孖寶車仔麵

营业中

休息中

葵廣除左有得掃街，地下都有間車仔麵街坊老店超多人食🤩次次經過都坐滿晒，仲好多人外賣添！（夜晚黎食多人到堂食都要用外賣碗呀😂）好耐之前已經食過，價錢親民之餘都幾飽肚，除左車仔麵，私心推介佢地嘅腸粉添😎🔸 車仔麵（3餸HK$48）呢個價錢真係好平價，仲送熱餐飲😝餸嘅款式都好多選擇，今次我地2個分別叫左花枝丸、冬菇、午餐肉、魚肉春卷、魚片頭痛買滷水豆腐！特別鍾意花枝丸大大粒好彈牙、而午餐肉係有煎過，食落更香口、滷水豆腐都好入味又大塊😋而湯底推介腩汁啦，好香牛腩味，成碗食完好滿足呢😆🔸 腸粉+辣魚蛋（HK$20）另外加左啲小食，腸粉係超驚喜呀，入口好滑😍配埋辣魚蛋好match呀

葵廣除左可以掃街之外，正正經經坐低食返餐都有唔少選擇，今晚就黎左呢間印象中屹立左好耐既孖寶試下☺️六點半黎到已經人頭湧湧😯不過店員會幫忙安排入座唔駛自己亂咁搵位👍👍車仔麵配料同麵底都有好多選擇，唔食麵既話仲可以配腸粉或者飯👍我叫左蘿蔔，麻吉燒，五香豬頸肉飯（少飯）配孖寶辣汁小辣，熱柑桔蜜同十蚊腸份～蘿蔔清甜夠淋無渣😋麻吉燒即係魚漿裡面包住麻糬，係我不嬲都好中意食既野但唔多地方有，呢度竟然俾我見到！👏外層彈牙，裡面煙韌，非常有口感🤤豬頸肉好入味，香料味重唔會過鹹，肥瘦適中，肉質有嚼勁得黎完全唔韌，好食😋小辣辣汁既辣度對我黎講都辣左少少🙈😂 但真係好香同好惹味，的確係好食既！👍(辣菜莆都真係幾辣但同樣好食🤣)柑桔蜜係呢D轉涼既天氣潤下喉嚨非常唔錯😇腸份係充滿兒時回憶既混醬腸粉😍口感夠滑，十蚊三條好抵食！👏有時食下呢啲簡單傳統既香港特式野食已經令人好滿足😋😚

葵芳出名平民聚腳地，集天下美食於這個特別的葵涌廣場，行街經過常被吸引，由少到大都喜歡掃街。辣魚蛋、魚肉翅、燒賣…… 都是最愛，所以耐唔時便要來走走，滿足一下口慾。不過今日係特別為佢而來，就係「孖寶車仔麵」，真心好耐冇食過車仔麵啦，今日點都要忍口吾食其他，就係要食車仔麵。今日選了油麵、豬皮、牛腩、黑椒牛丸、魚皮餃、韮菜走唔甩 …. 不會太誇張吧，其實真係樣樣都想吃。牛腩炆得入味、豬皮夠淋，吸收牛腩汁，入口即化。配埋爽皮魚皮餃同彈牙黑椒牛丸，正到無朋友。其實見到別人吃腸粉燒賣魚肉翅，真心正到流哂口水！都好想食，可惜個肚無本事！唯有下次再來試！加埋杯熱奶茶，呢種港式情懷希望可以保存下去。

Can’t expect I can still find a good bowl of local fake shark fin soup of cheap price!🦈🐷overall: 7/10🦈Fake shark fin soupStill remember when I was young, my mom always brought me to small local food stalls at streetside. Though you may think that’s quite unhygienic, these epic memories represent really nostalgic cuisine that I can hardly find again these days. But this fake shark fin soup really reminds me of the old pretty memories (yah, of eating lol) Rich in flavour, after adding a spoonful o

每逢放工後，又唔想返屋企之前嘅唞氣位，都會去葵涌廣場，而孖寶車仔麵係我嘅至愛之選。佢哋有好多款選擇，套餐可以選三款餸，加嘢飲，只不過$48 ，次次都好足了。而讓我常常吃回頭草的，就是這款招牌面，都係$48 ，樣樣有啲，份量啱啱好，有魚蛋，豬紅，雞翼，豬皮，蘿蔔，豬大腸 … 全部都好好味，連我不太喜愛的蘿蔔都超甜，每次都大滿足地離開。有時我也會買外賣魚肉生菜，也是我的不二之選，不過最近的份量好像少了一點。 Anyway, 全部價錢合理，沒有花架。不過一提，地方不大，座位狹窄，常常要縮着身吃，快吃快走。

第一次食 點咗牛肚＋鹵豆腐＋ 豬皮＋手工麵 ＄48包杯熱飲, 凍飲要加$3。 牛肚係淋，但又覺得太淋咗啲。 鹵豆腐係入味，但又覺得甜咗啲 。豬皮幾好。 手工麵只係好似上海粗麵咁，冇話特別好食。車仔麵嚟講佢係合格 但唔算好食。

最愛呢度既秘制汁同孖寶辣汁，雖然係車仔麵，野食都係平時食開車仔麵嗰啲食材，但係加左個汁就好好食。平時食開孖寶辣汁加秘制汁，不過因為生左太多暗瘡，所以今次冇加到辣汁。夢白好甜，豬紅同大腸都好好味！

🦋🦋每次嚟葵芳shopping我都🎀🎀會鍾意呢葵廣呢個商場地下嘅一間車仔麵舖 因為佢啲嘢食好味之餘價錢非常大眾化 最出色係車仔麵同埋腸粉 車仔麵嘅餸多達四五十款 你想食乜嘢都有可以 配搭不同嘅 麵食 所以呢啲街坊小店真係要支持一下 嚟到我必嗌嘅就係十蚊一碟嘅腸粉非常之華再配上最鍾意嘅甜醬豉油真係兒時回憶呀 另外嗌咗個招牌車仔麵裏面有豬皮豬紅陳皮魚蛋大腸蘿蔔咁樣我咪得非常之林好少食嘅烏冬真係好飽肚 我嗌咗個時得鳳爪做小食 飲品方面梗係我有我最愛嘅凍檸茶同埋呢度非常之入味嘅熱奶茶冬天呀嚟飲呢個熱奶茶真係暖笠笠呀 我真係感覺非常之似大媽好親切咁幫你落單呀寫嘢咁樣 呢度有好少喺車仔麵見到嘅嘢食例如係麻吉燒醬爆肉丸魚肉春捲回鍋肉咁樣仲有豬油渣添 重開到十點.. 外賣到十二點呀真係唔怕夜晚冇嘢食呀做 葵芳嘅街坊真係好幸福

又來葵廣孖寶開餐啦，要係葵廣揀好食車仔麵只此一間，曾經試過由早餐的腸粉燒賣、下午茶的滷水雞肶，到夜晚車仔麵全日都係食孖寶，諗返去都有D誇張。三餸車仔麵$48，另加餸每樣+$9，另外推介要加佢地的秘製汁+3，人妻我就叫左豬大腸、蘿蔔、滷水豆腐、牛雜(+4)一碗好食的車仔麵就算得自己食都有種滿足感，豬大腸乾淨厚身，加埋秘製汁手機食先都非常吸引，蘿蔔更加就好抵讚，本身咬落去有甜度再加辣汁，惹味好食。至於滷水豆腐吸汁鬆化，啖啖軟綿，自家滷水每次都令我特別滿意，而難得唔係每間車仔麵都有的，一定要叫牛雜，煮得軟淋好味。腐竹白果雞蛋糖水 $20超抵食的一個糖水，原隻雞蛋加落大碗腐竹之中，數粒白果作伴，雖然唔算係一個特別濃腐竹味的糖水，但以車仔麵求能夠食到個飯後甜品是值得推介。下次再來要試下其他配搭，但要記得長期受街坊歡迎的孖寶，繁忙時間攞位可能要等一等。

葵涌廣場呢間車仔麵長期多人 今日經過啱啱有啲肚餓決定食佢叫咗個午餐肉 生菜 牛腩 豬腩肉配米線 再配凍檸茶 因為太肚餓嘅關係再要多隻滷水雞脾特別一提係佢40幾蚊一個車仔麵來講 有咁多配料實屬難得仲要樣樣唔係得一件係有兩三件 而且仲有幾個湯底揀 例如牛腩汁 秘製辣汁或者清湯 仲要麵底都有成差唔多10款俾你選擇 仲有餸有成幾十款 其實我都揀咗好耐先揀得到 米線都好高質素 一啲都唔求其而且份量都唔細 滷水雞髀好入味下次一定會試埋其他小食

Happy Friday但男友要返工，我又唔想咁早返屋企🙈 就一條友去左好多野行又好多野食價錢又親民既葵涌廣場遊盪😂晚飯黎左地下既孖寶解決，好多選擇眼花撩亂😵最後我叫左四餸牛腩，牛肚，蘿蔔，冬菇跟飯配秘製汁飲熱檸蜜(檸蜜唔駛加錢😁👏)，小食腸粉加滷水蛋🙊牛腩牛肚好入味，肉質唔錯👍蘿蔔夠淋無渣兼勁甜！！😱 秋冬果然係食白蘿蔔既好時機😆秘製汁似係稀版既咖哩，唔辣但幾香，幾好撈飯😋有得坐低食既十蚊三條腸粉除左呢度都唔知邊度仲搵到lu😮😮滑溜溜既混醬腸粉係好多香港人既童年回憶😚呢個價錢真係抵到爛無得輸！👏🏻我本身好中意食雞蛋，無論係煎蛋炒蛋蒸水蛋滷蛋定茶葉蛋我都岩😆尤其中意醃製過蛋白口感變到偏硬既滷水同茶葉蛋😋 呢度既滷水蛋可能太入味所以有點過鹹😂但口感同硬度係好食既！😁一條友食飯都食到好開心好滿足，仲買到滿載而歸先返屋企🤣🤣

呢間由細食到大嘅葵廣車仔麵，成日都大排長龍，今日同朋友行完葵廣決定幫襯下呢間車仔麵舖好多選擇，有車仔麵、街頭小食、油渣麵等等，味道地道，價錢非當親民枱面仲有菜莆任你食，唔洗額外收錢，好有人情味今日同朋友各自叫左個車仔麵套餐，$48三餸包一款麵連飲品，凍飲就加$3我同朋友叫左一罐同凍奶茶，正，罐裝都係加$3我叫左醬爆肉丸，魚肉春卷同生菜，餸量好多而且好正啊，菜起碼都有成6-7塊，麵就加$3要左出前一丁，邪惡一下。另外加左$3試下佢個沙爹汁，好惹味我朋友係秘製汁嘅fans，次次黎都係食秘製汁，我偷左一啖黎試，好開胃啊佢叫左牛肚、醬爆肉丸、五香豬頸肉、牛腩同粗麵，牛肚好爽口入味，個秒製汁好夾肉類餸，正總結，葵廣必試車仔麵店，店員好熱情，特別係待應哥哥，有問必答，仲要好有耐性，加分

孖寶車仔麵————————————————————— 1. 魚肉春卷、香煎午餐肉、冬菇、生菜 配河粉(加腩汁)河粉好滑好好食，我叫完之後仲聽到姐姐話河粉賣完，睇嚟都幾多人叫，魚肉春卷有啲腐皮包住，幾好味，午餐肉勁厚切，冬菇似係啲細粒嘅花菇仔，加咗腩汁成碗嘢再好食啲。2. 牛肚、牛腩、豬大腸、韭菜 配粗麵(加秘制汁)牛肚夠淋，牛腩好入味，豬腸冇膻味，餸嘅份量都唔少同埋佢個粗麵唔會好重鹼水味。💸$48 三餸包熱飲，額外加餸就$9一個，勁大碗，好飽。總結，車仔麵嚟講，水準好平均，冇伏嘢。————————————————————— 孖寶車仔麵📍葵芳葵富路7號葵涌廣場地下A15號舖

嚟到葵廣真係有好多野食選擇，唔掃街嘅話餐廳都有一大堆可以揀。最後嚟咗良心小店孖寶車仔麵💛一坐低梗係即刻填紙仔啦，佢都幫我哋計好咗如果俾人罰$5000倒不如食100碗車仔麵我就叫咗湯米粉，朋友叫咗撈油麵。我哋都有加秘製辣汁其實每次食車仔麵都好想叫好多餸，魚旦豬皮豬紅冬菇諗起麵好想食最後因為我想食多啲菜就叫咗滷水豆腐，蘿蔔，生菜。一開始我以為滷水豆腐會係好似滷水鵝下面個啲咁，點知佢比個啲更加好食。首先佢係熱，其次佢啲豆腐係硬豆腐入邊有好多氣孔，索哂啲滷水汁同湯汁，一咬落去佢哋即刻好似係個口入邊開party咁一路食一路忍唔住大讚。蘿蔔仲誇張，又甜又多汁，煮得又夠淋有時候出去食車仔麵叫三餸每樣都得一兩舊，但呢到就唔係，雖然$50食碗車仔麵都唔算平，但味道同份量搭夠返，食完都覺得呢50幾蚊好抵比同埋佢個秘製辣汁真係好抵加，簡直令到碗麵昇華咗去第個level

多年前好鐘意去呢個商場地下食車仔麵、腸粉、燒賣. 而家呢間個鋪位唔同咗、又細咗，唔知仲係咪同一個老闆。50蚊左右一碗車仔麵加一杯嘢飲（偏細杯）。坐得極迫。我叫咗牛雜豬紅蘿蔔。大部分味道同質感都正常地可口。如果下次再去呢個商場，可能會試下其他。但今次因為好耐冇食車仔麵都冇後悔去到。