宜家家居餐廳及咖啡室

营业中

休息中

最愛享受休閒的生活，要為家居添置一些用品，必定會走到一所連鎖家品店看看。這間IKEA正正是我今天行逛的目的地，而每一次都例行到它的餐廳歇腳再吃個午飯。門口有一排食物圖片及價錢，我們先行找坐位再購買食物。點了瑞典肉丸，$20有10粒，肉丸彈牙，配上忌廉汁和薯蓉，放進口內"滾動"，簡直好味到停不了口。再點了小食拼盤，$39，已經集合了我的最愛，雞翼，大大條腸腸，薯角，粟米粒。每一款吃一口，已令我好像在吃自助餐的感覺，心裏的不快全消。老公點了豬肋骨，$63，配上南瓜條及酸青瓜，配搭新穎，燒汁味濃的豬肋骨，烤得恰到好處，不"痴"骨也不"痴"牙飲品當然少不了，只須加$7，走向餐廳中央水吧位置以自助形式，便可無限添飲

如果冇喺沙田嘅宜家傢俬餐廳食過飯，就唔好話自己係沙田居住生活或者讀書工作。作為一個係沙田長大嘅人，有朋友嚟到沙田，當然要帶佢嚟幫襯宜家傢俬餐廳。餐廳為咗減低成本，所以採用自助形式，要自己搵位，同埋食完之後要自己收起餐盤放到回收嘅地方。餐廳雖然望落寬敞，但顧客人數眾多，所以最好都係早啲搵位，講常去到七點之後就會滿座。所以我哋都專登早少少六點半到，唔駛等就搵到位坐低喇！我同朋友一共點咗5道菜式，分別係蝦沙律、燒春雞、豬肋骨薯格同埋瑞典肉丸。前菜蝦沙律30幾蚊，大盤得嚟有好多沙律菜，鮮甜得嚟又健康。燒全雞一隻90幾蚊，最特別嘅地方就係好大份，好多肉，我同朋友都食得好飽，喜愛健身嘅我就會食雞胸增肌，而喜歡肉質滑溜嘅朋友當然會食雞腿啦。豬肋骨薯格係最近推出嘅菜式，豬肉口感嫩滑，同醬汁十分搭配，加上薯格簡直係雙重享受。最後當然唔少得必食嘅肉丸，廿蚊十粒再加埋薯蓉，為晚餐添上完美嘅句號。溫馨提示只要加$7就可以任飲汽水咖啡，食到口乾就唔駛就住就住啦。食咗咁多野，兩人加埋只需要$250左右，性價比高。臨走前，記得要收拾餐盤放去回收處呀！

-瑞典肉丸🍢（$20@10粒）味道不變，依然都係咁好食，食肉丸一定要點好多好多紅莓醬啦😆仲有薯蓉😋，真係好好食、超正😎-小食拼盤🍟（$39）（煙燻蜜糖腸4件、脆炸黃金雞翼4隻、香辣薯角及甜粟米🌽）依個小食拼盤都幾抵食，份量都幾多😍，薯角外脆內軟😋雞翼和蜜糖腸都好好食🤤-肉醬意粉🍝（$7）細細碗的肉醬意粉，肉醬份量都足夠😚味道都一般，不太特別☺️-香脆薯格（$13）如果薯格係新鮮出爐就好啦！脆嘅薯格比較好食d😆仲要點好多蕃茄醬☺️-汽水🥤（$7）通常2個人都加錢買一杯汽水，重點係汽水任飲，我地都飲左起碼有5杯汽水，咩款式都飲曬😂-2個人食飽飽，每人都係$43就搞掂，抵到一個點，糧尾恩物，窮人必食🤗食IKEA 就一定要食肉丸😆😆-

每一次來到 Ikea 購物之前 , 我們都必定會先到 Ikea 附設的餐廳醫肚 , 這是必定動作 ~香烤三文魚柳 伴小麥抓飯配荷蘭汁 $ 49 : 輕輕烤過的三文魚柳 , 入口軟綿柔和 , 肉質豐腴滑嫩 , 味道鮮美香口 ; 小麥抓飯的口感煙煙靭靭 , 既好吃又相當有營養 , 配上微酸帶甜的荷蘭汁 , 這種奇妙又好吃的配搭實在是滋味無窮 , 而且只賣 $ 49 , 真是平到一個點 , 喜歡吃三文魚的朋友必定會愛上這個 ~絕對是價廉物美 , 性價比超高 , 實在沒有可能再去要求些什麼 ~本篇完 ~ 

因為要去IKEA買傢俱，所以有機會再戰這間平靚正餐廳，$74巳滿足了有主菜，小吃及甜品的要求。藍莓芝士批~ $16不過不失，餅皮太乾，底部散哂，若口癢癢，又想食飯後甜點，算是不錯的選擇。燒雞髀 ~$9皮燒得幾香口，肉質也很嫩滑。煎三文魚薯餅配雜菜~$49一大片三文魚，再配口感味道不錯的煎雜菜餅，真是物超所值，而雜菜以西蘭花，紅蘿蔔為主。可能巳煮了一段時間，所以有太熟的感覺。一

ikea出左名平..又多款..換黎既係大家要自助執枱..同朋友2個人去食飯..大家都有大家喜愛食既野..去ikea可以揀唔同野食仲份量唔算太多..可以樣樣都試凍蝦盆竟然無左蝦子！！！！好失望呀.......而個fish and chip 入面有芝士喎..好味呀!!不過必叫既肉丸竟然無得轉意粉！攪到要另外嗌個肉醬意粉...點知好難食..醬同意粉都好唔掂！！唔知點形容..差過自己買意粉醬整...最好味都係小食拼盆..個雞翼次次都會嗌!!仲有薯格..雖然唔係好脆..

睇睇下傢私，原來都已經6點幾，咁岩咖啡室又不是好多人，行了一圈，便看到有兩個位置，於是便決定在這食晚餐。兩個人點了4款食物。都已經好飽呢。食晚飯，點都要有d飯意粉這類碳水化合物，細細碗的肉醬意粉，肉醬份量都足夠，味道都唔錯，略嫌不是太熱。ribs +薯格， 薯格是辣的，不過幾脆口幾惹味，但食得多，會覺得越食越鹹，兩人食都可以。Ribs, 賣相不太討好，但食落，d肉都幾稔，易咬，醬汁應該係燒烤醬，跟某連鎖店差不多，勝在好經濟，份量也不少，薯格也很多呢來到宜家必點既肉丸配薯蓉，一如以往，沾一些紅莓醬真係好好食最後，雞翼控點可以唔點雞翼？8隻雞翼，細細隻，炸過的，趁熱食比較好，涼了雞翼皮就變得有點硬，味道不錯，如果雞翼不是高脂的話，我想8隻雞翼應該不夠我食

還記得讀書時 身無分文最中意去ikea食飯肉丸+雞翼+汽水是常識吧埋單$30都唔洗 又平又好食但而家ikea真係難食左 又多人左 價錢單點碟意粉可以貴到$35-55不等味道又冇好食到性價比低

真的不是眼花，$10有五粒肉丸，再加薯蓉。$33可以食到大大碟的煙三文魚配西式沙律菜。在香港地，我覺得巳是天荒夜潭，但今天行完IKEA後，見下午茶時段，餐廳仍然九成滿，好奇入去望一望，真的不得了，超值價錢，還能食到這麼優質而味道錯的食品。實在值得推介。

小人在沙田新城市廣場雲遊一輪後，肚子一直懸空，一於找些便宜的東西來吃。宜家的瑞士肉丸向來都是小人追棒之物，所以要了15粒，竟還送了5粒！肉丸粒粒大顆，肉質鬆軟，雪藏貨居然會有肉汁，美味得沒法擋！伴隨的紅苺啫喱醬酸酸甜甜，跟肉丸一同吃，的而且確跟吃著原味的肉丸是另一回事。但以小人而言，還是較為喜愛原汁原味的肉丸。此外還有薯茸，粉粉滑滑的，數口已吃完。小人因為餓意太強，另外又要了意粉。意粉是出奇的多，還有茄醬汁，小人差點招架不住！還有咖啡是無限添飲的，本啡怪簡直是樂不思蜀！宜家食物站在小人平靚正名冊上已是位列前茅。

去沙田，一定要黎食ikea啦，因為又平又抵食又好味咼，點會唔黎呢度。去ikea食最困難就係難搵位坐，因為真係好多人黎食。今次我地就叫左個小食拼盤，小食拼盤有腸、薯格、粟米、雞翼，都幾抵食傢。另外，蔬菜薯餅都係我地推薦嘅食物之一，因為佢地煎得好好味，加上有好多蔬菜整成，非常健康，而且好食。肉丸亦都係ikea必食嘅食物，因為$20就已經有10粒肉丸，非常抵食。甜品方面，ikea嘅藍莓芝士蛋糕都幾好食，因為個外表有d脆，好食。

相信大家都有行過IKEA，但未必每個人都會到店舖內的cafe。餐廳的設計都係用返宜家家居的產品。餐廳提供的食物都好多元化，由前菜、主食、小食到甜品都應有盡有。先黎一份煙三文魚，三文魚唔腥，個香草汁仲幾好食tim，無論點三文魚定撈沙律食都襯。再黎一份燒荷蘭牛仔柳，肉質唔算太un，薯落蓉都幾滑。長期餓的我，當然要叫多份小食拼盤啦。入面有雞翼、薯角、脆皮腸及粟米。係咁多款中，我最欣賞薯角，出面夠香脆，入面薯仔都幾軟熟。肉丸係餐廳人氣高企的食品，除左一粒粒夠香外，個汁的味道都唔錯。==============================鍾意我的分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

上星期六晚去宜家傢俬買餐具，順便同朋友食晚餐。宜家傢俬的餐廳同小食部分開，今次想食下餐廳D新產品，因為宜家時不時都會推出新菜式。幾時來都是咁多人，只可以用人山人海來形同。宜家賣傢俬，所以間餐廳都設計得好令，擺左好多特色燈飾桌椅，唯一缺點就係超級多人，連行步路都要排隊，夠誇張未。宜家傢俬餐廳得一個特點，就係價錢好親民，單呢點已經好受歡迎啦！點了呢d。太多人，無位坐，得返立食。小食拼盤$39有幾條腸仔、雞翼同薯角，亦都係最多人叫之一，不過腸仔食得多真係好滯。薯蓉$5勝在平，味道不差。瑞士肉丸10粒又有薯蓉，叫多左，哈！但真心抵食！脆朱古力杏仁餅唔難食，但唔係特別好食，味道似阿華田味道的朱古力脆脆，似零食多過甜品haha汽水$7任飲叫左咁多野都係$91，平到無人信！

同朋友黎左ikea食聖誕大餐，6點半左右都已經好爆！好彩都仲搵到兩個位！叫左一定要叫既肉丸、周打蜆忌廉湯、4隻雞翼、燒春雞！第一次係街食咁大隻雞，雞胸略鞋，但雞脾雞背位都好滑好好食！正！

11點去到IKEA Café，剛剛過咗早餐時間。 阿姐用車仔攔住入口。 話要清咗賣淨嘅早餐，先會開始午餐時段。 結果個個返埋位坐等佢清場。 等咗十幾分鐘，午餐終於就位。 個個又去排隊覓食。好有party feel嘅 小食拼盤 $39 炸薯角、粟米、脆皮腸、炸雞翼 炸雞翼 值5粒⭐️⭐️⭐️⭐️⭐️ 香口惹味，外脆內嫩，唔會炸到乾曾曾 脆皮腸都唔弱，啖啖肉 呢個餐大人細佬都啱食。 好似開緊party 咁🎉 瑞典🇸🇪肉丸是必叫的吧😉 $20 十粒，仲有薯蓉，個醬汁係精髓。個醬咸咸地，加埋紅梅醬酸酸甜甜，中和返肉丸的油膩感。 一粒接一接，越食越想食。😋 臨走買包急凍肉丸返去延續瑞典之旅。