學利魚蛋 (已結業)

年初二的下午，來到大埔懷緬過去一番。闊別經年，有些老舖已換了新顏，可有些仍經得起歲月的洗禮，仍在默默耕耘，甚至發揚光大。好似初在元朗打出名堂，連食神韜韜都曾介紹的「學利魚蛋」，現已有三間分店，分別在大埔和上水營業，而且還愈賣愈多不同出品添。這天雖然是大年初二，這裡可並沒有休息，仍然繼續營業，只是套餐加了2元而已。一場來到幫襯，當然是吃這裡省招牌的魚蛋啦！原來這裡的魚蛋現在竟有三款之多，包括有（1）「招牌魚蛋」（白色圓形）、（2）「特級炸魚蛋」（淺黃色橢圓形）和（3）「古法炸魚蛋」（深黃色不規則形）三種。既然難得來到，當然要試齊全部三種啦！立即叫一碗至尊淨三寶套餐試試。轉眼一餐吃罷，只覺這裡的魚蛋水準依舊，仍像以往一般的彈牙好吃。而在三種魚蛋之中，最好味道的要算是炸得最通透，色澤金黃的古法炸魚蛋，味道最是濃郁。雖然大埔遠在新界，假如下次舊地重遊，還是可以再試這裡的好味魚蛋的。

今日去這兒下午茶，落單既時候叫0左一客炸墨魚丸同埋公司三文治,因健康原因特別要求三文治走牛油; 而員工亦再三確定冇問題; 來既時候, 炸墨魚丸真係好爽口彈呀. 好好味; 但係公司三文治來既時候勁多牛油. 其實好簡單只係查詢點解有咁多牛油. 但係落單既員工態度超差, 勁話再做過好煩, 又話我地既要求過份, 大大聱講我冇講過佢又冇聽過. 激氣到我地連墨魚丸都未食完就即走. 唉! 好好地一間好食既魚蛋檔俾D質素差既員工咁攪, 真係浪費!

早已聽說學利的食品唔錯,今天要到大埔工作便順便去學利試看，去到叫碗炸魚蛋,另外叫個炸墨魚丸,+凍O茶,=$41,價錢OK,而食品真好食,D炸魚蛋好大粒,外皮好香,炸墨魚丸原來即場炸所以熱辣辣好正,下次再去大埔工作一定會再食。

近來對牛腩有點兒著迷,除了四處前往頗出名的牛腩鋪之外,也會到處碰碰一些不為人熟知的粉麵鋪,尋找隱世"正"牛腩.其實大埔有很多出名的魚蛋粉麵檔,但當中的牛腩質素還未被人肯定的.而我據知學利除了魚旦了得之外,牛腩有著非一般的特別味道,藉此前來探過究竟.中午時份,我便來一碗魚蛋牛腩河,配凍華田($32).雖然價錢不算便宜,但這碗麵卻能一次過滿足我對這裏的魚蛋和牛腩的需要.下單後不用三分鐘便上枱,單看份量確實不少,白色魚蛋有三粒,牛腩約有四五舊,湯面色擇較濃且濁並帶肥油,那當然屬於牛腩汁所致.河粉屬一般.第一口吃的,便是又白又滑的魚蛋,論size剛好一口一粒,咬開一半時,已發現其彈性真是無容置疑,那種爽,彈牙及魚香是獨家秘制而有的.而牛腩部份,跟其他的牛腩檔有點不同,色擇較深,肉與肉連帶一些膜及脂肪,此兩者令食客感覺牛腩更淋更入味,而且味道有著特別的香,對我來說,算是一種獨特的牛腩味道.而牛腩不是切片,是切件上.所以更具咬口.而出現牛腩碎的情況不算嚴重,可接受.這碗麵確實不錯,值得推薦.

阿媽買了三種丸番屋企煮紫菜湯。買了牛丸、魚旦同墨丸。魚旦好彈牙，唔會腥，無碎骨，粒粒都圓dum dum！墨丸都唔錯，唔會好似食粉咁，真係有墨魚粒，有鮮味。牛丸真係實咗少少，但都帶點彈牙嘅，味道唔會太咸，有牛味。

今早經過大埔中心，見肚餓去學利食早餐，叫了一碗雙拼湯河，內有牛丸及魚蛋各有４粒，魚蛋非常彈牙好味，而牛丸比較實了一些又唔係好彈牙，河粉一般，不會過淋，不會夾到碎晒，湯底一般，加一杯凍檸茶，都要$29，但貴左D喎。

紅叮大埔要食雲吞麵,會選成仔記,如要食魚蛋,就會選學利~學利魚蛋午飯經常人山人海想找一個位置很難的~某天晚上因為公司很多工作要完成,差不多8時才走,路經此地,把心一橫,不如食一碗魚蛋麵吧~連飲品25元左右,雖然價錢比成仔記貴,但味道也值回這個價錢,當然好食過大埔其他賣麵粉的店鋪 魚蛋麵也很快煮好,魚蛋的份量雖不多,但每一粒都十分彈口,爽到真的有點假的程度~如去附近的賣粉麵,吃一碗相同的魚蛋就分別出有什麼不同,這裏的與眾不同,難不知會很多顧客~配這裏的辣椒油也是好選擇,紅叮是一個吃得辣的人,也覺得辣得出色.食得滿意,就會有一種再回味的感覺,聽說炸墨魚丸也是出色的,總有一天會回頭來食的

身為大埔人, 係大埔中心行街, 見肚餓又想食魚旦粉, 一定要去"學利"食番餐, 佢d丸係自家製, 門口有肥滔滔張招牌相係度, 大家認住佢喇~佢地最好味嘅麵係河粉, d丸好好味, 個湯好香, 有魚味但唔腥, 不過偶有失手, 食落會口乾我都介紹個要成日遁舖嘅同事食呢間, 佢次次黎都食魚旦粉, 獨沽一味, 佢話真係好正喎我就最中意食牛腩, 中意佢唔分部位, 有筋有肉, 腩汁好味, 魚皮鮫肉香, 而我另一個同事佢就最中意食佢d炸墨魚丸, 即叫即炸, 最好就堂食, 即炸起個陣脹到成個乒乓波咁大, 佢會俾埋碟蜜糖你點黎食, 襯熱食好鬼正, 記得記得, 食咩粉麵都好, 記得叫炸魚皮, 可剩叫/拼餐, 放落d湯度你會聽到"啪啪"聲, 用薄粉炸, 一點一食就最滋味~呢間野唔平架, 叫幾拼嘅話都廿幾蚊, 連野飲要$3x蚊埋單

D野都幾好食嫁!! 但貴左D喎! 一個人食要30幾蚊!! 方面ok啦

一向都鍾意食呢間的河粉，次次去都食古法魚蛋河, 好味!!! 不過價錢唔太平，一個河加杯野飲，都都廿幾三十蚊.

佢吹捧到自己好勁咁..有日去左試，我覺得一般過一般囉= =D魚蛋唔算好有魚味，又唔係好彈牙，不過好在冇腥味。湯底一般，D粉都OKAY LA..不過起大埔區以呢個價，我唔太覺得值得囉

尋日無無聊聊, 去左大埔行下. 落車時望見學利, 記得有食友介紹過, 咪入去E下肚先. 叫左鱼旦粉. 鱼旦好彈牙但好似無咩味咁, 鱼片好D, 湯同粉都可以呢. 都係王林記正D.

分別叫左豬肉丸貢丸河熱ｏ蜜同埋水餃牛筋丸河熱ｏ賓！不過佢唔記得加腩汁比我．．．．

看過之前的食評，有D興趣。今日剛巧來到大埔，於是就試試啦。今次叫左個餐：一款單併粉麵+一款小食+一杯飲品($36,凍飲+$1)。要左上面話好既炸墨丸+魚蛋河+凍奶茶。炸墨丸：本人覺得平平，有點過油(不過食炸物預左)，一人個食六粒略嫌漏，我會建議大家可以同人share，但伴以附送的蜜糖都不失有燒烤的風味呢。魚蛋河：魚蛋非常彈牙，值得一讚!河粉一般，但都恰如其份，不會過淋，不會夾到碎晒。凍奶茶：中上，有茶味，不會太多奶。(本人偏好少奶)總括來講都值得一試~

見kkiou講到學利D炸墨丸咁好食，咁o岩去開大埔，梗係要買黎試o下啦！炸墨丸真的一D都唔平，直頭可以話貴。$15六粒，成$2.5 粒。真係要試真d啦。剛炸起，很熱。外皮好脆，再咬落去，就軟軟地！真係超正！墨丸好有墨魚味，有d墨魚粒，炸咗之後再加埋佢俾嘅甜醬，真係同平時食嘅墨丸好唔同，香口好多。下次去開都要再食！