宜家家居餐廳及咖啡室

营业中

休息中

宜家家居餐廳及咖啡室 (沙田)荔枝紅茶花形新地筒 $8-期間限定至5月15日（已完結） 剛好假期是最後一天期間限定 近開門時間去到已見人龍 當然近9成也是衝著這款雪糕而來 一邊排隊一邊欣賞 每人手上的新地筒形狀也是樂趣之一 奇形怪狀，相當有趣 軟雪糕因為奇怪形狀而份量變得多了 雖然新地筒內是沒有雪糕 但$8仲想點？ 荔枝紅茶味平衡很好 清新微甜 軟滑度差一點（一分錢一分貨） 另宜家的花形新地筒溶化速度較慢 可以放心打卡宜家家居餐廳及咖啡室 (沙田)沙田沙田鄉事會路138號新城市中央廣場5樓

又有新口味雪糕梗係要試吓🥰星期日嘅六點大家都排晒長龍試呢個新雪糕。呢個雪糕唔止味道好，食落去，開心果嘅味即刻彌漫喺口腔裡面爆出嚟。值得一提嘅係，沙田宜家傢俬嘅開心果雪糕價錢亦都好抵玩。$8買到一杯好味嘅雪糕真係超值

💚震驚開心果關注組Ikea重出開心果新地🍦 今次小失望🥹🐭 米奇老豬Vol. 472 🐷［Ikea 宜家家居］@ikeahongkong @ikea 一年前試過佢地嘅開心果新地杯被特濃開心果醬同海量嘅開心果粒粒驚豔果陣只係$19 真係抵到飛起🤑當時仲震驚左開心果關注組！今次見佢出5️⃣月限定嘅新地筒（不過今次無醬版本🥲）即刻火速去沙田分店試！.🐖🐖《開心果新地》🐖🐖💰$8💰入口嘅開心果味明顯嘅但係偏奶 而唔係果仁香 🥹新地嘅口感厚稠唔夠滑 唔易溶有buttercream輕微嘅膩感 🫣可能上次有開心果醬掩蓋左呢個小缺點但不得不提ikea嘅cone真係幾脆 甜度都👌 牛油香d就更好啦不過呢個價錢真係無得輸！.❣️🐭總評分🐷❣️味道：8/10服務：N/A環境：N/ACP值：✴️ 中高 ✴️ ENCORE：✅ （想佢再出返之前果個有醬同粒粒嘅版本🥹）.📍 宜家家居美食站📍沙田沙田鄉事會路138號新城市中央廣場5樓荃灣、尖沙咀、銅鑼灣、九龍灣均有分店.#米奇老豬_沙田區#米奇老豬_觀塘區#米奇老豬_灣仔區#米奇老豬_荃灣區 #米奇老豬_油尖旺區#米奇老豬_開心果 #米奇老豬_雪糕刨冰#ikeahk #宜家家

久唔久一定要嚟一次宜家傢俬個飯堂，因為佢哋實在太抵食，味道又唔錯！最近宜家傢俬個小編又咁鬼厲害，搞到我即刻心郁郁去行個圈再食嘢🤣宜家傢俬裝修嘅做法就係其實要你行完一個圈先可以到飯堂再行一個圈先可以俾錢離開，所以行完一個圈就啱啱好可以食少少嘢😂😂今次叫咗小食拼盤，同埋佢最出名嘅瑞典肉丸😎小食拼盤分別有番薯條，粟米粒，3條腸仔，同埋四隻雞翼，價錢同埋味道都成正比嘅，如果鍾意食好淋雞翼嘅人，就絕對好啱👍🏻瑞典肉丸就唔需要再多講，配上佢個紅果醬，真係好好食，估唔到真係又咁夾😍間唔時嚟食一餐真係的確唔錯！😎

IKEA 又有好嘢食，今次就有小編喜歡嘅waffle 💕——🍦——🍦——🍦——🍦——🍦——🍦——🍦🔅港式格仔餅配香濃花生新地及煉奶 $19食一啖新地，會有好淡淡然嘅花生味但當佢半溶係格仔餅上，花生醬感覺會突然明顯咗格仔餅微温脆口，難以食岀本身味道因為被雪糕厚厚地覆蓋住，多謝岀餐姐姐至於獨立包裝嘅煉奶，小編就忘記咗落，直接帶咗返屋企——🍦——🍦——🍦——🍦——🍦——🍦——🍦

今日在沙田逛街，碰上精選貨品五折優惠，所以我就到了IKEA閑逛。當我買完了日用品後，見到了期間限定的雪葩。IKEA每次推出特式甜品，我都會嘗試下。今次並不例外。這杯雪葩頗有份量，竟然意外地好味，不禁一口接著一口就食完了。爆珠盛了滿滿的爆漿，而且味道酸酸甜甜。

==============================忽然諗起好耐之前食過的雪糕其實成日都試Ikea, 但唔知點解無打過卡呢款小熊雪糕出咗幾次, 餅底唔算濃味, 雪糕同以往一樣都係偏甜不過欣賞Ikea可以層出不窮咁樣玩雪糕口味, 將咁普通的嘢整好多造型嚟吸客打卡, 又draw 到啲人去行傢品, 行得多都變咗有種熟悉感會成日去, 呢招marketing 都幾勁==============================

沙田交通方便，無論咩日子，咩時段都會出現人群。今次假日黎到沙田IKEA，為左避免多人等位的關係，同朋友提前到IKEA開餐😋Order招牌肉丸，小食薯菜餅簡直係大愛🫶🏻每次黎都必點項目之一。欣賞IKEA無論幾多人都好，職員都會協助買左野威未有位的人搵位，又會盡責地清理餐廳，維持店內整潔。可以讓客人行到攰，舒舒服服坐低食下野，傾下計，諗下之後去邊是常識吧😝美中不足係今次未有新款吸引的美食，期待下次會有更多美食出現啦！

朋友，今日我帶大家去宜家食番晏😉！話說，宜家嗰啲瑞典肉丸，真係勁！肉丸嫩滑得滯，啖啖肉嘅口感，啖啖正😍。佢啲薯蓉同紅果醬配搭得咁得意，令人一啖接一啖！跟手，竟然還有$10嗰套餐呢，兩隻熱狗加汽水，價廉物美到令人心情大好🤩！話說回頭，我又發現咗新菜—半隻龍蝦！瞓身質同樣過得去，有啲鹹，但啱啱好撩起我嘅食慾。佢嗰焗薯，肚餓時正好填滿肚子，仲有小份同大份揀，食落一啲唔悶。喂，我仲要提提你啲三文魚啊，煎得金黃，香噴噴。雖然啲乾，但味道無得輸呀！嗰酥皮湯，香脆得嚟，湯底實在味美😋。結尾，點甜品必須㗎啦，朱古力心太軟外殼下，其實有驚喜！同雜莓忌廉一齊食，酸酸甜甜，一啖嘅幸福！🧁真係，宜家食嘢，仲有榴槤雪糕㖭！榴槤控嘅我，當然揀咗杯裝。榴槤雪糕同榴槤肉嘅搭檔，香氣撲鼻，美味爆燈！💡對榴槤愛好者真係不可錯過🍦。整體嚟講，宜家嘅食物質素同價錢真係抵銷，完全啱我呢啲唔想太凹嘅食客。下次再見，保證我仲會返嚟！👍🏼

入到IKEA，空肚子已經開始叫囉，眼前一道道菜式，香氣撲鼻，腦海直接彈出“嚟啦嚟啦！”。第一個戰場係香烤三文魚，掂晒！魚皮烤得脆啫啫聲，一咬落去，肉質彈牙得嚟，咸鮮味啱晒口，搭埋啲酸酸地嘅伴醬，真係諗起都流口水😋。再嚟一度，菠蘿雞肉薯仔羽衣甘藍沙律，雞肉唔柴，菠蘿又夠香，就係啲羽衣甘藍，可能有少少過咗嘅盛，唔夠爽口，不過總體黎講都算OK啦！我地又揀咗個蜜糖燒雞配蘑菇汁薯蓉，個賣相正！雞塊做得外皮微微焦脆，掛滿蜜糖，啖啖肉感，燒得又香又滑，蘸落蘑菇汁更加惹味，仲要，薯蓉咸甜適中，好味到不得了，仲要一大碟，食落去真係好滿足🍗🍯。講真，IKEA食堂真係唔止有肉丸可以食，啲料理質素掂晒，雖然係自助形式，但都能夠吃到好正味道，適合鍾意搜尋平民美食嘅你我佢！嗱，食完記得執埋盤碗，埋單，點都做返個文明嘅食客啦！😉👍🍽

本身係抹茶愛好者😇所以見到ikea有新推廣就去試了宜家傢俬的新品宇治金時新地配鯛魚燒🌝大大的一杯，份量好足，抹茶新地味唔會好甜好膩，都食得晒一整杯。紅豆軟綿同抹茶新地撈埋一齊食好夾，因為抹茶新地本身唔係好甜，紅豆嘅甜度咁岩平衡返，但紅豆蓉始終算係配料唔會有好多。鯛魚燒係吉士涵，兩件細細舊，唔會食到好滯，我食個陣仲鯛魚燒仲係微暖😇整體感覺幾夾，會再回購食多次。現場見到好多人試聖誕樹抹茶新地，外觀亦幾吸引。

今日去到沙田一定要同朋友去宜家傢俬吃喜歡的熱狗。每次到沙田都會行去IKEA買他的美味食物。今次簡簡單單只係叫咗熱狗+汽水 $15。真係超級抵食👍IKEA都是用自助方式點餐及付款、自助取餐及自助醬料。大家都很守規矩，排隊聚餐✌️👍

行過宜家,見到新推出左素燒賣同萬聖節主題嘅芝麻味雪糕.芝麻味雪糕好香芝麻味，值得一試!不過沙田分店實在太多人,雖然依家轉左自動售票機,但買飛加攞食物都等咗差唔多20分鐘.

💛朱古力爆谷朱古力爆谷是一種受歡迎的甜點零食，它結合了脆脆的爆谷和香濃的巧克力。這些小小的爆谷在嘴裡迸發出一陣脆脆的口感，同時散發著獨特的玉米香氣。而它們被包裹在濃郁的巧克力中，為整個口感增添了豐富的層次。每一口朱古力爆谷都能讓你同時感受到脆脆的咀嚼和巧克力的濃郁滋味。這種結合帶給人們一種甜蜜且令人上癮的享受，絕對是甜點愛好者的最愛。💛熱狗熱狗是一種經典的快餐食品，它由熱狗麵包和熱狗腸組成。麵包柔軟而Q彈，熱狗腸則帶有香氣和鹹香的口感。配上各種調味醬和配菜，如番茄醬和芥末醬，能為熱狗增添更多的風味。每一口熱狗都能帶給你香嫩的肉質和多層次的口感，讓你一次滿足鹹食的渴望。

每當我們晚餐想不到吃什麼，宜家家居餐廳是個不錯的選擇他們的菜單有很多不錯的選擇。個人特別喜歡他們的香烤三文魚伴薯蓉。三文魚烤得剛剛好，肉質鮮嫩多汁，配上濃郁的薯蓉，雖然份量不多，但有飽肚的感覺。另外，瑞典肉丸伴薯蓉也是一道不可不點的美食。一口肉丸，搭配著綿密的薯蓉同醬汁。如果略嫌蔬菜不夠，他們的蔬菜薯餅也值得一試，十分清淡。炭烤雞肉串都不錯，雞肉烤得香嫩，濃厚的炭烤風味。煙燻烤雞腿就很一半，相對比較油膩，調味也很淡。而當晚小食拼盤只有煙燻蜜糖和奧爾良雞翼（平時會有粟米），沒有太大驚喜。總的來說，宜家家居餐廳及咖啡室的款式算多，口味也十分大眾化，價錢相宜。