定食 Doraya (駱克道)

营业中

休息中

尖沙咀·定食Doraya日本🇯🇵依間既拖羅真係勁勁勁正‼️每次去都會叫個大拖羅飯/魚鰫飯真係好好味😋食到日本既味道平時係香港係唔會食吞拿魚 因為好難食到日本既感覺 完全冇油香依間既拖羅飯係超級好食 食落口啲魚油吱曬出黎 加埋佢好肥美 有入口就溶化既感覺❤️❤️❤️怕太油既朋友仔 可以叫大拖羅併魚容 每樣一半就岩岩好 👍🏻👍🏻👍🏻 中意食蔥就記得叫多蔥撈飯😍*如果想食壽司飯 記得同佢講聲 因為佢預設係白飯#尖沙咀必食 #尖沙咀美食 #香港美食 #hkfoodie #hkfoodblogger地址：定食 Doraya (尖沙咀)尖沙咀厚福街8號H8 6樓有兩間分店👉🏻銅鑼灣/尖沙咀尖沙咀會比較多枱 坐得舒服啲

🇭🇰呢間專食丼飯以藍鰭吞拿魚扒飯出名😍佢嘅性價比亦都好高呀 $138就有🔥粒粒分明嘅珍珠米 不冷不熱不酸！照燒汁再加上輕炙嘅吞拿魚扒 超級正！軟冧 油脂香 又不會過分肥膩😋海膽三文魚子三文魚刺身丼飯（$248）初初碗飯一上枱 我仲心諗個碗咁細 驚食唔飽🤣但點知原來我睇少咗佢 超級多飯 而且海膽同三文魚都勁新鮮！只不過係相比起招牌嘅吞拿魚 略為有少少比下去🤏但整體來講都係新鮮 海膽極級鮮甜～雞皮餃子（$58）第一次食雞皮餃子🥟仲要用生菜包住感覺上冇咁油膩 雞皮薄而脆 細細舊～呢個有驚喜！鹽燒鯖魚（$68）呢個就普普通通～冇咩特別就唔多作介紹了如果經過銅鑼灣 又想食日本野 真係可以試吓呢間！不過我個日夜晚八九點去到都要排隊排20分鐘 聽聞間野已經開咗好多年～所以應該有很多老顧客了🧐佢哋嘅吞拿魚扒真係值得一試❤️我建議你哋可以lunch時間過來 應該冇咁多人排隊～🌟推介分數（3.5/5）📍 定食 Doraya (銅鑼灣)銅鑼灣駱克道451-453號駱克大樓

近年都無得去日本旅行真係好掛住日本嘅魚生同料理,好彩香港貴為美食天堂,咩國家嘅菜色都可以搵到!呢間魚生丼係香港開左已經20年,老闆都係日本人,本人都幫襯左好幾次,主打藍鰭吞拿魚🐟份量同價錢都好合理而且都有水準,用料新鮮 🥰🦁M裏 Lïðññ評分🐟： 8.5/10 🍣油甘魚葱花吞拿魚海膽丼🍱🥢每一個定食有丼飯,茶碗蒸,漬物同涼菜|| 丼飯 ||油甘魚,好甜好肥美,軟軟嘅口感,一食就諗想起日本旅行嘅滿足感,配埋我最愛嘅海膽,好鮮甜唔會腥唔會苦,好好味好𝐜𝐫𝐞𝐚𝐦𝐲🤩呢兩樣比較濃味嘅食材再配埋比較清淡嘅蔥花吞拿魚, 真係有種幸福感,好滿足！|| 茶碗蒸及前菜||茶碗蒸好好味,蛋以外有冬菇新鮮蟹柳等食料,由上湯加入再蒸,又滑又香😋前菜有甜豆,都好好味,甜甜地,中和吓豉油嘅鹹味回頭率：85% 性價比同服務都唔錯🥢值得一試👍🏻

呢間餐廳係尖沙咀同銅鑼灣都有分店，雖然舖頭唔當眼，但其實已經開業接近20年，能夠係香港屹立20年嘅餐廳當然有返啲水準。佢哋嘅日籍老闆本身就係做吞拿魚批發，供應吞拿魚比全香港五六成嘅餐店，可以話係吞拿魚專家。餐廳採用地中海養殖嘅藍鰭吞拿魚🐟，以分量同價錢黎講，性價比都幾高。🍊自選丼定食：三文魚、深海池魚、香燒藍鰭吞拿魚扒 $141（$36+$55+$50）全部刺身都係厚切，有大約1cm厚，食落去啖啖肉。刺身飯粒粒分明，亦唔會太酸。三文魚唔算太肥，但食落都好鮮美；池魚肉質爽口，食到魚香，亦唔會覺得腥；🔥燒吞拿魚扒一入口係濃郁嘅黑椒味，雖然唔係拖羅，但係魚肉表面經火炙後滲出左唔少魚油，油香明顯，好啱送飯🍚🍊吞拿魚蓉三文魚子丼定食 $168唔係我食嘅😗不過水準都唔錯，吞拿魚蓉同三文魚子都幾鮮味！整體黎講，雖然味道唔係驚為天人，但都絕對有咁上下水準，價錢亦唔算太貴，如果去到銅鑼灣想食日本嘢都可以一試，不過佢繁忙時間都幾多人排隊，想去就要留意一下😌

* 藍鰭吞拿魚中腩&魚腩蓉定食 (HKD178)* 火燒平目魚&藍鰭吞拿魚扒丼定食 (HKD188)👩‍👧喜愛程度: 💛💛💛💛/5餐廳主打藍鰭吞拿魚丼飯🍣 初初以為吞拿魚一定好貴點知打開餐牌見到價錢都幾大眾化 難怪咁多人排隊😛 等左半個鐘終於可以入座，餐廳鋪面不大 得十幾張兩人檯 而且座位有d迫🙈 藍鰭吞拿魚中腩&魚腩蓉丼 吞拿魚有7️⃣大塊 每塊都好肥美油脂豐富 吞拿魚蓉夠新鮮但都係刺身比較驚喜 每啖都還滿足😋 火燒平目魚&藍鰭吞拿魚扒丼 火燒過嘅平目魚同吞拿魚入口即溶 油脂夠香 魚油撈飯好正🤤 定食包埋前菜同麵豉湯🥣 整體性價比好高 十分推薦👏🏻

今次黎到銅鑼灣staycation，放工買埋啲外賣上去食就岩岩好！黎到呢間日式餐廳，都幾多人排隊，好彩我係買外賣姐！鐵火丼定食呢個係赤身吞拿魚，份量好多！雖然唔係好多魚油，但赤身既肉味好重，都好有充實感！好味！火灸左口魚藍鰭大吞拿魚定食呢個火灸左口魚真係幾正！火灸燒晒啲魚油出黎，但又唔會燒到焦，逼晒啲魚油出黎，超爽！大拖羅亦非常正！魚油脂分布好平均！有入口即溶既感覺！係口入面化晒啲魚油出黎，超好味呀！Ps有跟味噌湯都幾好飲！

平時經過都總有人排隊，難得夠夜，九點去到等一張枱就有位。餐廳裝修好有日本小店嘅風格，毎樣食物都好有心機，即叫即做。我哋兩個人叫咗兩份定食再加一份炸蠔。有最基本嘅角切魚生飯同埋炙燒左口魚加藍鰭呑拿。毎份定食都份量十足，跟餐有麵豉湯、玉子同納豆。值得一試佢嘅呑拿魚，我本身唔係特別愛食呑拿都覺得好鮮好好食。另外基本嘅角切魚生飯都無令人失望。炸蠔更加係新鮮熱辣咁上枱！另外，有要求嘅朋友仲可以自選魚生好似車仔麵咁落單。

So I’ve known this place for a while but never had a chance to try it out. And I finally did!I ordered a set with the choice of salmon, tuna and tuna toro. The salmon and tuna was ok, but the toro was sooo good! Look at the color and size, it was fatty, it melts in my mouth🤤 still thinking about it now! So the set comes with some pickles, steamed egg and miso soup. It was $2xx, can’t rmb the exact price. But I think it’s worth it! Will try again

日本餐廳香港多的是 專門吃丼飯的店舖相對較少 拖羅取自呑拿魚近魚腩的位置 是日本刺身中的極品🍣.拖羅入口軟嫩沒有筋 豐腴甘香的油脂香在口中一直縈迴 加上細緻香滑的口感 令人慾罷不能🤤炙燒的厚切呑拿魚扒魚油味道香濃 入口魚脂豐腴 齒頰留香 簡單配上蔥花及少許醬油已令人頓感滿足.定食DORAYA是其中一間頗喜愛的丼飯小店 這裡主打藍鰭吞拿魚 以價錢大眾化的藍鰭吞拿魚定食作招徠 亦提供其他自選魚生丼飯 難怪經常座無虛席🙌🏻

我真係好鍾意食吞拿魚！！！更鍾意食藍鰭吞拿魚！！！所以呢間店咁多年我都間唔中會去食吓，不過我係幫襯開尖沙咀店，銅鑼灣店竟然係第一次去。原來細間咁多！！好彩算早嚟，都仲有位唔駛等。雖然都一定係食吞拿魚丼，不過都有好多款式可以揀，睇吓你想食乜部位，又睇吓你想食乜價位（笑）。【藍鰭吞拿魚大腩及魚蓉丼定食】今次大拖羅個賣相差少少，不過冇影響味道，一入口嗰種魚油香爆出嚟，好正！！呢款個飯係暖嘅，撈埋魚蓉再加少少豉油真係好味道！【藍鰭吞拿魚大腩丼定食（加大）】同樣係大拖羅，呢個賣相靚好多！加大嘅分量都好足。【Doraya秘製炸雞（5件）】Doraya嘅炸雞就好似第一次食（？）好好食喎！皮炸到好香脆，雞肉亦好Juicy。一邊食呢個一邊飲啤酒超，爽！！每次嚟都有返咗鄉下嘅感覺！食咁多次都冇失望過，藍鰭吞拿魚而家喺香港都多咗選擇，不過Doraya Keep到正尚日本嘅味道，難怪開業咁多年都Keep住咁高人氣！

環境店面面積小，坐位正常，服務員態度有禮貌，好笑容等左咁耐都返唔到鄕下，只好搵間日本feel既餐廳試下，望梅止渴中😅試左藍鰭吞拿魚四式丼定食，吉列豬扒定食，另外加一份三式刺身藍鰭吞拿魚四式丼定食必須要試，飯用上等壽司醋飯，一入口就食得出，直頭食到有米香味，藍鰭吞拿魚每片都油花均勻，仲要係厚切，四式分別有，大腩，赤身，腩蓉，炙燒大腩，每一片入口都有魚油標出，刺身狀態一流，啖啖鮮味十足，令人浮現好多日本回憶畫面😭特別一提炙燒大腩，雖然經過炙燒過程，多左一種層次，外皮變得香口，內裡仲保持到刺身嘅軟滑口感，茶碗蒸同個麵豉湯都唔錯，麵豉湯好足料有好多螺肉，必試推介吉列豬扒定食本身對個豬扒無咩期望，只係無咩熟食所以叫左，個豬扒唔油膩皮脆有肉汁，唔知同沖繩豬有無關係😂，食完既感想係可以再黎食過！😋三式刺身有甜🦐，三文魚，吞拿魚，吞拿魚同丼飯一樣咁好食，甜🦐仲有略帶少少海水味好鮮甜，三文魚目測處理得好乾淨，入口鮮甜，食完刺身啲味仲停留喺口腔內，真心值得各位一試嘅日本餐廳！只可以講一分錢一分貨，係可以再食既！😋😋

同朋友一齊去試呢間,夜晚7點左右去，吾洗等位，但都已經坐滿曬人。我地揀左藍鰭吞拿魚大腩&魚腩蓉定食，吞拿魚大腩好肥美，豐富油脂，有小小入口即溶既感覺！魚蓉都好新鮮，但當然相對吞拿魚大腩無甘出色。成個定食有個酸蘿蔔同另一兜仔小食，仲有個味噌湯，但分量略小，唔肚餓都唔係好夠食不過overall都幾好！

店有少少迫+其實好似無論咩時間兩間舖頭都超級多人排隊食, 食完會唔好意思坐咁耐, Dinner +💰10轉蜆湯真心正因為都幾多蜆同埋都幾大隻🥳✨甜蝦他他飯定食 💰128 💫評分: 9/10📝軟林林嘅口感, 甜蝦味好鮮甜, 口感好正加埋啲豉油送飯一流, 成日都想返嚟食🤭基本上每一次我都係叫呢個🤣🤍✨自選丼(蔥伴魚腩蓉💰46 & 三文魚💰36 & 帆立貝💰62) 💰144 💫評分: 8.6/10📝我個朋友話都幾新鮮😌✨藍鰭吞拿魚扒溫泉蛋丼定食💰153💫評分: 8.8/10📝吞拿魚扒有少少炙燒過仲有一定厚度, 半溶化嘅感覺連平時唔係特別鍾意食吞拿魚嘅我都覺得唔錯🥳✨香蔥伴藍鰭吞拿魚腩蓉溫泉蛋丼定食💰150💫評分: 8/10📝魚腩蓉軟綿綿✨酸汁白子💫評分: 7.5/10📝係魚嘅精巢, 真係未食過~酸酸地冇腥味, 再+埋辣椒蘿蔔蓉, 口感特別🤣好似啲功效好誇張😂✨鹽燒牛舌串💰48 💫評分: 8.9/10📝乾身有好感～有驚喜定食 𝔻𝕠𝕣𝕒𝕪𝕒📍銅鑼灣駱克道451-453號駱克大樓(銅鑼灣🚇C出口行2分鐘就到)💫評分: 8.9/10💬忠實擁躉🥳🥳🥳真係幫襯過好多次🤣因為性價比真係好高不過你就唔可以喺

📍 #銅鑼灣 (食左幾年）基本上夜晚係：💯排隊 ！性價比高今次食： 漁夫style 吞拿魚飯！（依個價錢-> 非常好 👍🏻） 💰 ~$138 刺身夠新鮮 厚切有口感 不過舖頭好細，坐得可能逼啲。

好友推薦嘅餐廳，呢度嘅藍鰭吞拿魚丼l係我喺香港食過最好食嘅😍😍😍📍藍鰭吞拿魚四色丼定食🐟 ($228)：定食包咗味噌湯、小菜、茶碗蒸及漬物，四色丼嘅四色包括大拖羅、炙燒大拖羅、赤身以及香蔥吞拿魚腩蓉。- 大拖羅望落帶有油光，呈淺粉紅色，入口即溶，脂香同魚嘅鮮味充斥口腔，味道非常濃郁，令人回味無窮🤤 - 炙燒大拖羅聞落已經好香，燒過之後肉質更軟滑，食落係另一種入口即溶，一定要試下🤤 - 赤身嘅顏色好靚，咬落無筋、肉質紮實，味道帶少少酸，非常新鮮👍🏼- 香蔥吞拿魚腩蓉我會用嚟撈飯，咁就啖啖都食到吞拿魚啦💕好食指數：5/5🌟餐廳座位較少，Lunchtime可能需要排隊🌸一食就知道呢度嘅吞拿魚係真材實料，新鮮運到，而且性價比非常高，每次嚟食都覺得超級滿足🤤🤤🤤推薦大家！抵食指數：5/5環境指數：4/5推介指數：4.5/5