孖寶車仔麵

营业中

休息中

放假最鐘意行葵廣，貪佢有花多眼亂的餐廳🍴價錢親民又好食，今次黎到以前返學🎒成日食位於葵廣地下傳統老牌麵店「孖寶車仔麵」。可以自由選擇鐘意食既餸，選擇眾多夠大眾化，而且佔兩個鋪位，稍等一陣都已經有位坐。裝潢行懷舊香港風，會見到舊式照片電話等等佈置裝飾。🍜3餸麵套餐（HKD 48)+ 附送熱飲☕️熱奶菜：雞中翼、咖喱魷魚🦑、豬皮加秘製汁配米粉：雞中翼滷得好入味，吾會死咸，雞肉嫩滑焾身，一LUN就輕易拆骨食肉。咖喱魷魚分開呈上，滿滿咖喱汁浸住爽彈水魷，喱汁偏甜，魷魚Q彈，好惹味。豬皮炆得好入味，要讚下個秘製汁，整到好似咖喱咁，但飲落好香，味道較甜，米粉吸收整個湯頭精華，簡單的美味。五香牛雜（HKD 30):香軟白蘿蔔墊底，毫不吝嗇的五香濃郁滷水汁牛肚、牛肺、牛筋、牛腸、淋上芥辣和甜醬，口味偏重，但齒頰留香，最重要係牛雜洗得乾淨，而且唔會太過軟爛。必食小食！記得要加自家製辣菜譜，嗜辣者必食。總結：大眾化多選擇車仔麵葵涌廣場名物

平時成日都黎葵芳廣場食野,今日黎到但又唔想企喺度掃街,所以就去咗地下嗰層搵間有位坐嘅餐廳堂食~///滷水雞髀 $20雞髀好大隻呀滷水味道鹹鹹甜甜,啱啱好都算幾入味^^正~~~~///韮菜豬腸豬紅蘿蔔 $26呢個價錢黎講,我覺得都幾大碗@@蘿蔔幾甜,其他材料味道就正正常常~~湯底幾重胡椒味幾重,我都幾鐘意///三餸車仔麵連熱飲  $48滷水雞翼同滷水蛋都好入味, 幾推介食得辣嘅朋友,建議要試吓佢地自家製嘅秘製辣汁, 好惹味///魚蛋+燒賣 $10+$10魚蛋雖然細細粒,但都幾有咬口,而且陳皮味都幾重燒賣我就覺得同平時冇咩分別~~

#孖寶車仔麵 ⭐️⭐️⭐️⭐️⭐️每次去葵廣都會忍唔住去呢間充滿香港地道風味嘅車仔檔，除咗有車仔麵，仲有我童年回憶腸粉添啊💕真係由細食到大架！唔知你地又有冇同感呢？ ⭕️車仔麵一定要加腩汁好香令成個湯升級⭕️非常多配餸選擇總有一款岩你⭕️個雞翼好正好入味⭕️燒賣好煙韌同腸粉係絕配⭕️魚旦仲要係陳皮魚旦好有風味⭕️價錢親民又抵食⭕️飲品仲有咖啡奶茶唔似其他得汽水紙包總括來講，去葵廣唔好錯過呢間車仔檔！

葵廣入面實在太多好食既小食店，呢間都係其中一間我成日都食既「孖寶車仔麵」因為貪佢行完街好累可以坐係到慢慢食有別於其他小食店😙-金牌碗仔翅入面足料，有哂豬肉絲、雞絲、蛋、冬菇、粉絲！我見好多人都有點返碗-孖寶車仔麵簡左豬大腸、回鍋肉、煎蛋，秘制湯底係我既最愛😍😍今日突然間好多食公仔麵，所以簡左公仔麵底😋😋-燒賣魚肉燒賣好彈牙！撈埋咖哩汁😍😍好正！忍唔住想食多串-陳皮魚蛋陳皮魚蛋既味道實在太有香港風😚係香港既特式小食！配埋秘制咖哩汁太好食啦-凍檸茶熱辣辣飲返杯解渴又消暑

🍜孖寶精選 三餸車仔麵 $48(腩汁) 雞中翼, 咖喱魷魚, 牛腩✔️叫咗手打麵，粗而份量好足，感覺似上海麵✔️雞翼大隻飽滿又唔會太淋👏🏼👏🏼✔️咖喱魷魚貼心地用兜分開上、醬汁好濃味、好滑☺️必點！✔️牛腩、筋好淋又入味、半肥瘦，非常好👍🏻✔️個腩汁湯底甜甜地✔️呢個價錢黎講幾唔錯😙仲包飲品🍲生菜墨魚條湯 $25✔️啲生菜全部切碎晒，正✔️墨魚幾彈牙爽口✔️湯底好清甜🍲韭菜大腸豬肉湯 $26✔️啲蘿蔔好入味！✔️湯底勁鹹香✔️豬紅都入味，冇腥味✔️豬腸幾乾淨，好夾啲菜鋪⚠️必食推介🍗滷水雞髀$20✔️滷水味好濃 唔會過咸✔️好大隻雞髀，20蚊抵啦👍🏻✔️Staff幫我哋剪開3份，方便食-Kwai Chung Cart noodles-Recommended: pig intestine/ Turnip/ pig blood打卡度Igable: 7/10美食度Taste: 7/10 翻兜度 Worth revisiting: 7/10

葵涌廣場一直都是一個飲食小天地，每次經過這檔車仔麵，都忽略了它，有次在一個飲食節目裡，有位藝員提到這檔車仔麵的秘汁非常吸引⋯⋯星期日無聊之際又肚子餓，決定過來一試。店舖其實很細，只是泊牆的幾個舖位。一坐低就專注喺$48 三餸麵點餐紙先選擇醬汁:葱花、清湯、秘製汁、腩汁。而另外粉麵類都很多選擇，甚至可以配腸粉、配飯(加$5)及烏冬或出前一丁,都只是加$3) 都屬於大衆化價錢。枱上面除自助點餐紙外，還是辣菜脯和辣椒油。由於筆者不嗜好辣之人，但車仔麵落少少辣又帶出它的神緒，所以這辣菜脯最適合不過。豬腸、滷水豆腐、魚肉春卷米粉$48~秘製汁很惹味，沙嗲味很出，配上辣菜脯，對於筆者愛小辣嘅人來說，配上米粉，恰到好處。這裡的$48 三餸車仔麵是免費送一杯熱飲，而凍飲加$3, 也是合理費。豬腸分量都算多，少少肥膏、有𡁻頭，惹人討好。滷水豆腐，五香味十足，相當入味。至於魚肉春卷，筆者覺得味道頗濃，但相信學生們會相當喜愛。整體來說:價錢合理大衆化，濃味之中也未覺師傅大駕光臨，吃完沒有口渴之感，所以下次會再試其他選擇。

🍜大眾化之選🍜葵涌廣場最鍾意行，大大小小舖頭多嘢食又多野買，花多眼亂唔知食乜好？朋友介紹如果有興趣食車仔麵，孖寶車仔麵款式多、價錢親民，味道仲有水準添！啱晒我呢個為食貓🤭🥢腸粉:食腸粉我鐘意唔使企喺度食，坐低慢慢嘆，呢度醬汁唔錯，唔係溝水，當然腸粉本身都滑！🥢魚蛋、魚肉春卷、蘿蔔，配油麵:魚蛋是我愛的陳皮魚蛋，魚肉春卷彈牙可口，另外蘿蔔喺夏天來講都可以整到咁甜算唔錯！🥢豬紅、豬皮、冬菇、米粉配秘製辣汁：豬紅質地結實，而且好滑，豬皮都淋身入味，冬菇炆得入味，要讚下個辣汁，幾惹味！🥢生菜魚肉湯：生菜焯得剛剛好，主角魚肉唔腥夠咬口。

孖寶車仔麵已經係葵廣屹立多年啦！如果唔想掃街，想食正餐就可以去孖寶啦～平時黎食三餸麵多，難得今次早起先發現呢到有早餐系列😎不過我都係鍾情佢既麵食🤣最後叫左兩餸麵，加$3就有凍飲跟了每碗跟埋凍飲先$38，又飽又抵食😋

今次去咗試葵廣地下車仔麵 已經好耐冇食過車仔麵喇！車仔麵配油麵先係絕配啊～今次第一次食 試咗佢地個秘製汁 果然無失望車仔麵一嚟到就勁大碗勁豐富 蘿蔔好甜好䭃豬頸肉好好食 一啲都唔難咬又大大塊 好有驚喜豬紅好入味 推薦～ 唔會有種個麵同豬紅係分開嘅感覺牛雜要另加$4 不過好多 食極都有 而且食得出係新鮮嘅！另外嗌左個拼盤 不過食麵已經好飽 所以淨係食左豆腐 蛋 同雞翼都係不過不失～個人覺得車仔麵較吸引～

🇭🇰💛孖寶 良心車仔麵🍲去親葵廣大家都係諗掃街😋😋不過地下個層都有人氣良心車仔麵檔💛舖頭已經佔左幾個舖位 未到7點黎到都已經坐滿店面既姐姐都好熱心幫你🥰入邊勁多餸揀 👩🏻👧🏻諗到頭都爆先揀到🍲三餸車仔麵 (💰$46 跟熱飲 另每款餸再+$81️⃣油麵 沙嗲汁+$2 蘿蔔 醬爆肉丸 牛柏葉 麻吉燒 魚肉春卷2️⃣油麵 秘製汁 蘿蔔 牛雜+4 豬大腸 五香豬頸肉 豬紅🍲一黎到已經見到大大麵車仔麵好正沙嗲汁同秘製汁對比之下👩🏻👧🏻建議大家試秘製汁 少少似咖哩汁令到湯底更濃😍餸麵份量都好多-蘿蔔 清甜無渣 又腍又甜 食係過最好食既車仔麵蘿蔔‼️必食麻吉燒 魚糕質地 包住腍腍既麻糬年糕煙煙韌韌 好有咬口👍🏻推薦魚肉春卷 有兩條 都叫食得出魚肉味豬紅 豬大腸 新鮮唔醒😌牛雜係勁勁勁大份 食極都唔完 牛腩炆得入味👍🏻推薦五香豬頸肉 牛腩 炆到好腍好入味 幾乎唔洗用牙都食到👍🏻推薦🍖滷水拼盤💰$49都幾多款 有齊雞翼 雞腳 雞腎 蛋 雞翼尖 滷豆腐 大大份雞翼 雞腳 蛋🥚各兩隻整體都入味 滷水汁唔會過鹹雞翼算較大隻 不過唔算好突出比較鐘意滷蛋🥚入味幾有彈性唔會腍哂滷水豆腐就有3件 吸哂滷汁 都滑身雞腎有咬口 雞

行街行到有啲累，想搵個位坐下，所以就去咗孖寶食個車仔麵，又有得坐下，又抵食。三餸車仔麵都係$48送熱飲，另外加餸每款$9起。.豬大腸、牛柏葉、牛肚、五香豬頸肉配 米粉 (秘製汁) $57豬大腸洗得乾淨食落有嚼勁，又不會覺得硬，有適量脂肪，味道又夠香；牛柏葉口感爽脆可口；牛肚爽滑十足，味道濃郁；五香豬頸肉夠惹味，食落有咬口。米粉配上湯底秘製汁，味道微辣，有啲似平時咖喱魚蛋的咖喱汁，幾惹味。.蘿蔔、魚肉春卷、滷水豆腐 、牛餐肉配 油麵 (腩汁) $57蘿蔔食落清甜冇渣；魚肉春卷有兩條，大大條，魚味都ok夠彈牙；滷水豆腐滷得夠入味，味道不錯；午餐肉有兩大件，重要係厚切，煎得又幾香口。而油麵食落口感彈牙，加上腩汁同辣菜脯，味道提升左唔少。.凍檸茶+$3、凍奶茶+$3跟餐本身送熱飲，凍飲都只需補返差價，真係好抵，重要大大杯。

每次來親葵廣都幾乎係掃街，好少會坐低食下野，今日真係行到好攰，見到呢度有得坐低食下嘢抖下，價錢又貼地，所以諗都唔使諗就入咗嚟幫襯😁4餸車仔麵，跟餐配埋樽裝豆漿我叫左豬頸肉，牛腩，冬菇同埋韭菜配米粉😁其實四個餸都做得幾好味，當中我覺得比較高分嘅會係豬頸肉，厚切得嚟又夠爽口，韭菜都好香😋米粉入口好滑，而且份量都好多🥰如果唔想食車仔麵，留肚掃街嘅話，都可以輕輕地食個小食😬例如😙$10就嘆到一份腸粉😋芝麻夠香，腸粉入口滑嘟嘟👍🏻滷水豆腐都做得好入味，而且夠熱，$12都好抵食😊

每個禮拜日我都會去葵芳，葵芳真的超多美食！而孖寶車仔麵就是我去得最頻密的一家食店～無他，因為孖寶的滷水雞翼真的會吃上癮，再加帶點甜味的秘製汁、辣菜甫和辣椒油，真的完勝很多車仔麵店！每次揀餸，我都必選雞翼！他們家的雞翼真的超肥美！大大隻又肉嫩～另外我也很愛這裡的豬大腸，吃豬大腸最重要是乾淨，洗走它獨有的騷味，再被特製汁浸泡過，超好吃！推薦不愛大腸的人真的可以試試耶～另外我也點了咖喱魚蛋，第一次吃覺得真的挺辣，但在咀嚼的過程中居然有陳皮味滲透出來！！！通常很多店家因為覺得咖喱味夠濃郁就不會加入陳皮熬煮，覺得食客不會吃得出分別吧？沒想到這裡居然可以找到這種懷舊的陳皮魚蛋味道，超驚喜！！飲品我點了低糖有機豆漿～覺得店家好貼心，低糖耶！！！而且是有機大豆，感覺店家很會選貨呢～

同FOODIE一齊覓食！-最中意食車仔麵！呢度啲裝修好有香港懷舊風味~ -我揀咗招牌麵——有滷水雞翼、豬紅、白蘿蔔、豬皮、陳皮魚蛋、豬大腸、生菜。白蘿蔔醃得好入味，豬紅無任何血腥味，脆卜卜。陳皮魚蛋外皮咬落好香，豬皮同滷水雞翼都好出色。值得一讚仲有個自家製菜脯，撈埋車仔麵食好正！！！-碗仔翅好鬼足料，水魷魚啲咖喱汁太正啦我全部lam曬！-呢度啲腸粉都好出名，我見到好多人外賣。因為我懶，所以費事外賣啦，堂食就算。不過呢度唔係太好坐，座位唔算多。

晚市下餐廳四處都滿座, 唯有這間車仔麵的食店尚有座位。馬上上前點餐, 餓了整天的我沒注意餐牌的選擇, 隨意選了雲吞麵就找個位置坐下來。安頓好後再看一下餐牌才發現選個三餸的組合可送飲品, 可是廚房已在制作中, 不能改單。等了好一會麵沒有上, 詢問店員下才知他們把我的餐當成了外賣的放在門外。第一眼看到雲吞皮內透著菜綠色, 記得雲吞應該只有豬肉和蝦肉兩種材料, 有菜類的餃絕不會稱為"雲吞"。再問一下店員他們說這是他們店的特色, 跟一般的有分別, 我也只好接受了。這雲吞的成份是切碎的菜與免治豬肉混成的餡料, 說白一點這是叫"菜肉餃... 不過各家各店也有自己的營運特色, 也不作深究了。餃內的餡料非常豐富, 皮也包得十分穩妥, 咬口十足, 明顯是自家店內包製。五大粒雲吞放在碗內份量不會少, 還有一兩條生菜作伴, 算是不錯。吃麵時也放了些榨菜, 同樣地都是他們自己醃製, 辣勁不算強而且帶點微鹹。我對這類自家經營的麵店是十分支持, 可是初次到來才認識到"雲吞"有各自認知上的分別。撇除這點外整體而言算是不錯, 希望店員在下單時能提點一下他們的特色與餐牌的選擇。