定食 Doraya (厚福街)

营业中

休息中

搬左黎新鋪都未試過, 裝潢同舊店都差唔多, 晚餐時段有限時用餐. 要齊人才可入座. 晚市都好旺場. 好彩早到唔駛等位.離開時已經有多人等緊位. 員工都醒目有禮. 做野都好快手💪🏻選左配溫泉蛋既定食. 半生熟既魚扒好美味😋吞拿魚新鮮. 但定食跟既小食炸魚酸酸的, 味道古怪. 蔥伴魚腩蓉丼同樣美味. 加 $10 可轉蜆肉湯. 哇, 滿滿既蜆肉, 超抵👍🏻牛舌串同雞翼都係即燒, 熱熱的好惹味😋😋 

星期三晚同老公七點前到，人少唔使等位，不過限時食個半鐘。唔夠七點半就已經坐滿人，要開始等位了～老公點藍鰭吞拿魚油金魚丼，份量足！我自己點三文魚燒藍鰭吞拿魚甜蝦丼，好新鮮好好食。另加松葉蟹蟹腳，扺食!賣單400幾，會再黎

一個月一次的拍拖紀念日, 當然要吃好一點!獲得朋友的推介, 在Happy Friday 的晚上選擇了這間日式餐廳~這間餐廳沒有訂座服務, 才七點上到去已經有二三十人在等位...根據我們手上的票號，仍要等多十張二人台（未計三至五人台），方能進入餐廳點食物。幸好，店裡的客人交台速度頗快，我們只是等了二十分鐘便能進入餐廳！！！整間餐廳範圍不大，大約只有十多張台。店內環境餐牌由於我們會預留肚皮吃甜品，所以只點了以下兩款食物：蕎麥冷麵聽說這裡的蕎麥麵很好吃，於是點了最簡單的蕎麥冷麵。由於蕎麥冷麵本身的味道很淡，所以可以根據個人喜好，把調味料放到小碗裡浸一會調味（本人落了蔥，芝麻及芥辣），然後把蕎麥麵及蕎麥麵上的紫菜絲放在小碗裡浸上香濃的冷面汁大約１—２分鐘，便能吃～平常在日式餐廳的蕎麥麵調味料並沒有配上芝麻，加上芝麻使味道更香濃，難得這裡有芝麻提供，看得出有少許心思蕎麥麵的質感很彈牙，每吃一口的面也很想繼續吃，直至到吃完為止！（可能因為本人是蕎麥麵的愛好者，所以形容得格外誇張）如果你也是蕎麥麵的愛好者，本人十分之推介你試一試～這裡亦有天婦羅蕎麥冷麵，只是因為本人不太喜歡天婦羅所以沒有點～三拼刺身

尖沙咀厚福街多野食就係吃貨都知，今次本身其實想去第二間食，點知同行既人都記錯地址，所以將錯就錯排左呢間定食星期五放假時間相當多人，等左1個鐘多D先有位，上到去要係餐廳同LIFT中間既空位等，好在都有幾張椅坐下，傾下計都好快過既一坐低已經餓到暈，拿拿聲睇餐牌，都幾多選擇，侍應推介我地食當日剌身，建議我地唔好加WASABI，更食出鮮味好爽入口即溶，$128物超所值；每人叫左個定食，都係有基本既漬物、日式蒸蛋、前菜同菜沙律，我呢個係鰻魚盒飯定食，價錢唔算平，但勝在夠好味鰻魚汁夠哂甜；朋友既千葉縣豬肉生薑燒定食，d豬肉汁又係好甜，洋蔥夠淋，不過大家都認為下次應該要試下佢最出名既剌身飯！

終於都考完試，放sem brea啦! 之前一路返工又返學，都無咩時間陪屋企人，難得今日媽媽得閒，就同佢出尖沙咀試下呢間人人都讚不絕口既定食Doraya~Foodie們都知道H8層層都有好野食，Doraya都係開係呢度，出左地鐵站行5分鐘左右就到，好方便~ 上到去大概1點半，有4-5檯客人，有d幾個朋友黎食，有女仔黎girl's talk，我地就坐左係一pair情侶隔離。佢既間隔設計幾好，同一張檯兩邊都有位行出去，方便去沙律吧拎沙律食黎到緊係食佢最出名既定食，我超鐘意食海膽，都唔使睇餐牌咁滯就絕定食個海膽香蔥拖羅蓉定食! 媽媽就終意食三文魚多d，所以揀左燒三文魚定食，睇到張相已經好肚餓!星期一至五既午餐都包自助沙律吧，落完單無幾耐侍應就拎沙律碗黎比我地拎沙律食。沙律吧食材新鮮，選擇亦都幾多，有沙律菜，車厘茄，紅腰豆，日式薯仔沙律等等，最大驚喜係有秋葵! 出面唔係好多地方有得食，仲要係用黎做沙律，非常fresh，拎左滿滿一碗食，大滿足!大家睇下呢碗海膽拖羅飯，d海膽幾咁大隻!真材實料，分量好夠，下面仲有多一隻添呀!忍唔住即刻食左一啖，果種海膽既鮮味，其他海鮮食唔到，濃濃既海水味，入即溶既c

我好少去會為一間食肆等位超過一個鐘以上, 除非真係好特別或特殊日子。今次又係一次好好的體驗….好朋友生日, 打算柴娃娃3個人慶祝, 地方由壽星女決定。佢揀左 , 原來無得訂位呀 ! 唯有去到拎位啦 ! 當晚係星期五, 因為OT, 大家成7點幾先去到拎位, 我最早到。先去H8 拎位, H8 成幢都係食肆, 所以排隊都要些時間, 幸好有3位職員協助人流, 未致於混亂。一出電梯, 嘩 ! 好多人, 走廊位好窄, 拎左張飛就要等。睇到資料原來有限時(1.5小時) 而且齊人先入得。當時7:45分, 等多半小時, 兩位朋友就黎到, 馬上同侍應講齊人, 侍應話要下下張就係。雖然門外仲係好多人, 但心諗應該好快….由8:15朋友到齊…等到8:45都仲未入得。好彩有位坐可以大家傾下計。大約9點鐘終於叫到我地號碼啦 ! 我地齊齊行到入口位置以為有得入…但原來係無。侍應只係話下一張到我地….無奈地..我地又要等…終於9:20先入到去(足足由7:45-9:20 即係100分鐘)帶住酸酸地的腳坐低, 其實已經餓過龍了, 又要快快睇下餐牌, 因為得個半小時, 最後大家叫了三個定食 :1. 蔥伴吞拿魚腩蓉丼(溫泉蛋

同幾個朋友random食飯，個個都無所謂，經過厚福街諗定DORAYA，8點幾差唔多到9點，上到去都要等位基本上每次去都會嗌差唔多既定食，因為我係離唔開海膽今次影埋朋友食既定食，一次過post哂出黎DORAYA推薦三文魚+魚子+海膽一如既往既好食！不今次依個海膽既份量好似小左定太耐無黎過？！朋友食油甘魚+三文魚+海膽，佢都好鐘意因爲佢係油甘魚控有朋友岩岩肚柯完唔想食生野，嗌左個鰻魚飯，估唔到都可以下次大家可以試下豬扒定食都唔錯 不過無鰻魚咁正，因為佢salad麻麻我地仲嗌左個天婦羅，一般般，我食左一舊竟然係天婦羅魚雞泡魚都可以，油左小小總結：會再黎，只食定食

平時去的日本餐廳所食到的刺身都不新鮮，有時仲會都令到我想嘔甚至回家後肚瀉，Doraya的刺身賣點非常新鮮圖一：清酒此清酒入口清甜, 有淡淡的花香味再配合新鮮清甜的海鮮圖二:安康魚肝我本身都愛吃內臟，但更愛吃鮟鱇魚肝，鮟鱇魚肝的油香誘人，沒有鵝肝那麼膩，這裏的鮟鱇魚肝入口立即在口內融化，沒半點腥臭味，質感化綿。圖三:左口魚裙邊(難得食到唔係成日有)左口魚又稱為比目魚。睇佢的表面肥厚多脂、肉質柔軟細膩! 入口甘甜魚油在口腔內緩緩滲出，層次豐富，濃郁甘香。圖四:牡丹蝦及油甘魚刺身牡丹蝦好大隻 蝦肉以甜美細滑 綿軟中帶彈性 甜美的口感在口齒間逐漸散開。油甘魚也被稱為小鰤魚，淡淡甘甜的淡紅色魚肉，肉身油分高，每口都充斥著魚油香氣，具有獨特的清爽口感。

忙裡偷半日假黎<定食doraya>食個丼飯，由於係平日，店內坐滿上班族。午市有自助沙律吧，食啲蔬菜打下底，減低罪惡感。同時頂下肚餓~香蔥伴藍鯨呑拿魚腩蓉丼定食 $138喜歡這家的茶碗蒸，蛋滑，沒有蒸出氣孔，有冬菇和蟹柳。這個呑拿魚蓉打得很細，一啲都沒有筋，口感幼滑，混入碎葱，很香。而且魚蓉是粉紅色的，只看不吃也知道很新鮮！👍🏻個人頗喜歡日本的定食，每個餐都令人有種豐衣足食的感覺。

餐廳晚市真係長期都好full, 最好早少少黎食, 入坐時店員都講明限時90分鐘其實佢出名係魚生新鮮, 但我因為對魚生普通 所以叫左藍鰭吞拿魚扒丼 因為佢係用火炙過, 但我特地叫店員幫我炙熟少少藍鰭吞拿魚扒丼一上台就好靚, 好岩我自己, 當然佢本身係生好多, 我呢個版本係同大家唔同雖然係咁但材料都一樣, 只係生熟程度不同但而且吞拿魚扒好肥美, 因為我呢個炙熟既程度多d, 就算單一塊食哂食落都唔會太膩, 都依然好肥美好好食.吞拿魚扒都厚身而且味道濃郁, 一食個d油脂真心好正!至於跟套餐既茶碗蒸都做得好好, 好滑嫩無過老既情況!而且清湯入哂味, 估唔到佢地茶碗蒸做得幾好, 以為只係魚生靚點知有驚喜!下次再黎會試魚生丼!!!!另外就係雖然限時, 但90分鐘都絕對ok既!

這家日式料理早二年前試過，今晚同朋友到尖沙咀欣賞燈飾，她提議今晚去食日本菜，我腦筋就隨即想起這家，想起上次碗吞拿魚飯仲回味至今。由於我們 18:10 分就到所以不用等位用餐時間限時個半鐘，店舖不算大但每張檯都好寬闊，所以都有足夠空間，整體服務員都好有禮貌，有個別一個就認真有待改善。鹽燒雞翼雞翼中的王道，點解會咁形容，服務員把雞翼送到檯上，香噴噴味道已吸引到隔離檯食客，你慢慢垂涎美食我筷子先開動啦！嘩！香脆熱辣愈食愈惹味，不到五分鐘一碟鹽燒雞翼就沽清了！粒粒海鮮丼定食大大粒切粒魚生非一般下爛貨，全屬佳品，細軟帶微酸日本壽司飯，除了打開我味蕾仲打開我胃口，今晚把一整碗幹掉不知又多了幾百多卡路里鐵板香燒吞拿魚定食厚厚吞拿魚，外層薄薄煎香，內層鮮嫩，魚味甘香，吸引度難以形容，妙不可言呢間食店捧場粉絲甚多，我們走的時候，輪後食客迫滿通道，就連我們升降機掣都全遮擋了，比個貼士大家要食就要早一點喔！

突然想食魚生飯除左去水產店去定食Doraya都係一個選擇閒日八點去都超多人等半個鐘位今次試吞拿魚大腩加魚蓉set豪一次 $198魚蓉好滑 撈飯一流不過大腩太肥一食就必晒d油都係中腩好食d跟餐送既蒸蛋都唔錯蛋都幾滑友人要左自選魚生飯 接近200蚊有甜蝦 三文魚子 灸燒吞拿魚同三文魚都好新鮮我每款試左舊甜蝦大大隻三文魚好肥美而燒過既吞拿魚火喉岩岩好再要多碟芥辣漬八瓜魚大大舊有咬口有wasabi味正呢餐好滿足埋單四百幾

今日同學仔準備左驚喜比我 就係去食日本菜啦因為我地已經預左會食海膽share 所以叫套餐 我就揀左油甘魚同三文魚呢一個配搭食物黎之前 因為套餐係包沙律架 可以食沙律吧 好多唔同款既汁 有牛蒡啦 紅蘿蔔咁 不過食落都係和風沙律汁啦 酸酸甜甜咁啦厚切真係好難得 兩種魚生都勁鮮甜 又唔會有筋 食落真係好滑 好香魚味 同時包括左茶碗蒸同埋牛蒡前菜 好岩我胃口 佢都包括一個烏冬 我揀左冷烏冬 配埋個汁真係好好味 不過女仔食呢個set都幾飽 可以分比男朋友食我諗主角黎啦 就係心愛海膽 色澤好金黃 超大塊 真係必食呀 食落口好香好甜 唔捨得大口咁食 少少地咁連埋紫菜食 最後實在太大塊 撈埋魚生飯度食 大滿足

考完一科，唔食好少少點對得住自己呢？之前喺度食過一次晚餐，印象唔錯，就一於來食lunch！一點半到，都要等一等位。星期一至五有lunch set ,不用加一，仲有salad bar ！好抵呀！salad bar 都幾多選擇，比較少見既有秋葵、三色椒、薯仔沙律等等，蔬菜新鮮爽口，唔錯！薯仔沙律有青瓜、紅蘿蔔同香料調味，好惹味開胃。有菜食，感覺好健康！lunch set 都有十幾款選擇，叫人花多眼亂。因為咩都想食，就叫了一份海鮮刺身丼定食！刺身非常新鮮，油甘魚是厚切的，帶子鮮甜，三文魚算肥美，但比較薄。麵豉湯不是死鹹那種，值得一讚。茶碗蒸好滑，有鮮菇同蟹棒，好香！埋單$98，物超所值呢！

每次想食魚生飯，都會番去呢間位於尖沙咀定食Doraya。當然，呢到都喺要排隊等候入座（齊人先可以入座），用餐時間喺個半鐘今次等左一陣，好快有位三色刺身丼(自選）今次叫左赤貝，新鮮爽口，魚扒厚身，食落有口感，蔥粒碎呑拿魚，撈埋飯一齊食北海道海膽賣相唔錯，海膽唔喺細細條，唔苦，有甜味今次叫左個熟食，鹽燒三文魚頭，魚頭燒得好香、好脆又唔會太咸，魚肉好滑，熟食都有水凖