宮葉 パフェ (已結業)

以前成日後觀塘，一向都知呢頭多野食。有同朋友行過裕民中心，見到對面有間新開日本料理，價錢唔算貴就入去試下啦！💰餐廳唔算大，但都坐滿人，裝修以木為主題，日式簡約。有幾幅食物相，幾吸引。我地叫左個“關西叉燒拉麵“，“ 照燒鰻魚炸蝦丼“，“日式精選乳酪芭菲“，“雜果乳酪芭菲“。首先上嘅係“關西叉燒拉麵“，叉燒拉麵湯底好香麻油味，麵質唔會冧，木耳爽口， 叉燒肥瘦均勻都將好味。“照燒鰻魚炸蝦丼“ 鰻魚甘香，炸蝦香脆，都唔錯！食完主食緊係要食甜品啦！到我地期待的芭菲啦！“日式精選乳酪芭菲“材料非常豐富！綠茶味乳酪配以三色小丸子， 蕨餅，焦糖脆脆， 蒟蒻，甘栗，紅豆.... 一次過試曬咁多種類唔同嘅嘢食，真係好滿足！至於“雜果乳酪芭菲“材料都好豐富，有好多水果，士多啤梨，香橙，西柚，岩哂鍾意食水果的朋友.....最欣賞杯底的紅桑莓，酸酸甜甜好好食，同埋乳酪無雪糕咁飽，食完無咁大罪惡感，哈！整體呢餐都幾滿意！

今日放工同個fd係觀塘覓食😎，行過呢間小店，就被佢咁日式裝修既裝修吸引左。見頭先食正餐唔住咁飽😏，於是就決定入去甜野hea下。睇menu，款款都好似幾正咁，見枱枱都叫parfeit，於是我同fd都每人叫左杯芭菲襯下熱鬧，我個杯係抹茶為主題既。抹茶雪糕茶味濃🍵，又有乳酪幼滑既質感。配料都幾豐富，有威化條🍹、菓子、仲有我最鐘意既綠茶麻薯，煙煙韌韌，仲有3大舊咁多，我比左舊比fd食，佢都話正丫。

之前同朋友食過太子果間，食過都唔錯，今日咁啱經過發現原來觀塘都有間，所以就入左去食。門面裝修簡單，乾淨企理，有少少似茶餐廳，卡位為主。侍應服務都到位，落單快同埋準確 (因為我地好麻煩走lee走lo咁有d要走有d又唔走好麻煩). 豬軟骨拉麵份量好夠，蚊到好林好入味，一碗麵一個女仔未必食得晒，拉麵爽口彈牙，不錯。朋友叫的飯都ok, 好夠汁，食晒成碟。甜品方面有好多選擇，menu入面果d全部都好給引，最後揀左個綠茶tirimisu

• 蕎麥冷麵，蕎麥麵是用蕎麥、麵粉和水，混成麵團壓平後切製的細麵條，其營養價值甚高！配上元貝,蝦,蟹柳絲,青瓜絲,紅蘿蔔絲，口感豐富，伴上冰冰涼涼的冷麵汁，好過癮！• 紅酒牛筋條丼牛筋夠入味夠軟綿，充滿膠質感，溫泉蛋蛋汁包著每啖白飯，不簡單的滋味！• 水牛城雞翼，帶點微辣，好香口好野味！• 炎炎夏日，飯後甜品來個冰凍甜品真是種享受~ 這裏有多款甜品選擇，樣樣都想食但胃只有一個，唯有選一個最最最想食的，這個熊猫造形的雲呢拿雪糕芭菲十分吸引，就選這個吧！• 這個士多啤梨雲呢拿雪糕芭菲，跟圖一模一樣！好可愛！

在平日放工的晚上，與朋友即興約食晚飯，選擇了位於觀塘的宮葉。早前已經嘗試過太字分店，味道十分不錯。因此沒有作多考慮便相約前往。達陣後，等了差不多十分鐘左右便可入座了。店內面積不算大，座位不算闊，卻有一種無名的親切感。我們兩人各點了一個主食和一個甜品。1.牛肉骨拉麵 $52拉麵的份量比太子店的多，拉麵麵質是我喜歡的粗拉麵，麵質彈滑配上香濃豬骨湯底，加上新鮮肉，吃完一大碗也有意由未盡的感覺，大推！2. 日式咖哩豬扒丼 $49雞扒十分大塊，肉質幼嫩而且非常入味，連我這個不太吃雞的人也吃得津津樂道。3. 抹茶心太軟 抹茶雪糕簡直是宮葉的由推食物，抹茶味重 而且香 、滑，可惜雪糕溶得太快了 > < 不能慢慢品嚐抹茶心太軟同樣十分重綠茶味，而且十分流心，喜歡甜食的朋友一定喜歡。 

一年一度媽咪節，我竟然要返工不過～錫媽咪都係講心意既所以我選擇左爭取時間，返工前 同媽咪食個靚lunch慶祝因為媽咪中意食拉麵，佢自己揀左呢間係觀塘既拉麵店店鋪面積很少，不過咁先有日本拉麵店既感覺 哈。我點左鰻魚吉列蝦飯。鰻魚好香好滑，加埋秘製日本醬汁，好味吉列蝦都幾嫩口彈牙，美中不足係炸粉厚左少少。最令人意外係隻流心蛋，豐富既蛋汁拌飯，超夾！媽咪點左佢最愛既拉麵佢對半肥瘦既叉燒讚不絕口！我都忍唔住試左塊果然係又香又可口～叉燒既油香適中，叉燒邊仲要有少少微焦，更加香口。加$5就有罐冰凍可樂飲最後又點少得甜品。女人真係有第二個胃食甜品，好恐怖明明話好飽，但都比呢度既甜品吸引左。呢個香蕉批真係好好好好味呀批底好鬆化，而批底既香蕉蓉又香又甜；拌上一層滑嘟嘟 厚厚既忌廉，簡直係味覺既享受喔午飯過後，媽咪送我去搭車返工。手拖手，就好似以前送我返學一樣。。時間飛逝，情 未變

係觀塘同埋牛頭角附近有一間新開嘅餐廳，除咗日本食品之外仲有好多唔同類型嘅甜品，有一晚同朋友喺附近食咗少少嘢食之後就嚟食個甜品。大家都好鍾意食甜甜地嘅乳酪，其實正常來講兩個人應該食唔同嘅嘢互相分享，但係冇辦法啦，真係對乳酪好有興趣⋯士多啤梨乳酪芭菲＄48有啲士多啤梨上面有一層白朱古力，估唔到士多啤梨配白朱古力係咁夾，甜甜酸酸咁中和左個味道！裏面仲有一啲脆脆，下面仲有好多爆爆珠，甜甜地幾香。最重要係個乳酪甜甜的非常開胃唔會太肥！成杯野大大杯，就算你要食好多都一定夠食。芒果乳酪芭菲＄48芒果嗰個就冇白朱古力，可能因為唔夾啦，不過啲芒果肉好甜。乳酪同埋裏面基本上差唔多，除咗下面嗰啲爆爆珠係變咗橙色，但係其實味道都差唔多。

今日同朋友係觀塘行街，雖然觀塘區有好多特色嘅工廈cafe，但係因為朋友表示已經行到好攰，所以就求其揾咗間地鋪食啦。呢間餐廳，以日式風格為主，木製嘅傢私比人一種柔和嘅感。最近，天氣開始轉熱，所以我就揀咗蕎麥冷麵，諗住降下溫之餘，又可以開胃啲。整碟菜色以冷麵為中心，帆立貝、鮮蝦、蟹柳、蘿蔔絲同青瓜絲以配菜形式包圍冷麵，再鋪上紫菜絲，視覺效果唔錯。冷麵偏軟身，冷麵下面有一塊竹蓆同碟，可以直接將醬汁淋上冷麵，就唔怕弄髒；而我就習慣捲起一小束，再沾有小小醬汁先食，冷麵就唔會因爲一次過淋上醬汁而變得過濕。帆立貝同鮮蝦尚算大，亦有適當嘅調味，食落唔會太淡。另外，仲叫多咗一碟小食，照燒Q版魷魚。除咗主菜魷魚之外，仲有大量嘅木魚碎，同醃蘿蔔、小蕃茄做配菜。魷魚雖然比較細，但係都均勻塗抹咗燒汁，照燒味濃，味道偏甜，配合味道較淡嘅木魚碎，相輔相成。

🐶🐰今晚又出動，不過今次就唔係去食貴野，食平民版本嘅拉麵同埋日式甜品。除左普通嘅拉麵之外，新增Menu仲有茶漬飯。而且價錢都唔係好合理，唔怪得知勁多人係外面等外賣。關西叉燒拉麵$52叉燒肥瘦均勻，唔會係乾柴，拉麵就係普通質素，呢個價錢預咗。但係湯底係豬骨湯，成本唔低，味道唔錯。再加上有啲香蔥，紫菜和木耳做配料，簡直係超值！海老茶漬飯$46睇見食評好多人都話無得食，今日我都幾好彩可以叫，啲茶其實味道比較淡，夜晚唔使驚瞓唔着，啲飯嘅份量都幾多架，表面就有一啲鹹香嘅芝麻。三隻蝦都係比較新鮮，口味比較脆爽。建議可以配搭旁邊嘅甜酸瓜同埋芥末一齊食，口味會更加豐富。

叫咗個牛肉拉麵 到嘅時候冇咩人 所以好快個麵就嚟咗個麵不過不失麵冇期待嘅咁彈牙個湯底都OK 幾濃個麵都幾大份 可以食飽配料都幾多不過應該唔會再試呢個牛肉麵有好多甜品下次應該試下

想試呢間好耐，起初以為佢係甜品店，今次行過睇下佢餐牌，即刻入去食。我同我老公叫左一個蕎麥冷麵同埋一個士多啤梨乳酪芭菲。蕎麥冷麵足料又大份。兩個人分享絕對可以。有蝦有蟹柳有青瓜有帶子。價錢抵食。士多啤梨乳酪芭菲重誇張，大杯到呢。又夠凍又多料。士多啤梨都好多粒乳酪甜度剛好，重有蜜糖圈，食完好滿足喔食過一次以後會繼續幫襯，重一定會介紹比人食，有兩間分店，都係九龍，好方便。一間近始創一間係觀塘。下次試埋太子果間先

豬軟骨拉麵好味，豬骨湯底濃郁，拉麵爽口，豬軟骨份量正常吉列豬扒拉麵，豬扒比較唔夠厚身，如果厚身一啲會更好綠茶芭菲好大杯好味道，好飽，栗子好好味，有好多生果例如火龍果粒，朱古力條太甜，最底層的紅豆我很喜歡❤️，綠茶方形jelly和3色小丸子是我的最愛，小甜甜圈就不是我的口味了星期五放工7:30 前唔使等位，7:30後就好多人有排等，唔使加一，價錢抵食，性價比高下次想試北海道雪糕，唔肯定綠茶雪糕是否用北海道雪糕製作

坐位須少，環境乾淨，坐位尚算舒服。軟豬骨拉麵彈牙爽口，湯底味度夠濃，食完冇口喝，但麻油味略重，豬軟骨軟滑入味，炸豬扒較為一般。栗子芭菲有層次感，面層栗子蓉幼滑，質量算多。

裝修幾好，吸引左入去食。叫左個飯，但唔好食，味道就一般般，見餐牌嘅甜品好吸引，可惜員工態度差，見收銀員工對客人的態度一係就不瞅不睬，一係就冷冷淡淡，希望改進。。

行過裕民中心，發現一間新開的日本料理，我立即拉住男朋友前去嘗試可能新開的關係，周日午膳時間亦未見有人等位我們被安排坐靠邊的二人坐，下餐時一位女待應前來，我們叫炸豬扒飯及拉麵時問到跟餐有什麼飲料時，她好像一副懵然不知的樣子，然後再施施然無表情只指着餐牌上一行字，令人感覺態度不好，男朋友還以為她是啞巴(笑)炸豬扒飯味道一般，份量偏小，唯一可取是溫泉蛋伴飯拉麵傳來陣陣的豬骨濃湯味，加上夾雜著味精香氣，非常像出前一丁豬骨豬湯底，感覺有點假幸好拉麵麵質彈牙，叉燒有點難咬開但都算入以這個價錢來說可以接受，拉麵可以encorebtw我發現鋪頭請了四五個樓面，但鋪頭狹窄，很多時候只有一至兩個人在招待客人，其餘三四個樓面姐姐在廚房門口行來行去及談天，