學利魚蛋 (已結業)

五香牛根腩撈粗走蔥，貪心的人有難了，好好一碟牛腩撈比我自己糟撻左 ﹗自己破懷依個美味既撈麵，走去要求多腩汁，師父都依我要求比多啲，但略為咸左，唉。原來正常腩汁份量已經味道係最 prefect 架喇，好後悔。牛腩炆得超級入味、濃郁五香味、口感鬆化又夠腍，無得頂 ﹗牛根非常膠口軟棉棉，雖然我不多吃牛根，但都覺好美味。來一大碗魚清湯，依度既清湯係用湯碗而唔係用細隻既飯碗仔架，點解呢？因為好好味囉，有香濃魚味，正 ﹗每次都一飲而盡，最緊要真材實料無味精 ﹗

做完劇烈運動，回家途中買啲送返屋企加料先 ﹗淨魚蛋走蔥，之前幫襯次次都獨孤一味五香牛腩，今日終於有機會試吓招牌菜學利魚蛋喇。口感好滑，都幾彈牙，但味道假左啲，魚味不足，鮮味欠奉，不礙如視。個魚湯就非常鮮甜，加埋生菜既甜味，真係相得益章，成碗清晒無得留低 ﹗五香牛根腩走蔥，我明明叫左淨牛腩走牛根架，仲已經收多我十蚊架 ﹗搞錯呀 ﹗早幾日買左質數麻麻地又鞋烚烚既清湯腩返去請家人食，今日要買啲好野補數先得。今次大家試過都好滿意，好采 ﹗牛腩炆得好腍又無渣，五香味濃郁，不肥又不瘦，剛剛好。牛根炆到膠口，最好食 ﹗骨膠原，正呀 ﹗

今日又係無 lunch 日，返到大埔七點好肚餓，成日食西餐意粉同牛扒，想食吓啲熱騰騰既湯麵呀 ~ 行去學利睇吓有無位先，有位就食，無位就去第二間 ﹗緣份到，坐低先 ~五香牛腩撈粗走蔥，黎幫襯左十幾次，每次都係獨孤一味牛腩撈 ﹗最多加碟油菜。但從來未試過學利既魚蛋，真奇聞 ﹗下次唔食魚蛋麵，都要 order 個淨魚蛋試試，唔係點做資深食家呀。依次個粗麵仍然保持高高高水平，手藝出眾，啲粗麵可以煮到每條麵彼此都有自己既空間，唔會成餅麵咁撻係隻碟度，能夠讓水蒸氣散出，唔會令到麵質過腍或過濕，口感非常乾爽彈牙，仲保持到蛋香味，係唯一一間能夠煮到如此效果。但主角五香牛腩今次失手喇，可能恰合地比左啲較差既我。三份二都係孖根，雖然炆得入味非常，膠口得黎又夠嫰滑，好味。不過我比較愛腩肉，今次比得兩舊瘦肉，唔制呀 ﹗味道好入味，不過真係瘦左少少，無棉滑嫰既口感。

小b愛魚旦已經係不變既事實所以我會帶佢去唔同地方食魚旦今次就帶佢去學利我就食剩旦米佢食魚旦魚餃公仔面魚旦彈牙，唔腥，我諗呢個係佢收咁貴都咁多人食既原因同區有周潤發食過既蔡x記都係18蚊一碗，呢度就要2字頭咁係就知佢既實力係邊小b食雙併，我就偷左佢一粒，味道同supermarket買黎自己煮既差唔多下次可以唔叫飲埋枝可樂簡直一流提提大家，一定要加腩汁，chili pepper也美味

今天我的胃很不舒服,冇胃口,但係都想落街食,就去咗學利食,去到差不多早上9時,,心想不如食一碗魚蛋麵吧~連飲品24-25元左右,雖然價錢比其他麪擋貴,但味道也值回這個價錢,當然好食過大埔其他賣麵粉的店鋪 魚蛋麵也很快煮好,魚蛋的份量不多,但每一粒都十分彈口,如去附近的賣粉麵的店鋪 ,,同這裏吃的魚蛋完全不同,難不知會很多顧客~配這裏的辣椒油也是好選擇,我是一個吃得辣的人,也覺得辣得出色.食得滿意,就會有一種滿足的感覺,,總有一天會再來食的

牆上的食物相片超靚，樣樣野睇落好好食。但食完只係覺得一般般。豬軟骨豬手河：豬軟骨肉嫩，軟骨軟硬度適中；豬手都幾肉嫩。牛腩水餃米：腩汁香，腩肉一d淰身一d就鞋肉；水餃太淰，材料唔夠新鮮。雲吞牛丸河：雲吞餡都係好淰，蝦肉細粒，唔新鮮。牛丸內里紅紅地，好似唔夠熟透，而且唔彈牙和腥腥地。見到相甘靚，估唔到水餃、雲吞和牛丸會甘差。

the hot pot here is quite a good deal at 50 bucks. you get your choice of soup base and your own individual pot ( well i guess its not realy hot pot in the family sense). you get your two choices of fish balls, dumpling or other stuff. you can also choose your own noodles, which are at a generous portion and quite a lot to select from. You also get fatty beef and a good helping of romain lettuce. you may need to add another dish or two to get full, but i walked out quite satisfied. a drink cost

剛收工返到大埔，本想做完運動先食晚飯，免得操到嘔，但時間倘早，仲有好多時間，個肚又已經不停地叫，咁只好快快去醫左肚先啦 ~ 雖然學利都好業左十幾廿年，可能更耐，但我都係今年先第一次黎試，到目前應該都幫襯左約六七次，每次坐底都想叫啲新野食吓，不過最後都係食返牛腩撈粗，我實在太尊一喇 ~ 所以到依家都唔知其他出品既質量同味道係點呢 ....五香牛腩撈粗麵走蔥，侍應妹妹一放低碟麵，見到賣相勁靚，嘩 ﹗好整齊，勁開心呀 ﹗所以包裝真係好重要架 ﹗望落去啲粗麵乾身又有光澤，平均地墊係底，無多餘水份留低。五香牛腩好整齊咁鋪係面頭正中間，濃郁五香牛腩汁亦不偏不移淋係正中間，擺位非常靚，恰到好處。咁多間五香牛腩，到現時唯止我唯一欣賞既只有學利，炆得非常非常入味，選料上等，雖然係瘦肉，但啖啖肉得黎又不失軟棉棉口感，而且又有趙口不鬆散。濃郁既五香腩汁加上勁辣辣椒油配上靚牛腩同靚粗麵，今次完完全全係滿分，無得彈。清湯鮮甜可口，忍唔住要飲到見底先可以停，實在太好味，好滿足 ﹗蠔油生菜走油，好鮮嫰爽口，輕輕大火烚一烚、拖一拖，已超香甜美味，又充滿水份。

近年裝修過，比以前變得光猛、寬倘、乾淨、高檔左，坐得舒服 ~ 麵檔服務間間差不多啦，倘算滿意 ~ 依間算係新派麵檔，並唔係只得潮洲粉麵，仲有啲快餐小食、小炒、即食麵、烏冬、日式小食、什菌、金菇、等等 ~因為我由細到大一向都係大埔新蔡、舊蔡同洪記魚蛋既 fans，見學利以魚蛋為招來，所以一直都無黎幫襯。近來發現佢既五香牛腩同煮麵既手藝非常出色，所以到依家每次都只係獨孤一味五香牛腩 ~五香牛腩撈粗麵走蔥，好濃郁好香既五香粉，醃得非常入味，真係超超超入味。雖然大部份用上牛腩瘦肉，但無渣有趙口、啖啖肉而且口感非常軟滑。牛筋同樣超入味，炆既時間非常足，絕無欺場，炆到膠口、嚥靭又滑溜，正正正。粗麵麵質非常爽口彈牙，又乾身，完全無水份係碟上面，時間同火路掌握得好好，唔會過腍或水汪汪或一舊舊或一餅餅。濃郁腩汁撈麵已經好好味，無須再加蠔油調味。本人嗜辣，依度啲辣椒油都幾辣，但不會留係口腔好耐，一陣刺激感好快減退，好沉厚既辣味但未夠香，偏甜，不過已令我額頭冒汗。依度清配為鮮魚濃湯，好味。蠔油菜芯，好新鮮好新鮮，嫰口無渣又鮮甜，烚到剛好，唔會過腍或過生，熟透又唔會黃，好 ~

Excellent food, the place is famous for the food quality and never disappoints. Whilst is more expensive than most other noodle places, the difference is significant.The fishball and fish skin very good, a must order dish.

間野係前排重新裝修過,光左,靚左,感覺舒服左講番正題,食魚旦粉我覺得一定要去學利試下,我唔包係佢全港最top,但我覺得點都有十大,真係好好味順帶一提佢d魚皮都係超正

每次lunch黎學利食野都勁多人，今次夜晚9點幾先黎，大把位揀LU今次都係食炸墨魚丸米，自從上次見到隔離位既食客碗炸墨魚丸咁靚，一試就愛上6粒炸墨魚丸配蜜糖，令炸墨魚丸十分鮮甜，而且每粒丸都充滿肉汁，麵既份量都充足，真係津津有味呀!!如果有多幾粒丸就好啦!!而男朋友既牛筋丸河都唔錯!本身對牛筋丸都冇乜興趣，但係試食左一粒，粒丸好有彈性仲好有肉味，超級彈牙!!但我嗌左杯特飲朱古力珍珠沙就麻麻地，朱古力味就有，但D珍珠好LUM好爛，冇乜口感黎食左咁多次學利既野，總括黎講都唔錯!下次再試下其他野先

上星期六，外婆生日要到她家食lunch。未上去之前，先去學利食碗魚旦。為免淨間食唔落野，就淨係叫個淨三寶, $29。三寶即有3款魚旦，白魚旦、古法炸魚旦同橢圓形炸魚旦。大大碗，一碗有10 粒咁多，食完都飽飽地。三款魚旦都好爽口彈牙，唔腥，無碎骨。橢圓形炸魚旦外皮較薄，不會韌。相反古法炸魚旦魚味同香味最濃，不過個外皮就炸得好韌，需多點牙力。魚旦質素好，也能保持水準！

小時候吃過的炸魚蛋, 現在很多地方都找不到, 唯一例外是大埔學利.這裡的古法炸魚蛋, 我認為是全港炸魚蛋當中味道數一數二的, 口感爽, 魚味濃自不在話下, 最難得的是炸得金黃煙韌香口的外表, 這種感覺只有在回憶裡的小時候吃過, 想不到今天仍能在學利找到. 每顆魚蛋形狀不一, 各異其趣, 絕非機械造出來顆顆如一那麼單調.

四月十八日(星期日)和老公仔去完大埔龍尾灘那裡看到很多很多的海洋生物尤其是海星...我們沒有帶工具,只好看着其他人在尋找下次真的要帶齊裝備,真的很有趣的回到大埔,因為在九龍城吃了很多餐甜品我建議晚餐吃點輕點兒的於是就帶了老公仔吃魚蛋粉提起大埔魚蛋粉專家相信大家都聽過學利-也是我兒時最喜愛吃的一間魚蛋粉檔已經很久沒來過,原來這裡還有迷你火鍋供應不過,我們當然吃粉麵呢老公仔點了豬肉丸拼魚皮餃粉,而我則點了魚蛋拼水餃粉另外點了一碟炸魚皮炸魚皮先上,拌上一碗清湯將乾身的魚皮撈入清湯,會有"渣"的一聲先令魚皮變得較軟身,較易入口,又不失爽脆拌上清湯,還突出了魚皮的鮮香主角也來到老公仔大讚這裡的豬肉丸,和觀塘的八記有得比而我當然最喜歡這裡的魚蛋,還鈎起我不少童年的回憶呢真的是一個light dinner,而且價錢實惠,值得來臨支持