宜家家居餐廳及咖啡室

营业中

休息中

星期日去咗沙田ikea食夜晚兩個人消費150幾叫咗一份蝦 一個家庭拼盤 一個意粉同15粒肉丸肉丸依然係咁好食🥰🥰配個草莓汁冇得頂個家庭拼盤亦有驚喜 還送2杯飲料🥤脆薯很脆不過洋蔥圈不夠熱

可能今個星期六日有地鐵嘅優惠，超級多人係沙田區啊！今晚我哋兩個要睇傢俬，所以順便嚟宜家傢俬度食晚餐。入到去已經排晒長龍啦，我哋一個負責排隊買嘢食，一個負責搵位, 好不容易先搵到兩個位。每次來到，都會例牌叫肉丸薯蓉。仲有我哋叫左蔬菜薯餅。今次試咗一份新嘅嘢，好似叫做串燒蝦扁意粉。冇諗過一份會有咁多粒蝦，好似大約有10粒，都好爽口彈牙。扁意粉同埋忌廉汁都配合得好好。如果d菇唔係咁咸我會俾食個粉好高分。另外，今晚真係多人，聽到有人為咗霸位而罵。下次都係避免星期日夜晚喺度食飯啦。

今日要行ikea睇寸傢私，順便留低食埋個lunch，平時都係食肉丸多，今次一於試下其他野。叫左一份牛柳同魚柳，雖然唔係話好高質素既食材，但個汁調較得好好，係令到成碟野都加左分。平平地食個午餐，ikea的確係好選擇。

時不時就會黎IKEA食下超親民價放題，因為真係大件夾抵食。唯有唔好係人真係太多，特別係沙田呢間，淨係拉gip客都佔左一半。肉丸就必叫嘅，真係好juicy、好好味！重點係個汁真係冇得頂，我以前買過好多次番屋企自己煮意粉🍝食😂中間個薯餅都幾好食架，唔會炸得好乾，仲有啲西蘭花碎喺入面，一舊都已經幾飽肚🤤🤤🤤另一碟就係有炸薯塊同雞翼等嘅snack platter。一碟熱氣但好惹味嘅野食，食唔停😂IKEA真係叫極都唔過百，超中意

昨天剛巧經過沙田，想食輕西餐，所以走進IKEA碰碰運氣，平時都很難有位，勁多人，可能還早,未到午餐時候，真好彩有位，食了一餐滿足西餐，雖然是快餐，但性價比高，推如食物合胃口，還可以在他們的超市選購剛點的食物，回家自己照弄，食材都是己熟，急涷，加熱就可以，真方便，這種經營模式，香港實在罕有如買汽水，只給杯客人，客人自助，免費添飲，客人也很自律，沒有拿其他開水杯自取，讚，另外，用餐後，自己清理收盤，也有很多人願意照做

伯爵茶雪糕 $4.5IKEA 最近推出了新口味雪糕🍦— 伯爵茶味，作為伯爵茶的粉絲怎可不去試。🤣•伯爵茶味也算突出，但雪糕偏甜。多吃幾口便吃不出伯爵茶味，只剩下甜味。-🤨 相片與實物不乎，實物細杯很多。但$4.5 一杯也不奢求什麼🤷‍♀️。-😢 雪糕偏甜，多吃幾口只覺得自己正在吃一杯很甜的雪糕。•回頭指數：4/10 （試一次就夠，反而更喜歡它的乳酪雪糕😄）-

Ikea餐廳向來都俾人個感覺得係抵食又多選擇既西餐之選，所以每次黎食果時都人頭湧湧，無論排隊叫野食定係搵位都需時，但絕對值得既。叫左個炸咸豬手同可樂，飲品仲可以無限添飲，隻咸豬手賣相唔錯而且好大隻，個皮好脆卜卜同埋仲係熱辣辣，外脆內暖，豬肉嫩滑又入味，啖啖肉好滋味，仲有酸菜同薯仔做配菜，酸菜食完勁開胃，薯仔就普通無乜特別。呢個餐都只係$63，完全係抵食西餐既首選，不過只係略嫌佢提供既刀太鈍，切豬手果時有點吃力。

今日來到沙田試新野，見到新口味雪糕，接骨木花新地筒唔知好無味呢，唔知咩味，唔知有無花味，去排隊等左３—４分鐘到，食落去有Ｄ酸味，其實唔係甘好食，味道真係好奇怪，呢個口味既雪糕試一次就夠!

每次去沙田宜家買東西，就會想著也去幫趁它的餐廳。 但每次看見大批人等位，就有點無奈地不想等位。 今天早收工要去宜家買櫈，可能天氣不好，竟然不用等位，真的太好了。燒荷蘭牛仔柳配薯蓉$63牛仔柳肉嫩，洋蔥汁也煮得夠香。 不過伴碟什菜煮得太耐太稔。 薯蓉唔夠滑，質感有點糊口。瑞典肉丸 $20每次必食之選，一個字＂抵＂。小食拼盤$39煙燻蜜糖腸 - 腸粗皮脆好味酥炸黃金雞翼 - 炸到肉有點乾香辣薯角 - 唔脆唔熱，唔好食甜粟米 - 冇味香脆薯格$13仍新鮮香脆，大大份

好耐冇食ikea，對上果次已經系上年，質素大不如前專程黎食，點知豬手一早賣哂，之前試過抵食夾大件。黎ikea必食肉丸，今次非常失望，肉丸乾，冇肉汁，冇以前甘鬆軟。蔬菜薯餅，醬汁菇味濃烈，薯餅外皮不脆。

沙田新城市中央廣場「宜家家居餐廳及咖啡室」食晚飯！小龍蝦田園沙律嘅沙律菜都幾清甜新鮮，小龍蝦嘅肉質雖然都幾彈牙，但味道就比較鹹，而且份量亦比較少！小食拼盤：煙燻蜜糖腸係比平日食開嘅芝士腸大條粗身超多，食落口感非常豐富！脆炸黃金鷄翼係有微微辣，所以味道相當惹味！香辣薯角炸得都幾外脆內軟！至於甜粟米都幾香甜！香烤三文魚柳感覺好似烤得有啲過熟，所以肉質比較乾同實，至於醬汁嘅味道就過度濃郁，沾嚟食嘅話會完全掩蓋晒三文魚嘅味道，呢點係我們覺得比較失望！

沙田邊到野食又平又好食？我可以答你 ikea ikea係一個我平時諗唔到食咩就去食下既地方但每到晚餐會好難搵位 可能搵位要企下大約搵15分鐘佢d煙三文魚幾好食既 加埋個橙青色既沙律汁好食肉丸就唔洗講 一定必叫但依家冇得跟意粉 但都夠抵10蚊5粒加用薯容7蚊杯汽水都係可以任加 超級抵驚唔夠主食所以加多左個意粉薯格同kfc果d一樣味 但番茄醬。 沙律醬都可以係旁邊任加總結 除左等位之外野食質素 同環境都要比like既同埋提一提你 食完野要自己收拾番好個盤呀

一向都知道宜家傢私有早餐食，不過就重來都未食過。今日要黎沙田整一整野，終於都有機會黎試下。望下佢d餐牌，佢除左有西式早餐之外，原來都有中式野食。見一間西餐廳有中式早餐揀，咁當然要試下啦。諗左好耐，我最後叫左個糯米雞食，隻糯米雞好大隻😍😍，仲要好足料，入面都有雞翼同臘腸，就咁食隻雞都已經好飽了。如果加3蚊既話，可以配埋野飲，一個早餐$20都唔駛。真係好抵食😎😎下次要試埋佢既西式早餐呢！🤤🤤

黍到沙田唔知食咩好？個人強力推薦IKEA 餐廳，有時間仲可以順便逛埋傢私用品！而且食物價錢整體黍講都算平。我見豬肋骨唔錯，$63有一份豬肋骨，仲要有埋甜薯，真係好抵食。雖然D甜薯條已經焗到軟淋淋，冇左炸果個脆口感，不過都唔差，甜薯夠香夠甜，至於個豬肋骨直頭冇得頂，又多肉，又嫩，一D都唔乾👍🏻，真係又抵又好食。凍蝦盤係我每次黍lKEA餐廳都必叫的，雖然佢係冷鮮蝦，不過出奇地又鮮又甜，再沾埋佢果個好似茄汁嘅醬，真係食幾多都唔厭😋！

要去政府大樓整野，經過試下平日唔會食到嘅宜家早餐先。平日只喺食過午晚餐。佢嘅早餐menu都幾好喎，全部都可以散叫，唔駛跟餐指定左食乜咁，自由度好高。睇左一陣，我叫左焗豆，腸，烚蛋。呢個組合似足all day breakfast 咁呀。另外仲叫左炸魚。加埋先$19 呀去邊搵。如果想加咖啡或者茶都係$3 認真抵。 焗豆份量都唔少，最緊要夠淋但依然粒粒分明。炸魚值得一讚，炸粉唔厚，呢樣真係好好。食落塊魚仲保留左啲汁，又冇腥味！腸仔喺德國腸果種，幾重胡椒味，略嫌味道喊左少少。咬落質感就幾爽脆多汁嘅。烚蛋就過熟，可以再控制得好啲。有機會嘅話會再食。