孖啡 (已結業)

旺角嘅cafe有時轉得好快，可能去過一次覺得好食、感覺良好嘅，想再去第二次嘅時候，去到可能已經唔喺度。兩年前，嚟過「孖啡」，覺得唔錯，所以今日想去cafe就諗起「孖啡」，即刻上網search吓係咪仍然存在，感恩，還在！Menu好似完全冇變！黑松露野菌忌廉意大利飯朋友話一見到menu之後，即刻話點黑松露飯！本身都覺得應該冇咩特別，點知試第一啖翻唔到轉頭，重黑松露味，而且加上有d芝士令到味道更豐富，好食到本身都冇預計過就算飽飽地都會想繼續食落去叫咗杯花茶淡淡哋 幾好飲小食拼盤每樣都有啲，一邊傾吓計，食吓食吓又肚餓lu魚棒棒煎炸過嘅蟹籽丸忌廉煙三文魚天使麵呢個都幾好食，三文魚份量夠曬多，而且多汁不過一定唔夠黑松露飯咁好食，因為呢個較creamy，食到一半覺得膩喔今次已經係第二次嚟孖啡，感覺都相當唔錯遲啲再有機會一定會嚟食吓

同朋友行街行到攰就上左黎坐低食啲野我要左個心太軟set心太軟伴上一球雪糕流心程度不錯，但朱古力味唔算好濃郁，略為甜左dd.... 而跟餐要左杯蜜桃紅茶就正正常常咁啦------------------------------食物質素：🤤🤤🤤(5🤤最優)價格水平：💰💰(5💰最貴)環境裝修：✨✨✨(5✨最好)服務態度：🌟🌟🌟(5🌟最佳)整體評分：❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

是日約左朋友仔去旺角shopping！行到攰攰地！決定搵個地方休息下.傾下計咁！就呢間啦~~我就叫了忌廉煙三文魚配天使麵 ($104), 由於是餐就包一杯38蚊飲品~(當然可以叫其他飲品但過了不38蚊就要補差額了)而我呢個沙冰迷就叫了一杯以塔羅命名既塔羅特飲, 叫做塔(其實是士多啤梨鮮打沙冰), 它還有很多不同種類既飲品,,幾特別~天使麵來了~將綑成玫瑰狀既煙三魚放在最上成功吸晴.(大約都有4塊煙三文魚啊) 最估唔到它的醬汁是如此多~很怕吃到一半醬汁已沒有~而麵已經乾的情況~但它是吃到最尾時醬汁還有~而天使麵既質地也是我喜歡的煙韌程度~塔 ($48) 但由於是跟餐點~所以只補10蚊就可以~ 其實都幾大杯~沒有想過它的士多啤梨味會咁濃~奶味較重~很喜歡啊~朋友就點了黑椒燒牛肉牛角酥($50). 牛角包夠熱和鬆脆.裡面夾了salad菜同燒牛肉再加埋salad 醬~好好味~還叫了兩款少食~芝士焗薯條 ($46) 和瑞士雞翼 ($42)薯條份量都多~熱辣辣再配上溶左既芝士..好味~再加上個人喜歡較粗既薯條..呢個好岩口味~估唔到會有6隻雞翼wor~ 外層甜甜~內裡夠嫩~

餐廳1點開...我12點50分就到左🙈🙈好彩比入...我就成為第一個入坐既客人🙈🙈餐廳都幾大，總共有3間房，可以做party room.而我坐左係較細既房到，都幾大同如果book場私隱都幾高👍🏻👍🏻👍🏻飲品種類都幾多，飯、麵、沙律，小食都有黑松露野菌意大利飯，個汁好creamy，野菌又多👍🏻👍🏻忌廉煙三文魚配天使麵，真心覺得依個醬調得好好食我自己都有煮開意粉...覺得佢整得咁creamy而唔漏係幾勁，真心欣賞👍🏻👍🏻小食拼盤，每一款都真心有質素！每樣簡單既野食都整得好用心，真心respect!Oreo奶昔，真係好似飲咁奶咁滑！教皇（玫瑰生薑蜜）岩曬冬天驅寒👍🏻👍🏻👍🏻埋單270，真心幾抵，又好坐....d野樣樣都好食！另外，餐廳好細心咁安排左每張枱都有個按鈴叫waiter幫忙👍🏻👍🏻同埋職員都好nice!!!🙌🏻🙌🏻

Bookmark左孖啡好耐，今晚終於黎到喇！Dinner有8個set揀，價錢由$8x-$1xx不等，同區唔算特平。我地揀左G同H👇🏻為食既我地叫完set仲係咁睇個a la carte menu😂 飲品有超多選擇，仲有個塔羅系列既飲品，幾過癮🙆🏻‍♀️晚餐包杯$38野飲，但難得黎到我地就補差價叫左兩杯特飲，仲叫多左客瑞士雞翼添😂Oreo奶昔味道算濃，唔會得個甜字。花茶以一大個茶壺咁上，有蠟燭一路燒住，食完成餐啲茶仲係好熱既👍🏻👍🏻雞翼上得快過主菜 $42有6隻都算ok 味道幾好!以下係兩個主菜：1.日式黑椒牛柳飯味道ok 不過賣相好似有啲頹hahaha 食好過睇😂2.黑松露野菌忌廉意大利飯忌廉味較得唔錯 黑松露亦幾香 整體幾高質👌🏻👌🏻食完飯又點少得甜品呢？Dinner set加$28就有心太軟配雪糕 或 芝士蛋糕。我地兩樣各叫一個👇🏻留意番：個心太軟係超級流心啊😍😍😍睇到都覺得好幸福☺️ 黎到記住要試啊！！

嗎啡是毒品，同樣也是一種手術室常用的止痛劑。旺角出名多樓上cafe，其中有一間就取嗎啡偕音－孖啡，官方解釋是兩個愛咖啡的人開設的咖啡店，但我覺得兩種啡同樣可以刺激中樞神經系統，前者可以讓人減低痛楚感覺，後者可以減輕肌肉疲勞，同樣都是可以令人稍稍逃離實際的苦況，這不正是一間樓上cafe帶給食客的體驗嗎？＊＊＊＊＊＊＊＊＊＊＊＊＊孖啡佔了大廈整層樓面，以樓上cafe來說地方算非常寬敞，可以容納近百食客。店內以黑白作主色，兩棧水晶吊燈，加上梳化座，感覺像西餐廳多過樓上cafe。作為一間樓上cafe，孖啡點都要有返幾款board game，但見某幾款大熱遊戲都有。Set dinner有八款選擇，價錢由$84至$110，包一杯$38或以下飲品，可補差價轉其他特飲，也可加錢要甜品，價位合理。樓上cafe最緊要飲品選擇夠多，孖啡的Drink List就有多款特飲、咖啡、朱古力、奶昔、乳酪、花茶等選擇。藍莓果冰茶($44)藍莓冰茶跟餐補差價$6就可以，飲落茶味和甜味適中，帶點藍莓酸甜味，味道都可以。薄荷朱古力咖啡($46)薄荷朱古力咖啡跟餐補$8，咖啡味較重，個人平常不特別愛咖啡就覺得有點偏苦。芝士焗

小妹，喜歡假日蒲Cafe。不過，旺角一帶的Cafe，大多數是由後輩帶著去蒲的﹗這夜，與小雞去旺角逛街。最後，跟著她，兩個人，去了「孖啡」吃晚飯。 樓上咖啡室，放有一些群體遊戲，客人可隨意拿去，與友人邊玩樂聯誼一番，邊品嚐美食。 餐牌選擇不算多，很快，我們已經有了決定﹗ 凱撒沙律$84，除了鮮爽的沙律菜，當然少不了芝士粉、香脆煙肉碎和麵包粒，以及甜美多汁的車厘茄。簡簡單單，清新健盈之選也﹗ 黑松露意大利飯$110，賣相，真的很一般。幸而，意大利飯入口香濃味美，且不膩不滯，混入富咬口嚼勁的菇粒，以及香草碎和芝士片，食味不賴﹗ 跟餐的塔(+$10)，據說是士多啤梨鮮打沙冰。 小雞的榛子朱古力(+7)，遠比小妹杯飲品，好飲得多﹗ 再來一客特式拼盤$78，有炸雞翼、炸薯角、炸春卷、炸咖哩角、炸魚手指和炸蟹籽魚蛋六款炸物。稍嫌，炸得有點兒油膩。最好吃的，是炸蟹籽魚蛋也﹗ 小雞，因著年輕，可以任性地吃個不停，跟餐再點來飯後甜品 - 心太軟配雪糕(+$28)。 輕輕一切，心太軟內的流心朱古力一湧而出，視覺效果一流。朱古力的苦與微熱，配上雲呢嗱雪糕的甜與冷，的確是天生一對也，難怪小雞獨個兒，吃得津津有味

今個星期日晚係同女朋友見面既日子，今日見面時間唔多，唯有都係去下旺角行下街食個飯。不過旺角商場同街頭既食肆都係人來人往又逼又細，其實同女朋友都唔太鐘意，所以成日都會搵d樓上cafe、餐廳舒服咁食，過下休閒既晚上。而今日上網搵下餐廳，見到孖啡呢間既感覺都唔錯，所以就決定晚餐係度食。入到黎位於4樓既孖啡，地方好大，成個4樓都係佢既地方，分開成2,3個area, 相信容納差唔多過百人既party 都綽綽有餘。而內裹燈光柔和舒服，設計簡約，當黑白金黃3色為主。另外座位安排本人覺得幾舒適，唔會有壓迫感，位與位之間有一定隔離，同埋有電視睇下都幾好。之後係諗左一輪後，我地叫左两個晚餐，加一些小食，而價錢亦相當合宜，所以就唔覺意叫多左。G餐:日式黑椒牛柳粒飯晚餐係一日最主要既一餐，佢既份量多，而且擺碟幾靚，加上d香草碎於飯上，比起淨望白飯舒服好多，其次牛柳一d都唔吝嗇，簡單一望都有十多塊，而加上三色椒的襯托，望落已經好想食。而食落都唔錯，汁不濃不淡，牛柳入口軟淋，黑椒味有而不太辣，唯一有點瑕疵係牛柳有部分根較多。D餐 : 意式肉丸配天使面一食落去熱氣逼人，就知係馬上烹調出來！肉丸食極都有，天使面煮得岩

見客見到超攰，都唔想再返屋企煮嘢食，大少就話不如出旺角食啲嘢，hea下啦！我就話，好喎！不如搵間cafe食下嘢吖，好耐無食過喇隨即大少就話不如食孖啡啦，早派都同朋友食過，都幾好呀！我哋就即刻上去喇！一坐低睇下個MENU，主要都係飲品類，另外有D小食同套餐。我同大少就揀咗鮮茄焗豬扒飯同芝士焗吞拿魚天使麵。而飲品呢，我地就叫咗柚子蜜同埋MOCHA～成日叫親柚子蜜都好難覺得好飲，一係就甜到飛起，一係就唔夠味⋯⋯ 今次都OK!大少就話杯MOCHA都有D驚喜喎，有朱古力香之餘都唔會蓋過哂啲咖啡味咁 。叫緊好肚餓之際，啲嘢食到喇 ！！！ 焗豬扒飯最怕唔夠汁，今次真係食得好開心，食到最後一啖都有汁撈（唔怪得之愈食愈大隻⋯⋯）啲豬扒唔會係硬過條頸，又唔會薄到張紙咁，呢個價錢真係好OK！以前成日去Cafe打躉，呢個焗吞拿魚天使麵係點必 ！！！！加埋啲芝士喺面焗，簡直係正到爆，用叉挑起嘅每一啖都有芝士拉絲，Ummm再加埋啲吞拿魚一啲都唔孤寒，唔使慳住嚟配天使麵食 ！再點咗兩個小食，一個係芝士焗薯條，去Cafe點可以唔叫小食吖 ！唯一爭少少就係，可能因為加咗芝士後再加熱，令到啲薯條有少少唔夠脆啊～另一個小食

今日約左朋友食下午茶。選擇了這間 cafe: 位置都幾方便，就喺近潮流特區彌敦道斜對面。四樓咖啡餐廳，燈色較暗，幾浪漫哦。餐廳成長方形，座位寬闊，卻令通道較為淺窄，有得必有失，不過若然係玩board game嘅當然坐得安樂。按一按鐘，侍應就來到為你服務，不過個鐘幾得意有趣我地叫左下午茶餐1)卡邦尼長通粉 我認為食長通粉係意粉基本，但唔係間間餐廳都做得好，呢間算唔錯。醬汁都幾香幾濃！如果碟可以更配合更靚，咁就色香味都更好啦！2)黑松露意大利飯一來到，黑松露香味就已經入哂個鼻，加上意大利飯又造得幾好，口感一流，軟硬剛剛好，意大利飯是要這樣的。份量剛剛好，而味道香濃有口感哦，。各人餐加18蚊轉飲花茶3)薰衣草及玫瑰花輕鬆的下午茶時間最好係點這個，放鬆一下，慢慢傾慢慢談，慢活一下，可以忘記一下忙碌生活，跟好友相聚。

星期六都要返工嘅人有幾咁 sad?真係試過先至知道！公司真係開倒車，成日要我地免費星期六加班兩個星期六要返公司嘅人，做完嘢之後都要一齊食下飯，繼續訴苦講是非，最近就係出旺角。年青人去嘅地方，唔個名都特別啲，孖啡原來係由兩位愛coffee 之人開設的咖啡店。餐廳位處於旺角油麻地中間，人流旺區，而且一出lift 就見到, 地方都真係好大下，裝潢夠潮，幾喜歡大的場地設計，富空間感，如果多人就可以坐沙發，座位寬敞，玻璃窗貼有獨特的剪影。店內仲有多個玩樂遊戲，年輕同事揀選了心水的 Cardgames 和 Boardgames，因為我哋係食午餐嘅緣故，可以坐兩三個鐘，玩到夠先走，來個happy weekend time。樓上嘅Cafe有樣嘢好，就係 hea 坐唔會趕你走玩咗一輪肚餓要食嘢啦！Lunch set 好抵食忌廉煙三文魚天使麵 $68味道係好食嘅，煙三文魚卷成玫瑰花，係有心思嘅！忌廉汁夠晒 creamy日式黑椒牛柳粒飯 $68, 有啲人一定要食飯，絕對推薦呢個牛柳粒飯，好驚喜係好似食得出有啲鑊氣今日用腦過度，所以好肚餓，要order多一個特色拼盤$ 78。炸手指魚同埋蒜香雞翼，熱辣辣，香

近年市場上出好多不同類型的樓上咖啡，今天來到一間以主打年輕一代的樓上鋪，這裡的裝修，沒有商業味道，就好似係學生時代去溫習的地方的人，可以同埋啲朋友仔溫書之後食埋飯添。感覺好溫馨，在場所見大部分都是年青新生代，連自己都感覺年輕了。食物選擇唔係十分多，只有八個晚市套餐和小食提供，但係佢嘅飲品，做得非常之出色。我們點了焗豬扒飯$102，煙三文魚天使麵$104，套餐包一杯$38的飲品，超過補差額。飲品以現時流行塔羅牌命名，佢哋將每一隻塔羅牌，都造成一個特別嘅飲品，以沙冰、果汁、乳酪，溝出唔同嘅味道，十分有趣。我選擇了女皇$48，係玫瑰、檸檬、乳酪沙冰，超乎我想像咁好味，我十分喜歡😘。推薦你們一定要是試一杯啊，我就叫了兩杯，當甜品咁食😍芒果乳酪$46，芒果味道偏淡，乳酪味道一般。焗豬扒飯，新鮮蕃茄味濃郁，豬排厚切，肉汁豐富，味道一流。煙三文魚天使麵，三文魚煙燻味濃，天使麵偏軟，反而個醬汁好creamy 。蒜香雞翼$42，有六隻，隻隻都炸到金黃色，外皮香脆，肉質鮮嫩。芝士蛋糕$28跟餐，唔算好甜，蛋糕比較硬身，只是芝士味道淡了些，如果濃郁点會好些。食物質素可以，飲品種類多，配合一群朋友聚會。

同同事喺附近整手機，因為要維修，所以都要等一段時間先拎得番，咁我地搵左間坐得耐少少同舒服d嘅樓上cafe食野，揀左高氏4樓呢間孖啡。呢度一出lift全層都係cafe，有幾個單位，環境都幾大，人多相信可以包場。晏晝兩點鐘到，人客唔算好多，四、五枱，地方都幾闊落，加上大玻璃，都幾光猛午餐、下午茶同大量飲品，花多眼亂，我地都幾大食，點左兩份午餐同兩份小食share。午餐價錢唔貴，60蚊起，提供主食、飲品。煙三文魚忌廉天使麵天使麵份量都啊少，天使麵中仲有磨菇，咁個汁都幾香滑，忌廉味幾出，又唔會太杰達達，油膩感冇咁重。煙三文魚都係正常水平。鮮茄焗豬扒飯正常鐵兜裝，即時焗起都係熱嘅，面頭有茄汁、芝士，芝士拉絲架，飯量正常，唔會太小。豬扒厚厚地，切開四、五件咁。茄汁好似d老式冰室做法，主要係茄汁做，帶d酸味，當然都有撈到茄粒放入去，茄味唔算好濃。同而家好多餐廳打茄膏嘅做法唔同，好似番番細個食冰室嘅效果豬扒都有醃過，幾好食！如果飯可以炒埋底更好。特式拼盤裡面有好多野嘅，炸魚手指、雞翼、咖喱角、春卷同埋有啲蟹籽丸、薯角等，份量很足，夠三個人食！每樣野有三件，炸物基本上都係即炸，蒜香雞翼推介，醃得幾入味，

今晚油麻地附近上完堂，近近地同朋友黎到孖啡食野。上到去好多座位，環境寬敞，好岩一班朋友約埋食飯傾計。食物選擇唔多，飲品選擇卻很多，見到好多以塔羅牌命名既塔羅特飲，幾有特色。🍴煙三文魚天使麵 $104煙三文魚玫瑰花形狀，食落咸香。天使麵夠幼身，掛上濃濃白汁味道，比想像中好食。🍴特式拼盤 $78（雞翼/薯角/春卷/咖喱角/魚手指/蟹子魚蛋）共六款小食，包羅萬有，岩哂同朋友一齊分享，全部剛炸起，新鮮熱辣。蟹子魚蛋、雞翼、薯角、魚手指相對好食一點，春卷咖喱角相對好一般。🍹女祭師 $48呢杯朋友點既，佢話幾好飲。🍹奇異果乳酪 $44奇異果味淡，飲落奶味重，順滑唔會太甜。🍨心太軟+雪糕 +$28心太軟流心效果一流，味道有少少拖肥味。🧀芝士蛋糕 +$28口感結實，芝士味淡，芝士迷可能會失望。

今天和老婆仔在油麻地區在一間烘焙店購買東西後突然下起雨所以馬上在網上搜尋附近餐廳決定到這間cafe晚餐順便坐下來討論婚禮事宜這餐廳佔地相當大是一間可以一大班朋友聚會的cafe我們坐在角落的兩人位開始點食物老婆仔選了90元的芝士焗吞拿魚天使麵而我就選剛98元的意式肉丸配天使麵再加28元要了個芝士蛋糕飲品方面選了56元的Oreo奶昔以及48元的熱蜂蜜牛奶先來的是芝士焗吞拿魚天使麵芝士看上去很多很濃也有不少吞拿魚所以吃起來也很豐富天使麵製作得也很不錯軟硬度適中整體來說算是不錯而意式肉丸配天使麵配料不多大都是調味食材如紅椒等不過味道豐富得單吃天使麵也很美味而肉丸也很有肉味所以也很不錯熱蜂蜜牛奶的奶味和蜜糖味都很突出但沒有互相遮掩味道蜜糖的甜和香濃奶味兩者都很夾老婆仔很喜歡Oreo奶昔是相對較貴的飲品不過是對得起這價錢的因為Oreo份量相當多整杯飲品甜度適中本來還擔心會加入了太多糖但這杯跟起來還可以而且賣相也很不錯不過相對來說這芝士蛋糕就有點淡味沒有預期的濃芝士味不過口感很軟滑充滿日式感覺但整餐飯整體感覺不錯又發現到一個不錯的聚會地方