定食 Doraya (厚福街)

营业中

休息中

偷閒半天假, 2點去到定食DORAYA, 午飯時間已過不用等位, 服務員告之3點落場問我地有冇問題, 都冇乜問題吖. 地方比舊點濶落, 乾淨. 我一心諗住食海膽+吞拿蓉定食, 點知海膽未番貨, 好失落, 但由於時間緊逼, 要點餐喇!我點左海鮮刺身丼定食($98), 老公就點左DORAYA 午餐定食($98)跟餐有沙律放題, 雖然已近尾水, 但都整潔新鮮, 老公隨便幫我夾了一小碟, 配了洋葱味的沙律醋汁, 醒胃非常.  海鮮刺身丼定食, 賣相美觀, 有滑漏日式蒸蛋及麵豉湯.刺身新鮮甜美, 尤其油甘魚味濃爽口, 呢度有2款豉油, 其實我唔知有咩分別, 但我揀左刺身豉油.伴隨的WASABI 辣味欠奉, 我不太愛吃辣, 但也覺爭DD.熱騰騰的日式蒸蛋, 有香濃既蛋味和雞肉的香味, 暖暖腸胃. DORAYA 午餐定食, 要等15分鐘, 老公評價, 仍然是抵讚魚生新鮮甜美, 但炸雞太乾, 有雪藏味, 就算點了沙律醬也蓋不過.

很幸運Happy Friday來到都仍然有坐位，或許是因為這家料理沒有訂座安排，全部是 walk in 的。跟朋友還是最愛日本菜，兩人點了當晚特選的北海道生蠔、芝麻汁菠菜、厚煎蛋卷、魚生沙律、刺身三點，以及火炙吞拿魚丼飯。入座時看到服務員拿著生蠔，被牠的巨型所吸引，超大隻，肉質爽脆，加上少許葱花和檸檬汁提味，味道不錯。作為前菜，芝麻汁菠菜份量算相當大，調味也不馬虎，值得一試。厚煎蛋卷一向是我的最愛，對我來說一定好吃，不過這回略嫌不夠熱。魚生沙律的魚生雖然不是最上承的材料，但這道菜份量頗多，而魚生也不是「頭頭尾尾」那些，所以也值得推介。至於火炙吞拿魚飯，朋友說應該是當店的推介食品，吞拿魚大大片，火炙之後提升了魚油香，加上有調味的熱飯（可以選擇壽司飯或熱飯的），我就覺得好好味。這裡唯一不足之處，就是座位太擠迫，環境也很嘈雜，不容你慢慢品嚐或與朋友攀談，估計可能平日時間會好些吧。

很多很多年前去過金馬倫道的舊店食吞拿魚井(打唔到個一點),奇差, 所以冇左去過旗下任何店食不過今次友人說之前同朋友食過唔錯, 所以就再來試下超正正正正正!海膽井(打唔到個一點)份量多, 大大塊, 勁鮮甜, 都係2百多D,仲有埋前菜, 蒸蛋, 湯, 抵la!蒸蛋, OK滑, 料唔算小, 不過唔夠香, 但係呢個價錢, OK la飯夠黏, 軟硬適中, 好!平時食半碗飯仔既我成碗食晒! 哈哈哈!三文魚三色井三文魚子鮮甜 爽脆, 唔會一灘野咁三文魚又多又厚, Good!不過三文魚肥美得有d “漏”, 所以友人食唔晒d 飯, 哈哈其他友人的井赤貝 – 肥大肉厚, 夠爽口同鮮甜, 正!吞拿魚腩 – 未算勁肥, 亦都唔會太多筋, 鮮味的, 唔錯!帶子 – 都係肥大肉厚, 有咬口, 好鮮甜, great!玉子, 唔香, 唔soft, 竟然冇配羅白蓉.... 味道普通, 下次唔會叫...請注意 三色井的海膽同淨海膽井 既海膽 唔同grade 架! 三色井的海膽唔係唔ok, 不過唔係super 正law, 所以價錢有分別, 鍾意食海膽既朋友, 應該叫海瞻井 

約左個朋友八點食飯, 諗住尖咀食野, 都多人, 七點半去左搵位。點知上到去, 無人等。我朋友又未到, 好彩reception 個度有位坐, 仲幾舒服添架。坐到8點半, 朋友都未到。一直都唔駛點等位, 就算等到係等 一, 兩張枱。朋友終於都到了, 我地一坐底就叫左板海膽, 聽朋友說, 是好好味的, 所以咩都未睇就要叫海膽先。D服務員都好率直, 叫我係叫就快 D 叫啦, 陣間無晒, 你想叫都無得叫呀。我地唯有即時落單啦。海謄都好好味, 甘甘甜甜, 份量都合量既。仲有紫菜, 可以比你卷住食。正。個menu好多字, 又好多圖, 全部都係魚生魚生同魚生。但其實個個 set 都差唔多。我朋友揀左個4料自選魚生飯, 有吞拿魚大腩, 帆立, 三文魚, 同魚子。我就叫左個3料自選魚生飯都有吞拿魚大腩, 帆立 加 甜蝦他他。大腩好肥, 有入口就融既感覺, 但係有 "跟", 所以差少少; 如果無 "跟" 就會好好味啦。帆立都好肥, 雖然佢係原個帆立分開做兩片, 但每一片都厚, 好有咬口及新鮮。甜蝦他他, 未食之前其實掙扎緊叫唔叫, 感覺上應該係將蝦頭蝦尾整埋一齊就算, 不過見之前D食評話幾好, 最後決定試下

這個月一共到訪了定食Doraya兩次，之前吃的一次博文還未寫下，就已經再次到訪了。吞拿魚好吃是其中一個原因，而另外一個原因則是樓下的德美壽司排長龍。前一次到訪是平日的午市時段，而後者則是周末的午市時間，兩次均不用排隊輪侯，而且還可以任意選擇座位。店舖裝潢簡單，以四人木檯座椅為主，中間餐檯有一塊塊木板相隔，為顧客加添了一點私隱度，加上落地大玻璃窗，令室內光線充足，感覺輕鬆寫意。兩次到訪均有不少日本人光顧，而且看起來都是熟客，看來定食Doraya頗受日本人歡迎。平日的午市時段設有Lunch Menu & Special Lunch，前者是小丼+冷/熱烏冬或蕎麥麵，價格為$68-128；而後者則有合共10款不同的食物種類可供選擇：魚生刺身、燒魚丼飯、便當定食等，價格$52-88不等；此外，亦可從餐牌裡面選擇其他各款的刺身定食，價格則不及Lunch Menu般相宜。海鮮刺身丼定食 $68屬Special Lunch menu的海鮮刺身丼定食，看起來賣相還不錯，而且只賣$68，又的確頗為划算。這天我倆點的定食均付前菜、茶碗蒸、漬物及味噌湯，而且味道還不錯。海鮮刺身丼海鮮刺身包括有帆立貝、甜蝦、油

自從在東京梅丘間美登利壽司店吃過世上最完美的大吞拿魚腩後，一直找不到差不多水準的，連東京築地也不能比。香港吃了很多間，不要說味道，就連顔色也不對板。今次，我終於找到接近完的大吞拿魚腩……店家是同事去過後介紹的。 先點了自選"井"定食，選了大吞拿魚腩，加三文魚，加帆立貝，約$170.大吞拿魚腩是鮮嫩的粉紅色啊，紋理清晰。味道豐腴，口感軟滑無渣，就是魚味沒有在美登利般甘香，但已經是在香港吃過最好吃的大吞拿魚腩。跟餐的蒸蛋很滑，蛋味不濃。麵豉湯竟然有咁多料。另一個是蔥伴魚腩蓉定食，約$140。這當然給比下去，但加點醬油，與吞拿魚蓉拌飯吃，卻別有一番風味。滿滿的一碗飯也可輕易吃得一點不剩。還額外點了一客牛舌鹽燒，約$40。厚道適中，送酒一流！

呢晚想食日本野,上網見到呢間好似唔錯,放左工7:30pm來到,難得唔洗點等位,環境唔錯,唔算太逼,裝修以木為主,好日本風味餐牌上有好多配搭同選擇,好多都好經濟好抵食,我地都揀左好耐先揀到.友人揀左溫泉蛋吞拿魚蓉飯,賣相好唔錯,溫泉蛋既時間岩岩好,好滑,可以成個飯lo埋一齊食試左一啖都幾香,不過我唔太喜歡生既蛋黃味另一位友人揀三文魚海謄飯,冇試到,不過賣相就100分!花心既我揀左自選魚生飯,每樣魚生有唔同價錢,最少要揀三樣或以上.我揀左油甘魚,甜蝦他他同燒藍鰭吞拿魚扒.個人唔係太鐘意吞拿魚,呢個比起平時既好,但唔及油甘魚,甜蝦他他油甘魚入口半溶,好新鮮肥美!!!甜蝦他他, 未聽過蝦可以他他,更加無諗過加埋飯係咁好食.另外,一定要提既係,好欣賞佢係用特別既刺身豉油,比平時一般既豉油甜,直接加埋wasabi淋落個飯道都唔會太咸,反而錦上添花,yichiban!!!!而且每個don都會跟埋湯,酸菜,同蒸蛋.咁既價錢,有咁既質素,大滿足!有機會真係會上黎試埋其他don don

老公話事，今晚帶我去食日本野！我平時食壽司好少叫吞拿魚，唔係我preference...所以冇咩特別期望！佢叫左呑拿魚腩飯，我叫左吞拿魚腩蓉魚子飯，再叫左個鐵板吞拿魚扒！拖羅入口即溶好好味！吞拿魚腩蓉加上魚子撈埋珍珠飯好好食！個鐵板呑拿魚扒反而一般，有d滯，唔滑！老公冇介紹錯！好好食！

同朋友行左好耐街非常累~ 來到厚福街H8, 邊間有位就去邊間. 見到可以自選魚生飯就點了: 三文魚, 舌拿魚, 和藍鰭舌拿魚腩蓉. 這個是定食, 所以配埋味噌湯, 蒸蛋, 漬物. (約$116, 不同材料不同價錢)藍鰭舌拿魚腩蓉真係幾好食~~~ 好新鮮, 好鮮甜. 我下次食都會選擇整碗拿魚腩蓉. 而三文魚和舌拿魚都可以.

我地office離厚福街有一段距離，不過今日興之所至，特登早少少出發到Doraya食tuna!Doraya午市唔收加一外，仲有任食日式salad bar! 有青瓜、蕃茄、粟米、青椒、西芹、蛋沙律，仲有兩款沙律菜，任君選擇。最驚喜係有多款健康salad dressing揀: 牛蒡，洋蔥，紅蘿蔔等等。我最鐘意牛蒡蓉同紅蘿蔔蓉！唔知hk有冇得賣呢？再唔係自製都唔難。我揀咗tuna steak mini 丼，配熱烏冬(可選凍烏冬)。我鐘意個mini丼嘅汁，好鮮甜。d魚輕輕燒過，冇咁油膩！烏冬夠爽，讚！

當日和友人聚舊食 Lunch ，點了一個大腩 + 碎腩定食(我自己食的，友人叫了另一個定食和一板海膽 share 食)，食到一半時發現有碎骨、但不小心給吃下肚內。。，再食食下大腩時，有一條大約 5mm 的碎骨在其中，但我也沒有出聲，到侍應到來收拾碗筷時，我只是和他說明清楚，希望他們留意飯中有骨(雖然心裡明白食魚有骨好正常，但食魚生，師傅係應該留意有無碎骨在其中)，也沒有什麼特別的留難她，但她在回到出菜位和廚房師傅及同事講後，給我看到的，只是不停細聲講，大聲笑，當時我真係覺得不是味兒，也不知有什麼好笑！當我不滿地看著他們時，年紀大一點的立即和他們說，我看著他們，他們才懂得收斂一點。你們餐廳行走的路線也算是中高尚路線，為何會在樓面有這種態度給客人看到？對我黎講，就算覺得幾好笑，你走入廚房笑到翻天覆地也沒人理你！但不要給我看到！我一路不滿，一路和友人講，台灣真好！食一餐飯，就算價錢不貴，也可以享受到超級優質的服務，令你覺得這一餐是十分值得的！也可以看出待應是很用心的去做這份工作！但在香港，就算是收得幾貴，也無法得到應有的服務給我！Doraya 也是給我這樣感覺的其中一間！這編文章完全真實！沒

吃刺身飯我首選呢間，當然唔可以成日黎啦，咁貴……但咁好味，一個月黎一次都唔過份jar。好味係佢地刺身新鮮厚身有鮮甜味，三文魚子每粒都脹爆。飯係日本米，比得上日式餐廳大X屋。我呢個沙律精當然唔會放過一個試新沙律嘅機會啦，個洋蔥沙律好味到連口臭都唔怕。侍應同我講好小香港人叫，大部份係日本人先食。你地鍾意洋蔥一定要試。重有個薯絲沙律，d薯仔絲幼到頭髮咁炸香放蔬菜面，好好味！其餘重有串燒同小食，各食品都好平均，讚。加上舒適寬敞餐椅同good service.點可以唔黎？？

聽人講呢間野幾好食～剌身幾咁新鮮～拖羅幾咁美味，所以終於一試。我係晚市6點鐘左右去食，其實對於H8既餐廳無咩好感，大部分都食過，大部分都失望而回。我份人唔止對食有要求，對餐廳裝修、服務、甚至餐牌都係。我認為真係好食同既餐廳，對呢幾樣都會有啲要求。點知坐低後發覺menu真係好難睇，好肉酸，連張吸引人既相片都無，每張都印到模糊不清，啲字同排版亂咁飛，睇多幾眼都頭暈，而且價錢不算非常平價(即使平的話都未至於整到個menu咁，我寧願你整整齊齊得啲字。) 咁只表示幾樣野：1.老闆/負責人對美感零感覺  2. 經營唔夠仔細 3. 對食物以外既野毫無要求，咁意思係食物有一定水準先有信心咁。咁食物係點？我食既係自選三款剌身丼，叫了海膽、油甘魚同中拖羅。男朋友食三文魚+三文魚子丼套餐包括前菜、茶碗蒸、漬物、味噌湯同主角剌身丼。前菜係煮蘿白絲同豆卜絲，甜甜地，不錯～我清哂茶碗蒸不夠熱，大概放在蒸爐一直焗住但溫度又不夠。味道普通，勝在多料，但老實講元氣的好食過呢度。漬物就係最普通的黃蘿白，正常，無特別味噌湯不錯，清清地，唔死咸，唔似沖岀黎，大概係自己煲主角如何呢？海膽色澤不錯有光澤，也清楚見到一塊塊，食落算

去到8點，等了半個鐘！我：一個海膽飯，唔該！店：海膽賣曬！我：咁中身吞拿魚飯啦！（5分鐘後）店：無中身喇！我：咁有乜有！？店：赤身啦！我最後點咗個三拼：吞拿魚蓉，帶子，甜蝦他他新鮮，幾好食嘅！帶子好鮮甜！甜蝦他他比想像中好食！之後見到有炸蠔，就叫咗一客，再次5 分鐘後。。。““無炸蠔！““唔該曬。。。星期五竟然準備咁小食物賣，係唔係做生意架！？

朋友生日就同佢去食日本嘢啦，其實都唔止一次幫襯doraya，佢既吞拿魚係香港嚟講算係比較無咁貴而好食（不過對於最初幫襯佢時以加了頗多價，而家無咁抵吃了）。好彩食物都仲keep到水準，除左吞拿魚外，多數我都仲會叫海胆呢，因為呢度d海胆都係新鮮的一排無去幫襯發現佢既menu多元化左，比起以前多左d小食，前菜款。而且個丼仲可以好似車仔麵咁自由配搭。可以一次過食晒我鍾意既葱吞拿魚腩，海胆同帆立貝不過始終價錢唔算太平，所以都係留返有咩慶祝活動先再去lu