宴 尖沙咀

宴肉裡裝橫是十分日式居酒屋的一種。感覺像到了日本一趟及在日本沖繩用餐一樣。食物各式各樣都有, 我們今次點了幾款食物,皆吃得津津有味。沖繩炸雞拌特製島豆腐他他醬炸雞蘸滿醬汁來炸,十分香口,配上豆腐他他醬,可以中和膩滯感,而且別有一番風味。汁燒雞軟骨肉餅3件汁燒雞軟骨肉餅每件飽滿,肉質紮實,吃到細細粒的雞軟骨,增加咬口。沖繩AGU豬肉餃子餃子皮薄,餡料豬肉多肉汁。餃子煎得香脆可口,真是吃得滋味無窮。明太子雞翼3隻明太子雞翼漲卜卜,賣相誘人。微辣的明太子釀入雞翼入面,外皮焦脆。自家製沖繩冬甩2個冬甩焗製需時,但值得等待,因為冬甩美味!外層香脆,肉裡鬆軟,是最佳的飯後甜品。香桃梳打香桃很香,粉紅的一杯,十分適合女士喝。巨峰提子乳酸梳打酸酸甜甜, 乳酸味道明顯。

日本野平時食得多，但原來沖繩都有自己既地道菜，就成係左尖沙咀呢間沖繩菜餐廳既主打，因為特別所以引起左我既興趣，想知沖繩有咩特色菜。入到去地方都幾大，帶位既員工係日本人，即刻覺得返返左去日本咁，哈哈。坐低後員工即刻俾左熱毛巾我地抹手，呢樣非常貼心！然後俾左個鰻魚既前菜我地，自己本身少食鰻魚，因為怕骨，但呢兩件鰻魚都冇骨既，同埋凍食既鰻魚都係第一次食！再點左杯沖繩四季桔燒酌梳打，雖然用左清酒做底，但唔會難入口，似普通桔味梳打，非常清爽。然後員工向我地推薦海鮮車上既海鮮，見到半打生蠔只係$160！當然立即要左半打。首先望落已經非常吸引，因為每隻生蠔都係又大隻又多肉，而且食落仲非常鮮美，食到濃郁既海水同鮮味。每隻蠔上面都有蔥花（個人覺得唔配蔥會好d），而且佢仲好特別咁配一份啫喱，以為啫喱都係甜既，但呢個啫喱係鹹既，但食落唔會覺得怪，因為佢係豉油啫喱，仲有少少吊味既感覺。然後點左一份松葉蟹牛油果沙律，就咁聽呢個組合已經非常吸引，一路食發現蟹肉完全冇慳皮咁落，而且仲會食到海水鮮味！沙律上面都配有豉油啫喱，而牛油果如果可以再熟少少會更好。食日本野都喜歡食牛，所以點左份和風輕燒和牛。所謂輕燒當然只係稍

去尖沙咀金馬倫道En 食午餐想啊想食魚生點知一個午餐就《送》上一個大大的生 oyster 的是fatty oysters 我一定要是日sashimi set 因為168$5起鮮魚襯返好色調為什麼一定要午餐？因為有1-水旦一個2-沙律3-湯多啲野食朋友話要鱈魚西京燒就算係薄薄的但有二塊且燒出精神日本人細節上的藝術外香內滑厚度和有咬口魚肉更加要一流白飯今次再加上包括了一個日本雪糕香草味當時得令是一款做到精準度及文化和樂的竹餐點

呢間日式餐廳係樓上，一出lift就見到好日式嘅佈置。裡面裝飾以木為主，有好多日本嘅擺設。燈光比較暗，座位有卡位，亦都有D類似廂房咁嘅位，私隱度幾足，好o岩情侶或者朋友來傾計。一坐低無幾耐，侍應就拎熱毛巾來比我地抹手，又經常走過來幫我地添水，幾貼心嘅服務。我叫左個鰻魚盒子飯定食，配埋蒸蛋、沙律同麵豉湯。鰻魚飯嘅盒幾精緻，感覺呢度嘅擺盤餐具都幾有心思。蒸蛋好滑，裡面有蘑菇同蟹柳絲，幾好味！鰻魚飯嘅水準幾好，鰻魚幾大塊，燒得剛剛好，魚肉好軟滑，配埋上面嘅燒汁，味道幾好食！飯係用珍珠米，粒粒分明，煮得又軟熟。成個定食份量好足，食完非常飽！另外都叫左個日式煎餃子。餃子味道唔錯，煎得幾香脆，裡面嘅肉餡都幾鬆軟，唔會實到一舊舊咁。

打工仔為搵兩餐，但係餐餐快餐都唔係辦法，一於今個LUNCH食好D。日本料理向來感覺就係健康，精緻，新鮮。發現呢間位於尖沙咀的這間宴。餐廳環境不錯，由門口開始已經佈置很有日本的感覺。 望一下餐牌，壽喜鍋，定食，湯麵，刺身，壽司等選擇都唔少，應有盡有。刺身海鮮由日本直送，質數一定有保障。而午餐價格也並不算貴。午餐還附上一個北海道生蚝。生蚝超級鮮美。與別不同之處於，有份鮮製生蚝啫哩，甜甜酸酸，口感十分得意。十分開胃。全部套餐包配送面豉湯，什菜沙拉，蒸水蛋一碗，和蘿蔔漬，十分精巧豐富。日本直送的海產，所以無理由唔order北海道海鮮定食，主要為了新鮮惹味的刺身片，有海膽，鬆葉蟹，帶子，牡丹蝦，三文魚子。賣相十分吸引，十分有食慾。日本直送的海產就係一個字‘鮮‘。和壽司飯撈埋一起食，口感豐富有層次，十分滿足。唔食刺身的人order了鰻魚盒子飯定食。大大一條鰻魚覆蓋在白米上，飯上有足夠的鰻魚汁，令平凡白米變得香味可口。鰻魚香味撲鼻，一點也不腥。套餐的蘿蔔漬甜甜酸酸，也可以促進食慾。另外還點了份明太子雞翼share食，一碟三件，雞翼外皮炸至金黃色，裡面釀入明太子，雞翼飽滿，炸的

想找沖繩風格的居酒屋不用飛到沖繩，到尖沙咀就可以。宴的裝修、氣氛與日本當地的居酒屋一樣。今晚與朋友一同享受沖繩之夜。餐廳座位以二人和四人枱為主，走進餐廳最入有一列吧枱。吧枱前還有列出各款酒類，氣氛不錯。和風輕燒和牛 $288和牛用上了九州宮崎縣的黑毛和牛。用了輕燒的方法處理，色澤嫩紅，肉纖維細緻，肉質軟綿。脂肪雪白，油花細密均勻，脂香極為濃厚，是看得見的肥美，吃得出的美味。和牛下有生洋蔥絲，可以用和牛卷著生洋蔥食，肉汁夾雜著生洋蔥刺激和香甜，令人回味。配搭蘿蔔蓉又有另一番風味。苦瓜櫻花蝦天婦羅沖繩苦瓜新鮮爽脆，質感較本地苦瓜結實，炸成天婦羅後味道甘而不苦，回甘力強。經炸過的櫻花蝦散發出獨特而誘人的香氣，配搭鹽巴食用，魅力十足。特製墨魚汁炒麵 $82烏卒卒的墨魚麵食落爽口彈牙，加入韭菜味道帶點咸香。居酒屋酒類飲品選擇頗多，除咗日本出名的梅酒、大吟釀和燒酎外，還有多款沖繩泡盛。好適合一班人放工來邊飲酒邊傾計。無酒精飲品沖繩四季桔 $40酸甜四季桔混入梳打氣水，感覺清新。沖繩薑黃熱茶 $40沖繩薑黃是不老飲食食材之一，但在餐廳甚少就出現。味道比起印度的較柔和，味道順喉不苦。

今日朋友帶咗我食一間好特別嘅餐廳，餐廳主打特色沖繩菜，日本菜就食得多，沖繩菜係真係唔知有乜嘢分別，所以去之前係好期待😍. 一開始入到去嘅時候，覺得有啲嘈，有兩枱客係日本人，一路飲啤酒一路傾偈一路大笑😂睇到日本人豪邁的性格😂仲有人慶祝生日唱🎂歌添，好熱鬧，相信較多做熟客生意，客人同職員有講有笑😊都幾融洽；職員會主動幫助客人或者介紹食物，一坐低就遞上熱毛巾給你，埋單結帳時又會再次比熱毛巾你抹手👍🏼.有獨立房間採用他他me的設計，可以放腳坐落去，睇落方便舒服. 松葉蟹牛油果沙律 $138啡色嗰啲係油槽汁，同行大廚朋友介紹話太稀會變成汁，太杰又撈唔到， 所以佢整得出色； 新鮮沙律菜面頭配咗好鮮甜嘅松葉蟹，同埋少量牛油果粒，撈埋一齊好開胃. 沖繩豬肋骨湯麵 $55正如Menu所寫的咁樣，麪質彈牙，豬肋骨又軟又腍，而且麵同埋豬肋骨吸收咗🐷豬骨湯底嘅精華，濃郁唔鹹👍🏼. 沖繩風鹽燒豬手 $98呢款豬手係我食過嘅最好味之一，成舊外皮脆𕚃面又煙韌又入味，有好多骨膠原，感覺好滿足好幸福啊😍. 自家製花生豆腐 $58呢款自製花生豆腐雖然相對有點貴，但只要食個一啖就會難以忘記佢嘅味道；呢個係沖繩地道鄉土料理由

今日同朋友係尖沙咀晚餐 揀左間沖繩料理 好有特色😁無論店外店內都好有日本 feel 又有好多日本擺設 餐廳座位好多都分為一卡卡 好舒適😉一坐低 店員就送上熱抹手毛巾&前菜 服務好好👍輕燒宮崎和牛 和牛燒至大約三成熟 感覺啱啱好 食落牛脂味濃 有小小入口即融既感覺 肉汁亦十分豐富 配上洋蔥絲同醬汁 增添清淡既感覺 層次豐富 忍唔住一塊接住一塊咁食 好幸福😍宮崎和牛炒飯 好香好好味 有好多和牛粒 口感柔嫩有嚼勁 肉汁豐富 牛味好濃 而且炒飯粒粒分明 每個飯粒都有濃濃牛味 十分惹味 🤤汁燒沖繩雞軟骨肉餅 雖然$72只有3件 但絕對物有所值 沖繩雞肉汁豐富 肉質紮實 內裡包住粒粒雞軟骨 再蘸上日本蛋漿 層次豐富 😚沖繩四季桔梳打 好有桔味 酸酸地 好解渴 好開胃 🤣

餐廳主打沖繩名銜，裝修都有日本風，有齊哂卡位，望住師傅嘅吧檯，什至tatami嘅位都有。呢度最低消費係一杯飲品同佢地盛惠二十港元嘅頭盤小菜，一坐埋位就會俾條暖毛巾你抹手同每人一碟小菜，係一件鰻魚冷盤。前兩日先食完件極品鰻魚，絕對係將個standard拉高左，心入面驚緊呢件貌似普通嘅鰻魚會令人失望。點知！係驚喜！首先係一啲腥味都冇，而且唔係用汁去蓋過陣味，因為作為前菜調味唔會太重！肉質脆，最重要就係冇骨！其實唔係冇，而係明明見到有，但食落係冇感覺到骨。加分！然後上左飲品，叫左杯Highball，店舖以首間引入日本高壓製梳打水機為selling point，飲落真係好順滑，唔“喇”喉嚨，正！漏左一件事，因為一埋位就已經好忙，佢地仲會推架車仔show佢地啲新鮮魚同價錢，會即刻劏魚做料理，刺身同熟嘅料理都會推介俾我地。但我地偏偏睇中嘅係生蠔，因為160蚊半打真係好抵！隻隻都好大隻，食第一隻淨係加檸檬汁，成個口都係海水味，但唔係鹹而係鮮甜！可惜嘅係俾啲蔥搶走左啲味。所以第二隻我撥走左少少蔥，加少少佢地特製嘅果凍醬汁。perfect池呀！鮮之餘啲果凍係吊左更多海水味出黎，仲有少少甜甜酸酸，我一度懷

見到呢間餐廳係主打沖繩料理，有好多款海鮮，而且價錢唔算太貴，所以就同朋友來左食Lunch。首先係跟餐送嘅生蠔，好新鮮，不但唔腥而且味道幾鮮甜！！每個定食除左主食外，亦都配蒸蛋、沙律同埋麵豉湯。呢個刺身定食配一碗白飯，有五種每日精選刺身，包括三文魚、牡丹蝦、油金魚、吞拿魚同好似係比目魚(?) 每款刺身都有兩件，每件都係厚切，好足料。刺身由日本築地直送，每款都好高質素，好新鮮，尤其牡丹蝦好鮮甜！另外都叫左個沖繩風味炸雞。呢個炸雞底下墊左張紙吸油，好細心！炸雞並唔算好油膩，肉好嫩滑，外皮香脆，幾好食！最後會送一球雪糕做甜品。今日係香芋雪糕，香芋味好濃，味道唔錯！

媽咪想食日本菜，於是就係Openrice 搵到呢間日本沖繩居酒屋「宴」～ 日本菜我就食得多啦，但沖繩菜就真係第一次食，好期待呀🥰.一坐好，侍應就馬上遞上前菜同比左塊暖暖既熱毛巾比我地抹手，仲好香添💕.細心閱覽一下個Menu，發覺菜式都幾多樣化。分別有飯麵類，刺身類，壽司類，卷物類，沙律類，宮崎牛類，沖繩雞類，一品類，沖繩料理類，串燒類，炸物類，燒物類，煮炒類，甜品類同酒類。 每個類別既款式都幾多，我既選擇困難症又發作，真係要花花時間睇下lu🙈 .炸雞伴特製島豆腐他他醬 ($90).不得不講呢款菜式既口感相當特別🙆‍♀️ 同普通炸雞口感完全不同，披上酸酸甜甜既醬汁再炸至金黃色，咬落非常輕盈酥脆，肉質嫩滑多汁。微酸微甜既感覺，更令人胃口大開，配上特製既島豆腐他他醬，感口軟綿，既可中和膩感又富有層次感，好食到停吾到口😍牛油焗帶子 ($88).約有5蚊銀般大既帶子，牛油味香濃，仲帶點蒜香，好惹味😘宮崎和牛炒飯 ($128).用左和牛冠軍既宮崎和牛切粒去炒，和牛口感柔軟嫩滑，肉汁豐富，再將炒飯炒至粒粒分別，濃郁既和牛香滲入哂整碗炒飯中😋炸沖繩魷魚鬚 ($78).魷魚鬚較厚身，炸至金黃酥脆而更有嚼

今日黎左"宴", 去品嚐沖繩既食法..呢度環境好優雅好居酒屋feel. 我地叫左和牛輕燒，和牛炒飯，豬肋骨湯麵，苦瓜炒豬肉，EN海鮮刺身沙律，同埋日本玉子卷拌脆炸餐肉。飲品我地叫左熱沖繩薑黃茶同凍沖繩苦瓜茶。呢間餐廳既食物好新鮮，佢較有特色既料理係苦瓜既菜色，我地叫左既苦瓜炒豬肉好香好甘甜，火候岩岩好咁好正。個和牛輕燒肉質鮮嫩點埋d汁食，酸酸甜甜咁好好味。 個EN海鮮沙律就都做得一絲不苟，絕不馬馬虎虎，用既都係靚魚生。 個豬肋骨湯麵個湯底帶少少薑味幾清新。個和牛炒飯都炒得好好好惹味！最後就係個薑黃茶同苦瓜茶。呢兩個都係好特別既飲品，唔係度度有。成餐飯好似去左日本餐咁好過癮！

日本菜中以居酒屋最為多樣化，一次過可滿足嚐到不同款式種類。今晚來到嚟間居酒屋，感覺環境不錯，有榻榻米，普通坐，算是寛敞。冲繩苦瓜拌梅肉這道菜惹味，苦瓜爽口，帶甘味，沾上了梅肉的油份，格外香口。明太子雞翼炸至金黃的雞翼嫰滑多汁，釀入了明太子，吃起來多了一份口感，鹹香四溢。明太子芝士餅餅底酥化，半溶化的芝士加入少許明太子，又香又惹味，佐酒一流的小食。汁燒雞軟骨肉餅肉餅札實，嚼落有軟骨的口感。燒汁的調味恰到好處，再蘸少許蛋漿，整體滑而不油。

因為父母非常喜愛沖繩的關係，幾乎每年我們一家都會去沖繩一次，沖繩料理與傳統的日式料理有點分別，沖繩料理帶點海邊家鄉的感覺，令人總有溫馨的感覺這點是我最懷念的味道。在香港的沖繩料理餐廳不多，EN居酒屋我在沖澠都有食過，知道香港都有EN的時候一直都想試。前菜是牛蒡絲，甜甜爽爽的。接著員工會拖著一盤今日新鮮的海鮮過來介紹，既然是今日新鮮就當然要試試啦，聽過介紹後選了細細條適合兩人食用的魴鮄魚以刺身食用。果然如員工介紹的一樣，很鮮甜而且魚肉彈牙，加上特別的酸汁令人食慾大增，不用幾分鐘就被我們吃光光了。魚骨我們用來做味噌湯，果然比平時的味噌湯多了一份鮮甜味！汁燒雞軟骨肉餅，肉餅充滿了汁燒和雞肉汁，味道配搭得很好，加上雞軟骨爽脆和肉質有彈性的雞肉配合一起就已經非常美味。宮崎和牛炒飯，和牛用來炒飯，整個炒飯都充滿了香氣，加上了些黑椒簡直是錦上添花，珍珠米被炒得乾爽，粒粒分明，真是不錯的炒飯。天氣都是陰陰天所以還是選了暖暖的茶好了，最喜歡的沖繩苦瓜茶並不苦的，而且香氣不錯，是我在沖澠經常喝的茶。沖繩薑黃茶，味道跟香港的薑黃有點不同，薑黃對身體大有益處，飲完令身體暖暖，很舒服呢！

搭𨋢一出黎就見到沖繩嘅日本和風裝飾設計，一入到去，人唔太多，侍應特意將客人分開，唔洗全部都堆喺一個區域度。我地叫左松葉蟹棒卷，和牛炒飯，青酒煮大蜆，鹽燒豬手。叫咗野無耐，聽到把好熟識嘅笑聲！原來係鄭欣宜，連明星都黎食，感覺好有信心會有一餐好嘅。野食未到就先食前菜。呢個前菜有啲酸酸地嘅青瓜，幾開胃，仲有啲八爪魚，佢並唔係普通八爪魚仔啊。先上嘅係松葉蟹棒卷，看似係普通嘅蟹柳卷，但用蟹棒做，鮮味啲，同埋唔會好似蟹柳咁實肉。和牛炒飯好食，炒飯粒粒分明，仲要啲和牛係炒得剛剛好，唔太熟，唔太硬。青酒煮大蜆係明乎其實嘅大蜆呀，因為隻隻大蜆都厚肉架！即使慢慢食，酒香嘅味仲喺度。最後上菜嘅係鹽燒豬手。我好喜歡呢個豬手。佢嘅外層炸到脆一脆又鬆化，但內裡嘅仲保流住豬手嘅膠質，可謂外脆內軟。呢度嘅侍應都幾細心，見到我地隻碟快滿骨就已經幫我地換。