宜家家居餐廳及咖啡室

营业中

休息中

平時去宜家通常食lunch或晚餐，今次咁啱可以食到早餐~原來早餐時段嘅宜家餐廳都幾多人有餐同散叫，我今次冇叫野飲 叫左肉丸配通粉，焗豆，雞扒，烚蛋每樣都好平，幾蚊咁，仲可以自由任搭！勁like! 超牌肉丸冇得輸啦~但通粉就淋左啲同冇乜味 $10, 雞扒不過不失$7抵食 ，又唔會太乾。焗豆份量都ok，仲 只係兩蚊喳！烚蛋$3。 加咖啡或茶嘅話都係$3。仲可以refill ~咁平又多選擇嘅早餐真係冇得輸呀~總括CP值 黎講係中高嘅。

每次來都差不多必叫蔬菜薯餅, 入面一紫紫薯仔, 配埋個蘑菇汁, 又真是幾好食。今次試三文魚柳, 上面鋪左D 魚子, 明明係魚子, 點解個MENU寫係松露醬.... 三文魚扒煮太熟了, 不過加埋D 魚子, 咸咸地都唔錯, 個汁有D 似蘑菇同蛋黃醬溝埋, 都幾好食, 配菜係薯茸。呢個要成60蚊, 又唔算大份, 唔抵見佢有檸檬批, 檸檬夠酸甜, 不過個撻皮明顯整起好耐, 有D 怪味。呢度任飲只得汽水,. 失望, 荃灣分店多好多款呢...

陪媽咪去IKEA睇傢俬,又好耐無食IKEA嘅肉丸,就同媽咪去食啦.好彩早,一去到餐廳就有位.叫左10粒肉丸+薯蓉,都係$20,超級抵食,肉丸當然唔使講,一向有品質保證,一定唔會中伏,肉丸好軟,配埋D汁,真係好好味,薯蓉就不過不失,我習慣會加肉丸汁會更加好味.蘑菇班戟,賣相幾靚,都唔使$30,但食落感覺麻麻,個皮面粉好厚,唔覺有蛋味,個蘑菇餡有D濟,個人覺得好一般.另外加$7無限添咖啡2個人都唔使$60,真係好超值,又大滿足.

平時有時間都鍾意行下IKEA，行完就去食肉丸，今日我哋一行2人叫咗4樣野食、1個湯、1支橙汁，飽到呢！😆·👑 瑞典肉丸 x10粒（$20）相信大家對IKEA肉丸都唔會覺得陌生，點紅果子醬食，好開胃！配埋薯蓉同忌廉汁，大滿足呀！❤️·👑 小食拼盤（$39）想一次品賞幾款小食，拼盤一定係首選。呢個拼盤有煙燻蜜糖腸4件、炸雞翼4隻、香辣薯角、粟米粒。雞翼同蜜糖腸都好香脆，好味！薯角外脆肉軟、粟米粒好清甜！👍🏻·👑 香草醃三文魚沙律（$33）3塊大大塊嘅三文魚，滴少少檸檬汁，清新嘅味道，正！·🍴 羊架（$59）羊架嘅肉質比較硬，難切之餘亦難以咀嚼，試一次就夠了。

去開沙田宜家買嘢，順便食埋晚餐，見到個餐牌都幾吸引，有羊架，又有龍蝦仔通粉，小食拼盤又吸引，所以叫咗這3款食，羊架幾好食，但有啲騷味，但可以接受，龍蝦仔通粉，講真得個抵食，唔會覺得好食。但最喜出望外就係小食拼盤，拼盤食物豐富及抵食，雞翼唔太乾，腸仔又出奇係好食，薯角亦都唔差，整體有80分。

Ikea自助形式舒服自在，慢食又得，速食又得，耐唔耐都會去幫襯下。當晚9點去到都仲係滿座，再早啲就要等位喇。餐廳光猛，唔算寬敞，隔離枱嘅對話可以清楚聽到。講返嘢食先~我同老公兩個人叫咗三樣嘢。瑞典凍蝦沙律($39)。豐富足料，有蝦，菜，車厘茄，粟米，橄欖，蛋。啲蝦細細隻，咸咸地。沙律加咗沙律醬會好更味，整體不過不失。瑞士肉丸($20/10粒)。次次都會叫。就咁食會太咸，配薯蓉或者紅莓醬就perfect喇。記住去自助醬料區加呀~蘑菇班戟配乳酪($26)。新嘢，第一次食。有驚喜，好足料，班戟軟綿綿，蘑菇汁好香。配埋酸味乳酪可以減低油膩感。旁邊仲配一堆沙律菜。希望可以成為常設食物。總結係，食物質素中上，兩個人食一百蚊有找仲想點！

好耐冇黎宜家食飯，今天十二點黎到，已經坐滿人，好彩亦好快揾到坐位，二個人叫左，香草三文魚沙律🥗，豬胺㗎，西冷，雞肉醬意粉同不可不叫的瑞典肉丸。首先香草三文魚沙律依舊好食，蔬菜新鮮，跟的醬非常好味！推介！豬胺架比較失色，乾了些，有點硬，唔夠味。西冷，肉質鮮嫩，以呢個價錢很不錯。雞肉醬意粉，以$7碗可以說非常掋食，又夠多醬。👍🏻肉丸，依舊好味，掋食$15，有5粒仲要跟薯泥，抵讚是現在果醬可以任庄。但呢度越來越多人，平日12點已經要等位。

上網成日見到有人話Ikea啲野食又平又好食，咁啱今日係沙田放工約左朋友，就決定試下係咪真係咁正先去到第一個印象係人山人海 勁多人排隊勁多人等位，最後用左大約20分鐘先搵到個bar枱雞翼 同 肉丸煙三文魚沙律 薯格 迷你肉醬意粉 是日例湯2個人叫左咁多野都只不過150蚊都冇 真係好抵食啊!!極推薦的係雞翼，肉丸，薯格。雞翼係炒既，食落唔太油，唔辣。肉丸可以話係Ikea既招牌菜，又平又好食，記住要加果醬食會好啲薯格令我諗返起哈迪斯，有少少辣，正

黎親ikea食嘢 肉丸係必食！今次試下食雞肉丸 都好好食，加埋磨菇汁同薯蓉，好正味道好好🤤同朋友仲嗌咗個薯格($13)如果溫度可以熱一點就好 味道不錯小食拼盤($39)其實好抵食份量好足，小食拼盤有4隻雞翼、薯角、蜜糖腸4條、甜粟米。本人覺得雞翼最好味、小小辣幾惹味我地仲每人加咗一碗意粉怕唔夠飽 唯意粉溫度如果可以熱一點就更佳感覺更新鮮最後除翻開兩個人每人四十幾就食到飽飽 好滿足 放學3、4點黎人流唔算多 兩個人都好易搵到位

今晚去了沙田Ikea 食dinner 。兩個人6：30pm前都唔使等位，7點後就要慢慢等。雖然平日但都多一家大細去食和shopping.叫了拼盤，薯格，意粉，肉丸，菜餅。菜餅第一次食，味道不錯。肉丸感覺上細粒左但我必食，薯格超值，大大碗。下次想試下三文魚。性便價比高，但食完要立即走，好多人等位。

因為今日要去轉沙田，lunch就係度解決。呢間宜家餐廳同九龍灣相比之下，人數多好多。吸引之處：1. 肉丸好好食。最大份既肉丸餐成為我今日午餐。食得好飽，但好好味，所以食完其實都好想再叫多碟。2. 價錢大眾化，所以好多學生都過黎食。3. 食物質素好。但屋企食野既感覺就少左啲。始終呢度太多人。搵位特別難。少少嘈。好多學生或者補習都會係呢度進行。食完野但霸住張檯，所以環境係爭啲。食完仲有少少時間睇埋啲家私先返工。宜家呢個餐廳同家私合拼既方法係好的！

weekend 去IKEA 掃家品~行到肚仔餓~晚餐就當然去吃它的瑞典肉丸~2個人點了西冷扒、羽衣甘藍沙拉&兒童餐~點兒童餐給自己吃也是第一次~但它的兒童餐真的太抵了~5粒肉丸、薯蓉、粟米、蘋果&果汁只售$16!!光是5粒肉丸已經要$12~加$4有就這麼多~豈有不買之理?近年經常聽羽衣甘藍~說是什麼超級菜、有多健康~終於有機會一試~上面還有蝦、蕃茄&薯仔沙拉~牛扒超厚超軟的!! 還配有薯蓉~一個女生根本就沒可能食得完~

去宜家傢俬唔一定係買傢俬嘅，宜家傢俬都會買好多零食仲有熟悉，今次係去佢地嘅餐廳，人哋會稱佢哋為宜家傢俬自助餐，唔係真係自助餐，而係真係要自己拎餐具同埋拎嘢食去俾錢。宜家傢俬嘅傢俬都出名平，食物都一樣，仲有好多種選擇，熱食凍食都會有，我哋今次就嗌咗經典嘅肉丸，三文魚，薯格，司華力腸，仲有主食包括意粉同埋飯，全部合共都係一百零蚊，絕對係糧尾之選。仲有一點好值得稱讚嘅係，你需要幾多醬汁就可以自己去拎，唔需要怕其他人嘅目光。

話說要去買張床，去到Ikea，一定要係到食返餐！叫左好多野食，一個人食完好飽！薯格同薯條不過不失，塊牛扒先係重點。入口好香牛味，以咁既價錢，我估無咩邊到做到，一啖牛扒一啖薯蓉，再一啖飲唒成杯可樂，真係人間一樂也！

輕輕鬆鬆嘅環境，價格超值採用自助形式的餐店，慢慢享受甘筍雜菜湯，超濃郁煙三文魚沙律，清清個味覺先主菜點小得招牌菜式，瑞典肉丸呢😬😬再試埋炸芝士魚塊拌寬條麵甘就完成一餐