孖啡 (已結業)

最近鐘意去下cafe坐下傾下計，約左個fd出旺角行街，行左陣過左lunch最多人既時間，我地先搵食!我朋友介紹左間樓上cafe佢話唔錯既，咁唔洗諗唔洗上網搵啦!就食呢間!間cafe係旺角油麻地交界，潮流特區斜過對面果條馬路就係，都好易搵好方便!環境以深色為主，係梳化櫈，地方都闊落，幾舒服我地兩個人叫左兩個lunch set..一個小食仲有一份甜品，食到好飽好滿足，仲可以嘆住杯飲品慢慢傾計，hea下放假都係想咁樣輕鬆下咋嘛

一多人既聚會，大家都會選擇去cafe!貪佢可以坐得耐，又有野玩。要搵一間野食質素又唔差，又要多野玩，又要無咩煙臭味既cafe，選擇就不多了。今次經朋友介紹下，去左 孖啡 cafe☕地址方便易搵，就係旺角登打士街。環境唔錯，個張抬都係梳化。坐得好闊落已經好多人了！我地6個人，決定叫佢個 party set! 佢有分兩個價錢。而呢個我地覺得最抵食 😋又唔會好貴。野食既份量係按照人數。好大盤 😨黑松露野菌忌廉意大利飯。上面舖有芝士。襯佢仲熱，將佢撈埋。令到每一啖都有芝士 😃食落好重既黑松露味。唔錯！大大盤既薯角，日式餃子，咖喱角，最岩一路傾計一路食下 🤓薯角炸得好脆，仲有少少辣味。炸得幾好味！以為肉丸 普普通通。點知食落去，個肉丸既肉質幾嫩。個汁係酸酸甜甜，好開胃。好入味的瑞士雞翼 煙肉卡邦尼長通粉😋食物個份量真係好多，食到大家好飽。除此之外，仲可以任飲。蜜桃紅茶 甜甜的。都幾好飲🍷食飽大家就開始玩喇！😊都幾多game 提供！玩到大家好刺激又大叫。呢餐大家都食得好開心😎

出來工作已經一段時啦，有時真的想重溫讀書時代覺感！在星期五的晚上就相約姐妹們一同到樓上cafe~孖啡回憶一下相當年的時光啦！此cafe地點十分方便，就在油麻地地鐵站A1出口不用走5分鐘就到了！一行五人的姐妹飯聚，侍應推介了我們試一試他們的party set!👏🏼👏🏼我們選擇了每位$168那一個的套餐，而且還有特式飲品選擇呢！😀煙三文魚凱撒沙律～賣相精美但同樣有實際！沙律菜新鮮，還有不少芝士、蕃茄及麵包拼在一起是開胃的前菜！！煙三文魚卡邦尼長通粉～新鮮熱騰騰送上枱，醬汁份量適中唔會太乾身！小食拼盤～分別有辣味薯角、秘制日式餃子及黃金咖哩角！全部都是即叫即整，炸得十分香口！令人停唔到口！黑松露野菌忌廉意大利飯～黑松露香氣撲鼻，而且充滿香草的香味，口感十分rich!如果菌類多一點會更開心！香草瑞士雞亦～只看色澤就知道十分入味，小小甜的瑞士汁十分可口！是很好的party 小食！心太軟～party set 原本只跟cheese cake 作甜品，但我們因想食心太軟，試問侍應可轉給我們，他們很好的轉給我們！而且亦是即叫即做，朱古力味濃，配上雪糕更是完美！由於我們想重拾相當年的感覺，餐廳提供不小bo

同朋友一齊食晚餐，餐廳整體裝修有啲懷舊情調，門口位有大量紙牌卡game提供，非常適合一班朋友聚會。個人認為晚餐價錢以樓上舖嚟講銷為貴咗啲，差唔多80至100蚊一個意粉，跟杯梳打水都仲要加錢，雖然明白定價高係消費緊個環境同空間， 樓上舖嘅好處在於可以同朋友一齊，聚下舊無人騷擾飲下嘢玩下牌，但唔知係咪因為出咗名餐廳人流比較多，都有感受到服務員比嘅壓力，都唔敢坐太耐，感覺就係半個鐘到九個字快手食咗個Dinner，感覺都幾急速, 冇左一開始樓上cafe休閒地同朋友聚下舊嗰種舒服嘅感覺,咁睇嘅話個性價比就低咗啲。但食物嘅水準整體都唔錯，意粉醬汁奶香重入口順滑，但天使麵煮得太耐有啲太軟身，飲品太甜咗啲，整體水準有70分。

就算係一大班人或者三五成群，都好啱黎食Party Set,$138/head，抵食，好食，又大份，實夠食小食種類都算多，野食又大碟，飲品雖然款式不多，但無限refill。

友人選擇去旺角食飯推薦樓上cafe , 貪佢可以坐得舒服，慢慢傾Cafe 提供既遊戲都唔少，啱唒一大班人玩忌廉煙三文魚配天使麵好creamy , 忌廉味好香滑天使麵份量好夠三文魚仲砌得好精美配上磨菇，洋蔥粒，好有口感日式黑椒牛柳粒上菜速度超快。剛剛炒起熱辣辣黑椒味唔算好重啱唒唔太食得辣既人牛柳粒好好食，好滑又淋好有牛肉味完全無渣又無筋其中一杯餐飲藍苺果茶可以增強抵抗力，養顏美容平時少飲藍莓茶，原來味道幾特別似食緊粒熱既blueberry 一壼份量都唔少最後，叫左瑞士雞翼味道剛剛好，雞翼好滑食完好滿足餐廳佈置得幾靚每張枱都有服務鈴，貼心的服務

我今日約咗個好耐冇見嘅老朋友出嚟敘敘舊 我哋想搵個坐得舒服 又可以畀我哋慢慢傾計嘅好地方 cafe係最好嘅選擇孖啡 除咗可以畀我哋walk in外 仲可以包場訂房 包場派對設有卡拉ok 掟標等設施 絕對適合大夥兒聚會的好地方 高氏大廈4樓全層 分咗幾間唔同嘅主題房間 店主希望把歡樂氣氛漫延開去 在這裏非常休閒舒適 忙裏偷閒的好地方餐廳 有 午餐 下午茶 晚餐 及 宵夜提供黑松露野菌忌廉意大利飯好香嘅黑松露味 意大利飯煮得剛剛好 唔會過林 有咬口得嚟又帶點煙靭 飯嘅材料其實好簡單 有黑松露 蘑菇 芝士 但味道卻不簡單 非常好吃 芝士仲可以做出拉斯嘅效果 好邪惡點選晚市套餐可加$28 叫一份心太軟甜品說真的 我平時好怕太甜嘅嘢食 但呢個心太軟 唔會太甜太漏 我竟然可以成個食曬套餐還包括一杯$38的特飲 若果多了可補回差價士多啤梨朱古力 賣相精緻又美麗 朱古力和士多啤梨的味道非常夾 上面嘅cream又滿又滑謝謝孖啡帶給我和老朋友一段美好的時光

而家啲樓上Cafe開到成行成市，但要搵間質素好既真係可遇不可求，不過食完呢間孖啡cafe，我覺得我終於遇到喇！呢間位處旺區，但旺中帶靜，唔會好似登打士街嗰啲樓上cafe咁雜同嘈吵。而且店裡環境幾好，有唔少精緻佈置，周圍仲掛有電視，啲座位差不多九成九都係卡位梳化，又唔迫，坐得好舒服，會好有自己空間既感覺！店員啲服務態度好好，加上間店係長形設計，啲店員會企哂喺盡頭一眼關七咁隨時候命，所以當我地一招手，佢地就會九秒九走埋黎，好有效率，唔似得出面啲cafe咁永遠冇人理你。食物方面都好有驚喜，因為平時食開啲cafe食物質素好麻麻，有啲更hea到食唔落口，但呢間啲食物係超乎意料咁好，可以話係好有質素同誠意添！尤其呢個煙三文魚忌廉天使麵好正，出面啲cafe多數得一兩塊煙三文魚，但呢間絕對唔孤寒，三文魚多到整埋朵靚花畀你。唔單止賣相好靚，佢個麵同魚都好好味，個忌廉汁仲好creamy又夠多，最怕出面啲cafe個麵唔夠汁搞到乾爭爭又冇味！意式肉丸天使麵都好正！茄汁好入味同肉丸好夾，個丸又類似漢堡扒咁既肉質好彈牙！而且有好多粒！黑椒牛柳粒飯都唔錯，估唔到啲牛柳粒有咁多，而且肉質幾嫩，唔會覺得鞋或老。套餐包埋

閨蜜就嚟結婚 她邀請我做姊妹 做姊妹之前有好多準備功夫 今晚約咗一班人出嚟傾當日流程 新娘子搵咗呢間位於旺角嘅樓上cafe 高氏大廈4樓《孖啡》餐廳裝修別緻 牆上佈滿剪紙圖畫 感覺非常時尚又夢幻 昏暗嘅燈光增添一份神秘感梳化座位 坐得舒適 適合大夥兒聚會談天傾人生大計 防止口乾 叫番杯特飲先餐廳飲品種類非常多 例如塔蘿特飲 咖啡系列 乳酪系列 奶昔系列 健康特飲 花茶系列等等塔羅特飲幾有趣 我點選了名叫"女皇"的$48 玫瑰檸檬乳酪沙冰 非常冰凍 好清香既玫瑰味 加埋檸檬同乳酪嘅酸味 既解渴又清新小食類 瑞士雞翼$42瑞士雞翼好香的瑞士汁味道 雞翼表面令令的 雞皮充滿光澤 同時亦食得出冰糖嘅甜味 雞肉嫩滑唔鞋口 相當入味另外點咗個甜品 心太軟加雪糕$40新鮮焗出嚟嘅心太軟熱辣辣 一切開好似火山爆發咁 啲朱古力漿流曬出嚟 配合旁邊凍冰冰嘅雪糕一齊食 有種冰火交融的感覺旁邊有個陳列架 放滿各種遊戲 啱曬一班朋友 聚在一起 尋找他們的歡樂時光在這裏 邊吃邊喝 閒談加玩樂 確實係一個消磨時間嘅好地方 最緊要坐得舒服 嘢食又好味

朋友介紹這間cafe很不錯，上網看看果然有不少好評，便決定要來試試看！這兒地點好方便就腳也易找，一進店內便有幾位店員立即招待我們，十分親切有禮！店內地方不小，環境不錯，裝潢頗有心思，剛巧是萬聖節主題，好有氣氛。座位全都是沙發，而且非常寬敞，坐得非常舒服，挺適合一大班朋友來相聚！沒想到食物質素如此高水準，最喜歡這碟黑松露野菌忌廉意大利飯，口感極好，飯粒軟硬度剛剛好，醬汁十分入味，黑松露味道濃厚，這個飯絕對不輸那些高級西餐廳的！忌廉煙三文魚天使麵亦值得推介！喜歡它的忌廉汁好足且香滑，煙三文魚也頗多的，還砌成花狀，感受到食物製作得用心！重點是價錢好合理，套餐包飲品只是一百多，我覺得是物超所值的！熱咸柑橘蜜好滋潤，好適合天氣凍時暖暖胃。凍榛子朱古力賣相已經好吸引，味道亦好好，朱古力味夠濃，也能突出棒子味，不會太甜。順帶一提，店員告訴我們座位旁的牆上設有按鈴讓我們隨時召喚他們，好貼心的服務呢！不過我們全晚都沒有按動過，因店員本身服務已夠殷勤，經常出現在我們身邊，甚至會主動走來加水、收拾等，讚！特式拼盤有六款食物，賣相看似平平無奇，但想不到吃起來好美味，吃完會覺得不夠喉。特別喜歡雞翼，一點都不乾，

星期六特登嚟到呢間樓上cafe同朋友仔hea hea😉 7半到好彩仲有位，過左陣就已經爆左嚕🤦🏻‍♀️ 我地先揀左個鮮茄焗豬扒飯($106),上面舖左好多芝士，茄醬落得幾夠，飯就冇炒底🙁不過overall個味道幾好，偏酸所以幾開胃，豬扒整得幾好，夠淋夠軟身，易咬冇筋👍🏻👍🏻 另外仲嗌左黑椒牛柳粒飯($108)🐄🐄 牛柳粒幾多都，好淋好好食！小食點左黑松露薯條($48)🐳 薯條係偏粗個種，但有d又係幼身嘅🤦🏻‍♀️ 黑松露醬落得好多，芝士粉又係落得好多！好有誠意🙆🏻‍♂️🙆🏻‍♂️

拜訪完朋友的BB後，我們一家到旺角食晚飯。假日的旺角，非常多人，很多食肆都坐滿食客。而老婆亦需要地方餵小孩吃粥，要找一個安靜兼寬敞地方很談何不容易，於是到高氏大廈的cafe 碰下運氣。為於高氏大廈4樓的孖啡，環境清幽舒適。晚餐只是80 至110元，包主菜及飲品，一點也不貴。鮮茄焗豬扒飯茄汁味突出，豬扒很鬆化，酸酸地很開胃。意式肉丸配天使麵天使麵軟硬適中，肉丸很大粒，很有咬口。心太軟配雲尼拿雪糕雪糕香滑，心太軟有流心效果。芝士蛋糕芝士味濃，淡淡芝士很滋味。樁子朱古力朱古力上鋪滿忌廉，兩者味道很夾。檸檬綠茶底層還有少許果肉，口感清新之餘飲得健康。大人吃飽後，餵飽完小孩後，大人細路很滿足結帳離開。

約左個好耐冇見既朋友，想揾間cafe慢慢坐下傾下計，就試下呢間餐廳了。餐廳環境好昏暗，裝修都唔係靚，比起其他cafe少左個氣氛同感覺，有啲失望呀😭呢間餐廳真係偏貴，貴到覺得唔抵食，dinner 食一個pasta都要90-1xx左右，叫埋野飲就差唔多200，讀緊書既應該都難負擔。叫左一個吞拿魚白汁天使麵同意式肉丸天使麵，味道都唔錯，個白汁都唔會話太漏，但係就冇咩特別覺得好好食。不過值得一讚既係個意式肉丸都幾好食，好juicy😋另外就係呢杯薄荷朱古力，真係好好飲！朱古力味多濃，薄荷味都夠突岀，值得推介👍🏻

想搵間坐耐少少既cafe 食個 lunch上到去唔多人 地方都夠大 還算不錯但係隔離枱有一枱十個人既青年人嘈到呢....... 全餐飯 都聲到佢地大叫真係好騷擾我以為自己去左 party room 搞到我地最後用左三十分鐘食完走人野食響cafe 黎講算合格既 叫左兩個 set lunch 味道都唔錯咁快走既原因 除左嘈到不得了 仲因爲杯野飲 真係 好 __ 難飲cafe 杯咖啡出事 係我唔會再去既原因真係接受唔到加十幾廿蚊 俾杯咁既野我 最後飲左一啖 埋單去第二間 似cafe 既地方飲多杯咖啡希望佢睇到之後會有改善啦

可以選擇多人嘅組合晚餐例如六人晚餐嘢食味一般不過好多一定夠食 嘢飲都爆左有一jar嘢飲可以無限refill 不過board game舊舊地 但係都過意得去食得飽玩得開心坐得舒服 價錢唔算太貴所以都OK但係入面就唔係太靚 普通啦⋯⋯唔係食環境囉會再去 如果有老朋友gathering