家賀屋刺身寿司專門店

家賀屋-出色刺身壽司專門店門面以深木色的木紋牆身襯托着餐廳名字的牌匾，內裏貫徹目木系的元素，梳化的椅子配以白雲石的桌子，有種fine dining 的感覺，混凝土顏色的牆上掛住一幅幅日本的風景畫、魚類的畫作。天然真鯛（半條）看看餐牌的時令魚類，有野生真鯛，立即點了半條，因為真鯛產量少，多數為養殖，天然的真鯛是非常罕有，經師傅的刀工下，真鯛薄切和真鯛玫瑰花，魚肉肉質緊緻、口感彈牙。加拿大海膽佈滿多層海膽的壽司，大大片加拿大海膽，海水味濃，一點也不腥，非常鮮甜。青龍非常霸氣的名字，青龍指炸蝦卷，卷物有滿滿的紫菜碎和魚籽，包著炸得香脆的蝦身，蝦肉彈牙。生薑安格斯牛肉丼生薑燒通常應用在豚肉，這次肉類換上了安格斯牛肉，牛味濃郁、肉汁夠、油香感十足，而且生薑味很出。

搵左間灣仔樓上日本餐廳，我地晚餐揀左兩個set dinner 都不錯！餐廳當晚人唔算太多，坐得舒服。海膽鮮甜，吞拿魚蓉油脂甘香壽司拼盤都不錯，吞拿魚冇筋，帶少油光，唔會膩口！

呢晚來到灣仔嘅灣仔道呢家叫做『家賀屋刺身壽司專門店』，喺美食陪伴下度過一個美妙的夜晚。開宗明義叫刺身壽司專門店，咁刺身和壽司係必點之物。首先嗌咗大大碟有15片嘅人氣食物『高鰺薄造』，亦即係池魚王薄切，刀功一流，片片晶瑩通透，肉質細緻爽口，带些少油份，味鮮甜。除此之外，亦嗌咗同樣鮮美的特大帆立貝及北寄貝刺身，而日本海膽刺身就跟埋紫菜同六粒小飯團，精美到不得了，海膽唔會腥，只有啖啖的海膽原味。至於壽司嗌咗個『特選鮪盛』，鮪是什麼，即係我哋話嘅『吞拿魚』，喺大陸就叫『金槍魚』，台灣呢，就叫『串仔』，哈哈，唔同名稱，同一食物來㗎。而一次過試勻晒有咬口的赤身，甘香的中拖羅及肥美的大拖羅，勁满足吖。另外的串燒～雞軟骨，小食～芝麻豆腐，定食亦在水準之上。

家賀屋相當受歡迎，星期一仍然接近滿座，我坐既位仲有得睇櫻花樹下同富士山！難得約到多年冇見嘅朋友食飯當然要啤一啤！我地叫左麒麟一番榨生啤250ml，餐廳亦有提供500ml同750ml。- 特選鮪盛一碟有齊赤身、中拖羅同大拖羅😋- 赤身兩貫當然由赤身開始試起😝肉質呈紅色，比較瘦同有咬口，魚香味較淡。- 中拖羅兩貫顏色比赤身粉紅得多，脂肪比例中等，非常甘香。- 大拖羅兩貫顏色更加粉紅，吞拿魚既腩運動量最少，感覺好似食左肥膏落肚，相當肥美。雖然未係完全入口即化，不過魚油脂的確幾甘香。- 自選刺身我地叫左火炙秋葵、赤貝、油甘魚同原條海鰻。赤貝非常大片，從側面睇幾乎見唔到壽司飯。肉質彈牙，唔算特別鮮甜。原條海鰻長度差唔多係壽司飯既兩三倍😱，非常壯觀。海鰻味道淡過蒲燒鰻魚，不過海鰻魚肉比較細膩，而且無冇軟刺。火炙秋葵上面有蘿蔔蓉，食完只有一種感覺：健康😬炸墨魚咀口感爽脆，墨魚咀軟中有硬，佐酒一流。另外加左檸檬汁冇咁膩。菠蘿雪葩以原個水果呈上，賣相已經滿分💯。菠蘿味天然，口感非常綿滑。走既時候先發現家賀屋係黃既事實🥺我真係有眼不識泰山，之後一定會繼續懲罰家賀屋💸

前幾日喺電視見到人地食河豚刺身 自己就好好奇 到底係咩味架呢🤔於是就上網搵下 點知發現原來香港都有得食😳 之後過咗幾日就約埋個friend一於去試下先😏間餐廳喺灣仔樓上鋪 不過喺樓下就見到咁大個招牌 實搵到！😂餐廳喺一樓 行上去都好方便坐低之後我哋即刻睇吓有冇河豚刺身先😏果然有得食！而且以刺身咁難整嚟講 二百幾蚊都算差唔多價錢呢度仲有好多其他唔同嘅壽司定食可以揀👍🏻我哋梗係二話不說叫咗個河豚刺身先啦🙈•河豚刺身🐡•-河豚刺身一向都難整 因為要好小心處理 唔係就會有得毒但呢度嘅師傅都整得幾乾淨 👍🏻河豚嘅味道本身淡淡的 但又幾鮮味佢仲可以配埋其他醬汁 蔥花一齊食 可以令河豚嘅味更加出色🤤 •青龍🐉•-之後再試吓佢哋其中之一嘅招牌菜-青龍淨係聽個名都夠霸氣 食落都唔錯！海苔碎加壽司飯包住入邊係炸咗嘅天婦羅蝦🦐再加上上面嘅魚子同埋沙律醬 口感豐富 外軟內脆之餘仲好惹味添！🤤•麒麟啤🍺•-放工點可以唔飲番杯阿🙈 我同個friend決定啤啤佢🍻之後仲叫咗個炸墨魚咀嚟送啤酒添☺️•炸墨魚咀🐙•-呢個炸墨魚咀餸酒一流 面頭唧啲檸檬汁 減少炸物嘅油膩感 而且細細粒 卜卜脆 可以慢慢食👍🏻•稻庭冷烏冬🍜•

📍#家賀屋刺身壽司專門店📍Harvest House Sushi #HarvestHouseSushi .🇭🇰香港灣仔灣仔道83號1樓🇭🇰1/F, 83 Wan Chai Road, Wan Chai, HK.人均消費: HKD510.味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹🌹服務: 👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆.家賀屋在舊舖是絕對是我最愛的壽司店！主要原因是地理位置方便而且價廉物美！幾乎每個星期都要去今一次！搬了之後都未去過了！早前發現原來他們有河豚刺身🤩未食過的豈能錯過！7點多都差不多滿座，記得要先訂座☎️環境格局比較西式風格，地方不算太寬敞，反而有點擠迫感，4人剛好.⭐️「河豚薄切刺身」 :HKD280 先來介紹主角河豚刺身！原來河豚日文叫Fugu來自日語Fuku 吹的意思，就是說上水後會膨脹的意思！刺身白滑透徹，放左藍色盤上特別的突出！先試了一塊什麼都不蘸的，口感比我想像中韌，有嚼口，有點像墨魚刺身，不帶其他味道，尚鮮之後試了蘸紅葉末(蘿蔔和辣椒磨成末)和柚子醋，加點蔥一起食，味道突然昇華左，將河豚嘅鮮味提升咗，唔錯！盤中間的小碟原來係河豚皮

推介一吓呢間頗俱人氣🔥嘅日本🇯🇵刺身壽司🍣店，中午時段枱枱都坐🈵！店舖唔算大所以要預早去到或者訂枱📝———————————————————————————🥢「海•三色丼🐠🐟🦐」💬三文魚腩、油甘魚大件厚切，再加兩隻特大赤海蝦，份量確係十足又夠鮮，配上茶碗蒸、前菜🥗、麵豉湯🍲.🥢「巿場刺身丼」💬呢款多件帶子刺身+吞拿魚腩，另外配一碗白飯，咁多款刺身真係好大滿足。不過要留意每款配搭都唔可以更改🤔

食黎食去都係嗰幾間日本嘢🇯🇵，終於鼓起勇氣去試新嘢，見倒咁多人收藏，諗住貴少少🤑都ok啦-壽司定食-恕我直言，真係有保留。。。🌚單點嘅話要六十幾蚊嘅🐟大拖羅🐟睇落肥美👀，但一夾起就甩皮甩骨🦴，除左食到肥肥地，冇咩魚味；另外象拔蚌同另一款魚都腥到冇朋友🤢；反而係配菜個吉列蠔還可以🤧-蔥吞拿魚腩海膽丼- 呢個不過不失啦，份量還可接受👌，好彩啲海膽都新鮮，吞拿魚腩一pat pat蓉，撈埋一齊食口感非常軟綿綿，加啲wasabi豉油都幾正👍🏻Overall cp值有啲低🤥，連加一大概三百蚊嘅壽司set質素應該要好少少😣

Took colleagues, ex colleagues and friend to this casual Japanese Wan Chai eatery near the end of the wet markets on Wanchai Road The selection of sashimi bowls was diverse..and you could also choose from their regular menu. We had soft-shell crab rolls, egg roll as appetizers. Nice decor.

左口魚裙邊超好食，sushi set 整體一般。日本酒選了いいずら 純米吟醸，淡中甘，淡中濃，中米香。いいずら 純米吟醸北安醸造產地 長野県大町市使用米 日本產米精米歩合 55%酵母 --Alc 16%日本酒度 --酸度 --冷飲

系路過附近發現倒有間甘既壽司店 魚生非常新鮮 魚子都系非常鮮味 呢度既芥末望落應該系即磨既 好細緻 加左醬油就開始有少少融化 2個人叫左2個丼定食 包埋燉蛋 沙拉 麵豉湯 呢度要贊一贊個燉蛋 入面既蟹柳非常鮮味 食完定食另外叫左少少壽司 入面包括特色既拖羅壽司 餐牌就講到入口即化 現實無甘誇張 不過都好好食 好新鮮 系貴少少 但個人覺得個性價比非常之高 幾款試左既壽司入面 最好食系鰻魚壽司 上菜時間都好快 唯一可以挑剔少少既就係店員既服務態度 會再黎食

有個friend話好似好耐某一起食日本料理，想去試下之前行街經過果間家賀屋刺身壽司專門店，一於就約埋幾個friends一起去試下。餐廳噶空間都幾大，擺件同部分裝飾都有日本風情。但系其實餐臺就比較普遍了，同其他料理噶餐臺佈置差別唔大。滴刺身都好鮮美，顏色好鮮豔。

今日同媽媽去完灣仔shopping 後，周圍搵地方醫肚，忽然想起這間刺身壽司店，之前一路都好想試，因為在OpenRice內嘅評分都好高，所以就去試吓。呢度中午有提供午餐定食，我同媽媽分別叫咗兩個定食，1️⃣海三色丼飯（$165） - 海鮮包括三文魚，甜蝦，帶子，還有玉子2️⃣浪人壽司定食（$165） - 鰻魚，左口魚裙邊，三文魚，空運𩶘魚，特大赤海蝦，赤身。每個餐都會附送前菜同蒸蛋，蒸蛋好滑。整體食物質素好，魚生相當新鮮，應該係因為專門店內所有魚生皆來自日本豐州直送，環境舒適，服務態度亦都不錯，下次會同朋友再嚟幫襯。

7，8月特別多朋友生日，不停咁聚餐🤑🤑今次食飯可以話係分咗兩輪食，因為有朋友突然要OT，要遲啲先嚟到，咁我同幾個朋友就叫住少少嘢食住等啦！等到佢嚟先真係開大餐，變相其實我哋都叫咗好多嘢食！因為我太肚餓，我要叫咗個烏冬食打下底，呢個烏冬煙煙韌韌都唔錯。叫咗個豆腐，估唔到個豆腐係一人份量，但一個人食都攝唔到牙罅😂波士頓卷就同其他地方食到嘅差不多，冇乜大分別！呢個係河豚魚干，原本以為做法係類似燒魷魚咁乾身，但原來佢係甜嘅，而且拎上手黏黏地，都唔算太硬。呢個係自家低糖玉子燒，食完覺得佢幾甜下 ，咁就造就咗之後我地再叫咗個正常嘅玉子對比下！鹽燒油甘魚頭，有得食嘅地方比想像中少， 淨係得魚眼魚鰓同嘴邊嘅肉有得食！帶子刺身，係我最期待嘅食物，好肥美！佢有個menu係特價壽司，$13一件，我同朋友們大叫特叫😂 牛油果軟殼蟹卷，係我嘅第二至愛，呢度嘅蟹籽特別多，軟殼蟹都炸得好脆！辣三文魚軍艦，朋友點嘅，我冇食。另一碟$13一件嘅壽司，除咗玉子燒！呢個係正常嘅玉子燒，味道都同其他地方食嘅差不多，但重點係：佢嘅甜度比低糖玉子燒低😂😂😂

呢間刺身壽司🍣店阿叔一直都好想食，只因佢於Open Rice個評分好高🤔， 喺充滿好奇心底下早前終於搵朋友去食咗！😚.專門店內所有魚生皆來自日本🇯🇵豊州直送，當中就以吞拿魚🐟作為主打。阿叔今次叫咗 晚·江戶刺身定食($298)，定食有三文魚湯🥣、沙律🥗、日式燉蛋🥚之外，仲包括8件刺身：中吞拿魚腩、帆立貝、油甘魚同赤海蝦，件件都新鮮肥美，超厚切。無可否認呢度嘅吞拿魚腩🐟真係好正，件件粉紅色，非常新鮮，油脂分佈亦好平均，入口即溶但你又唔會覺得太油膩🤤。油甘魚亦都係一樣，肉厚肥嫩，好香油味；帆立貝同赤海蝦🦐則爽口鮮甜。總括嚟講，以呢個尚算平民嘅價錢食到咁嘅水準，阿叔覺得好滿足，其實原本見佢哋吞拿魚咁出色，仲想叫埋特選鮪盛($238)，6件包括大、中、細吞拿魚腩，可惜今次唔太肚餓，下次，下次一定叫！🤤