次過可以試曬最矜貴既食材，好似海膽拖羅等💭三文魚,赤貝,左口魚同三文魚籽就好新鮮💭鮑魚都好甜，而且唔會韌，好易咬🤩💭大拖羅，中拖羅同海膽就比較一般🧐，唔算好驚豔地覺得新鮮💭個壽司飯都比較硬身，有少少一舊舊🥺⠀⠀⠀⠀⠀⠀⠀⠀⠀⠀⠀⠀⠀⠀⠀2⃣炸蝦關東煮烏冬💲65💭個炸蝦外皮炸得好脆😄💭蝦肉都大條同有肉質💭不過烏冬比較淡🤔💭但個餐幾平

朋友在灣仔返工，約好了一起食lunch，身為灣仔地頭的她帶了我去家賀屋😆😆午餐選擇很多，可以叫定食或主餐牌內的食物。定食有刺身、丼飯、壽司等，實在是花多眼亂呀～🔸竹 壽司定食 $108 （+$10轉烏冬）朋友經過一番掙扎後，點了竹～前菜都很齊全，有麵鼓湯、沙律等，主菜當然是壽司了，大部分壽司都是魚，朋友就很新鮮，喜歡食魚的朋友不可以錯過💕💕🔸青龍 $68賣相好靚，用海苔和蟹子包著壽司，壽司中間的是炸大蝦，最驚喜是咬下去卡卡聲，大蝦炸得非常香脆！！🔸三文魚腩 $26🔸帆立貝 $38🔸辛柱貝 $13🔸安格斯牛肉 $13🔸象拔蚌 $13我們還私心散叫了其他想吃的壽司，部分壽司款式有優惠，$13一件，我們都叫了幾款試試～我自己最喜歡的是帆立貝💛💛 大粒爽口又新鮮，而且壽司飯軟硬度剛剛好，建議可以由淡吃到濃味🙈🙈🔸炸軟殼蟹 $65份量不算很多，有4件，炸漿很薄，不會一口都是粉😆😆

灣仔午餐覓食記😋呢間日本野想食好耐， 終於約咗同事一齊食😝 餐廳位於灣仔上樓地區，入面裝修都幾日本料理感覺😁🔸大關刺身定食$188💁‍♀️ 吞拿魚腩厚切，夠肥美，咬落脂肪都好多，入口即溶🤤 帶子大隻鮮甜； 油甘魚都好厚唔腥， 三文魚都不錯😋🔸 松壽司定食🍣（$155） 我加咗$10配烏冬🍜➡️ 吞拿魚腩、油甘魚、赤貝、立魚、特大赤海蝦、左口魚裙邊 及蔥吞拿魚腩軍艦☺️赤貝超級爽口👅赤海蝦就大隻鮮甜🦐左口魚裙邊入口即溶，壽司質素都算唔錯喎！午市定食包麵豉湯、沙律及蒸蛋😍 飽飽😚

呢間係灣仔嘅日本料理聽聞口碑不錯，係區內都算幾出名，早幾日同朋友去開港島個邊就決定要試下佢。内裏嘅裝修走現代感風格，環境俾人感覺乾淨闊落，而且有卡位可以坐得舒適。首先前菜叫了道蟹子沙律。再分別散叫了三文魚刺身及特大帆立貝刺身，三文魚刺身油脂分布均勻，而帆立貝刺身亦夠肥美，厚切的每一件鮮甜味十足。跟著就有我最喜愛嘅特盛鮪盛，每款都各有特色，最淺色嘅當然就係油脂味比較香濃，深色啲嘅口感就較為清爽，畢竟鮪魚都係油脂較重，我地每人三件都即刻飽左一截。仲有呢盤日本產海膽刺身，每一啖放入口都覺得係奢侈，海膽夠新鮮有鮮味，其實本來係附有飯團同紫菜俾我地送海膽食，但係我都係鍾意原啖海膽送入口嘅幸福感覺!熱食方面，我地首先要左碟薄燒牛舌，牛舌偏向少脂肪因此食落唔會太膩，反而燒得好香口。另外仲有個燒吞拿魚鮫，魚肉燒得十分嫩滑，整個魚鮫都啖啖肉，而且燒得香口唔會腥，值得一試。最後再叫左個冷稻庭手打烏冬，果然係手打嘅關係烏冬口感煙靱，夏天食返個冷稻庭烏冬就最適合不過。

聽朋友推介話呢度既魚生特別新鮮，所以穩左一日過既試下。餐廳位置並不好穩。因為都比較隱蔽。係入街市呢邊。83號便是棟樓既名亦是門牌number。大大個招牌掛左係門口位，睇個中文字就覺得非常有氣勢。底下仲有日文。因為本人對於日文並不十分了解，本住好奇既心特登上網穩家賀既日文翻譯。原來是豐收、滿足既意思。希望呢一餐確實係咁啦。招牌既側邊仲有好多資訊都係個牆上。其中本鮪產地直送個證書令我覺得呢餐一定係好新鮮。聽侍應話佢地主打既吞拿魚十分熱銷。店內裝潢簡潔，偏黃既燈光給人溫馨既感覺。牆上掛住好多畫，有魚🐟，有花🌼，以及日本人物畫。其中，我最中意呢幅，栩栩如生既感覺。幅畫係餐廳既中間位置，底下有個暖爐裝飾，檯面上仲有D日本陶瓷公仔。既然主打吞拿魚，咁我就order左一個特選海鮮丼餐。入邊有齊吞拿魚蓉，赤身，同大吞拿腩，仲有日本海膽同鮑魚等等。食落每樣魚生都好新鮮，其中大愛大吞拿魚腩，入口即融既口感，滿滿既油脂以及自帶既甜味讓你欲罷不能。套餐包埋紫菜面豉湯，日式鹹口燉蛋，胡麻田園沙律。米正是採用日本米。大大粒，圓碌碌。好香甜。果然係滿足既一餐。會再黎。

很久沒有到港島區晚飯，這天寶寶返工有事到灣仔，接他放工順便要食餐好的。家賀屋的Menu選擇都蠻多，而且每日都有新鮮推介。特選鮪盛($238)大本郁魚腩，中本鮪魚腩和本郁魚腩各二，即3種油脂含量不同部份稍不同的的吞拿魚腩壽司，每種的魚腩都是厚切的，而且食得出肉質好新鮮。大本郁魚腩簡直有點入口即溶的感覺。食落好鮮甜，口感極佳。象拔蚌壽司($13)，食落新鮮爽口。火炙三文魚腩($38)三文魚腩同樣厚身，稍為燒過令魚味和油脂更為突出。薄燒牛舌($80)燒得金黃焦香，簡單地用上黑椒和鹽提味便很足夠。築地鮮魚($300)以這個價錢能食到一整條新鮮的魚刺身，其實蠻抵食的。餐廳會先將魚肉都起出來，配上柚子醬汁食，味道更鮮甜。然後魚頭和魚骨的部份，還可以用炸或煮湯的方式處理。這次我們選擇了炸。師傅將魚頭，魚鰭及魚頭都炸到香脆，魚肉是沒有剩多少，但食落香脆，伴酒一流。火炙左口魚裙邊丼定食($130)超愛吃火炙左口魚裙邊，貪其肉質夠嫩滑，油脂亦夠多夠香，但一般只有配壽司。這個丼的火炙左口魚裙邊份量都好多，而且定食還配上沙律、茶碗蒸及味噌湯，好抵食。茶碗煮做得很滑身，加入菇類味道很好。

天氣又開始炎熱係時候食下啲涼快啲嘅嘢去中和一下～首選當然係刺身魚生飯～環顧公司附近好像比較多連鎖式餐廳，所以openrice一下有沒有特別小店可以試～所以就選了這間加賀屋啦！一出lift已經見到大大個牌子～好傳統日式的感覺～門口寫住產地直送，唔駛擔心係假嘅魚生～可以放心食～室內空間都幾大，我哋2個人walk in都可以坐4人枱～不錯呢～仲要有一邊係梳化位～menu魚生飯種類繁多，樣樣都好吸引！唔知食咩好～見到呢個池魚刺身好特別，所以首先點呢個試一下～池魚刺身估唔到咁大碟咁多塊！魚身很透明，證明非常新鮮，咩都唔點入口都非常彈牙同埋鮮味～加上佢嘅柚子酸汁～令到魚味更加鮮～超滿足～日本真蠔點了三隻日本真蠔試下～肉質比較肥美creamy，食落無咩鐵鏽味，啱晒我口味！唔駛加任何汁料都已經好好食～食多幾隻都得哈哈！特選海鮮丼定食超級澎湃嘅海鮮丼！有好多款魚生仲有海膽三文魚子撈飯一流～定食仲有沙律燉蛋同埋麵豉湯～燉蛋香甜滑溜～食完超級大滿足！最後以二杯啤酒作結～食咗咁多海鮮又飲啤酒，埋單每位大概五百元，以質素取勝！

家賀屋午市套餐經常都好多人，幸運到今天我們不用等位就能吃午餐，餐廳有卡座及二人枱，都是大梳化，坐得非常舒適，有壽司定食、海鮮丼定食，更有刺身定食套餐，每個套餐都包括日式燉蛋、沙律、麵豉湯。特選海鮮丼定食 $298原隻鮑魚刺身、兩隻特大赤海蝦、三文魚腩、鮪魚腩、海膽、大大粒魚子、油甘魚等等，全部都係刺身厚切上，所有食材都好新鮮，海膽好鮮無苦味，魚子卜卜脆，好有口感。海鮮即日飛機到港，諗番起真仰同日本食既差唔多，真係好滋味！鹽燒牛舌 $80牛舌十分惹味，燒的技巧很好，能鎖住肉汁，一咬個牛唔會乾身 蜜桃🍑雪芭$55這個甜品是用日本直送原隻蜜桃🍑上碟，很可愛，打卡一流，打開蜜桃上方的蓋子，裏面就係蜜桃雪芭 。味道方面仲有玉林蘋果、菠蘿味道選擇。

中午我們到了灣仔家賀屋食日式料理作為今日的午餐，家賀屋的午市套餐（ 12:00-14:30）選擇很多，有壽司定食、海鮮丼定食，更有刺身定食套餐，每個套餐都包括日式燉蛋、沙律、麵豉湯。想食厚厚的刺身既我則選擇了「橫綱刺身定食 可配烏冬和御飯 」$228刺身定食包括築地鮮魚、中本鮪魚腩、日本帆立貝、油甘魚、特大赤海蝦所有刺身都是即日運送到港，厚切鮮甜顏色光澤，特別係鮮魚同鮪魚，全部都係腩位，所以肥美。赤海蝦仲有蝦膏添除此之外還包括一碗湯烏冬，烏冬麵條像手打一樣，很有咬感。日式燉蛋亦有蛋香和蛋好滑鹽燒牛舌 $80牛舌十分惹味，燒的技巧很好，能鎖住肉汁，一咬個牛唔會乾身。蜜桃🍑雪芭$55這個甜品是用日本直送原隻蜜桃🍑上碟，很可愛，打卡一流，打開蜜桃上方的蓋子，裏面就係蜜桃雪芭 。味道方面仲有玉林蘋果、菠蘿味道選擇。