安利魚蛋粉麵

营业中

休息中

今日同朋友去完石澳 番到筲箕灣 東大街 突然想食安利 見到仲有時間即刻沖過去。切腩撈粗必食 我個人比較鍾意撈粗多啲 好食好多 朋友叫左撈河 我覺得還好 人人口味唔同 講番個撈粗先 調味岩岩好 切腩都好食 肥瘦均勻 口感好好above average 再叫多左個奶油多 又係必食 焗到好脆 好細心幫你一開二 再加多枝 一枝麥精 好滿足 以前住附近成日都黎食 價錢合理 味道中上 未食過嘅朋友可以一戰 👍🏻 不過提提大家 佢收好早 建議5點半前去食 假日會多啲人排隊 7.6/10

屋企人好喜歡食魚蛋粉，當然介紹他們來試試呢間，排了幾分鐘隊便有枱，我地叫了撈粗丶湯粉丶奶醬多。其實我覺得撈粗好味的，但略嫌有點鹹，整天也很口湯，下次又試下湯料粉先.

筲箕灣一共有兩間食牛腩麵嘅。自己就鍾意食呢一間多啲⭕️每一次嚟到自己必定叫嘅就係切腩片頭撈粗同埋鮮油多！📍切腩片頭撈粗魚片頭彈牙，牛腩有咬口得來唔會太柴口❤️最鍾意係佢嘅撈麵，唔係坊間咁就咁煮好咗個麵再撈蠔油，係已經用豉油撈好咗個麵🥳🥳🥳調味啱啱好麵質又夠晒又夠彈牙！不過份量唔多男士可能會唔夠飽😂📍鮮油多士烘脆嘅多士配冰凍嘅牛油🧈個口感真係不得了😍😍😍雖然感覺10分邪惡🥲🥲🥲但係每次都係會想食！屋企人話佢哋細個其實成日食呢樣嘢🙃

好掛住安利既炆腩同埋鮮油奶多，專登趁放假過去食~因為係星期日，所以都好多人，我地概等左９個字先入到去~例牌叫左炆腩片頭撈幼、鮮油奶多加凍奶茶~🍜炆腩片頭撈幼炆腩同牛筋好入味， 牛筋好稔，好好食；魚片頭炸到外皮好香口，魚蛋夠晒彈牙! 幼宧撈左豉油汁，加埋腩汁，好惹味🥪鮮油奶多厚多士夾住原牛油同煉奶，原多士好鬆脆熱辣辣，配埋入面既冰凍牛油，冰火交融好好食~🧋凍奶茶不過不失，正常發揮~雖然等左好耐，但滿足到我想食炆腩同埋鮮油奶多既願望，開心～🥰

四十年前，安利是在東大街天后廟旁的真正大排檔，分開兩檔：安利大排檔和安利咖啡的。也不是好食名店，只是因為當時東大街沒甚麼嘢食，要食就要行出金華街（電車總站）才有大排檔。所以造就安利而已。四十年後，重回筲箕灣，識去食安利，當然食魚片，白魚蛋河。牛油多士。不會食牛腩的。正如你不會去蒙古食海鮮吧。今日不用排隊，可能係下午茶時間，侍應叫我慢慢睇慢慢揀。現在是地鋪，不是街邊大排檔了。筲箕灣在變，東大街在變，甚麼都變。人情在變，口味在變。魚片河仍然是魚片河，製作不是最出色，亦不是最好食。只是想找回童年回憶而已。

👍🏻片頭切腩撈幼 $52👍🏻切腩撈粗 $48煮法類似清湯腩咁，清清地唔算濃，肉質唔鞋又易咬，推薦嗌肥腩！牛味更加濃郁😛魚片好香胡椒味，唔腥又彈牙😋👍🏻撈麵味道色澤都好均勻，甜豉油味唔會太咸粗幼麵都好彈牙👍🏻粗麵梘水味比較重辣油好香，加幾滴夠哂惹味🌶🤪整體味道唔錯，但份量唔多，性價比低d味道：8/10性價比：7/10-📍#安利魚蛋粉麵 筲箕灣東大街22號#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #筲箕灣 #筲箕灣美食 #港式 #大排檔 #魚蛋 #牛腩 #多士 #安利 #魚蛋粉 #撈麵 #東大街美食 #東大街

今朝早同女友黎食安利魚蛋粉，係我既第一次，聽就聽得多，終於有機會黎試下個撈麵我地每人叫左個撈麵，切腩同魚片頭，仲有奶茶兄奶醬多，去睇下食評啦切腩撈，牛腩有啲失望，味道好淡無牛味，口感咬落似煲完湯既瘦肉咁，好「鞋」，至於個麵底用鼓油撈起，偏鹹，鹼水味重，我女友都要用熱水過一過先食到。片頭撈麵，呢個魚片頭反而好味好多，份量亦好足夠，值得一讚，麵底同上呢個奶醬多好好味，今回既MVP，每枱仲有一枝練乳俾你任加添，挽回不少分數總括而言，不過不失，如對牛腩有要求就不去好了，其他既都合格！今次俾2個

行過見到好多人等位，呢間好似出名咁就等埋一份好快有位嘅都嗌左個魚蛋魚片頭幼麵本身諗住加個炸魚皮，但個靚仔好串咁話星期日好快賣晒通常出名嘅餐廳都出名埋服務態度有性格呢間都吾例外魚蛋好有魚味，好鮮個麵就普通啦聽講奶茶出名，又試試佢先一睇個色，爭啲播，一飲，吾係好得茶底吾夠濃，又吾夠厚，曬左$21蚊..............................

呢間魚蛋粉係筲箕灣黎講都算出名，中午時間坐滿曬人，都要等大概5-10分鐘先有位😗黎到依度緊係要試下佢嘅牛腩河😝🔻四寶湯河 $52見到碗麵已經覺得好正好吸引😂入面有齊柱侯炆牛腩、魚蛋魚片、牛丸同雲吞，佢地係舖滿左係碗麵嘅面頭😆牛腩一啲都唔肥，同埋啲腩汁係超濃，連啲河粉都好入味😃係真係正😌👍🏽🔻野飲叫左杯凍咖啡同一杯凍檸啡，見到啲comment話依間餐廳嘅服務態度差，又唔覺吖🤔...個服務員仲特登問我地飲過檸啡未，驚我地接受唔到，等我地飲完又問我地覺得點😂哈哈😝

可能係星期日所以超多人排隊等候時間接近30分鐘先可以入座 不過落完order到有得食 就只係需時5分鐘可以話係超級快手首先係個坑腩魚片撈粗牛腩都算軟身 粗麵同個湯都好出色食撈麵又嫌乾 就可以飲啖湯享受下聽講個湯用咗牛骨豬骨大地魚熬製所以勁香勁好味 我飲晒成碗都唔口乾 相信冇落味精而魚片就一如既往 新鮮好味 好重魚味之餘 爽口彈牙聽講真係用新鮮魚整㗎 難怪成日咁多棒場客單買魚片返屋企至於個鮮油奶多多士麵包香脆 即叫即整 所以上枱時 溫度剛剛好 中間啲牛油溶溶地 而且煉奶適中對於嗜甜嘅朋友 仲可自己額外添加煉奶值得推介！所以呢個真係幾肥都要食嘅項目呀

前一晚飲左啲酒，今日一起身就想食啲暖嘅，有湯嘅，要安撫下個胃，記得之前有同事推介過安利，一於去試試。星期日下午兩點，門口排左好多人，要拎飛仔等位，排左大約20分鐘，還可接受。“切腩四寶米” ，貪佢有幾個餸，可以一次過試。首先我係好欣賞佢個湯，感覺係處於清湯同平時勁深色濃湯之間嘅味道，咸淡適中，高質。牛腩肉香，唔un ，牛丸混入左芹菜，意外地香口，白魚蛋魚皮頭同雲吞，味香，不過又唔算係好深刻嘅出色。邪惡嘅鮮油多，簡單而直接咁成為今餐嘅highlight, 好香，多士亦horn 得岩岩好😌成碗米粉嘅湯比我一滴不漏咁飲晒，直到打食評呢刻(60分鐘後左右) 都無口乾感覺，應該無咩味精嘅🤣飲埋個凍OT, 舒服晒😌

困左起屋企咁耐，今日同🐖🐖去完鶴咀，行完山就落車揾野食啦！🍗🍟 HUNGRY 🥱 🐖專登揾左呢間食魚多粉，一齊試試，呢間晏就3、4點仲係好多人排隊👨‍👩‍👧‍👧，都清場清得好快，我地等左大約15-20分鐘就入到啦😜.🍽 切腩魚片撈粗 $52推系舊牛腩係好實好瘦既...🐛我個人就唔太鍾意咁瘦既肉肉🙊 佢有得將切腩改做崩沙腩/爽腩/坑腩就要加$10 💰而粗麵同個湯好出色☺️食得多粗麵又嫌太乾，就飲啖湯濕下😜 個湯用左牛骨、豬骨、大地魚等熬製而成，勁香勁濃🤤...食完唔口乾👍🏻想encore 多碗😂🍜 魚片河 $38魚片外皮係炸過黎既，咬感爽口彈牙😚正！好重魚味，聽講佢地用上門鱔同䱛仔魚整嫁，所以好鮮☺️ 個湯底都係撈粗個碗湯☺️ 正🤤🤤🥪 鮮油奶多 $18無咩特別！味道OK LA

入去食肆探熱冇問題，抗疫人人有責丫嘛！一入去用手探熱，可能隻手太凍，低溫得滯部機顯示’LO’，諗住探多次，點知個收銀阿嬸連珠炮發：「用額頭探啦！隊個額頭埋來探呀！」俾佢喝左幾次，心諗算啦，無謂理佢...當佢更年期後二十周年咪算囉⋯⋯醫肚事大！坐低嗌咗碗魚蛋米，都有啲期待咁等，點知食落口真係覺得極之失望，魚蛋肉質霉，魚片難食，米粉就唔難食，冇乜味咁囉，落啲辣椒油吊下味，嘩，真係唔掂...冇辣味、冇鮮味...望下隔枱嗰兩塊膠板，污糟到唔識講，真係乜胃口都冇晒！咁緊張呼喝食客隊個額頭埋去探熱，可唔可以都同時搞好啲清潔呢？地方污糟邋遢學咩人抗疫？老實講真係冇下次，仲要d伙記態度惡劣，呼喝食客！如果你喜歡俾人呼喝之餘仲要食啲唔新鮮丶霉嘅食物，推薦你嚟呢度受氣！不過講真，獅子山下嘅香港人，大家都係辛苦搵來志在食，何必受氣呢？好食物到到都有，最緊要食物新鮮，食得開心，相信大家都會識得明智選擇！

由於👦🏻真的很少很少去東區，所以還是帶他吃了這個哈哈哈，相信大家都應該吃過了吧(他真的沒聽過哈哈(°▽°)那天星期六11點左右，大概都等了15-20分鐘，不過可能是想隔比較開所以等得有點時間。一人吃了一個魚蛋魚片粗跟魚蛋魚片河，魚片跟魚片頭真的不錯吃，水準都還不錯，當然還少不了辣汁！當然還少不了還有鮮油奶多，多士麵包脆加上牛油跟煉奶，熱度慢慢熔掉了中間的油更正哈哈哈(這個真的不論多肥都要吃哈哈～

一行四人，香港人心態，見人排隊又跟住排，點知就咁賴嘢，首先，收銀個呀毛係咪清明節就到所以撞邪，啲態度差到唔係人嘅行為，啲野食又係，一個字「劣」，入面啲伙記又係撞邪，不知所謂，啲行為正一屎忽鬼，臨走一肚氣，為有去一去洗手間，點知又見到污糟野，好心你地係做飲食就注意下衛生啦，啲廚房佬喺度撩鼻屎又唔洗手，你哋知唔知而家你非常時期呀，你哋自己睇下係Openrice 有幾咁多負評比你地，唉，今日都係時運低，唔會再有下次，已加入黑名單