孖寶車仔麵

营业中

休息中

今日成5點先食lunch🥹 一落shuttle肚餓到😂 見到孖寶車仔麵就狂叫😂 下午茶餐 (三餸配腸粉 凍鴛鴦 $45)三餸有五香豬頸肉 豬紅 醬爆肉丸😆豬紅真係好有口感，唔同其他好淋，好煙煙韌韌咁😋最中意食呢間🤪 五香豬頸肉好林，油脂分泌平均(好似講到食緊牛咁😂) 有餡料嘅肉丸依家好難搵，街市都好難買到生菜🥬墨魚條湯 $25 - 同魚肉湯唔同，有啲似食緊條形嘅墨魚丸，幾得意，第一次食😆燒賣 $10 - 7粒，好抵食😆

車仔麵真係我自己嘅童年回憶下，平時有時間嘅時候都會好想搵一間有質素嘅車仔麵食飯，於是今日就去咗呢一間孖寶車仔麵呀！呢一度嘅車仔麵都算好抵食，而且$48有三個餸唔算係好唔錯，我自己好鍾意食呢一度嘅咖喱魷魚，咖喱汁非常之香濃！

作為成日係葵廣行的人來講，對孖寶車仔麵一定唔會陌生。同老公間唔中都會食下，主要係實在太多人食，平時懶得等位。唉，好多年無見過條街咁小人。真係多謝晒。經過見有位就入去支持下先。裝修都有d心思。坐低叫碗車仔麵先！枱上有醬料同菜甫任加。辣菜甫好好味，每次都食好多。我的" 辣魚蛋牛肚咖哩魷魚河"($48跟熱飲) 辣魚蛋正常，牛肚好入味，必食咖喱魷魚！當你食緊碗熱辣辣的粉麵，夾一塊冰凍的咖喱魷魚~ 簡直係享受！老公的" 蘿蔔雞中翼牛腩油麵"($48跟熱飲)蘿蔔同雞翼都係正常車仔麵水平，牛腩肉質粗左小小。奶茶試下孖寶的奶茶，跟餐熱飲唔洗加錢，細細杯，都算ok。基本上每次人太多都係來去沖沖，今次有機會影下menu, 先發現原來除左車仔麵都重有幾多嘢食，下次想試下碗仔翅。

一間其貌不揚的車仔麵檔，但每次嚟都俾到我驚喜⋯今日試食3餸車仔麵，加送熱檸檬茶，共銀$48⋯餸有豬皮、好入味同吸收曬D湯汁，好味！豬大腸得剛剛好，唔太靭而且清潔得乾淨，同咖喱魷魚，這個是我致愛，有兒時回憶嘅味道，其實每樣食品都唔錯味道，唯獨檸檬茶底，茶味唔夠⋯$48咁嘅價錢，真係冇投訴⋯ ✌🏻

之前同媽媽行開葵涌廣場，到 lunch嘅時候媽媽話想食粉面，我就即刻諗起孖寶車仔麵，所以帶佢去食。牛腩，好腍好入味，正！菜肉雲吞，大大粒，入面的菜配搭埋香濃嘅肉味，唔錯～魚肉春卷，有魚肉香味，好好食 👍🏻河粉加埋秘製汁好惹味～醬爆肉丸，一咬落去入面香濃嘅肉汁就爆出黎！雞中翼，炆到好入味嘅雞中翼，我中意豬頸肉，肥瘦適中嘅豬頸肉，無論味道定口感都好好～沙爹牛肉，香濃嘅醬汁加上嫩滑嘅牛肉真係無得輸！熱鴛鴦，咖啡加奶茶嘅比例都幾好，飲到咖啡同埋奶茶嘅香水蜜桃纖蜜，入面真係有一粒粒嘅水蜜桃，每一啖都飲到水蜜桃嘅幽香

多年食都不會膩的車仔麵孖寶車仔麵車仔麵下午茶$42任選三款餸free杯熱飲先講湯底鮮甜美味😉滷水雞翼係最令我印象深刻 雞肉夠鮮甜又滷得夠入味👍🏻白蘿蔔好鮮甜、麵底選出前一丁果然無選錯 零整碗車仔麵充滿麻油香味 份量唔算多 女士應該剛剛好招牌腸粉$10/3條 足料醬汁甜醬麻將豉油調配好好😋推薦飲品： 豆漿係低糖樽裝如車仔麵麻辣 解辣一流麵同餸選擇很多賣相很好車仔麵同腸粉好味😋環境整潔出餐算快座位數量亦很多

喺車仔麵界來講葵涌廣場呢間孖寶車仔麵一定係全港top 3 我諗葵青區呢間一定係無人不曉 經濟貼地大件夾抵食嘅車仔麵 呢間車仔麵店咩時間都長期勁多人 佢嘅選擇非常之多 今次試咗佢個滷水雞髀 嘩 果然非常入味 而且非常大隻都係$20 仲有食咗佢一碗牛雜成兜大大碗都係$30 個滷水汁好濃郁 牛雜份量非常之多 另外散叫一個魚肉春卷同埋生菜加汁 超級好味唔怪得呢間咁多人食 雖然價錢平但係佢一啲都唔揸流攤 份量大到一個人根本食唔晒 配埋個凍檸茶簡直係完美

成日經過葵廣地下都見到呢間車仔麵好多人，星期六下午三點幾都仲有好多檯full，堂食同外賣生意一樣多～同朋友叫左一人一碗$48三餸車仔麵，仲包一杯熱飲 呢個價錢真係快靚正😍朋友個碗揀左手工麵做底，仲粗身過烏冬 好煙韌有少少似上海粗麵，配左豬頸肉、魚肉春卷、咖喱魷魚🦑 就算三餸都唔會每款得1-2舊，份量都算唔錯 咖喱汁撈埋個麵小小辣，而春卷都微微煎過比較香口～我就揀左車仔麵必食既油麵作底，可惜煮得太耐所以淋左，湯底加左$3試孖寶小辣 初頭覺得唔算好辣 點知越食越辣都好過癮🔥 餸就揀左蘿蔔有4大舊，煲得好甜同好淋超正，另外墨魚條出面都比較少有幾得意同彈牙，麵筋索晒d辣汁又係邪惡到爆炸！最後唔夠喉仲要左兩款小食：燒賣+魚蛋total $20 估唔到燒賣好軟糯配埋辣汁好正，而魚蛋就細細粒質感比較實同埋重陳皮味 我就一般不過朋友就好鍾意陳皮🤔 下次想試埋佢個腸粉 好似好多人都讚夠滑夠香！

今日放工要到葵芳交收，因為我太耐無嚟葵涌廣場，順便行下搵嘢食，落到地下行下行下就見到呢檔車仔麵，坐滿哂食客，心想，應該食得過就入去食。我覺得車仔麵的精粹講求配菜的質素，這間車仔麵就是帶給你所需要。我試左牛腩，羅白，午餐肉，豆卜。朋友揀左 魚肉春卷，蘿蔔，魚皮餃，當然食油麵。特別要讚的是它的祕制醬汁，其他店鋪食吾到。好味得嚟又唔喊，辣度適中，食完返屋企都無話口渴要飲水，👍👍除左車仔麵，另外都有其他嘢食，如腸粉，腐竹蛋糖水，蕃薯糖水，連糯米雞都有。另外有一啲特式麵，啱哂啲選擇困難症嘅人唔駛左揀右揀。呢間車仔麵上菜快，坐位算闊落。整體滿意，性價比高，會推薦比朋友。

呢間鋪永遠都係咁多人😂 嚟呢度食小食一流，平時返工經過呢度會叫腸粉燒賣食☺️ 今日有得早收工去食個豐富嘅下午茶☕️ 叫咗個韭菜大腸豬紅湯 $26 - 呢一個我覺得係必食，佢個胡椒底嘅湯，令到所有嘢都升華咗，蘿蔔同豬紅都好正😋三餸麵(麵我轉左腸粉，仲要同佢講只係要兩條🌝，費事浪費呀嘛)仲配左個茶走 $42 - 最好就係可以轉做腸粉，因為我淨係想食餸😛 叫咗醬爆肉丸、五香豬頸肉同香煎午餐肉！大家一定要食豬頸肉，我覺得好好食🤤 杯茶都好好飲☺️

街坊系列 – 孖寶車仔麵 💛一波接一波😮‍💨好似準備會有第5波但小編唔會忘記第一,二波最難捱既日子🥺搵個口罩都搵唔到時💛好多黃店都出手相助而孖寶果時更係無償幫助左真。香港人唔少💯------------------------------環境: 位於人流極旺既葵涌廣場地下🥳人來人往係必然的😂氣氛非常熱鬧枱椅係大排檔式風格💁🏻‍♀️夠哂有親切感枱之間有點逼😅但放好哂隔板保持距離------------------------------食物: 3餸麵套餐 ($48) 🍜湯底正常🤤加上秘制醬汁會香好多份量都幾大碗😮食完都會幾飽菜肉雲吞🥟皮薄,餡料夠多,味道幾好豬血🐷口感軟滑Q彈,味道稍淡回鍋肉🐷雖然係有筍片,但係個切法小編覺得似五香肉丁多啲😆味道正常3餸腸粉套餐 ($48) 🍥腸粉🍚米香味正常,入口夠哂幼滑醬汁調味岩岩好😋唔會搶走腸粉本身味道雞中翼🐥滷得非常入味,肉質鮮嫰每隻都係大大隻😋食落啖啖肉魚肉春卷🐟味道正正常常五香豬頸肉🐷油脂香豐富,入口爽脆魚肉碗仔翅 ($23) 🍲份量都幾多🥰雙溝黎講都幾多魚肉而且都幾足料😊有唔少肉絲,冬菇絲等味道正常🤏🏼口感稍為”杰”左少少凍檸檬茶 (套餐+$3

葵涌廣場地下嘅一間車仔麵舖平時去葵涌廣場都直接上去d 小店度搵野食, 好少行地下呢層今日咁岩係附近行下, 發覺地下都有唔少餐廳, 不過就主食為主, 食麵比較多行入葵廣地下嗰層，直行冇耐就見到呢間車仔麵檔經過見到餐牌價錢都非常大眾化 d食物擺曬係當眼處 經過就會見到 店舖分兩邊營運，一邊係煮食廚房，一邊係座位有少少傳統既味道最出色係車仔麵同埋腸粉車仔麵嘅餸多到數唔到基本上你想食既都會有叫左招牌麵樣樣有齊 一次食過曬唔同既野 唔洗揀黎揀去

葵廣除左好多小食店可以掃街之外最底層都有間車仔麵係黃店💛💛 如果唔想逐間小店慢慢揾或者想坐低食既話呢間絕對係抵食飽肚之選👍🏻👍🏻 三餸車仔麵連熱飲 $48 (加餸每個另加$9)7.5分🥰🥰蘿蔔+牛腩+香煎午餐肉+魚肉春卷 米粉 (腩汁) 配凍朱古力個湯底望落冇乜色咁，初頭都驚係伏但飲左啖，係足味既！唔錯！😋😋蘿蔔超級甜同冇渣！仲好入味！大推！🤤🤤牛腩偏肥，但份量唔少，都抵食香煎午餐肉正常發揮，唔會係梅梅地林林地個種魚肉春卷味道一般，唔推介呢個，建議大家試其他餸好過🙈🙈 朱古力有驚喜！飲得出落左超多粉，好濃味！🤯🤯唔係平時茶記飲個啲朱古力水 滷水雞脾 $20 🍗🍗8分隻雞脾好大隻肉質都幾滑，而且好入味！😍😍如果可以再淋啲就完美今時今日，大x樂一個雞脾下午茶都四十幾蚊呢隻脾仲要大隻勁多冇得輸！🤩🤩 墨魚條碗仔翅 $25 🍲🍲8分性價比極高大大碗先$25，仲要好足料☺️☺️平時去掃街，買完仲要企係條街食，都唔只呢個價個碗仔翅好好味😍😍反而墨魚條冇乜味個人認為叫淨翅/試下魚肉翅會好啲🙈🙈好可愛既MENU

嚟到葵廣覓食就唔一定要掃街嘅，仲有好多可以坐定定慢慢歎嘅餐廳揀㗎！例如呢間屹立多年不倒嘅車仔麵老店就係其中長期人氣高企嘅選擇喇～😃▶️ 3餸麵套餐 $48 | 送熱餐飲🍜 墨丸×龍蝦丸×牛肚×油麵；清湯+蔥花 | ☕ 阿華田💯 評分：🌕🌕🌕🌕🌑 (4/5)💬 墨丸都算彈牙，味道正常。龍蝦丸大大粒，十分足料！牛肚咬落夠腍，亦冇乜筋，麵質又唔油膩，爽滑掛湯。清湯已經幾濃，超級大碗～😋檔口keep住客似雲來，要食記得預早啲排隊！即使生意多到冇停手，店員依然笑面迎人咁同你吹水。果然係高質嘅良心商家，同路人請多多支持～😉

很久無分享車仔麵的食評。我間中會去麵店，享受吃車仔麵帶來的樂趣🐥可惜，平常吃的湯麵感覺平平無奇，很難有分享的理由和動力🙈不過，今次去的車仔麵店，感覺吸引，燃起我對車仔麵的追求😍👏🏻👏🏻環境🌴葵廣空間不算太大，但餐廳有幾個舖位，能容納不少食客。餐廳牆上掛上舊時香港的相片和口號，有一種特別的親切感，別具本土情懷🏙食物🥟這間車仔麵店其中一樣特別之處，就是除了平時常見的粉麵之外，還可以選擇飯、腸粉代替麵底，適合不想吃麵，但又想品嘗不同配料的客人☺️🍜$48 3餸車仔麵配飲品，是餐廳客人最普遍的選擇，除此之外，亦有特定粉麵提供，迎合不同客人需要🍲1. 孖寶招牌麵：油麵配豬皮、魚蛋、豬紅、白蘿蔔、豬腸、秘製汁，另加$13咖喱魷魚（$48+$13）🔸 豬皮口感爽口，外表晶瑩剔透；最重要的，是豬的毛脫得非常乾淨，因為平時見到部份麵店的豬皮剃剩一兩條豬毛，影響食慾☹️🔸 魚蛋非常彈牙，餐廳選用了陳皮魚蛋，所以有濃香陳皮味😋加上少少辣汁，辣味剛剛好之餘，又不會搶去魚蛋的魚味。不錯不錯👍🏼🔸 豬紅份量多，爽口味美😙🔸 白蘿蔔煮得軟淋，而且味道鮮甜沒有渣😌🔸 豬腸軟為細件，但感覺爽口無異味😛🔸 咖哩魷魚🦑：魷魚是