宮葉 パフェ (已結業)

同男朋友去ikea睇傢私，睇完都成7點差不多食dinner，本身諗住返屋企食，所以出黎時都無特登搵邊間餐廳食。當我地決定係附近食埋先返屋企時，即刻上OpenRice 睇下有乜好食，搵到d間有好多抹茶，個芭菲睇到我係甘扯住男朋友要去食去食😂要多謝男朋友仔陪我一齊癲，由megabox行去d間餐廳要成半個鐘!! 到啦到啦!!個門面甘多抹茶甜品poster ，仲唔係佢!!男朋友仔唔好甜品，嗌左個關西叉燒拉麵$52。碗麵算大碗,平時男朋友都要加底，d度一碗都夠食，湯底不過不失，有半隻玉子，一啖啱啱好，中間呈溏心🤤叉燒似港式拉麵嘅整法,成碗麵好多配料,有我鐘意食嘅竹筍🤤d個價錢甘嘅質素已經係高性價比熱情味西瓜果茶$28出面熱辣辣，入黎見到差唔多每張枱都有一杯，好似好正甘😆我地都唔執輸叫左杯😂d杯真係好足料，有半杯係果肉，仲有士多啤梨肉😯飲落去真係好有果味，好fresh!見到牆身黐左張紙: 果茶供應至22:00，想飲嘅要早d去先得。飲一杯果菜好過飲奶茶，起碼唔會太肥健康d😂抹茶芭菲$50期待左好耐，軟雪糕抹茶味好濃，令我諗起心齋橋嘅抹茶雪糕，溶左嘅雪糕汁撈埋脆米通同蒟蒻一齊食，出奇地襯😯仲有三色小丸

暑假冇野做，就系想穩又平又好食嘅野食，今次黎左依間外觀望落幾令嘅宮葉食，一入到去，環境都幾舒服乾淨，一開始睇本menus，都有幾多選擇下，令我意外嘅系有好多甜品選擇，又有芭非，乳酪雪糕，抹茶類嘅甜品，真系好吸引😆😆😆！ 主食方面都有飯，冷麵，拉麵簡，都幾多選擇，由於我見到格離枱d飯都幾多下，所以簡左食吉列豬扒拉麵，分量岩岩好，咁食野緊系吾少得野飲，d野飲普通黎講都算幾大支，仲幾特別幾好飲，好明顯同其他餐廳d飲品選擇吾同，加8蚊都算抵飲。😍😍😍😍食完主食仲可以食返少少甜品，而對放女仔黎講，食返個乳酪雪糕就真系岩岩好，滿足哂三個願望😙。最後食完都覺得可以再番兜食多次，抵食得黎又好食仲可以食到甜品。😝😝😝

放假既日子 就必需食好西😆😆😆經過宮葉 裝修吸引 而睇餐牌都唔算貴 所以晚餐就入去一試😀😀其實飯同拉麵都有七至八個選擇，多重困難症下選了吉野牛肉拉麵，拉麵份量不多不少，初初都好驚食完都唔飽，吉野牛肉，半隻蛋，紫菜⋯⋯圖中可見貌相吸引 只要加$8仲可以叫特飲，而特飲都加左新鮮生果😈😈 令味道唔假 清甜 又健康 原本只想食簡單晚餐，發現宮葉仲有超多甜品 價錢唔貴 平均$50一個 我選了最愛的乳酪雪糕 仲有三粒丸子，喜歡綠茶既朋友都可以黎試下！影相都好靚架

APM平時搵位食飯好多人，又要啲時間等位，要快食睇怕都要行去其他地方，由於朋友趕時間想快食，佢推介近啲牛頭角嘅宮葉，對我嚟講只要係日本嘢就無咩所謂，行遠啲唔係一個問題價錢嚟講佢地啲嘢食都算係平價，50幾蚊一個拉麵，最終自己叫咗一碗豬軟骨拉麵，味道上都幾ok，湯底算濃味，配料上都算足，豬軟骨食落幾易咬之餘，個骨有少少爽口，如果個蛋溏心多啲就好喇，不過又唔可以咁貪心嘅另外佢有好多甜品同飲品供應，特別係綠茶，左揀右揀之下先最終揀咗呢個綠茶拿破崙($46)，上碟時感覺份量都OK，有好多生果配搭，拿破崙個皮都算脆口，綠茶cream嘅味都重，只係拿破崙個皮牛油味，對我自己嚟講就多咗啲，但整體都幾好同埋佢唔洗加一，吃完兩樣嘢就咁埋單100算合理，同埋上碟又的確快手，下次喺觀塘有多一個選擇！

自從轉到觀塘返工，好多時都收夜，唯有叫老婆嚟搵我食嘢啦！佢搵咗呢間日式拉麵cross甜品嚟支持我放工，點可以唔捧場！2030左右去到，都9成爆滿！有心試可能要有準備要等下位呢到啲麵都可以免費轉地獄湯底，咁我就要咗個辣嘅炸豬扒湯麵，再加一個唔辣豬骨味！甜品就要咗個抹茶心太軟。麵嚟講都夠熱，麵身係中度粗幼，口感唔錯！不過唔食得辣嘅可能辛苦啲佢無辣度揀，個湯底對我嚟講有啲辣！(for refernce 勿演米線我平時食開3小辣)不過味道幾好，讚！豬扒呢就唔鞋身嘅，不過就普通少少啦。呢到甜品都好重心，個抹茶心太軟係出色嘅！好香嘅牛油味之餘，啲流心抹茶唔係好甜，好味！跟埋抹茶雪糕食真係好正！個麵唔貴，50蚊左右，呢個味道真係抵食架！我同老婆都好飽咁埋單！滿足！

這日和朋友經過觀塘去牛頭角那邊，見到這一家開了一段時間但還沒有試過的日本餐廳。我和朋友看完餐牌覺得價錢還可以，食物照片挺吸引，我們便決定一嘗新餐廳。餐牌是真的非常吸引，食物種類很多，飲品和甜品的選擇已經是日本小店的質素，熱食有多款選擇如咖哩、拉面等。我和朋友最後一人點了一個拉面，一個簡單隨便吃的晚上，一碗拉面已經很足夠了。和風豬軟骨拉面 $54牛肉拉面 $52這家餐廳的拉面都有加麻油，令拉面更香更惹味，加了麻油的拉面令其多了一份香港味道的感覺。拉面軟硬度適中，玉子入口即融，處理得非常好。豬軟骨和牛肉都屬中品，不過不失。但我和朋友都覺得這個價錢吃到這種質素已經是非常難得了。

不嬲都聽人講話觀塘多野食，今日行過見到晚餐既價錢幾平民，甜品又好靚，就決定食呢間啦。一入到去覺得裝修幾企理，好有日本和風既感覺。牛肉親子丼（配麵豉湯）牛肉親子丼既份量一啲都唔少，男仔食絕對夠飽肚。滑蛋鋪滿成個飯既面頭，半熟既蛋充滿住蛋汁，真係名乎其實好滑，仲帶有少少湯汁既鹹香，好惹味。牛肉一啲都唔會話太嚡或太韌。飯有好多汁，撈飯食就最啱。見到menu入面既甜品咁吸引又點可以唔叫喎。日式精選乳酪芭菲賣相好靚，有口感煙韌既日式小丸子同蕨餅，紅豆蓉同朱古力脆餅。抹茶雪糕好rich，抹茶味突出，甜度適中。下面仲有脆米通，抹茶啫喱同火龍果，配料豐富，抹茶控一定要試。藍莓芝士餅雪糕芭菲一黎就覺得真係好大杯，上面真係插左一大舊藍莓芝士餅係到，仲有雜果同馬卡龍，好足料。雲呢拿雪糕同藍莓醬配埋一齊食酸酸甜甜，味道幾得意。食左咁多野到埋單都只係$200仲要無加一，真係好抵。而且呢到既甜品真係做得幾出色，絕對推介。

今日點了一個和風豬軟骨拉麵及日式咖喱雞扒飯，真係非常之失望！只能話飽肚。味道真係唔得！飲品更加離譜藍莓乳酪果茶，同manu裏面相差太遠凍柚子茶來到呢其實係熱嘅、仲要淡到一杯清水感覺真係好失望

之前食過太子店，甘岩經過menu多左好多野就入去食個令飯！⭕️咖哩雞扒丼 $49雖然呢個丼係用碟上，但真係勁好味！咖哩唔辣，雞扒厚又煎得香脆，仲有隻溫泉蛋，撈埋一齊食，正到爆！⭕️白桃西柚果茶 (+$8)好高CP值！飲落好香白桃味又唔會好甜，仲有玄米茶回甘。入面仲有勁多生果，但太飽冇食到😂😂⭕️草莓芭菲 $48好大杯！有勁多粒士多啤梨，甜就唔算太甜，入面仲有火龍果玄米粒士多啤梨乾綠茶啫喱，口感豐富又抵食⭕️抹茶拿破侖 $46出面好小見到有抹茶拿破侖見到呢度有就立刻order！呢度既拿破侖偏麥味，唔係酥脆個款，食落好濟，同抹茶醬勁夾！抹茶醬勁甘勁苦正，食食下用黎撈個乳酪雪糕，一流！

準備去睇妖尾電影之前就約妹妹先到觀塘食飯，見到有好多甜品就揀左宮葉啦！主食都好多野揀，我地就揀左吉列豬扒丼同咖哩雞排丼飯。吉列豬扒丼味道一般，豬扒好薄而且唔脆，但撈埋蛋同飯都ok.反而跟湯就幾好入口，豆腐滑滑唔錯而咖哩雞排就好d，雞扒煎得好香口，皮好薄，肉質嫩滑，份量偏大，咖哩汁惹味但略嫌小左d.而蘿蔔同薯仔未夠淋，煮耐d好d.之後就叫左抹茶拿破輪，呢個真係好好食，抹茶味好重，有d苦個種，而餅皮酥脆，重牛油味，值得一食！另外要左個strawberry parfait, 超正勁多生果下面仲有抹茶啫喱加左8蚊要杯藍苺乳酪果茶，有d甜但都幾解渴

下午茶行過呢間野，見有時興果茶，就想試下，點知佢話一杯三十蚊，買個下午茶餐都係三十八，重有件cake., 小丸子同櫻花啫喱，咁真係好抵，於是坐低食，裝修好靚(非常日式), 又乾爽(強冷氣),服務人員都好有禮貌， 件cake的水準係好食過美心(但美心一件都要十幾蚊), 丸子就一般般，但啫喱有驚喜，外軟內爽，口感好特別，至於水果茶，味道鮮，但有少少苦，可能因為西柚皮浸耐左，見到餐排重有好多野食，下次一次要黎再試下其它野

牛頭角，細細個以為個度有好多牛。大個咗發現，原來.......有好多... 好多... 好靚嘅......芭....菲！🤣碌碌下ig，發現朋友post係宮葉嘅芭菲好鬼吸引，見佢仲有飯食，一於用一晚，自己扮去日本，食好西！ 「哈，我又飛啦！」我同朋友叫咗吉列豬扒親子丼（$50），同埋牛肉親子丼（$50）-- 滑蛋同牛肉唔會好老，岩岩好。 吉列豬扒都大大塊，同埋個飯嘅份量都比相像中多，仲有碗麵豉湯，性價比都幾高！ 黎到戲肉，宇治抹茶芭菲 （$50）-- 抹茶芭菲材料都幾多，有火龍果、抹茶蛋糕，白玉，等等等等，相當豐富😯！ 個抹茶雪糕我發現比市面其他芭菲嘅份量都多，配埋紅豆一齊食，又係另一個享受！🤣藍莓芝士餅雪糕芭菲 （$46）-- 又係一杯靚靚嘅芭菲！件芝士餅都幾大件，配料有藍莓、芒果、紅莓，好似好多生果好健康咁😏，都唔係好肥姐（自欺欺人mode)！不過，宮葉嘅性價比係幾高，芭菲又靚又吸引，可以再戰！🤣

雖然呢間日式餐廳細細地但其實都有兩層架而且味道真係幾好價錢亦唔算貴首先叫咗飲品係蜜瓜香橙清新得黎又幾夾 比想像好飲仲有果肉可以食顏色好靚好吸引拉麵就試咗豬軟骨款正常份量 而且仲有好多豬軟骨湯底岩岩好 唔會太濃麵質亦唔會太淋 有咬口朋友食咗咖哩豬排飯 個汁有少少辣架試咗豬排都幾好幾脆 肉唔會"鞋"至於甜品方面真係冇得頂其實好多款都想食最後就叫咗士多啤梨窩夫同朱古力乳酪初頭以為係原味窩夫加士多啤梨醬同雪糕點知原來連個窩夫入面都有真係足料呀下次再試其他

之前食過其他宮葉既分店，記得環境比較逼，今次黎觀塘，除左寬大啲，發現menu仲多左啲新恭樣！我叫左個咖哩吉列豬扒飯 味會有少少辣 咖啡味濃 有蛋 咖哩薯仔 紅蘿蔔 送飯一流 啖啖豐富。 其實食到一半多啲已經好飽啦！今次有特飲 原來食拉麵/飯尼啲+$8 就有一杯大大杯。 係超抵！ 入面仲有新鮮生果 唔會好似得陣味得色素咁dry士多啤梨味窩夫 入面收藏住一大舊吉士 有士多啤梨同雪糕配搭 勁有心思又好味最後叫個朱古力乳酪雪糕，其實係因為個三粒丸令我揀左尼個味🤣🤣 本人極愛乳酪雪糕 酸酸地 作為整餐完結 ！ 價值唔會貴！ 一定再番黎食過

早幾日見到朋友ig post左宮葉嘅芭菲真係勁吸引！！最緊要係唔貴！所以就約朋友一齊黎試啦裝飾以木為主，幾別緻同舒服餐牌有晒圖片，一目瞭然我叫左個拉麵同一款芭菲和風豬軟骨拉麵流心蛋好好食甜甜的，不太生又不太熟。豬軟骨有四大舊，好淋，尚算入味！ 湯頭唔會覺得咸，有木耳同芽菜。日式精選乳酪芭菲萬眾期待嘅抹茶芭菲！！比圖片大杯得多，食完真係超級飽同超滿足！層次豐富，有煙韌嘅小丸子同蕨餅、爽口嘅抹茶啫喱同火龍果、實在嘅粟子、鬆軟嘅抹茶蛋糕、仲有香脆嘅脆米通同焦糖塊，底層係滿滿的紅豆抹茶雪糕甜度適中，蕨餅同啫喱嘅味道偏淡，剛好中和紅豆嘅甜味必點呀真係！！呢間餐廳嘅甜品樣子都好吸引！ 甚至吸引過主食