媽咪雞蛋仔 (已搬遷) 新店位置

去火車站時見有一間新的雞蛋仔店開左, 鋪面甚細, 但裝修都算精緻, 大概有4-5個整餅機係open kitchen內, 一目了然睇下個價錢牌, 只係得6樣野食, 原味雞蛋仔($10), 朱古力雞蛋仔($12), 黑白芝麻雞蛋仔($12),格仔餅($10), 串凍檸檬茶($10), 串凍青檸汁($10), 其實食品如果整得出色, 都唔駛有咁多選擇, 澳洲牛奶公司就係一個好例子全部雞蛋仔即叫即整, 我穩陣d都係試下最基本的原味雞蛋仔, 見主理人少少雞手鴨腳, 仲未係熟手技工, 等左6,7分鐘, 雞蛋仔整好後立即放在吹風機吹一吹, 令其降溫和變脆, 一拿上手, 份量十足, 而且發覺重量比平時買來食的重, 但我唔肯定係之前食友所講落多左蛋定係落多麵粉, 但肯定係材料落得重手左, 雞蛋同奶牛油味都尚算平均, 唔會太甜另試了佢地的自製串凍檸檬茶, 唔同平時茶餐廳有幾片檸檬果d, 係已經沖好一壺係雪櫃再加冰, 雖帶檸檬酸味但因為有落蜜糖而太過甜, 而且欠缺茶味, 有好多檸檬肉就係鮮榨的證據, 而串凍青檸汁其實好似普通的泰國餐廳的青檸汁(lime juice)般, 但就唔夠酸, 兩者均可改善一下會更佳