家賀屋刺身寿司專門店

我 Guloop, 自從上年開始，已經只去某顏色店食飯，認真講就算係Y店，都唔代表食物質素高同服務態度好，之前去咗一間Y店，服務太度真係其差，食物方面只係中等，考量左一段時間先post 出嚟，都被人罵，心中雖然不是味兒，但也諒解，不過就無再點想寫食評既意慾。今日，我遇到一間令我想再寫食評既舖頭，就係家賀屋！ 今日路經灣仔，超餓，打開個和你p apps, 方圓十里，最近既餐廳就係家賀屋。行到去上1樓，幸好有位。坐低後打開餐牌，價錢又幾合理wor,於是就叫左8爪魚壽司、赤貝壽司、帶子壽司蟹膏軍艦吞拿魚腩壽司同枝豆。認真講，枝豆就真係一般，但壽司好新鮮，性價比高，配埋即磨wasabi 好正。一定要推介既係火炙松露帶子壽司🍣，松露既香為帶子帶出鮮味一定會再嚟

資料蒐集過呢間餐廳最出名係吞拿魚，所以特登叫咗呢個特盛～事實都冇令人失望赤身、中拖羅同大拖羅每樣都有兩件，可以同人分享大拖羅花紋超靚，真係超肥美特選鮪盛 • HKD$238呢個丼不得了，一共鋪有12款海鮮仲要跟餐有沙律、麵豉湯同埋茶碗蒸，絕對係抵食之選個人覺得鮑魚係最驚喜，爽口得黎加左醬汁好味超多款海鮮~特選海鮮丼定食 • HKD$318強烈推薦！淨係睇圖都見到係超級大粒，仲要好新鮮～配埋沙律醬去火灸真係超惹味火灸特大帆立貝 • HKD$68焦糖外皮燒到好脆，內裡就好嫩滑自家焦糖玉子燒 • HKD$38燒得好香，唔會韌，送酒一流薄燒牛舌 • HKD$80口味啤酒及原味啤酒 • HKD$88及HKD$78

我去食晏十二點開門， 見到入面已經set好曬 ，我十一點五十五分到，餐廳唔畀我入去。 無奈地走廊係冇冷氣， 唔知壞咗定慳錢唔開，焗到死人。我問可唔可以畀我入去坐低先，因為流曬大汗同埋好焗。 當時得我同一個朋友，冇其他人等枱， 我亦一早book咗枱，表明未夠12點唔會嗌嘢， 但可惜最後唔夠12點都唔畀我入去坐低，成身大汗🤨 坐低同waiteress講明,你幫我落住兩個人嘅單唔好上菜住，因為仲有朋友未到。點知遲到ge朋友一坐低已經上菜。okay ...cool.... thanks 😊 野食係好食，但唔好ge野勝於食物sorry無下次。完

我地今日十二點半尼到，室內仲有好多位，但店員就係唔俾人入去，要人齊先得我已經好聲好氣說我可以order兩個餐先，佢話唔得要等人齊然後我話咁我入住先啦，我一位坐住先，但佢話一位食45分鐘，依家開始計(超不友善）然後人齊入去，店員黑口黑面，我覺得成餐飯食到好似欠人錢咁,明明我地只是開心食個飯希望店家改善下安排，我唔明點解我可以叫兩個餐先都唔可以俾我入去坐，我唔會叫左餐又走左去囉如果繼續咁樣，我相信你啲客人都唔會食得開心

刺身寿司專門店]呢間高質嘅刺身寿司專門店已經聽過好多次！今次專登同大肥肥👦🏻去試下！1️⃣河豚薄切刺身 $280🐡爽口彈牙，配上柚子醬或者用豉油，即刻為佢提鮮！🙆🏻‍♀️美味指數:7.45/10 2️⃣石狩丼定食 $128呢個其實係三文魚+三文魚籽丼！真心高質！你會食到佢哋嘅鮮味，而且飯係真係會食上癮，明明好大碗都食唔停口！🙆🏻‍♀️美味指數:8/10 3️⃣薄荷青瓜冰啤 $88感覺幾清爽，炎炎夏日最適合！🙆🏻‍♀️美味指數:7/10 💡整體來講，性價比高！家賀屋刺身寿司專門店 (灣仔)地址🐾:灣仔灣仔道83號1樓

Wan Chai 灣仔 • 家賀屋刺身寿司專門店 🍣💛📍灣仔灣仔道83號1樓➰蔥呑拿魚腩丼定食 $148🐟石守丼定食 $118 🍱午市定食包括麵豉湯、胡麻沙律、茶碗蒸➰高質日本丼黃店，食材由日本豐州直送💛吞拿魚腩蓉魚脂甘香，口感軟綿綿，撈飯一流😋石守丼有六大片三文魚加三文魚籽，刺身新鮮，🥳雖然飯量看似偏少，但定食的配菜有好多款，夠飽☺️➰👅 味道：🌟🌟🌟🌟👀 環境：🌟🌟🌟👩🏼‍🍳 服務：🌟🌟🌟💫（由枱至凳消毒全面👍🏼)💰 抵食：🌟🌟🌟———————————

記得之前嚟嘅時候，夜晚8點幾9點都仲要等位依家疫情打擊下，連lunchtime都唔使等位都唔知係好事定壞事壽司定食 $158 依個set有沙律茶碗蒸麵豉湯唔夠嘅話仲可以加烏冬或者追得壽司壽司每款都係中規中矩咁啦~食得出係新鮮嘅但又唔係話好鮮甜咁樣囉對比之下好似晚餐好食啲記得以前晚市嚟係覺得親民價錢，壽司刺身又好食到底係質素唔同咗定係午市嘅分別依家未去到驚為天人，但依個價錢+份量+質素，仲要係黃店整體都算係一間性價比幾高嘅黃店💛

以前喺灣仔做嘢，想食日本野嘅話，黎加賀屋係不二之選， 加賀屋喺灣仔開咗好多年，長期穩定發揮，基本上唔book位嘅話呢都好難入到座。今日約咗個舊同事喺呢到食飯，咁我就叫咗個吞拿魚三味定食，個吞拿魚don有赤身、中拖羅、帶拖羅各三片，赤身冇血腥味，充滿着吞拿魚本身嘅魚味，而中拖羅同埋大拖羅無根，入口即溶，魚嘅油脂完全散報喺咀嘅每一個角落，so delicious🤤 個餐仲有茶碗蒸，麵豉湯，同埋沙律，份量啱啱好， $230呢個價錢完全冇俾貴

近依幾個月調左去灣仔番工，而大多數番工都會帶飯。 今日好同事約出街食lunch ,佢帶我去食好野，就係近灣仔街市依間家賀屋日本料理。 質素真的想當高！ 值得推薦🤤-由於lunch hour 得大約45分鐘，我們預先致電訂位！ 平日lunch 都十分旺場，很多人排隊等候呢，可見其人氣！ 好彩有訂到位喔😌😌 Lunch set 有好多款選擇，大約百幾蚊一個。 每款都相當吸引！ 大家都花了些時間才決定到吃什麽😋😋我點了火炙左口魚丼！ 經火炙後的左口魚，魚油溢出，入口溶化，魚香在口腔回盪，萬分滋味。 壽司醋飯亦有水準。 定食還配有新鮮沙律🥗、香滑燉蛋！ 我同事點的鰻魚飯及壽司亦相當高質吃完這一餐，大家已經約定下星期再去多次😍

灣仔區不嬲都冇乜出名嘅日本黃嘢食，係和你 Eat app度搵到呢一間樓上日式店，十一有罷市，派過文宣。喺OpenRice評價都唔錯，但粗粗平日去咗食佢哋嘅丼丼💛·我去嘅時候餐廳坐左兩成，不過座位安排喺廚房對出就麻麻哋🤔any肥，叫咗兩個丼丼定食，價錢定位比一般丼丼偏貴，$100至近$300不等～·海三色丼定食賣相都幾討好，唯獨是飯嘅份量偏小，食完都唔係好似好飽咁。刺身入面最推介係佢哋嘅甜蝦，大隻到不得了！！而且好有蝦嘅鮮味！好味道啊！🤤🤤·蒲燒鰻魚丼係薄薄鰻魚片，口感同埋味道都欠奉。而且鰻魚燒汁嘅味道過重，搞到鰻魚本身鮮味被掩蓋～我就覺得麻麻地🤭🤭可見刺身飯比較出色🤔·Anyway，個定食會包埋沙律、蒸蛋、麵豉湯，個滑蛋系好鬼好食～😈·店員加水都幾勤力，收碟都好快手。整體黎睇，如果食刺身飯應該會幾開心，鰻魚飯真係不了🤫·有冇灣仔要黃店推介呢？🥰·三色丼定食｜$178蒲燒鰻魚丼｜$135-家賀屋刺身寿司專門店 (灣仔)灣仔灣仔道83號1樓

有驚喜喎🧡💜💛家賀屋嘅性價比幾高唔錯！呢個三色海鮮丼，有齊甜蛋赤海蝦、三文魚同油甘魚。刺身份量唔少厚切新鮮🤤最抵讚有兩大隻赤海蝦，蝦肉彈牙鮮味，非常新鮮！甜蛋刻上自家製「家賀」，夠哂精緻👍🏻♥️ 仲有個彩虹壽司卷，一次過有哂六款刺身卷物，顏色鮮艷靚靚，排成彩虹🌈色好睇又好食😋仲可以食到唔同刺身配搭嘅卷物，好出色呀 😗仲有嗌左海膽墨魚同炙燒左口魚壽司，左右魚魚油超香，每次食完左口魚壽司都覺得好幸福呀😻餐廳位置好近地鐵站，店員服務態度又好，下次會試下定食同刺身拼盤。👍🏻👍🏻

係疫情期間都好少約朋友出黎食飯啦！今日放工就約左個朋友一齊食下野。忍唔到口都係要去返食日本野就試下呢間家賀屋聽個名就知食刺身壽司。兩個人都叫左5,6款野食。特選鮪盛 赤身、中拖羅、大拖羅。$238如果識食一定係由赤身開始食，最後先係食大拖羅。赤身係吞拿魚最瘦個部分亦係最鮮紅色，但係魚既肉味係最重，食魚香味重，但無咩腥味，夠新鮮。其次是中拖羅略帶一點肥，但食落有赤身既魚肉鮮味又有啲油脂香都唔錯。最後當然係食埋個大拖羅啦亦係最貴既壽司，全白略帶一點紅，油脂比較重入口即溶即感覺都幾正。河豚刺身$280去日本就食過好幾次河豚刺身，但無諗過香港都有得食，睇落白色透明食落比我係日本食過既差唔多一樣咁煙韌，河豚刺身主要係食個口感同鮮味，加埋啲醬漬一齊食更能帶出河豚既鮮味。另外還有碟芥末河豚皮口感都好爽。另外叫左兩件加拿大海膽$28一件 大大塊滿滿的海膽既壽司，無腥味非常鮮甜。青龍卷$68係炸蝦卷黎但外面舖滿紫菜碎所以睇落好似青龍咁，包著吉列炸蝦炸得夠香脆而且蝦肉彈夠牙。炸軟殻蟹$58大大隻有好多肉而且還有羔好香口野味。貴價壽司定食$278都不錯，所有魚生都好新鮮。總體黎講價錢唔算貴但都係優質食材都好

今日個朋友知道我鍾意食日本嘢😆😆，所以帶咗我嚟呢間餐廳食飯🤗，呢間餐廳雖然唔係好大，但裝修都唔錯👌🏼，侍應無幾耐就幫我哋安排咗位置，一打開本menu📗，已經睇到對吞拿魚嘅介紹🐟，一向鍾意食吞拿魚嘅我，梗係唔會放過啦😍，睇咗陣menu我哋揀咗都幾好幾款食物，包括有特盛吞拿魚壽司🍣，裏麵包括咗三款吞拿魚包括係大拖羅中拖羅同埋赤身🐬，吞拿魚油脂分佈平均，亦都非常新鮮，食落去個口滿報吞拿魚嘅香味😇，跟住我哋叫咗個河豚刺身，口感好好，亦都好新鮮👏，廚師特登魚鰭，加咗啲芥辣，食落去好爽口🤪， 另外我哋嗌咗個定食，同埋烏冬🍜，再加埋啲炸物🦀🍘，每一樣嘢都感受到廚師嘅精心製作，所有食物嘅味道絕對唔差，絕對係高水平製作，所以大家經過灣仔，記得嚟呢間舖頭試一試

灣仔的樓上舖比銅鑼灣少，不過都甚具水準，嘉賀屋絕對是當中的典範。店子約可坐50人左右，感覺很乾淨企理。食物：特選鮪盛 $238頗昴貴的吞拿魚三色壽司，分別為赤身，中拖，大拖赤身鮮味最濃厚，無筋也不帶腥味，口感軟稔中拖帶點油香，中間劃上三刀切斷筋腱，但同樣無筋，油鮮並重大拖的油脂很重，同樣劃上三刀，油香爆發但也沒有筋，大拖如非熟成很多都有筋，這家的處理手法不俗此物貴但物有所值火炙左口魚裙邊定食 $138非常簡單的平價刺身丼，可以測試到餐廳對非熱賣食材的處理左口魚邊面層炙燒過入口即溶，裡面未熟的帶點煙韌，雖不及吞拿的鮮，但油香更出色！就好像在享受一塊魚油一樣白鯖河豚一夜干$128一夜干的特色多是像咸鮮魚般，帶點鮮味但又帶漬物的咸，面層乾身煙韌，這點餐廳做得很好，不過魚肉略為乾韌整體來說都意料之外的菜色，刺身的質素很高，侍應也彬彬有禮。

好耐冇食日本野，就同朋友去左灣仔去食餐好既。呢間餐廳環境唔錯，坐得好舒服。我地點左海三色丼，呢個丼飯入面有三文魚、油甘魚同埋甜蝦，全部都好新鮮，仲跟埋麵鼓湯、沙律同茶碗蒸，好豐富啊！另外仲有特選鮪盛，呢個拼盤入面有三款唔同既吞拿魚壽司，包括有大本鮪魚腩、中本鮪魚腩同埋本鮪赤身，吞拿魚好肥美，正！我地仲點左一道菜叫鰝鰺薄造，呢個魚好特別，出面好少見，第一次食呢種剌身，非常新鮮，肉質鮮嫩！另外仲點左帶子同北寄貝，好味道！呢個海膽刺身都好吸引，海膽勁肥美，而且份量又多，好滿足啊！仲有其他小食，好豐富！