安利魚蛋粉麵

营业中

休息中

天氣悶悶熱，想食D湯粉滋味嘢! 諗起安利，任性的即刻去! 如以往一樣，中午例要排隊，幸好還早! 只等5分鐘，甫坐下，點了蛋河加腩汁，片頭撈粗，鮮油多及凍飲! 今日唔係好想食牛腩所以無叫! 我獨愛佢D柱侯腩汁超夠味，反而佢D切腩係爽，有咬口嘅! 撈面都偏硬身，但加D湯就好perfect！ 另外不得不提就係佢個辣椒油，簡直係劃龍點眼無得輸! 仲有個熱辣辣嘅鮮油多，超好味! 凍飲18蚊無咩特別，其實佢有细支可樂只係7 蚊! 食左二十年安利，佢都算係可以令我專登去食嘅其中一間食肆，水準都keep 到下! 未試過可以一試

呢度嘅牛腩撈粗唔使我多推介，你都一定識。好多人亦都會特登嚟呢度食，因為佢嘅醬油比例啱啱好，所有嘅醬汁吸收晒喺麵條度，但又唔會太油膩。非常之好食，我自己鍾意一邊食一邊落少少醋，再加少少湯，吸咗少少酸味之後特別好味😋 一碗只係$44，覺得都可以。

這間魚蛋麵譜已有幾十年歷史，今天特意來嘗一嘗。我們叫了特別的切腩牛筋片頭粗撈麵。片頭彈牙，甚有魚香味。切腩也甚有牛肉的味道，配上麵食很好味。最值得稱讚的是他的牛筋，入口即溶，吃後齒頰還留着餘香。再配上一杯檸蜜，完美的一餐。

特別推薦大家✅坑腩片頭撈幼✅筋腩片頭米粉✅魚蛋魚片河 / 魚片河✅鮮油奶《坑腩片頭撈幼》坑腩肉質嫩，有層類似肥肉嘅物體，不過其實係爽😋，依家冇咗肥坑腩依個choice，可能太多人嗌😂，random比或者比熟客maybe😌撈幼麵好爽口、乾身，佢會幫你撈好，記得加埋辣椒油🌶‼️‼️好香、好惹味，不過唔好落咁多，都幾辣下💰$62《筋腩片頭米粉》筋腩好入味，筋好淋，肉好鬆，痴住少少肥仲好味☺️，片頭有魚味，又彈牙爽口，不過你嗌片頭佢都係會得一嚿，其他都係魚片，米粉爽得嚟又吸晒腩汁嘅味，食嗰陣記得加埋辣椒油🌶‼️‼️💰$44《魚蛋魚片河 / 魚片河》魚片係勁彈牙，魚蛋都彈，河粉好滑，記得加埋辣椒油🌶‼️‼️，會昇華咗😛💰$38《鮮油奶多》多士烘到好脆🍞，熱辣辣，中間夾住半溶狀態嘅牛油🧈、煉奶🍼，好好食呀😭💰$18*我哋覺得佢d質素有d飄忽😂，坑腩 / 筋腩一時好好食，一時就有d un / 硬🙊**飲品有支裝汽水、支裝麥精😍***Weekend一定要排隊🤔****有外賣嘅魚蛋魚片買，魚蛋一打$45，魚片一條$75🚶🏻‍♂️

最近weekend都好好天 平日返工咁chur放假真係要去吸收下新鮮空氣 ☀️🏔 港島區有幾條路線都可以由筲箕灣搭巴士到達起點 消耗脂肪前就緊係要補充脂肪先啦🤗 每次去到東大街都好想食安利 星期日早上等半個鐘就食到啦🥳切腩片頭撈粗🐮🐟 豉油王撈粗好入味 加埋辣椒油更惹味😚 牛腩好淋但就比較幼身 （鍾意有肥膏嘅可以叫「肥肥腩」）聽講熟客可以叫「跟跟佢」半肥瘦牛腩望落好吸引 等我食到變熟客一定要食😋魚片頭係餐廳每朝新鮮打成 爽口彈牙💯仲有必食嘅鮮油奶多！外脆內軟嘅多士x邪惡美味的牛油煉奶 加杯熱奶茶 就係一個good morning 🥰

今天在筲箕灣梗係來聞名已久的安利魚蛋粉品嘗🍜. 店舖裝修環境整潔, 在櫃面取票, 員工有禮帶位. 其實我到這店舖前已想好吃什麼🤭🤫切腩牛筋撈粗麵 $52切腩肉質嫩, 夠淋亦有咬口, 肉味重. 牛筋夠淋&入味. 牛筋跟有少許牛腩, 牛腩肉質反而鞋, 食完又黐牙😕 豉油王撈粗, 當我食頭幾啖時覺得有點鹹, 後加桌上的辣椒油, 味道便昇華了. 因為安利辣椒油夠香又夠辣🌶️本人覺得整體用餐滿意, $52有這個質素都覺得值👍👍

『掛魚蛋賣腩肉』開業半世紀，安利魚蛋粉雖然打正旗號，賣魚蛋粉，但是最出名最好味反而是清湯坑腩切片加 豉油撈麵。東大街有兩間安利都係家族分家而成， 各有各做，我通常就去老店安利魚蛋粉，下次有機會試埋安利大排檔。《魚蛋牛炕切腩撈麵》魚蛋不是爽口彈牙，但都有魚味，牛坑腩的而且確比較出色，大細適中，牛味濃郁，撈麵豉油均勻香濃，不過可能味精略重，有點口渴。《魚片牛炕切腩撈粗麵》 魚片比魚蛋相對出色。PS. 都係咁講可能而家食得好嘢多，已經冇十幾廿年前感覺咁好味，但係耐冇食都係會走返轉。因為太多人等位，可以攞飛仔，可以行下街轉頭再返嚟，唔使一味排隊死等，最初佢同我講大約半個鐘頭，我準時半個鐘返嚟，啱啱過咗兩張，佢話下張即刻畀返我，老店禮貌都算唔錯。～～～～～～～～～～～～～～～～～～～～～食物賣相＝(滿分20) 15食物味道＝(滿分20) 16服務質素＝(滿分20) 16裝修整潔＝(滿分20) 18性價比率＝(滿分10) 6回頭指數＝(滿分10) 8總評分 ＝(滿分100) 79分

Shau Kei Wan Main Street is always the favourite place for eats of all kinds. At 11am, I was shocked that a queue of 30 has already formed here.“Sliced Beef Brisket & Fish Cakes Noodles” is the signature dish. Beef was cut into thin strips of bite sizes. Fish cakes were nice especially those at the corners, quite fresh and flavourful. Mixed noodles with soy sauce was solid. Fish balls were bouncy but tasted a little bland. Another signature was the “Fresh Butter Condensed Milk Toast” - super “ev

係龍脊行完山，剛好返到來筲箕灣，上網search下邊度有好嘢食醫肚，而同行朋友都中意食牛腩，於是就比我搵到呢間。間嘢好近筲箕灣地鐵站，離遠已經見到有條龍排緊隊，裝修都幾復古，水泥灰加吊扇，唔迫，坐得舒服。我地叫左個牛腩牛筋幼麵，同埋一個剩魚片魚蛋，同行朋友都係同我一樣，不過轉河粉，幼麵好彈牙，而且食唔到有梘水味，呢個好緊要，我勁中意，牛腩牛筋都好淋身，咬落去唔會痴牙，魚蛋一食就好明顯知道係自己手打，而且個味道同外面個啲魚蛋有分別，但我講唔出😂，不過都係彈牙有魚味，我有少少食到胡椒同蒜味。

安利是老牌店，在东大街已经好久了。他们的切腩和魚旦很出名，听朋友说经过要在店外排队15分钟以上。果然不出所料，中午饭市时已经有不少人在店外等候，差不多15分钟后才有位子。跟王林记一样，除了粉面，还有茶餐厅食品，也不需要多考虑，点了切腩捞粗。捞面用碗子上，面上放了10件牛腩左右，牛腩偏瘦，虽然煮得很腍，但肉质有少许嚡，而且缺少了牛肉的香味。但粗面就不推荐，面身的枧水味极重，吃了味蕾不大舒服，而且有点偏咸，个人不太喜欢。今天肚子不饿，没吃他们的鱼旦，只能留待以后。

其實自己都已經嚟過好多次，無論魚蛋粉、牛腩河、撈麵等都食過同咁好食，咁多年來都維持水準嘅一間粉面店，其實都唔使多介紹！今日就食咗坑腩牛筋撈粗麵（第一次咁樣雙拼食，因為之前通常都係叫坑腩撈粗或者片頭坑腩撈粗）我覺得呢個雙拼組合簡直係完美、超好食！同埋每次我都會叫埋鮮油奶多士和熱檸蜜，咁先至係Perfect match to me!

山長水遠嚟到筲箕灣就係為左一試呢間勁出名嘅粉麵店疫情前外國朋友嚟香港都同我講話要食呢間但我成日話 「咁鬼遠 不如試其他」所以一直都未試過既然而家冇得出國 我就留喺香港做遊客啦切腩魚片撈粗好好食呀 牛腩勁淋 層肥膏好香魚片爽口平時食粉麵都係食湯河嘅我今次跟隔離枱叫撈粗果然冇跟錯 醬汁好好味食完po ig外國朋友見到小爆我「叫你同我食又唔食 依家自己去食🤬🤬」好囉 下次你再嚟香港我同你再排多45分鐘都冇問題🤪🤪

叫咗切腩切片頭河，加杯凍檸茶，一共$70蚊。味道真係一般，切腩好乜幼身，比較瘦，有點嚡口，比較乾。魚片爽，但無乜味道。湯底尚可，不是清湯。但辣椒油，不明白為何有陣燶味咁😞😞假日人多，等了20分鐘，但下次真係未必再嚟食。

由細到大，次次嚟都必定要叫📌切腩魚片撈粗（$52）近幾年加左價，但份量反而細左好多😮粗麵鹼水味濃，好既係麵質爽口彈性夠、淥得散。食落有蠔油味，微甜，條條麵都上哂色！加少少🤏🏽辣椒油👍🏾片頭爽口，安利標榜魚蛋魚片每朝新鮮打，用黃門鱔、䱛仔魚等打成。切腩肉質鬆化，味道香濃，但稍微瘦左啲，無左半肥瘦既油脂香，唔夠咬口！.📌切腩墨丸米粉 $52.📌Coke Zero $8.總結黎講，質素比起以前真係差左🥺 有機會會食埋同一條街另一間安利大排檔同王林記做個比較先得🤔🧐 .食物：7/10環境：7/10抵食度：6.5/10回頭度：6.5/10.

同朋友行完山就去左安利醫肚，雖然已經過左食飯時間，但都仍然有唔少有排隊，都得左好一陣先有位，同朋友分別叫左切腩墨丸粗，雲吞河，同埋魚蛋河，墨丸係最好食，但牛腩雲吞，魚蛋都好普通，特別係魚蛋，真心唔太好食，鮮同腥，我覺得係後者，無下次。