影片
更多
2021-03-29
441 浏览
入去食肆探熱冇問題，抗疫人人有責丫嘛！一入去用手探熱，可能隻手太凍，低溫得滯部機顯示’LO’，諗住探多次，點知個收銀阿嬸連珠炮發：「用額頭探啦！隊個額頭埋來探呀！」俾佢喝左幾次，心諗算啦，無謂理佢...當佢更年期後二十周年咪算囉⋯⋯醫肚事大！坐低嗌咗碗魚蛋米，都有啲期待咁等，點知食落口真係覺得極之失望，魚蛋肉質霉，魚片難食，米粉就唔難食，冇乜味咁囉，落啲辣椒油吊下味，嘩，真係唔掂...冇辣味、冇鮮味...望下隔枱嗰兩塊膠板，污糟到唔識講，真係乜胃口都冇晒！咁緊張呼喝食客隊個額頭埋去探熱，可唔可以都同時搞好啲清潔呢？地方污糟邋遢學咩人抗疫？老實講真係冇下次，仲要d伙記態度惡劣，呼喝食客！如果你喜歡俾人呼喝之餘仲要食啲唔新鮮丶霉嘅食物，推薦你嚟呢度受氣！不過講真，獅子山下嘅香港人，大家都係辛苦搵來志在食，何必受氣呢？好食物到到都有，最緊要食物新鮮，食得開心，相信大家都會識得明智選擇！
一入去用手探熱，可能隻手太凍，低溫得滯部機顯示’LO’，諗住探多次，點知個收銀阿嬸連珠炮發：「用額頭探啦！隊個額頭埋來探呀！」俾佢喝左幾次，心諗算啦，無謂理佢...當佢更年期後二十周年咪算囉⋯⋯醫肚事大！
坐低嗌咗碗魚蛋米，都有啲期待咁等，點知食落口真係覺得極之失望，魚蛋肉質霉，魚片難食，米粉就唔難食，冇乜味咁囉，落啲辣椒油吊下味，嘩，真係唔掂...冇辣味、冇鮮味...望下隔枱嗰兩塊膠板，污糟到唔識講，真係乜胃口都冇晒！咁緊張呼喝食客隊個額頭埋去探熱，可唔可以都同時搞好啲清潔呢？地方污糟邋遢學咩人抗疫？
老實講真係冇下次，仲要d伙記態度惡劣，呼喝食客！如果你喜歡俾人呼喝之餘仲要食啲唔新鮮丶霉嘅食物，推薦你嚟呢度受氣！不過講真，獅子山下嘅香港人，大家都係辛苦搵來志在食，何必受氣呢？好食物到到都有，最緊要食物新鮮，食得開心，相信大家都會識得明智選擇！
张贴