孖啡 (已結業)

同朋友上左油麻地一間樓上cafe食晚飯，咁耐無見，坐底慢慢傾下計，這間Double Cafe地方很大，座位舒適。主要食晚餐，另外還有些小食。朋友想食凱撒沙律做前菜，可惜無得散叫，一定要跟餐，沙律菜份量甚多，有些煙肉碎、番茄仔、麵包粒及巴馬芝士，對女士來說，這個主菜都夠飽肚又健康。我叫的藍莓果茶，初時味道比較淡，但越飲越濃味，而且帶酸，非常消滯。朋友的芒果奶昔，表面的忌廉感覺比較油膩，但她說不算太甜。另外還叫了個鮮茄焗豬扒飯，豬扒厚肉大塊而且很腍，有肉汁及咬口，飯底沒有炒過，不過飯粒尚算爽口，茄汁夠酸，味道令人開胃。忌廉煙三文魚配天使麵，天使麵不會煮得太腍，有些蘑菇片及洋葱一起混合在天使麵中，加上忌廉汁份量適中，不多不少，整體很creamy，加埋煙三文魚咸鮮味，味道絕對有驚喜，而且價錢比外面西餐廳更化算。原來經OpenRice book位送小食一份，每位各一件春卷及咖哩角，炸得幾脆，認真抵食。

藍苺花果茶HK$56肚子餓了，點了黑松露意什菌大利飯，最初以為樓上cafe食物質素都是一般的啦⋯⋯誰不知味道卻出乎意料之外，有水準。飯粒充滿著濃稠的松露忌廉汁，每啖散發著松露的香氣在囗腔內回蕩。什菌份量頗多，豐富了口感質感。

放工前收到同事群組話去聚餐, 搵地方都係由我負責。馬上到OPENRICE搵搵, 同事想係旺角中心地帶, 方便放工過去同埋回家方便。最後搵到, 可以網上訂位十分方便, 而且訂位講明有小食送…..雖然最後竟然忘記左……. >.<致電過去查詢話無限時任坐, 實在太好了。地點係油麻地及旺角中間位置, 如果坐港鐵係油麻地站會近少少, 亦係潮流特區斜對面, 十分易搵。上到去CAFÉ燈光較暗, 傢私大多以黑色為主, 所以和同事合照都唔太清。睇睇餐牌, 晚餐由$88-$104, 有主菜及包$38飲品一杯。飲品很多選擇, 而且飲品名都好得意, 我地都各點了一杯。焗吞拿魚天使麵 $94卡邦尼長通粉 $98煙三文魚天使麵 $108黑松露意大利飯 $114黑松露薯條 $48心太軟+雪糕(跟餐) $28芝士蛋糕(跟餐) $28飲品 :力量 $48皇帝 $48命運之輪 $48熱藍莓果茶 $56焗吞拿魚天使麵味道不錯, 吞拿魚很多, 啖啖充滿吞拿魚卡邦尼長通粉有些失望, 而且整體感覺很普通, $98真係唔值煙三文魚天使麵擺放很靚, 醬汁很多, 有很多洋蔥片及磨菇片, 好味 !黑松露意大利飯4個主菜之

在旺角的西餐廳，又可食西餐、飲咖啡... 叫孖啡，店內好多闊身舒服的座椅，見食客傾講同食野，是能坐底消閒好地方。日式黑椒牛柳粒飯，牛柳粒是正宗的燒法，見好食的條件佢都有，例如：牛柳熟度夠鮮嫩、黑椒味很正....意式肉丸天使麵，咬落肉丸野味，天使麵又滑身，配合汁料是令我好想食哂佢。特式拼盤，有香雞翼夠味道，春卷是熱身香口，薯菜就唔可以少食.....沙冰是飲料中像冰淇淋般吸引人，我們叫了芒果沙冰同蜜桃沙冰，飲時見冷凍感。

終於考完試， 一完咗即刻搭車去食飯！！ 今次嚟咗油麻地呢間樓上cafe， 個名叫孖啡😆 又改得幾得意喎， 同朋友一齊上嚟食下野傾下偈相信都係一個幾好既叉電地方！午市時間來叫套餐平得多， 四個女仔一齊share食， 梗係叫幾樣主食分享下。卡邦尼醬汁調較得幾好， 有適量忌廉嘅味道又唔會太膩， 尤其係加咗煙肉粒， 令醬汁多了一份鹹香， 層次更豐富， 通粉質地都算有口感，是中上貨質 ( 我最怕食到一pat pat嘅意粉或通粉)， 整體分量算幾多， 以樓上cafe嘅價錢可以接受。 去任何一間cafe叫牛角包通常係優質之選， 呢個牛角包熱辣辣， 外皮鬆脆，充滿牛油香， 中間加入黑椒牛肉同埋爽脆嘅生菜片。我哋仲叫咗一個特色拼盤！ 全部係炸物...不過一人食得幾件就唔理咁多啦， 多人一齊分享嘅好處就係每樣可以試試!拼盤都有幾多唔同款既炸物， 魚手指炸得幾鬆脆， 裏面嘅魚肉熱辣辣又鬆軟， 都幾有魚柳香味。薯角都整得幾出色， 裡面薯仔質地幾軟綿綿😜蟹籽丸都係炸嘅， 裏面嘅醬汁好有鮮味， 唔點茄汁或沙律醬會好食啲😆食咗咁多重口味嘅嘢，點都要飲返啲茶消下滯~叫咗一壺紅莓果茶， 雖然見唔到有明顯杲肉粒，但一倒

完SEM就要慢慢坐咁LUNCH~樓上CAFE 主菜質素唔會太大差距，但甜品同飲品水準真係可以影響到你幫唔幫襯佢。所以今次破例先寫甜品。人生第一個心太軟係喺7-11食，第二個就係喺孖啡。雲尼嗱雪糕當然唔係自製，但廚師好貼心咁烘熱咗隻碟，又喺雪糕底墊cream隔熱，製作認真抵讚~心太軟外層脆脆地，用匙羮整開佢聽到脆皮聲！朱古力火山爆發！蛋糕內層濕潤，外層香脆。朱古力漿加入牛油，食落唔會過甜，仲有拖肥糖嘅感覺。好正！芝士蛋糕雲尼嗱味重咗啲，唔太啱我口味。沙冰打得夠smooth，未飲都聞到荔枝香，飲落都係荔枝甜味，菠蘿味就唔夠出，但幾好飲。朋友點嘅花茶。杯仔細細慢慢歎~份量超級大！一班FD嚟可以考慮唔人人點餐。正價飲品再SHARE一兩個餐都有著數。黑松露幾濃陏，飯都夠晒濕潤同重忌廉味。白汁比松露飯鹹少少，同樣足料。食到我哋肚漲漲咁走~孖啡係我去過嘅CAFE入面算係數一數二咁大。坐得舒服，乾淨企理，仲有幾部大電視。

今天返工忙到不得了，由朝做到晚，攰到吾想郁，同事們説真係要找個地方休息一下，食個晚餐，有位同事提議去旺角的孖啡餐廳，他説這裡有舒適的環境給我們休息，也有美味的晚餐供應，邊食邊休息，又可傾下計，是聚會的好地方！ 我們不約而同的說好！我們order左晚餐，主菜、包一杯$38的飲品，加$28就有芝士蛋糕或心太軟十雪糕。芒果沙冰：芒果味十足，不會好甜，冰凍解渴！忌廉煙三文魚配天使麵：煙三文魚新鮮入味，砌成一朵美麗的花朵，放在沾滿忌廉汁的天使麵上，賣相相當美，味道creamy，好味！荔枝菠蘿沙冰：荔枝味加菠蘿味，好特別喔，像荔枝味比較多，不錯！鮮茄焗豬扒飯：大大碟的豬扒飯，焗得很香，飯軟硬適中，豬扒入味又大塊，配特製的茄汁醬，十分美味！薯角：份量相當多，外脆內軟，點些茄汁很惹味，令人食不停口！心太軟十雪糕：切開心太軟，D朱古力即流出來，配埋雲呢拿雪糕更好味，而且甜度適中，正！

呢度個環境都幾靚裝修又OK好適合收咗工坐喺度嘆番杯咖啡真係幾爽架 我今日就叫左杯cappuccino 味道ok。略嫌苦左啲 不過唔緊要啦加返糖就OK 㗎啦 唔錯既選擇黎 大家可以試

和朋友約了看電影，看電影前決定去食餐好的，自己一直是cafe fans，最想發掘好味cafe，想不到又給我意外地找到一間孖啡！😊鮮茄焗豬扒飯（$106）蕃茄味香濃，豬扒肉質鮮嫩，飯粒有嚼勁，非常香口，熱乎乎的，好開胃！而且份量都幾多幾抵食！薯角（$38）薯角真的是份量超多，超大份！而且非常香脆，配上蕃茄醬一流！薄荷朱古力（$45）自己一直十分喜歡飲朱古力，難得這杯薄荷朱古力的甜度適中，而且都有很重的薄荷味，十分推介！整體上，店面環境十分舒緩，而且每台更返服務鈴，相當方便，店員都幾友善，感覺是gathering的好地方！

放工去左旺角交收，見晚飯時間就約左朋友一齊食埋飯先反去。朋友推介旺角有間出名又大碟既店舖，我就跟左佢上去了。餐廳設有不少遊戲手具比食客玩。可能是大家玩得太投入的關係，所以餐廳比較熱鬧。芝士焗吞拿魚天使麵：好開心依度有得order依款意粉，因為個人好少系外面搵到有得食，所以一睇menu就order左！上枱可見到上層帶有芝士焗出既香口味覺。吞魚拿份量適中 同芝士系絕配！天使麵為幼身 所以食落吾會難消化，硬度岩岩好！女皇：有忌廉在上層。主要成份系玫瑰，檸檬同乳酸。飲落有淡，淡既玫瑰花香味，由於其他刀系以酸為主題 所飲落特別開胃！端士雞翼：共有六度，外面咸咸地。雞翼帶點juicy，價錢公道！芝士蛋糕：大大舊，食落好香芝士味同creamy。可惜，不至於入口即溶。蟹子魚蛋：個人覺得好岩小朋友食 魚蛋好彈牙爽口。當中咬開仲有一粒粒蟹子 增加口感！

搵地方同朋友傾偈又要可以坐得耐又要唔貴，樓上cafe最適合不過，今次朋友帶左我黎高氏大樓嘅孖啡。門口已經擺放左聖誕樹Cafe內面亦準備好聖誕佈置Cafe full哂，好在朋友book左位，行我地前面有兩個人去到已經無位食物主要係食set餐，餐牌價錢已包一杯$38飲品，另加$28有甜品左：熱生薑蜜右：審判（青蘋果，菠蘿，薄荷，檸檬沙冰）呢度嘅飲品名好特別忌廉煙三文魚配天使麵，$108天使麵煮得淋使忌廉汁好入味黑松露野菌忌廉意大利飯，$114黑松露味香噴噴，雖然啖啖飯都係忌廉，但意大利飯帶點酸，好開胃黑松露醬薯條，$48薯條夠脆，一粒粒嘅黑松露醬好香口孖啡呢啲食物ok又坐得舒服，好適合同朋友黎又想坐耐啲Menu

登打士街呢頭一向係cafe 聚腳點，同朋友兩個求奇入左間，諗住Hea 下時間等睇戲，估唔到竟然有啲驚艷。門口走樸素路線，都尚算可以。餐牌同餐具都算簡潔，唔浮誇。「誠意拳拳」白汁煙三文魚天使麵，白汁夠濃、夠味。面頭既煙三文魚都算有誠意，捲成花形再上面。整體外觀都吸引。天使麵煮得恰到好處，食落雖然多汁，但唔會煮到爛爛的。「喧賓奪主」凍朱古力個貌相幾唔錯，一黑一白，配搭搶眼。面頭啲忌廉唔係好甜，但加埋朱古力飲落有啲膩。可能係因為朱古力太甜，甜到唔似飲緊朱古力。又可能係因為未食任何野就飲，所以覺得有點甜。「目不遐給」瑞士雞翼擺盤幾好，有燦爛鮮花既感覺。雞翼色水就滿有光澤，新鮮即造。但咬開果陣，雞肉依舊潔白。建議可先用刀開雞翼中間位置，等個汁滲入肉中間，相信會更好味。「相互輝映」心太軟係我成餐飯最驚喜既。蛋糕中間冇過熟，成功有流口效果，而且當中既朱古力熔岩仲有好多。雪糕係雲喱拿味，下層仲有忌廉墊底。個人認為加埋忌廉會令到心太軟更膩，呢層似乎可以唔加。但整體而言係好食既！

之前萬聖節嗰排同男朋友去旺角行街， 行到太攰嘅時候就想搵間裝修精緻又坐得舒服嘅樓上cafe, 咁岩見到呢間孖啡，就一於上去試下一上到去，啲職員就好熱心咁帶我哋去座位。樓上咖啡店嘅好處之一就係座位非常闊落，又有攬枕俾你，唔似出面啲餐廳咁，非常擠迫，所以我揀親餐廳都會揀啲坐得舒服啲嘅。由於臨近萬聖節，所以佢哋嘅裝修都非常貼切節日氣氛我同男朋友叫咗兩個set dinner，佢叫咗個忌廉煙三文魚配天使麵。意粉嘅賣相非常吸引，個煙三文魚卷到好似玫瑰咁，真係令人食慾大增。至於個份量亦都好足夠，唔會好似出面啲西餐咁少，非常推介比食量唔細嘅人啊！至於我就叫咗個日式黑椒牛柳粒飯，啲牛柳粒切到細細粒，一啖就可以食咗佢，非常之貼心。啲配菜亦都係好入味，有蔬菜食令到成個餐變得好健康呢度嘅午餐係包一杯＄38嘅飲品，所以我同男朋友都分別叫咗一杯乳酪飲，食完飯有得飲住野飲吹下水，真係人生嘅一大享受。為食嘅我哋，見到晚餐加＄28就可以有心太軟同雪糕食，梗係要試吓啦！個心太軟焗得啱啱好，一切開個Brownies嘅表皮，啲朱古力就流晒出嚟，真係好邪惡啊！總括來講，我哋都非常之推介呢間餐廳，＄200度就有嘢食嘢飲同埋甜品，

由於12月有姐妹要結婚..所以要約出黎傾傾當日流程..當日係openrice見到孖啡呢間cafe評價唔錯..所以就預約左..當日黎到孖啡..1入座就覺得座位好寬敞..好舒服..落單後就不停討論婚宴問題..但當飲品食物黎到既時候..不禁比香氣吸引住..所以我地停止左討論..食左先講..雞翼超好味..意粉都好味..食完後有小小膩..所以我較早時間點左既玫瑰花茶好helpful..完全絕配..醫肚後又繼續商討..大概係孖啡逗留左兩小時..下次都會推薦呢間cafe比其他朋友..

星期五晚放工 ，同事決定一齊去搵個地方 去享受我哋嘅friday night。 有同事建議去孖啡，有得食之餘仲可以一齊玩board game❤地點係旺角，非常方便。餐牌都係大路野食，我地見反正都咁多人就不如叫 party set 啦~~每位 $138／$168。⭐ 煙三文魚凱撒沙律⭐煙肉卡邦尼長通粉⭐墨西哥辣肉腸長通粉我地5個人，好大碟😱😱味道黎講就不過不失，cafe 來其實講算唔錯。之前同朋友去cafe，多數因為想搵個聚腳點 ，可以坐好耐既，但係通常啲嘢食就真係非常一般。 難得呢間食物質素算唔錯。⭐辣味薯角⭐黃金咖哩角⭐炸日式餃子⭐黑松露野菌忌廉意大利飯⭐炭燒雞肉串意大利飯的確係好香黑松露味，我地好快就清哂碟。呢個Party set有個好吸引嘅地方就係飲品任飲。 你知去cafe飲品通常都好貴，難得呢個set可以任飲。無論你玩幾耐都一直有飲品飲👍讚。心太軟係最驚喜既。我地自己轉左個甜品。佢的確係即製嘅，上碟嘅時候熱辣辣。一切開啲朱古力流哂出來，唔好太甜，剛剛好，再加埋雲呢拿雪糕。好味❤當然唔少得boardgame🙌🙌 呢度都有好多game，放曬喺大門口隔離嗰個架，仲可以問店員要說明書。