安南 (又一城) (已結業)

一班同事搭的士去又一城團年, 有好同事一早BOOK定位, 門口有廿多人等位, 但我地可以直入大枱, 大家揀完主菜後侍應主動埋嚟點菜, 我點咗生牛肉湯河但走青(我唔食芫茜)，同埋揀咗熱柑桔蜜。第一碟係前菜, 有三樣野, 雞絲沙律、厚札肉(好似午餐肉咁樣)同牛肉生菜，厚札肉同牛肉生菜不錯。之後上生牛肉湯河，仲有伴碟，有一棵香草同幾粒辣椒，我全部倒哂落去，好惹味。之後上熱柑桔蜜，比較甜，我同事接受唔到，但我覺得啱啱好，因為平時熱啡我都落三包糖。不過同事有不愉快經歷，叫咗糯米飯，遲遲未上，等咗好耐終於上，但又發現未熟，同侍應講叫佢換，又等咗好耐先有第二碗

I love Vietnamese and I would say this restaurant provides nice comfortable booths if you book early.  The dishes are of reasonable size and the quality is very good.  The spring rolls and rice paper rolls live up to top Vietnamese cuisine standards.  I personally do not like the Vietnamese Pancake though.   Their soup noodles are also yummy.

帶媽媽去又一城逛街、吃午餐和欣賞聖誕裝飾，選擇了這間越南菜餐館，佈置富有越南懷舊風味，木板間隔，吊扇，坐在露台位置，還可以望到溜冰場，舒適的環境胃口也自然好。我點了熟牛肉湯河，先上頭盤，有扎肉餅、蒸粉卷、柚子沙律和扎肉，上面放了一棵凋謝了的芫荽，令賣相跌至低點。粉卷是凉的，柚子沙律，不酸不辣。牛肉河粉，是新鮮泡製，加入幾粒辣椒、青檸汁和羅勒葉，刺激味蕾。牛肉剛剛熟，有牛肉味，湯頭好，加上有芽菜伴吃，回味之作！最後喝了熱橘子蜜糖茶，不太甜，橘子香，可惜一早已端上，涼了！欣賞待應生們的細心，服務態度好，有機會再試其他菜色！

方才才嚐了一頓令人甚不愜意的越南菜心情自不然納悶非常。為求要平衡一下心理，下一個動作當然是要找一間像樣點的來吃了....許多人說又一城分店的水準跟老銅總店的差得多.....但相比起外頭的店子，這兒還是勝人一籌的....午餐的定位價錢絕不便宜....但要知道一件事的是，在又一城食頓飯，除非您是去頂樓的foodcourt，不然的話閒閒哋百多大洋落樓絕對是不會稀奇。但起碼在這裡一份set lunch，有前菜有主食有甜品有飲料，埋單都只百五也不到，總括而言已算是十分的化算了....先送來的青檸冰茶，滿有香茅香氣又夾雜著源自青檸的清爽涼快，確實是炎炎夏日底下消暑妙品....前菜是用一個拼盤形式上的。愛多花款欲試多點東西的我自不然合晒尺度....柚子沙律酸與辣兼備實乃開胃之不二之選；粉卷皮卷得紥實不過黏及濕，內裡的肉碎及木耳饀料相當的夠味；兩款扎肉中我還是較愛下了皮凍及茹粒在內的，煎香過的那件個人認為似乎是油了點，味亦覺太單調....牛肉pHO的水準依然好 ---- 湯清不油味足河粉滑溜牛肉軟嫩。基本上除了香菜量有不足之外，這碗PHO可算是本地云云出品中做得算是非常不俗的....反而更讓我有驚喜的

去開又一城既朋友都知呢度無啖好食行行下見到安南有得high tea 所以試下 因為有得坐陣 又可以睇下人溜冰 消磨下時間一個tea set 二人份 有兩杯設定飲品一杯荔枝特飲 一杯青檸沙冰個人比較喜歡荔枝個杯重點tea set的喊點不錯 炸得幾好 甜品就免強 得糯米粟米個款好味爽

連續幾日假，最後一晚跟屋企人試下呢間越南餐廳。叫咗一個二人餐，一個火車頭加一個田雞飯。二人餐嘅頭盤有炸春捲、藕籐扎肉雞絲沙律同埋一個浮萍餅，味道還好，個浮萍餅似食緊腸粉。跟著到炭燒豬排就開始有啲失望，塊豬排望落去已經有啲乾，再加上味道偏鹹又冇配菜可以一齊食，好努力咬完一條已經唔想再食😓之後到個大蝦同通菜都算唔錯，個火車頭味道正常。差不多食完都仲未見田雞飯嘅蹤影，追問下侍應話田雞飯係會耐少少，再問之下他說最快15分鐘就好了。問他是否漏單了，他只說要多15分鐘問我哋仲要唔要。因為屋企人還有東西要在又一城，所以就等埋吧。結果等到都冇咩心情食嘅時候，個田雞飯終於出現，完全唔明白何解需要整45分鐘...最後二人餐的甜品係椰青啫喱，味道都幾清新，好淡嘅椰子味，平日唔好椰青嘅我就覺得還好。不過下次都係食其他野會開心啲🙃

午飯時間來到又一城，選了安南的吧枱自己唱唱獨角戲陶醉一番。這個時段的套餐種類不少、好要個牛柳粒配炒飯套餐。看見我隔離的人開始湧起歡喜目光。因為一下子來了2大碟加飲品迫爆桌子。前菜越式柚子沙律、粉卷扎肉通很精緻又好味。大大碟大大粒牛柳粒配蕃茄不但靚還真的好吃。牛柳粒絕對無出貓用化學調味👏👏絕對天然味道、鮮👍。剛坐落又有2枱人見我吃得這麼有味。指住說我要哩個。心想！好嘢識貨好食。但好多好飽。最後我都食剩了。甜品是椰青果凍yummy yummy!

睇完戲，睇之前食咗嘢，但又覺少少餓，於是到安南坐陣，食少少嘢填下肚。安南蜜汁燒雞$168收$168，以為會幾大份，但原來是錯的。雞件共5塊，而每塊雞皮連皮下脂肪是多於雞肉，oh.....no.....蜜汁是不錯，令雞烤得香香，但雞肉零雞味，完全不入味，只有雞皮是有蜜汁味，但很多人不食雞皮的，我們叫錯了菜😪鹹魚芥蘭苗$78這芥蘭苗很好，新鮮，有菜味，配上鹹魚醬炒，惹味，不錯！略嫌份量太小，一個人食也不夠。香煎扎肉配越式蝦餅$78扎肉沒什麼味道，淡淡地。蝦餅還可以，有點彈牙，而且有蝦肉粒，貨真價實。但兩樣餅都十分油，油多得影相也反光。

之前都食過一次銅鑼灣既安南，私隱度高，而且環境寧靜一點，服務專業一點。九龍店開左都未試過，點知⋯⋯去九龍塘呢間一定要訂檯，因為好多walk in，要排隊⋯⋯亦都因為呢間家庭客多d，環境相對上係嘈d，而且服務都無甘好，斟水落單都要叫幾次。食物方面，兩家的水準都差唔多，都係有水準的。前菜叫左個燒牛肉青芒果沙律，一般，d牛有點un；招牌浮萍餅、蒸粉卷都維持水準，特別係浮萍餅，雖然只係蒸米糕，上面撒左d蝦粒、麵包粒、蔥粒，食時加少少魚露，簡單清淡，出面好少食到，同埋記得趁熱食！蝦多士就大大塊，不過就油左少少啦！安南仲有樣出面少食到既食物 - 田雞⋯⋯隊長好怕，但家姐同老媽子就好鍾意，佢地叫左個田雞煲仔飯，田雞我無食唔品評，但唔知點解d豉油有色，但一d咸味都無！？牛肉濱海、春卷撈檬、火車頭之中，我覺得火車頭最好味，因為湯底夠濃，牛肉拎到埋黎半生熟，剛好！不過相對銅鑼灣店既服務同環境，九龍塘店還是有待改善，至少浮萍餅要趁熱食，凍左會好糊口，呢樣係銅鑼灣店侍應上菜時既溫馨提示，九龍塘店未做到甘貼心。

不知什麼時候Rice paper 轉了安南，很久沒有食越式粉麵了，看到門口有越式下午茶，喜歡high tea的我當然決定一試到桌上才覺得份量不多，而且焦糖燉蛋及柚子沙律只得一份，明明是二人份量，可是只得一小碟不夠分....有點小家....熱點比較好，主要是一些越南小食，甜品卻一般$238元的價錢真的不是很值得。這是甜品椰青果凍，內有椰子肉，新鮮清甜，簡單的美味由於下午茶份量真的太少，一口一件已快速食完，不得不另外叫其他的食物，這個小火車頭湯河，內有牛丸，牛百頁，生牛肉及牛筋，份量比一般的少，因為是下午茶嘛清清的牛肉湯河，淡淡的湯，味道一般，並不突出反而這個越式燒牛肉飽不錯，法包外面烤得香脆，裡面依然鬆軟，夾著的牛肉拌著新鮮的蕃茄青瓜，烤牛肉的醬汁很不錯，十分惹味而且價錢只是$58元還配飲品，在又一城來説真的蠻超值的下午茶還可以選擇越式的滴滴咖啡，十分地道，不過這杯咖啡煉奶不夠，咖啡的苦澀味重了看了餐廳的餐牌和價目，全部都比較偏貴，晚餐我不會來了

閒日在又一城看早場，身邊圍繞著的都是滿口英語的ABC，光是排隊買票都花了不少時間，暑假的威力果然不容忽視。踏出戲院剛好要吃午飯，正在苦惱該吃什麼之時見到一家未嚐過的越南餐廳，遂拉著男友排隊一試。餐廳的二人桌始終較多，我倆排不到五分鐘已能超越前排的人被安排入座。和近溜冰場的室外位置相比，屏風入面的環境較暗，桌子放得密密麻麻，當中只剩下狹窄的走廊通通，和隔壁絕對是伸手可碰的距離，感覺挺焗促。午市套餐有八款選擇，較輕盈的湯河/撈檬類盛惠$118加一，小菜配飯則再貴十塊錢，包一杯飲料和小食拼盤，算是中價位。熱柑橘蜜/青檸冰茶下單後不久杯品先上，數件青檸看起來用料十足，可惜不論冷熱兩杯皆甜得令人咋舌，急忙招來兩杯水想把它溝淡，但也無補於事。前菜拼盤 - 香煎扎肉、蒸粉卷、青芒果沙律姍姍來遲的前菜在我們吃過一半主食才上桌，扎肉十分扎實彈牙，胡椒味重，如半隻掌心般大件，吃著吃著有點膩；蒸粉卷包著些肉碎和粉絲，味道和平常吃到的差不多，沒有特別；反而毫不起眼的青芒果沙律加入了少許薄荷葉，將整個味道提升至另一層次，較得我歡心。燒豬肉撈檬 (Lunch set $118)霎眼望過去只有數塊肉片感覺挺寒酸，沒

嚟到又一城，太多好野想食，見安南既裝修幾好，又坐得幾舒服咁樣，就走咗入黎。。。點知。。。一睇menu，就知它走高價路線，最平嘅沙律收$78，肉類$200以下，海鮮$200以上兩個人，試咗3樣野1. 柚子海鮮沙律 $118差不多$130(連加一)食呢個沙律，分量算少，蝦是開半，睇就似多😪味道還可以，但柚子並非靚野，唔酸唔甜，我覺得隔離連鎖快餐$40嘅燒雞沙律正好多。2. 牛油雞翼 $88/5隻呢個係正常，味道有蒜香、但無牛油味，雞翼幾好，比想像中叫做大隻dd，而且炸得剛好，無整燶咗。3. 蕉葉糯米飯 $88well，一見到佢咁mini，就知又叫錯野，呢度筆哂出嚟都無一碗😖。食落叫做收貨，因為糯米飯係我至愛，好難會食到唔好食既糯米飯，而且佢成個飯，9成幾係糯米飯，得番少少係餸，有少少少蛋、魚條絲、肉鬆咁。成餐咁就$330，我只可以讚佢嘅味道係ok，未至於難食，但樣樣都唔係出色到值呢個價錢，而且份量真係太少，呢餐起碼打個6、7折先算合格！

這天第一次吃安南的午市套餐，前菜有扎肉、蒸粉卷和青木瓜沙律，無論份量和味道都比我預期的更好，算是這頓飯最叫我滿意的部分。主菜有多款選擇，母親點的熟牛肉湯河，不論牛肉、河粉和湯的味道都不俗，但就欠缺三樣食材味道融為一體、令人垂涎的美味，可能湯已放涼了。母親說牛肉只是肥牛，並非牛𦟌或鮮牛肉片，所以味道打了折扣。我的香茅豬肉撈檬賣相算吸引，豬肉的份量也不少，可惜欠缺了炒香的花生和芽菜，所以不夠香和稍欠爽脆的口感，我覺得老趙的比較好吃。午市套餐包一杯飲品，可選熱柑桔蜜或青檸冰，兩款我們都要了，而且都美味。只要加$25便可點套餐甜品，不過我們已吃不下了，所以沒有要。在又一城的食肆吃個午餐，這個價錢算是物有所值，而且水準不俗，難怪餐廳內坐無虛席。

!   為食的我, 有時寫寫吓好味的一餐個腦就在回味, 因此非逼不得以都費事寫 '劣評'; 時間已唔夠用, 機都唔得閒打, 那會有興趣'回味'一餐劣食??  在一連寫了好幾十篇給笑面的食評, 今日終於忍不住要寫這篇給 '喊面' 的, 因要發洩...長遍大論, 介意的看到此請 skip~ 謝謝平時的收看。不是不想試新, 但食開好的再去食起碼有點保證...Quota有限以防食到shxt嘢o麻~   所以每每要試新店, 會睇睇 「笑/喊面」 至去食, 有時間做功課的, 還會盡量睇睇食評內容才訂座, 盡量避免'中伏'.  人生就是如此...準備足又如何?  (容許我粗俗些說): 要瀨就瀨, 仲要瀨鑊金的!  希望各位'業界'的朋友, 高枱貴手, 你/妳去試食, 佢應該都唔會用太SHXT的食物招呼你, 但我要真金白銀俾錢食o架!  以後你/妳們試食唔該誠實寫 '試 食' ! !   (幸好上番Openrice睇到呢間店之前出的好多個 post 今天突然再讀, 變晒出咗'試食'個 logo, 上星期都無註明o架; anyway, OR今次真是功德無量, 多謝多謝!)話說今晚有約會在又一城,

走到又一城，發現從前的Rice Paper 的位置變了第二間餐廳，食越南菜的安南。因為未試過，便決定試試。懶得想，見有套餐便直接點了。小食拼盤很精緻吸引，分別有安南春卷、順化浮萍餅和藕籐扎肉雞絲沙律。安南春卷夠香脆又不太油，餡料有肉有菜，味道不錯，不過那片生菜是包不到春卷的😅。順化浮萍餅有驚喜，看起來很普通，但它讓我記起小時候吃過的味道，那時我叫它做米糕，口感像蘿蔔糕，入口有淡淡米香，加上鋪面的香蔥、蝦乾和脆麵包粒，口感味道都很豐富。藕籐扎肉雞絲沙律，第一次吃藕籐，原來口感很爽很好味，而扎肉的份量也很多，說是雞絲不如說是雞塊，連皮的雞肉很皮味，整道沙律也很清新。炭燒香茅豬扒，上桌已經很香，豬扒肉質鮮嫩，有豬肉味但不羶，也沒有雪藏味，不過略嫌濃味了少許，如果有碗白飯便好。安南甘露大頭蝦，看起來像咖哩，但原來不是，那個汁味道微鹹，有很淡椰香，大頭蝦肉紮實有蝦味。馬拉盞炒通菜，馬拉盞的香氣撲鼻，但卻不太鹹，通菜也炒得剛好。套裝還有甜品，椰青果凍，淡淡的椰青香，口感有點像大菜糕，味道是只有很少的甜味。點了一杯芒果沙冰，味道不算太假，頗清甜。這個套餐算是不過不失，7時半前結賬的價錢會划算一點，下