定食 Doraya (厚福街)

营业中

休息中

✏️油甘魚&藍鰭吞拿魚二色丼飯定食 ($148)心血來潮好想食刺身飯 而我覺得一定唔會中伏嘅就係去呢間😌所以諗都唔諗就嚟咗👧🏼今次試吓油甘魚同藍鰭吞拿魚呢一款🐟刺身份量都係鋪滿成個飯🥰而且刺身係食落唔會有筋😇我比較下更加鍾意食油甘魚 食到魚油香 好新鮮der🙃同埋佢跟餐嘅茶碗蒸都好滑好好食 質素黎講性價比算係幾高😛

推薦❤️定食Doraya❤️ | #尖沙咀依間雖然已經po過好多次 但依然係好值得推薦❤️ 佢有好多款式 所以食極都唔厭😂 我時常都想再去食☺️ 下次想食海膽😀自選魚生丼定食 🐟 深海池魚、藍鰭吞拿魚扒、甜蝦他他附茶碗蒸、前菜、味噌湯大推藍鰭吞拿魚扒 配上特製醬汁 好好味～ 其他魚都好鮮😍 三款餸大約$150 質素好 價性比都高👍🏻 不過自選的魚生就會比set好果啲細啲😂 set好果啲會大塊啲 鋪埋成個飯🤤油甘魚、吞拿魚赤身定食✨

平時放工最鍾意同幾個知己喺尖沙咀happy hour飲返杯。 每次飲飽但又未食醉, 想食啲飽肚又好味嘅日本料理。突然有位日本朋友話懷念日本風味, 佢提議我去厚福街呢間日本也有的doraya, 我當然毫不猶豫地去試食。果然座無虛席, 好彩等了20分鐘左右就有位子。藍鰭呑拿魚扒丼定食 (配日本温泉蛋) 識食刺身一定選呑拿魚 本人十年喜歡食呑拿魚 咁厚身既鰭呑魚片唔係到到有 新鮮且唔腥 夠哂味無需添加任何醬油 再配温泉蛋撈日本米 豐盛又飽肚 鮮上加鮮 强烈推薦!酸汁白子 雖然唔係每個人都食 始終係魚嘅精巢。但我本人蠻喜歡, 因為有美顔補身作用。 口感爽滑冇腥味, 再配酸汁酢好開胃。整體CP值高, 又可以食到非一般魚生飯, 也算值得。要有心理準備排隊, 但為了肥美嘅刺身還是值得一等。期待下次再來。

食左自選嘅燒呑拿魚腩，元貝，甜蝦,魚腩油香，元貝鮮甜，甜蝦正常。女朋友食左燒比目魚加三文魚，三文魚好甜好軟，比目魚油脂加烤味好重。但估唔到，最好食嘅係另外叫嘅豬扒，油脂比例適中，好脆…可能我食過嘅少，但我覺得係暫時食過最正嘅吉列豬扒。

推薦❤️定食Doraya❤️ | 尖沙咀超吸引、性價比高LUNCH SET DORAYA 午餐定食 | $98 （午餐免加一）天氣開始涼涼地☃️ 但又想食魚生🤪 依個餐就岩岩好 有生有熟 好豐富！😍 刺身有油甘魚、吞拿魚、三文魚～ 件件都好新鮮🐟 份量都唔少啊～ 而熟食就係炸蠔同炸雞🤗 有果兩粒炸蠔都已經好抵食😃 而飯仲可以揀溫飯或壽司飯 好貼心！😆 食完個餐就好似去完日本咁～Btw 點左餐後 仲可以享用任食沙律🥗 bar😍 有幾款撈好左既薯仔沙律、蛋沙律 配上唔同款既蔬果醬汁~ 好好食 好fresh👍🏻 連平時麻麻地沙律既我都好捧場 食左兩小碗😂 不過真係要注意 會食飽左半肚食唔落個餐🤡 所以 整體來說 依餐真係抵食 同埋一定食得飽😁 強烈推薦😋 依間餐廳 無論午市晚市都好正👍🏻😀 #好野不能只有我知道 

與友人約晚上730吃定食，一出𨋢口已擠滿了排隊的人。結果等了一個鐘先入得，超肚餓！叫了火炙左口魚併拖羅中腩定食$188，魚生新鮮，壽司飯醋味調味甚佳。湯加$10轉了蜆面豉湯，蜆大隻算新鮮。蒸蛋算滑但蛋味不太濃。配菜是鰻魚粉絲，鰻魚量頗多。友人叫了豪華拖羅定食$398，有赤身，吞拿魚扒，拖羅大腩，蟹膏，牡丹蝦，魚扒有驚喜！附上的燒汁甜甜的同魚扒好夾！友人說魚生很美味！必定encore! 因無得卜位，建議早點來人龍會較短。

三文魚腩西京燒 58 9⃣️分必食推介!!!Staff可能見到小編係咁影相同抉擇食d咩，就推介了這款菜式。所謂西京燒就係日本京都地區既料理，以醃漬過既魚肉以低溫慢煮，要知道烹飪三文魚好靠功力，好容易就會又老又嚡，但佢地既三文魚腩西京燒既口感完全唔乾，食落去啖啖都好柔軟細滑，肉汁同魚油完全融為一體，條脷好似係三文魚腩上不停打滾。聽個staff講唔係成日有依款菜可以食，而且係限定菜式，如果去到見到有，一定要點黎食呀！熊本產赤牛烤肉 88 6⃣️分牛肉下夾雜住洋蔥，一齊食十分爽口。即使牛肉尚算鮮美，但小編覺得冇咩驚喜，而且醬汁未夠驚艷，所以對於小編黎講這款菜式略微顯得有d普通。鰻魚盒飯定食 128 8⃣️分鰻魚肉既口感細緻，味道唔會過濃，食完都唔會有口乾既感覺。而且佢地皮脂肥美嫩滑，入口就開始融化咁。定食餐除左主角特定既主角外，仲包含前菜，漬物，茶碗蒸同味噌湯，大大份肯定夠飽呀！千葉縣產芋豬肉生薑燒定食 98 7⃣️分雖然今次冇食到佢地主打既魚生飯，但都嘗試左佢地既豬肉生薑燒定食，豬肉口感係唔錯，而且份量都適中，但小編覺得肉汁未夠濃郁和出色，因此扣左dd分，同上述鰻魚定食一樣，也有其他配菜。

<Doraya定食屋>主打藍鰭吞拿魚定食，好多年前係銅鑼灣總店食過一次大腩就成為左藍鰭吞拿魚ge 俘虜，今次去左尖沙咀厚福街H8分店食lunch叫左份<藍鰭吞拿魚盛合便當>。Lunch有自助日本沙律吧，有幾款菜，生果配胡麻醬，不過無乜特別。今次主角便當真係滿足唔止三個願望，有吞拿魚刺身，吞拿魚魚蓉，炸雞，燒玉子麵豉湯一應俱全，岩哂d貪心想試齊所有野ge朋友。三塊刺身質素令我有d失望，咬落有碎散ge感覺，吞拿魚蓉亦都比我以前食ge'結'，雖然都係好香，不過同總店有少少分別，炸雞亦都唔係好熱同偏硬。可能今次期望過高，同埋今次無叫boss 級ge 中大腩，燒吞拿魚魚扒等等，不過呢個便當乜都有都只賣$98 cp值應該都係金字塔頂點，非常推薦想食有質素吞拿魚但又唔想荷包出血ge朋友。

朋友話想食壽司飯，即刻諗起久違嘅doraya，尖沙咀同銅鑼灣分店都有食過，兩間嘅水準都唔錯，不過銅鑼灣就細間d，今日揀左尖沙咀，上到去唔使排隊，照舊叫左粒粒魚生飯同自選壽司飯（揀左赤貝，中羅同帆立貝三款），仲加左10蚊轉蜆湯，今次個蜆大粒左好多，啖啖肉，個湯都好有味，不過飲飲下就有dd鹹！兩個飯嘅魚生都好新鮮，仲跟左兩個細細碟嘅配菜同蒸蛋。今日戰鬥力麻麻，兩個都剩低半碗飯，已經好飽，食唔曬，唔知下次可唔可以叫少飯呢🤔🤔

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！係尖沙咀工作了一整天，做到兩點幾先有飯食，即刻上openrice搵食，無意間見到呢間主打吞拿魚嘅餐廳，勾起我唯一一次去日本食拖羅嘅畫面，所以就直接上去豪一野！當日係平日兩點半，好少人，聞說peak hour呢度經常爆滿要排隊！一入門已經被店員用日文歡迎，坐低後店員遞上熱茶和一大堆menu，睇到我眼花，而且我實在太肚餓，所以舉手叫店員介紹一下有咩好食。結果店員知我第一次黎，都好有耐性推薦幾樣野食俾我，話明今日要豪一野，所以set lunch我係無考慮過，結果叫左個大拖拼魚腩蓉，唔知係咪店員feel到我嘅豪氣，再sell埋我加10蚊將個麵豉湯upgrade做蜆肉麵豉湯，殺你！沙律吧點餐後店員俾隻碟我拎沙律，呢個做法幾好，一黎沙律健康，二黎有野食住先唔洗白等！

其實呢餐飯係小弟嘅生日飯。話說當晚想食日本餐, 但奈何正直1月1日新年假期, 尖沙咀一帶, 好多日式料理都做緊假日餐牌(即係貴啲), 我哋搵咗好耐, 最終搵咗依間「期望上」好抵食嘅。我諗佢嗰啲棟大廈嘅人都知道, 依度餐廳嘅面積唔會太大。不過依家日本料理坐位嘅間隔都唔錯, 唔會坐得太逼狹, 仲好難得咁有少少私人空間, 感覺舒適。Order 了 <吞拿魚中腩、魚腩蓉丼定食> 吞拿魚中腩肥美, 油份甘香, 咬落冇渣, 實屬極品。魚腩蓉撈壽司飯, 鮮味無窮。份量十足。另外一份定食<熊本烤牛定食>, 賣相吸引 除咗鋪滿約7成熟的烤牛肉之外, 仲有一隻剛剛好的溫泉蛋, 快啲飯一齊食, 完全係視覺加埋味覺嘅享受。定食的配菜精美, 配搭得直。其中冬菇燉蛋 內有魚蛋及蟹柳, 好好味。還有兩個小食 <酸汁鮟鱇魚肝> 及 <鐵板牛油帆立貝沙律> 。鮟鱇魚肝鮮味開胃, 有啲似食緊鵝肝, 但係一啲都唔油膩; 牛油帆立貝都煮得鮮嫩, 時間啱啱好(內裡仍是刺身嘅狀態)。再加上嘆一杯日本生啤<Suntory>, 無得彈!一個平平靜靜嘅生日

日式定食有咩食就唔講，講重點！①係尖沙咀食肆相對地唔駛排太長隊②刺身類算中高質，分量偏少，但本人重精不重多，想百靚蚪食到飽一飽，可以考慮X鮮③定期有新野出，期間限定，識食必點，你懂的！今次我地就點左白子（魚的精囊）yummy !④飯仲有暖飯（普通飯）同冷飯（壽司飯）揀，任君選擇。定食送嘅迷你烏冬，都有得揀熱辣辣嘅湯烏冬和沾面汁食嘅冷烏冬，黎個先熱後冷，正呀！⑤有沙律bar放題，唔怕食唔夠菜。⑥午飯時間爆人，但服務員都會自動自覺識倒茶，舉手一般10秒內都有人回應，賣單速度都係幾分鐘嘅事，非常滿意！整體來說300蚊左右兩個人，飽，中高質，服務好，店主良心經營，回頭決定！

幾抵食的魚生丼飯！ 今日準備去尖沙咀飲酒飲嘢之前梗係要食返啲飯打底諗唔到食咩於是就同朋友喺附近行下 見到H8有唔少嘅選擇於是就入咗去啦 入到去我哋入咗呢間日本餐廳 每人叫咗一定食食 今次我就叫左一個三文魚子三文魚三色刺身定食$148 呢個價錢包左一個魚生飯一啲小食 個人覺得佢魚生嘅份量都可以接受都食得飽肚 魚生嘅質素亦都可以接受 唯一不足只係刺身唔夠凍可能係比下面嘅刺身飯暖左 同埋呢度嘅三文魚脂肪比較多 食落去好快溶另外我哋亦都叫左一個吞拿魚大腩 218都只係得六片 果然係乜嘢價錢乜嘢質素 今次食嘅吞拿魚大腩脂肪量夠多 一放入口基本上即刻溶左 係真正嘅入口即溶 不過唯一不足都係果句刺身唔夠凍 所以總係覺得怪怪地 但係佢嘅刺身都係鮮甜嘅不過呢個價錢得六舊 食完都有少少肉赤🤦🏻‍♀️🤤😂總括嚟講呢間係一間幾抵食嘅日本定食餐廳魚生嘅質素亦都可以接受 呢度嘅魚生脂肪量偏高 如果大家係尖沙咀想食日本野都可以去H8呢間餐廳試吓

鹽燒連頭TORO鲭魚，特選海之幸壽司飯定食，沙律吧 （任食） 今日晏晝特登過去尖沙咀食下呢一間定食DORAYA嘅日本料理， 本身已經十二點三左右就開始去食lunch，上到去見到有少少人龍要攞飛,不過都係等咗十分鐘到就入啦。 1. 鹽燒連頭TORO鲭魚：呢個要等耐少少，大約15至20分鐘。 條魚好大條，一個人食都算多，同埋坊間多數嘅鲭魚都砌咗個魚頭，而家呢個就會連埋一個頭成條魚咁樣上碟。 唔單止樣靚，食落啖啖肉又唔會燒得太乾唔錯。 嗰套餐其中仲有一個蒸蛋，兩個配菜，仲有一個味噌湯。 個蒸蛋唔錯呀熱辣辣咁，配菜方面就大膽用咗納豆嚟做。 個味噌湯反而就失色因為我覺得就偏鹹咗少少。 2. 特選海之幸壽司飯定食： TORO都算好多片，食到好新鮮肥美，口感煙煙靭靭。 飯方面，有兩款可以選擇，有暖飯or醋飯。3. 沙律吧 （任食）： 出面有一個任食嘅沙律吧， 侍應會畀一個碗我，跟住自己出去添食沙律。 沙律供應款式都算多，有15至20款嘅選擇。 食完呢餐我覺得一定會再返食， 在試食埋其他款式嘅套餐。

環境: 環境算唔錯, 雖然唔係好大, 但座位算闊落, 適合3,4個朋友小聚食飯.等左一陣位就有得食.食物: 今次試左佢個自選三拼魚生飯, 分別係吞拿魚蓉, 吞拿魚中腩同埋三文魚, 比較欣賞佢個吞拿魚蓉, 因為自己本身都鍾意吞拿魚蓉, 而且吞拿魚蓉食落係非常新鮮, 有一定水準, 其他就正常冇特別.價錢: 唔可以話好低, 但以佢質素同地理位置算可以接受, 呢個自選三拼加埋都係大概$150有找, 佢好既係逐個逐個餸計, 想平食定貴食自己揀.