宮葉 パフェ (已結業)

閒日夜晚想睇戲就一定要爭取時間食晚餐，本來諗住是但係戲院附近食餐hea飯咋，點知發現左呢間－－真係有驚喜！我點左個海老茶漬飯，d蝦唔算大隻但好新鮮，珍珠米飯粒粒分明，未加wasabi其實已經好夠味，好食朋友點左吉列豬扒親子飯，個蛋整得滑溜，豬扒煎得香口，整體好好味。而且仲有麵豉湯，抵食!點咗個照燒Q版魷魚，佈滿大量鰹魚碎，個燒汁好入味， 雖然話係Q版，但份量都唔細ga。至於甜品，我哋好瘋狂咁嗌咗三個:-芒果拿破崙餅底鬆脆，芒果新鮮又甜， 吉士同cream個味好夾，好好味!-和風精選乳酪芭菲簡單啲講係綠茶紅豆芭菲， 雪糕個綠茶味好濃，三色小丸子煙煙韌韌，最鍾意綠茶味個粒白玉， 整體唔會太甜膩，我覺得呢個係最好味，必試! - 香橙西柚乳酪芭菲呢款芭菲味道最清新，乳酪酸酸甜甜，有非常多生果。西柚好新鮮，加埋啲脆米令口感更豐富。我覺得主菜同甜品都相當唔錯，最難得係價錢實惠，食到咁飽先大約一百蚊一位，真係平靚正，值得一試!

呢間鋪係我屋企樓下，睇住佢裝修，睇住佢開張 見到門面咁鬼靚，仲要食日本野，我估都要百百聲掛 上星期六落大雨，想阿囡有個好心情去面試 就帶佢去食餐好既再出發啦~ 全店以木質傢俱為主，很有日式風味~ 店子骨骨子子，干淨企理 就算當日落大雨，都無話又濕又污糟~ 呢d橩，無椅背的，望落，令整間餐廳既空間感大好多 不過坐就麻麻啦 (無得挨~haha ) 另一邊以2人枱為主，枱仔細細~ 但係有背椅~ 可以挨下~haha  每張枱邊都可以拉出黎放餐具的，幾方便喎~ 睇番餐牌價錢，估唔到，係咁抵食呀 直頭係food court 價錢呀 每個飯，都係50蚊, 加5蚊仲有野飲~ 完全同我想像的好唔同呀 除左飯，仲要拉麵，日式小食 講緊都係幾十蚊既價錢~ 拉麵都係5x - 60蚊 咖喱飯，全部49蚊~ 真係茶記都要啦~ 反而，甜品就正常價啦 4x - 5x 蚊度~ (同食個飯一樣) haha~ 阿囡點的 叉燒拉麵~ HKD 52 賣相正常呀，同出面80-90蚊的一樣呀~ 麵質有驚喜喎，有彈性，唔係食到成口粉個種~亦唔係硬到無朋友個隻~ 叉燒，有三大塊~ 厚切 而且，我真係食到廣東叉燒既口感

呢間係牛頭角道嘅日本小店，對住條馬路，揸車嚟就咁拍左係度搵食順便可以望住架車，真係好方便，一心諗住醫肚，點知大有驚喜，係又抵食又好食。食左紅酒牛肋條丼，才$49，好大碟，牛肋條好嫩林，醬汁好食，真係送飯一流，就算平時吾多食嘅紅蘿蔔同薯仔等配料，都因為紅酒醬汁而特別好食，最後全部清光，好味道。點了甜品，款色很多，全部很吸引，最後好難揀咁揀左芒果乳酪芭菲，$48，一上碟，好大杯，心諗實食吾晒，因為食左個飯都8成飽，真係好多芒果，分別有幾層，先係乳酪雪糕，再係芒果，仲有脆脆，仲有一粒粒一咬就爆嘅芒果粒粒？，最下仲有層全芒果嘅，所以真係芒果好多，而且都好甜，好食。得閒經過都要嚟先，正丫。

多數是我介紹朋友吃抹茶, 是我找朋友陪我吃抹茶, 雖不是經常可找到知音者相伴, 但獨自快樂也是一種享受。但今次卻有些不同, 剛剛相反, 竟有朋友推介我去吃, 實在令人太高興了!店子裝潢用上木系色調, 門面設計帶和風色彩。走進內裏, 地方小小, 只有兩排座位, 一邊是兩人卡座, 另一邊是一排長沙發座配四人枱, 座位不多。店子沒有花巧的擺設, 只是牆身掛上幾幅菜式的大相片, 簡約優雅。翻閱餐簿, 店子雖主打甜食, 但亦有供應數款鹹食, 分別有日式丼、茶漬飯、小食和拉麵, 而甜食則有很多選擇, 最吸引我當然是一系列的抹茶甜品。******************************未嚐甜之前, 先吃少少鹹食打打底, 要平衡一下。要留肚食甜品, 一個丼或一碗拉麵對我來說就太多, 還是點一客小食。數款小食中, 揀了關東煮 Ogden ($38), 貪佢夠多款, 數數看, 共有九款食材, 分別有多汁無渣的蘿蔔、滿有菇香的冬菇、爽口的海帶結、滑嘟嘟的蒟蒻、彈牙的獅子狗、日式魚蛋 和魚片、大大隻滷蛋 和內藏煙煙韌韌年糕的福袋, 各食材味道偏淡, 蘸些所配備的麵豉醬 提味, 鹹鹹地則好味一些。  *

去左觀塘搵到呢間又平又好食嘅日式食店，睇佢裝修好靚，全部都木為主，不過晚飯一個set都五十蚊咋，仲吾洗加一。我食了滑蛋雞扒親子丼飯連麵豉湯。知$50蚊咋，好大碗，食到超飽，佢滑蛋好滑，雞扒應該煎香過，喜歡佢切到一口一口咁，好方便食，雖然係咁，雞扒份量都好多，加了點洋蔥，好香，正丫。另外見menu咁多甜品，貪心嘅我緊係又要，嗌左宇治綠茶心太軟，$46，好靚丫，個心太軟係心型嫁，味道岩岩好，吾會太甜，而且好岩我口味，我喜歡不要太多流心，中量就好，有其他店流心太多就好似嚟係食醬咁又會太甜，呢個流心份量岩岩好，即嗌即整，好味道，配上雪糕食，最甲，一流。好正丫呢間，真係又平又好食，仲吾洗加一，服務又好，真心推介。

新海誠的日本動畫《你的名字。》去年大收旺場、叫好又叫座。男女主角的互換身份、相遇、失聯再重遇的經歷至今仍歷歷在目。當中的一句「未遇上你的日子，就是我的冬天」讓冷血如我的觀眾也為之動容。《你的名字。》的女主角名叫宮水三葉，將中間兩字拿掉剛好就是今天親嚐的食店「宮葉」。宮葉坐落於觀塘裕民坊前的牛頭角道，一家精緻的日式餐館坐落於被視為舊區的牛頭角，就像電影中住在深山鄉間小鎮的三葉一樣樸素而獨特。門外採用日式敞門設計，宮葉的招牌平實而搶眼，整體感覺十分舒服。室內也採用溫和的木紋設計，燈光柔和自然。日本是一個相當講求包裝的國家，雖然位處香港，但宮葉的餐牌也充滿日本氣息，如櫻花樹和日文寫成的茶漬歷史簡介。麵鼓湯配料豐富，味道不鹹不膩。在《你的名字。》裡，三葉居住的深山城鎮名為糸守町，整個城鎮圍繞著1200年前由隕石撞擊形成的糸守湖。此刻店員呈上的吉列豬扒親子丼，圓型的碗上鋪滿金黃色的滑蛋，上端還有數片綠色的蔥花。顏色的配搭與電影裡的糸守町一樣給人一種舒適的感覺。當然，親子丼當然少不了最重要的吉列豬扒。厚切豬扒口感十足，炸得金黃色的表面也十分爽脆可口。我一向對於水果茶有種說不出的鍾愛，喜歡它有水果的

就係賴生同屈小姐去觀塘既前一晚，係Facebook見到宣傳《宮葉》有平價既滑蛋吉列豬扒飯同抹茶拿破崙供應，令賴生同屈小姐都各自心癢癢⋯本來我地一早已經Plan定食第2,3,4間做Dinner! 但因為公眾假期既關係⋯全部冇開/提早關舖！我地拖住肚餓既身軀行左3間唔同地方既舖頭都關左！最慘既係⋯連大家樂都關埋⋯，令我地不禁去諗⋯觀塘究竟係個咩鬼地方黎嫁？連大型連鎖店都唔開既？與此同時，賴生望住自己手拖住既屈小姐，賴生同佢撲空左3間舖，花左近半個鐘行路時間，佢都毫無半點不悅，賴生果一刻真係好慶幸自己有個咁好既女朋友！ (屈小姐：肯定係因為當時心諗要快啲去到食野，咩都唔得閒理)最後，賴生帶住屈小姐穿過左個隧道，黎到牛頭角道，終於燈火通明，柳暗花明又一村，見到好多野食啦！賴生就加快腳步帶屈小姐黎到《宮葉》啦！《宮葉》係一間好日式風格既舖頭，用木做主題，好和式！而座位都尚算坐得舒服，檯面都可以夠位放野食，最好既係佢甜品可以後上，唔駛食得趕頭趕命，驚呢樣溶果樣溶而飯又凍晒1）親子吉列豬扒飯：3⭐️由於呢，賴生早就比尋晚既廣告誤導左，埋下左想食吉列豬扒既伏線，所以就中左伏啦！又話係呢度既招牌野⋯，但係

官塘多數都係傳統糖水店，今晚想食啲特別啲嘅，之前已經睇過宮葉門口嘅餐牌，有日式甜品，有杯好得意嘅熊貓芭菲我地叫左一個熊貓芭菲，一個抹茶甜品，芭菲一嚟到我即刻心心眼，整得好靚，雲尼拿雪糕好食，個快有芒果，紅莓，配搭得不錯，生果都好甜，而且佢底層唔係用平時嘅粟米片，唔會食到落底林哂抵讚到抹茶甜品，樣樣都有啲，有蕨餅 蛋糕 焦糖脆餅 三色丸子 蛋白脆餅 綠茶雪糕 仲有最靚嘅櫻花水玄餅，好精緻，味道都唔錯，CP值高值得一試

吃貨小妹最喜歡係舊區遊走 找尋新鮮好食既食物 而觀塘區就係小妹其中一個覓食點 今次去左一間平靚正既日本料理嗜辣既小胖男友一打開本menu就要求要食地獄湯叉燒拉麵 整碗拉麵都係橙紅色 地獄湯底唔算太辣 係可接受既辣度 拉麵幾彈牙不過相對而言 小妹更喜歡我揀既咖哩吉列豬扒飯 CP值比地獄拉麵更高煙韌既珍珠米配埋香濃惹味既日式咖哩 令人忍唔住一啖又一啖送到口中不過最吸引都係呢度既日系甜品打開餐牌琳瑯滿目每種口味都好吸引幾經爭扎後 最後決定貪心d order兩款甜品士多啤梨乳酪芭菲 酸may may非常開胃除左乳酪上既士多啤梨 芭菲底部仲放左滿滿既蜜糖脆脆同蜜瓜 好抵食 綠茶窩夫就香噴噴 焗得頗為香脆 配埋綠茶雪糕 綠茶控萬歲

是日同家人去牛頭角辦事，順便在附近覓食。眼見呢間新開，而且裝修唔錯就入左去食了。二人叫左一個拉麵，因為我不餓的關係只叫了一份小食。好似係$40，黎到見到兩件有啲失望，不過我唔餓就當然冇問題了。可是$20/隻雞翼似係交貨的質素，如果係自家製相對會比較有誠意。味道一般，有甜甜的，熱度足夠，賣相都唔錯！叉燒三件，湯底唔夠濃同埋唔夠熱，食拉麵除左麵嘅硬度之外，湯底同熱度超級重要呢到令我有啲失望了。湯底唔濃，而且似加左好多調味劑，麵的質感太淋，如果可以硬身啲會更好。希望以後店主會考慮比客人選擇拉麵的硬度，而且可以做到客人要求的。PS:食完一個鐘後飲足1公斤水，家人快中水毒了

下班後約了朋友，來到這間太子的小店。$52，湯底一般，拉麵不俗，叉燒略嫌有點韌，有好多好多我不吃的荀，似乎友人的豬軟骨較為好吃，入口即溶。至於得最期待的日式精選乳酪芭菲，味道似Sweethouse Chacha，質地沒Chacha那麼結實，較為奶滑。順時針數，有太淋的三色丸子、栗子、美味軟糯的蕨餅、9唔搭8的蜜瓜、甜到爆炸的蜂蜜脆脆、紅豆、淋巴巴的朱古力百力滋和帶有淡淡抹茶味的蛋糕，雪糕底下還有海量火龍果、啫哩、椰果和紅豆，極為豐富，整體味道比想像中要好，價值$50，非常抵食👍🏻

朋友話想食日本菜，咁啱我哋去開觀塘最尾揀咗呢間。門口推介日式咖喱牛肉丼＄49 ，見到圖片都幾吸引，有溫泉蛋和咖哩和風牛肉，好似好豐富咁樣。就叫左喇，咖哩嘅味道偏甜，而且多汁，咖哩汁還有仲有兩嚿薯仔同紅蘿蔔，而配菜方面有啲雜菜、雲耳和洋蔥。和風牛肉就麻麻地，質感偏煙韌，而且好多脂肪位都咬唔到，飯還可以，質感非常林生。甜品menu中，甜品的款式多不勝數，我比較喜歡鮮甜多汁的士多啤梨甜品，所以同朋友share了一個士多啤梨窩夫＄46，分量是半份，唔會令人食完覺得飽飽滯滯。窩夫的外皮弄得香脆，而內裏則非常完熟，感覺有點像蛋糕仔的質感，果然十分輕盈。而旁邊配有士多啤梨鮮果，旁邊更有一球士多啤梨雪糕，雪糕的質感非常滑身，帶點士多啤梨果籽，非常有口感，感覺仲好清新添。窩夫的底部還有些奶黃色的吉士醬，味道甜甜地，但質地非常creamy！！逢係單點拉麵或飯都可以加錢換野飲 （+$5 汽水）整體感覺都幾平，主食和甜品價錢都尚算合理。

這間宮葉在太子也有分店，那次嘗過定食跟甜品，印象不錯，這次巧經觀塘工作，見到開了分店在此，毫不猶疑進内試試！“ 環境跟太子分店一樣，採用木材素造出柔和感強烈的和風設計！“ 海鮮拉麵，蝦,魚塊,元貝,魷魚,溫泉蛋,紫菜等等，配上熱騰騰的豬骨濃湯，食材豐富，湯底味道濃郁！“芒果乳酪芭菲，層次分明，最特別是一粒粒的爆珠，一咬破爆出糖漿甚有口感！“ 士多啤梨味波子汽水，那種波子敲擊玻璃的清脆聲令童年回憶立刻湧現，還記得小時候常常怕會吞掉那粒波子，喝光後總會拆開拿出波子留念呢！

這天晚上雖然下著雨，但由於糧尾實在接受不了apm內的餐廳物價，所以還是主打在觀塘街上覓食。這次沒有走到工廈林立那處，反而在小巴站那邊走走看。  這間宮葉我在太子有幫襯過，價錢算抵食，既然不用等位就選擇這間吧。  看看Menu，$50一個飯+麵豉湯，不用加一。 吉列豬扒親子丼 $50 以這個價錢來計這碗飯的份量真夠大，滑蛋完整的覆蓋在白飯之上，調味偏濃一點，用來拌飯卻顯得剛好。  炸豬扒的質素還不錯，只是外皮脆漿不夠薄，吃著覺得有點硬。 宇治抹茶拿破侖 $46 上次試過宮葉的芭菲，賣相精緻又不貴，這次試一試港女最愛 – 抹茶。拿破侖酥皮的做法殊不簡單，索價$46認真抵食，而且presentation亦絕不馬虎。  近鏡睇會發現抹茶吉士頗挺身，味道香甜沒有茶的苦澀味，用刀將拿破侖一分為四份就會知道酥皮很鬆化，而且大大一件拿破侖，兩個人share都夠食。  這頓晚飯我跟男友一人一個飯，加個甜品兩份食，埋單也不過$150，經濟非常，而且環境也算闊落，兩個人的話可以坐卡位，梳化椅坐得耐都不會patpat痛。

平時去觀塘行完街，都會喺apm搵個地方食晚飯但食得多，都開始厭今日就出去行下，試下新餐廳 呢間餐廳雖然同觀塘鬧市有啲距離，但係望落餐牌，性價比都唔錯，就不妨一試牛肉親子丼 配麵豉湯雖然係平民嘅價錢，份量都冇因為咁縮細 牛肉同滑蛋鋪滿咗成個飯，本身細食既女仔，可能會少唔哂(好彩我唔係)但食物既重點，又點會只係分量估佢唔到，質素又真係OK滑蛋絕對冇overcook，仲有蛋汁混和埋醬汁，絕對夠撈哂所有飯而且牛肉分量真心超級多 絕對係吉野家嘅2、3倍份量不過送嘅麵豉湯就一般般，冇咩特別日式精選乳酪芭菲頭先睇餐牌嘅時候，發現餐廳仲有唔少甜品可供選擇 (其實係有成7、8頁咁多?好似係) 係同朋友商量之後，就揀左抹茶芭菲 除咗有抹茶雪糕，仲有抹茶蕨餅、紅豆、小丸子、海綿蛋糕、脆脆等十分多配料 而整體甜度都只係中等 (以甜品嚟㗎) 感覺不會太膩，食到最尾絕對唔會係一個負擔以性價比來說，都頗特出，去開觀塘行街既朋友仔，都不妨一試