定食 Doraya (駱克道)

营业中

休息中

聞說這家店長期大排長龍，即使烈日炎炎都毫不例外！所以建議如果不想排隊一定要避開高峰用餐時間～而且一打開餐牌丼飯選擇琳琅滿目，絕對有一款適合你！【自選魚生丼 $155】整體生魚片都非常新鮮，套餐又有蒸蛋、麵豉湯、小食，份量非常充足😊

之前經過銅鑼灣定食Doraya見到大排長龍, 諗住咁多人排隊嘅餐廳應該會好好食, 所以就決定之後個禮拜去食咁啱大食妹同同事去嗰個禮拜人龍少左啲, 等半個鐘就入到去啦<海膽&三文魚子小丼餐>大食妹嗌咗至愛嘅海膽&三文魚子小丼餐 配菜超級豐富, 細細份咩都有啲, 啱曬大食妹呢啲乜都想試嘅人 海膽&三文魚子小丼細細份, 但上面放咗巨量嘅三文魚子同鮮甜嘅海膽, 滿足感好高香蔥烏冬好有誠意, 烏冬口感Q彈之餘, 分量都幾多, 仲有海帶同日式丸小菜係娃娃菜茶碗蒸超mini, 好可愛仲送新鮮生果

今次係第一次黎試食，平時都聽過人好多推介哩一間丼飯，但最近好多人都話退步左，水準唔掂，食物質素唔靚等試完後，我覺得絕對值得一試👍🏻朋友同我分別叫左自選丼同大拖羅丼。每個丼飯都會配左茶碗蒸、麵鼓湯自選丼揀左三文魚，帶子同海膽。所有刺身都溫度適中，唔係雪到冰哂既帶子共有4塊，新鮮唔鞋一份海膽入面應該係有兩個品種，鮮甜，絕對無平時cheap海膽既藥水味而海膽口感都絕對唔係霉既反而最失色係三文魚，有筋位對比之下唔突出建議自選可以揀平時比較少食到的刺身而本人大大大推介而家好鐘意食拖羅既朋友一定一定要試哩個大拖羅丼係香港以哩個價錢食到大拖羅絕對超值拖羅雖然比唔起係日本食既咁肥美但都充滿魚油香，最緊要係無筋而且新鮮，無話瘀色或者霉200幾蚊10塊大拖羅值得一試

今個月係我生日，因為肺炎關係，朋友約早d黎同我食生日飯，我揀左呢間定食Doraya食。呢間多數要排好耐，今日星期五，7點鬆d到，都排左半個鐘。朋友話今次算快架啦，之前排得仲耐。入到去，終於明白點解要排隊，因為入面座位好少。我地4個各自都係揀自選丼定食，均配味噌湯、茶碗蒸、小菜同漬物。我揀左藍鰭吞拿魚赤身、甜蝦同帆立貝。帆立貝最好食，肥美鮮甜。藍鰭吞拿魚赤身同甜蝦都係中等水準而已。朋友揀左帆立貝、油甘魚同三文魚子。佢話三文魚子最好食。朋友揀左生海膽、香蔥藍鰭吞拿魚蓉同甜蝦他他。佢話次次都係呢個組合，不過份量明顯細左。朋友揀左三文魚、甜蝦同帆立貝。佢覺得唔錯。

已經有一段時間沒有來DORAYA，記得上次好像是三四個月前的尖沙咀店。在肺炎疫情期間，出外吃飯人數減少下！有一個好處就是有很多長龍店現在都不用排隊了！小店得20個位！坐得有少少逼都預左！好彩食物品質都 keep到。我至愛0既吞拿魚扒都係高質，女皇食0既吞拿魚中腩&吞拿魚腩蓉都保持到準。記憶中這店的炸雞都唔錯就點左一份，我好喜歡食炸雞。這店的炸雞可以列入我三甲之內好味炸雞排名。店員有禮勤快，滿意的一餐。都希望疫情期間香港D高質小店可以頂得住！香港快點雨高天晴。

雖然大家減少外出食飯, 但係都不減呢間餐廳嘅食客人數. 晚市1開始我地就入坐, 6PM左右就座無虛席. 不過有少少迫+多人排隊食, 食完好意思坐咁耐~📍位置都算易去+易搵定食配醋飯好好味👍🏻食曬其實都幾飽😂吞拿魚都幾新鮮👌🏻茶都好香, 不斷添飲.鐵火丼定食 $158魚扒溫蛋定食 $153

已經有一段時間冇黎食，以前食過鯖魚飯真係好正，記得對上一次黎已經係幾個月之前，上次個海膽好甜好好味。今日第一次黎食lunch，價錢都算合理，最貴都只係$130一個set，選擇都算多，而且都會跟一個烏冬。可能因為目前疫情問題，人流冇以前咁多，唔需要等位，但有個非常唔好既問題就係客與客之間都係貼住坐。本身入面位置都係比較逼，但宜家疫情問題嚴重，餐廳係咪應該諗下辦法比每個客人坐疏少少呢? 係咪可以唔好一次比客人同一個時間入曬?就算要比客人等，我相信大家都寧願食得安心。以我今日黎食為例，同朋友2個人搭一張6人枱，大家同左右2邊既人都係會頂住，想伸手拎野都怕唔好意思。希望餐廳可以係呢段時間作出少少改變，比大家可以食得安心。食物方面，份量都算大，一向都中意呢間既飯，煮得好好，而且溫度都岩岩好，唯獨係海膽唔新鮮，完全唔甜。小食係茶碗蒸同粉絲，烏冬夠彈牙，但湯底亦都略咸。Overall黎講食物有小小退步左，而環境方面都希望可以改善下。

我們光顧這間食店超過十幾年，由它開業光顧到現在，再度光顧感覺每況越下，令人非常失望。本人今次有攜同小朋友用餐，店舖一直都很小，坐位亦一向不多，但現在有疫情的關係是盡量避免與陌生食客一起坐得太密切，店員照已經要求調整氣温的冷氣，還要悄悄開回原來寒冷温度，令一直喊冷的小朋友不舒服，感覺就是希望調冷氣温，務求令食客難受盡快用餐然後離開，騰出空位給下一倫食客。様將食客安排得非常擠擁進食，因此，疫情期間食客脱掉囗罩傾談、又坐得親密，飛沫亂噴，感覺衛生程度減低。此外點餐前店員並沒有叮囑需限時進食，而且有部份食物製作需時，加上小朋友進食速度緩慢，有時需要餵食，與成人進食速度有大大差距，店員會失驚無神走過來說已過了進食時限，催促盡快交枱，以一間日本餐廳細心服務態度為準，這間以日本餐廳為名的食店根本就是本末倒置，店員亦沒有丁點兒同理心。已經要求調整氣温的冷氣，還要悄悄開回原來寒冷温度，令一直喊冷的小朋友不舒服，感覺就是希望調冷氣温，務求令食客難受盡快用餐然後離開，騰出空位給下一倫食客（疫情下根本沒有食客在門外排隊等候入座）。店員服務態度的強差人意，食店的價錢又並不便宜，而環境及食物質素這樣是完全沒有性價

此店開業已久，筆者亦常光顧，畢竟吃了多次仍覺得好吃的店不多，此乃其一。這裡雖以藍鰭吞拿魚馳名，菜單上仍能找到鰻魚飯、烤牛肉、生薑燒等定食，專為那些不吃生魚的人而設。大部分的菜式筆者均已試過，始終認為藍鰭吞拿魚扒飯定食性價比最高；此外，香蔥伴藍鰭吞拿魚腩腩拼吞拿魚大腩飯定食也值得一嚐。依舊點了藍鰭吞拿魚扒飯定食。壽司飯放底，魚扒輕炙其表後切片放飯面，澆些照燒汁再灑上蔥花黑椒，即成。先吃飯，醋飯以珍珠米入饌，粒粒分明，不冷不熱不酸；拌上照燒汁，少甜後鹹酸，汁份量剛好，使飯不寡不搶。魚片每片兩吋長一吋闊，厚一分，魚油經輕炙後逼出，包裹整塊魚肉。夾一塊入口，表少實油潤，咬下軟腍，嚼感猶在；細嚼下藏在肉紋之間僅餘的油分溢出，甘香不膩，美妙。定食也包括了茶碗蒸、麵豉湯、水果、漬物及涼拌菠菜，不過不失；畢竟那些都不是重點，魚生飯好吃便好了。

藍鰭吞拿魚扒小丼 $90lunch set一律為細丼飯配烏冬同小食 烏冬有得揀凍或熱 清甜既熱湯加上勁彈牙既稻庭烏冬 估計熱烏冬會比冷烏冬更勝一籌😎.主角藍鰭吞拿魚扒切成細件 每塊都有輕輕火炙過 魚香明顯 燒過既油脂滲左落底下啲飯到 而且魚片本身沾有少量鹽 好好送飯😋但啲飯就煲得太淋太濕 影響口感🙁.至於小食同生果似乎係不定時會轉 今次係茶碗蒸、黃豆同橙 醃到好甜既黃豆 真係會令人食上癮

間鋪唔係好大，啲位唔係好多，成日都要排隊，食左個鰻魚飯定食，定食好豐富，有熱辣辣嘅面豉湯，湯嘅味岩岩好，入面仲有豆腐同海帶，好好飲。蒸蛋蒸得岩岩好，好滑，入面仲有香菇，蟹柳，令到蛋好有口感。冷碟有粉絲，爽口彈牙。鰻魚飯好大份，飯面鋪有一層蛋絲，鰻魚大塊好味，一啖飯一啖鰻魚，簡直人間天堂。

定食Doraya開業已久，出名藍鰭吞拿，這天就與友人慕名而來。漬物的漬蘿蔔和菜頭以及作為前菜的雜菜粉絲水準認真一般，好像一些較平價的日式餐廳提供的貨色，即時令整個定食降了呢。幸好茶碗蒸的蛋夠細滑，雞肉亦算滑。主角藍鰭吞拿魚確是不俗的，炙燒的加有香蔥，夠香口；而剌身的雖然沒有油花，吃下也覺肥美甘潤，但絕不會令人嘩然。必須一提的是豉油鹹到無朋友，比起港式生抽還要鹹！小食雞皮餃子倒有驚喜，雞皮薄而脆，仍保留到濃濃的雞香，惟調味欠了一點點。可能對於藍鰭吞拿丼寄予厚望，不過爾爾。

聽朋友介紹左好耐，話依度嘅吞拿魚好好食，就去試吓啦。都等左一陣位，同埋注意都有好多情侶一pair pair咁等埋。我最後叫咗三文魚魚生飯，賣相同味道都唔錯，感到滿意

以前已經食過呢一間， 質素令我好滿意 。今日又再嚟試下， 睇下質素可唔可以保持。Doraya 出名嘅係吞拿魚，而我本身最鍾意嘅就係食帆立貝同三文魚 。為免糾結，就揀咗自選三色丼啦 ，既可以食佢最出名嘅吞拿魚 ，又可以揀自己鍾意食嘅食材。自選三色丼 :三文魚三片、 帆立貝兩粒、四片藍鯨 、吞拿魚大腩三片自選三色丼: 三文魚三片 、帆立貝兩粒、四片香燒藍鯨 、吞拿魚扒三片個定食包埋麵豉湯、 蒸蛋 、前菜 、水果麵豉湯足料， 蒸蛋好滑。一小碟煮菠菜， 都好好味藍鯨吞拿魚大腩好肥美。香燒藍鯨吞拿魚 輕燒過四面，半生熟的口感，令到魚味更集中鎖住。結論係好好，價錢都合理。

朋友經常大大力推薦呢間刺身店既自選刺身飯，話CP值好高但因為地區唔近，店內都唔大，得廿個位所以成日都排長龍，今日出開銅鑼灣見唔多人，終於有機會試試佢 🤩餐牌選擇都幾多，有好多唔同定食選擇可以滿足到全部食客今次黎一定要試試佢個自選三色刺身丼👏🏻有啲要求既朋友極力推薦既拖羅，因為個人唔鐘意食赤身想叫中腩但無晒，聽聞好多人會揀中腩，所以成日無貨但我覺得差十零蚊可以食大腩，好似抵啲😆今次叫左 甜蝦，三文魚，帶子，吞拿魚大腩四色四色可以減$5，五色可以減$10 成個定食會跟 兩樣前菜，湯，茶碗蒸，水果所以係非常豐富，唔會唔飽，只會超飽 😂兩樣前菜味道正常，波菜係涼食，略嫌調味偏淡味噌湯最大好處係熱辣辣，食完成個冷既定食飲番啖湯係會舒服啲 滿足啲👍🏻茶碗蒸應該溝左柴魚高湯？食落微咸之外有少少柴魚香味個蛋火候控制好好，唔會過老仲有少少湯汁，令到個蛋微潤 同埋 滑嫩配料有冬姑同蟹柳 🦀，個size都幾大主角四色丼，非常IG-able🦐甜蝦唔係迷你個隻，食落非常新鮮肉質微黏唔會霉，入口好鮮甜👍🏻.帶子係我個人好鐘意食既刺身上到黎真係心心眼 😍 非常厚切，閃令令咁好新鮮咬落口好軟嫩，帶子鮮味好重點少少醬油