宮葉 パフェ (已結業)

今日lunch後嘅時候去左牛頭角嗰邊食飯，好隨意咁去咗一間日式餐廳度食午餐！一入到去聽到隔離枱話：呢度真係食裝修都覺得有啲驚。不過已經坐底左，都唔好意思走。跟住就叫咗個日式雞肉親子丼食連麵豉湯其實食物外表都幾好，份量都多，可能近排都食得較清淡，食進口時覺得d蛋有點過鹹，而且雞肉沒有味道。不過成個set都係$49，食物質素同價錢都成正比。

返工食晏試咗新開呢間宮葉，感想只有一個：可一不可再！先唔講食物質素，服務態度令人嘆為觀止。叫咗一個豬排親子丼, 足足等咗45分鐘！1:15pm坐低，到2:05先有得食。唔止我一個等得耐，隔離檯都等到話要取消張單。45 分鐘內催咗3－4次，每次都話整緊，然後侍應們就匿晒喺廚房附近唔行出嚟，應該係怕又有人催佢地餐。新開張等得耐當係大家未熟手，已經冇乜話發脾氣嘈，反而催第四次時，個侍應衰住聲講：豬排有排等，你叫第二樣啦! (點解催第1,2,3次都唔叫我轉餐，到第4次先語氣衰衰咁話冇？開始火嚟！)我：但隔離檯遲過我嚟，食緊喇wor侍：冇飯呀！叫拉麵啦！同事：咁如果要豬排等多幾耐？侍：唔知呀！最後死死地氣叫咗拉麵，好味千味嘅拉麵，即係食完會超級口渴。食緊時個西面侍應喺附近講嘢話咩拉麵加兩蚊，好似同空氣講咁，完全唔尊重食客。

在太子的宮葉嘗過其抹茶芭菲，感覺唔錯。此店最近在我公司附近的牛頭角道開了間分店，自然要去食吓晚飯。嘗了其鹹食帆立貝親子丼，感覺唔多惦，帆立貝大小，顯得同菜牌中的相片有落差，味道亦普通。不過跟餐有個麵豉湯賣五十元兼無加一，價錢倒也不貴。其實親子丼簡簡單單用雞肉及蛋便好，攪咁多花臣反而吃力不討好。反而其芭菲就保持水準，叫了個$48的士多啤梨乳酪巴菲，light少許但味道、層次感同賣相都唔錯。尤其是部份士多啤梨沾上白朱古力，令味道起了一點點變化，抵讚。總的來說，來這裏還是吃甜品（尤其是芭菲）好了，其他可以放棄。

晚上叫咗個帆立貝親子丼，飯已不是珍珠米，還要爛到好似糊仔咁，加$5可加飲品，但柚子茶太甜了（其實是柚子蜜），裝修還可，服務ok，餐牌大部份是甜品，下午茶才離試試

之前經過，見倒佢裝修緊，所以特登來試一下。我們二人有卡位坐，環境都舒服的，傾計也ok。午餐有各種飯類送麵豉湯，但我地見倒豬軟骨拉麵都好好好想食，所以我地係食相同嘅野，尼個要另外加錢先會有野飲，我地就無加。個麵唔會太淋，個湯都好香濃，豬軟骨入味，伴上溏心蛋和紫菜，哇哇哇，比得上某間拉麵店成一百元的麵！工作尼頭唔多日本野食，所以坐到1點已爆人，唔好意思再坐了。今次可惜佢地的茶漬飯未有得食，下次會試下。

新开的分店，环境很不错，日式的装修，很有风格。喜欢他们的小凳子，很可爱。餐食的选择并不多，几个拉面和饭，主要是甜品，好多页的菜单哦，应该是女生最爱啦。看周围吃饭也多是情侣和小年轻们，服务人很尽责，看吃完马上上菜单点甜品。拉面味道还OK，猪扒炸的不错。总之是附近可以选择的一间。

見到觀塘附近開左間新既日本餐廳，lunchtime 過黎試😁打開餐牌見到d價錢好抵食!我原本想食茶漬飯，因為未試過，但當我點餐時，待應同我講未有！咁點解唔標明係個餐牌度？等我空歡喜一場😒😒最後我試左個親子牛肉飯，其實親子唔係解父母和仔女，即雞肉和雞蛋嗎？牛肉既親子其實係親人地個仔！即牛肉配雞蛋，嘩哈哈哈😂😂😂份定食黎勒，原來仲有個麵鼓湯😄麵鼓湯通常都係一樣用麵鼓醬開的，所以無咩特別😜而親子牛肉飯，牛肉量多，而且食到甜甜的牛肉味😁雞蛋雖然唔可以話好滑，但都唔實，唔差！洋蔥岩岩熟，唔會辣，少少甜，我鐘意😁飯係珍珠飯，黏黏地，日本味濃！講到依到大家一定覺得唔錯，我都以為係，不過食到咁上下，開始覺得咸左少少，之後都幾咸，去到尾係好咸......到食完行左出餐廳，覺得勁口乾，應該係好多味精，返到公司飲左勁多水😓😓