定食 Doraya (駱克道)

营业中

休息中

突然間好想食日本嘢！諗起好多年冇去過呢間拖羅專門店，想再食睇吓水準是否依然保持到呢。以為晚市開6pm，諗住大約6pm到實冇死啦，點知原來因疫情關係而取消咗落場時間，推門入去時已經坐滿晒人喇😨唯有乖乖地拎飛仔企喺門口等，一等就等咗半個鐘。▫️藍鮨吞拿魚四色丼定食 (HKD228) - 呢晚嘅主角一定係呢個丼啦。一碗飯可以食到藍鯨吞拿魚唔同嘅部位 (大腩、赤身、炙燒大腩、腩蓉)。大トロ係咁多個部位裡面最正㗎！入口即溶，諗起就想再食喇！每份定食有味增湯、小菜、茶碗蒸、漬物，好豐富！▫️秘製炸雞球定食 (HKD88) - 呢個定食價錢合理，份量都唔少㗎！不過比起藍鯨吞拿魚，吸引力當然係低啲啦！▫️蘿蔔蓉伴三文魚子(HKD48) - 這是我另外點的前菜，用來撈吞拿魚四色丼一齊食。▫️日本蟹肉忌廉薯餅 (HKD48) - 一份薯餅有四件，薄薄嘅薯餅包裹住厚厚嘅忌廉，有淡淡嘅蟹肉味。咬落口時要好小心，因為新鮮炸起嘅關係，裡面真的很燙熱。咁多年來食物都保持到水準，真係難得呀！唔怪得知店舖外長期都見到有人龍啦😋

工作了一上午，午餐絕對不能虧待自己，選一頓物美價廉，美味營養的午餐絕對是好好犒勞自己的方式。如果妳也在銅鑼灣灣仔或周邊工作，一定要來這間日本小店試一下喔，一定不會讓你失望的，適合多來幾次，把所有的菜都嘗試一遍

終於等到漫長四天假日前的快樂星期五，只是想到銅鑼灣享用些表現較為出色的小店，想不到找到這間在銅鑼灣與灣仔之間較為偏僻的小店，門外早已是一堆與我一樣的白領正在等候，大家卻沒有一念疲倦，卻急不及待地看着餐單，刺身非常吸引，顏色鮮艷之餘，用肉眼可以看出魚油飽滿的表面。與朋友各自被他們刺身飯的配搭吸引，想也沒想就馬上下單，端到上來的是一個日式飯菜便當，分別有茶碗蒸、麵豉湯、壽司飯、和一小疊醃菜。刺身味道鮮甜，我碗內的左口魚經過灼燒後，咬下去的口感爽身卻不油膩，魚油的香氣慢慢在口腔內散開，最配上恰當酸味的壽司飯，簡直是天衣無縫。三文魚和左口魚的份量也出奇地多，真的是有良心的店舖

喺銅鑼灣剪完頭髮，順便接男朋友放工。 由於大家終於有得出街食飯所以成條街都好多人　 諗緊食咩嘢嘅時候突然之間好掛住日本 就即刻去咗呢度搵位啦 每次DORAYA 一定要食佢嘅吞拿魚，我通常都會食佢嘅自選刺身 或者海膽加三文魚子。 每次去嘅刺身都係好新鮮嘅 睇相就知道 而且叫咁多次海膽都冇中伏 今次佢嘅定食玉子變咗做茶碗蒸 比以前更好食 今次仲加咗十蚊轉咗蜆湯 期待快啲有秋刀魚 咁就可以再去幫襯。

疫情之下，好似話啲病毒要經高溫先死，所以已經好耐冇食魚生，今日終於忍唔住，搵命來搏都要搵啲值得嘅，今日就去咗呢間出名食吞拿魚嘅食大拖羅飯。呢度嘅座位一向逼夾，但由於好食，通常我都忍咗佢。午餐多咗一啲選擇，好似比之前平咗。有一碗細嘅大拖羅飯+1個麵食。大拖羅好肥美。成個套餐先至130幾蚊，響銅鑼灣地區食到優質嘅魚生，我已經覺得好唔錯，仲有配菜都非常出色，個豉油王豆非常好味，茶碗蒸旦嘅用料都好豐富。食完個套餐已經好飽，雖然我平時食澱粉質唔係好多，但夏日炎炎食個凍烏冬都好係一個好選擇。

特別推薦大家✅藍鰭吞拿魚扒丼定食Bluefin Tuna Steak Bowl Set《藍鰭吞拿魚扒丼定食》吞拿魚扒好新鮮，有少少炙燒過好香🐽，又有一定嘅厚度，咬落去油份會滲出嚟同入口有半溶化感覺☺，再加上配蔥嘅日本米醋飯，味道配搭一流💰$138*唔好以為個飯好少醬油，其實係夠味架**飯加大$10，主菜同飯加大20%就$30🍚

餐廳環境：唔大，但好有日本居酒屋feel，椅子夠闊落，坐得舒服！員工好nice 👍🏻👍🏻👍🏻！藍鯨吞拿魚扒定食價錢：$138其實係諗住平啲所以先試吞拿魚扒，雖然都好食，但寧願加多幾十蚊食中腩😖！始終魚扒肉質唔同！茶碗蒸跟定食一齊上。好好食‼️蛋好滑同好入味！藍鯨吞拿魚中腩&魚腩蓉丼定食 價錢：$178超鮮甜，望個樣都睇得出好新鮮！魚腩啲魚油另立立，油脂勁香，每一啖都好滿足🤤。略嫌有一兩舊會有少少筋。吞拿魚蓉入口即溶！叫呢樣嘅好處就係可以同一時間食兩種唔同口感嘅吞拿魚，一次過滿足晒你兩個願望！我唔係好飲得Sake,啤酒係我至愛！📣記得預時間排隊！

話到明小店，店面當然唔大！餐廳大概只有15-20個位！已經食過幾次既我，明知長期要排隊，所以6點晚市一開就同朋友入去坐，做佢第一個客人😍 *P.S 真係坐得有D逼, 但我淨係會理食物質素🤤.黎左幾次，試過大拖又試過中拖！始終都係鐘情藍鰭呑拿魚中腩&魚腩蓉丼定食 HKD$178。套餐定食有茶碗蒸、小食(酸蘿蔔) 、麵豉湯，麵豉湯可以加10蚊轉為蜆湯，但個人認為蜆湯味道偏鹹，普通麵豉湯比蜆湯更好！.食過一次大拖羅，雖然頭幾啖食落去真係好正好滿足🤤，但要成碗食既話，大拖既油膩感不是每個人都受得了, 中拖羅油脂均稱就剛剛好！每次黎，拖羅都係新鮮無瘀色，無筋！食落口淡淡魚油香，份量好足夠👍🏾 吞拿魚蓉亦係精髓，輕輕同粒粒分明既日本米飯混埋一齊，魚肉同中間夾雜既脂肪，加上香蔥和紫菜，令成碗飯既味道更加提升！.總括黎講，回頭係必須的！而且回過好多次😂 推👍🏾😍🤤

《深夜時分的大拖羅丼》第一次吃定食Doraya，應該是十多年前在尖沙咀店，當時仍然是學生，吃這種奢侈品，是要帶阿媽來付款的。（笑）忘記了是否第一次吃大拖羅，但它帶來吞拿魚的鮮甜肥美，令我念念不忘，現在時不時都會去吃一趟，尤其銅鑼灣店營業至凌晨一時，有時在耀華街喝酒後的後續，每每提到去吃定食Doraya, 友人都口說瘋狂，還是邊罵邊去的。雖然不少人覺得這丼加價加到不可思議，而且人大了因工作關係有幸涉足日本，但情意結確實為它加了不少分☺️

已經光顧了這餐廳很多次了，每次都會來點他的吞拿魚茸及拖羅定食，每次都是捧腹而又滿足地離開。小店面積非常有限，全餐廳的座位大概只有十來個，所以我們6點晚市一開就進座，大概過了15分鐘，已經爆滿。大腩及吞拿魚蓉定食- 吞拿魚大腩美食佳餚，肉質鮮美，是魚中極品，鮮甜甘香，濃厚綿稠，豐腴質感。上等均稱的油脂在口裡融化，配以吞拿魚茸加上香蔥和紫菜，簡直是味覺的衝擊。但本人覺得如有更多香蔥則更佳。火燒平目魚與三文魚定食- 火燒後把平目魚的魚油逼出，入口即化，非常美味。值得回來再吃！

This place is always busy and they don't take reservations... so, it's been at least 3 years since my last visit. We arrived at around 6:30pm on a week day. Luckily, there was no line. So, tuna was what I came here for. I love their chopped tuna belly over rice. The tuna was fresh and tasty. The steamed egg was tasty too but it was only luke warm. The other side dishes were ok. The portion of the set was perfect for me. For a set at $17x, I think it's hard to find another Japanese place in cwb

Always love this place. They have the best sashimi don(rice bowl)in Wan Chai!There is always a big line in front of this place, so better expect  to wait for a little before being seated. They are famous for their toro & tuna don, defiantly will return and try them out next time! I ordered the torched Hirame and tuna don and it's so good! This place is a must try!

今日6:40到餐廳，已經有幾隊人等緊位。對比其他鋪頭，呢間特別受歡迎。由於要齊人入座，其人人又未齊人，等左大約5分鐘就入得。本身唔大好吞拿魚刺身，但見呢度吞拿魚比較出名，所以叫左個粒粒魚生飯，可以試到三款刺身。定食有：湯，茶碗蒸，醃豆同埋酸蘿蔔。加10蚊可以由麵豉湯轉為蜆湯。蜆湯味道偏鹹，蜆的份量十分多，分給另一碗湯亦足夠。食完前菜都填左少少個肚，食完先明白茶碗蒸既份量為何特別細。魚生鮮味十足，三文魚的油脂超好食，有入口即融既感覺。飯粒粒粒分明，明顯比其他日式用的飯粒不同。如果餐廳斟的是熱茶而不是熱水會更好。

定食doraya開業了好一段日子，仍有不少捧場客。我也是其中一個。 最喜歡精選的當飯配料 ，可以隨心所欲 選擇自己喜歡的食材。▶️日本蟹肉忌廉薯餅薯餅免肉蟹濃一起炸 ，香口之餘 ，在淡淡的蟹肉味道 ，再配上 醬汁 ，好好食。刺身飯的刺身🍣，全部都是厚切，絕不欺場 。我最喜歡就是他的 帶子，鮮甜味美又厚身。三文魚 油脂均稱 ，吃下淡淡油香， 滲發出嚟。家人點的三文魚大腩，更是油脂豐溢。刺身新鮮，壽司飯的調味 恰當。真好味，很豐盛的晚餐。

聞說這家店長期大排長龍，即使烈日炎炎都毫不例外！所以建議如果不想排隊一定要避開高峰用餐時間～而且一打開餐牌丼飯選擇琳琅滿目，絕對有一款適合你！【自選魚生丼 $155】整體生魚片都非常新鮮，套餐又有蒸蛋、麵豉湯、小食，份量非常充足😊